泰濃麵 (樂道)

營業中

休息中

同朋友去到尖沙咀諗住食泰國粉麵，就去試下泰濃味。先講環境都坐得舒服👍職員嘅態度都好好，好有善。見到個芫茜山好似好勁咁，同埋未試過Mix 冬陰功湯底所以就試吓.滿滿的芫茜，但好老，好似食草咁芫茜浸左好耐都唔淋身，但個冬陰功湯個味係OK嘅，內有少量海鮮（蝦🦐、青口）我朋友試豚肉清湯金邊粉就ok既。我諗下次試其他會好d...芝士雲吞有驚喜，皮好脆，內的水牛芝士咸味十足，配上甜辣醬，酸酸甜甜下次會再試呢個食泰國粉梗係配返個青檸梳打舒服下

本來想食海南雞船粉，點知賣晒🤦🏼‍♀️唯有叫安格斯牛肉船湯要蛋麵：哩間個湯底好好味，安格斯牛肉冇得輸，魚蛋好爽，豬皮香口，索埋湯一齊食好正！不過蘿蔔唔甜而且唔入味，哩度扣左少少分。香茅斑斕梳打：佢攞左三分一杯”香茅斑斕汁”另外再俾枝泰國梳打汽水，我先試一試個”汁”，好香香茅同斑斕味，但加左梳打汽水落去就完全飲唔到味！所以又扣左少少分。泰式拼盤：雞翼炸得香口；炸芝士雲吞，有驚喜，加埋泰式辣醬食，一流；炸蝦餅，超彈牙，推介！

到處走走 在路上見到辣的湯麵店原來是泰式的 就試試吧冬陰功湯底 微辣的吧 配上雞脾肉 $68嗯 今天居然沒有選擇困難症真好 食物很快就到先飲啖熱辣辣的冬陰功湯甜甜的 帶有醇厚的椰香味 淡淡的辣 清清的湯具彈性的黃麵放有秋葵 青口 蝦蝦 在下忘了冬陰功本來就有海鮮..全放在碗裏有一種豐盛的感覺但雞髀肉是否小了點😅再加客炸豬皮$18對在下而言有點太硬所以在下把它們都倒進湯裡泡一泡 軟軟了不會流失的豬味加上冬陰功香味變好吃了🤣最後再加粒鮮椰青止止渴 $48希望每一餐都能跟你一起吃在下不要自己一個😶

第一次去泰國愛上左行頭一袋袋既船麵，晚晚都要買一碗做宵夜，所以成日都係香港尋找泰國既風味。《頂級安格斯牛肉船麵》首先講講佢個湯底，佢除左充滿牛肉香，濃郁惹味不見底，仲有船粉獨特既香料同豬血，相當正宗。至於安格斯牛非常薄片，上台時半生半熟，油脂足夠；魚蛋彈牙，蘿蔔十分入味，而且豬皮炸得好脆口，可以一解思鄉情。推介！《牛肉冬陰公金邊粉》佢個冬陰公偏甜，我個人就比較鍾意偏酸同辣，所以冬陰公我就不推介了。《炸蝦餅》炸蝦餅又係我食泰國菜必叫既，依個蝦餅炸得唔夠脆口，其實睇顏色都知，亦唔夠彈牙起膠，$38/3件都不推介了。

襯天氣難得仲涼涼哋，約咗個鐘意東南亞食物嘅朋友食飯，揀咗喺isquare隔離嘅呢間泰式湯麵店😝我揀嘅卜卜蜆冬蔭公黃麵，夾咗一小碗出嚟先就得影相😝 湯底係甜甜哋辣辣哋咁，非常惹味，我哋食完個麵之後都忍唔住係咁飲湯😋😋 蜆係大隻蜆，蜆肉唔會太削，食落都有海鮮嘅咸味，除咗蜆，入面仲有蝦同青口，兩樣都正常水準。呢個麵非常值得一試👍🏻朋友揀嘅豚肉船湯黃麵，船湯有少少藥材味，我唔太好藥材味但覺得接受到；豬肉厚身但稍為老咗少少，配料仲有炸豬樣、魚蛋、蘿蔔同芽菜，個人覺得不錯😋泰式鳳爪沙律，汁酸酸甜甜，食到個底好辣😂 鳳爪有5-6件左右，覺得有少少唔夠喉😝總結呢間麵店嘅湯底幾出色，尤其係冬蔭公湯，價錢方面晚市有加一，個人覺得略貴，如果想試嘅話最好就lunch time嚟啦😆

食過幾次，佢哋嘅船湯湯底濃味得來又唔口渴，真係唔錯！今次試咗芫荽船麵，真係多芫荽到痴線，疊到成座山咁高，仲多過menu張相😂😂😂湯底一如既往咁出色，但係啲芫荽好生，好似食緊草咁😅😅😅😅下次都係叫返肉好啲😅😅😅同埋啲芫荽吸晒湯底嘅油😢😢😢朋友嘅肥牛船麵就正好多啦🤪🤪不過佢就話啲肥牛有啲韌，可能煮得太耐？🤨🤨🤨🤨不過金邊粉好正，同個湯底好夾😍😍😍下次我都係叫肉嘅船麵！

我同朋友兩個人分別點左頂級美國肥牛船湯金邊粉同雞髀肉冬陰公湯金邊粉，仲有一碟泰式鳳爪同一碟生菜配秘制腐乳醬，一杯泰式蝶豆花特飲同青檸梳打。食物頂級美國肥牛金邊粉個湯底ok，但係啲肥牛質素一般，𡁻極都唔爛。雞髀肉冬陰公湯金邊粉同泰式鳳爪就冇乜特別生菜配秘制腐乳，個人覺得個腐乳稍甜。態度話說點解話職員態度差，係因為我地臨走既時候我地問個女職員想要2個蓋蓋返好2杯野飲(本身係膠杯盛載)，然後另一個男職員就代女職員拎個膠蓋，並只係拎左一個，然後女職員同返佢講係兩個，男職員個樣係非常不滿咁講(下? 2個？)，然後先俾2個我地。起初都不以為意，但原來佢地個膠蓋仲硬過個膠杯，蓋好左杯青檸梳打之後，第二杯想用力蓋好果下，個膠杯側就裂開左一個口，入面既飲料好自然瀉左岀黎，個男職員見到呢個狀況，唔選擇幫手之餘，仲擰頭話”做咩啊？倒瀉野啊？” “你唔洗理架喇我地一陣間會執”然後先私私然俾幾張抹手紙巾俾我(我成對大髀連鞋濕曬)，最後我同朋友抹完一輪都無一個職員關心我地既情況。我此前仲黎食過一次，覺得唔錯先再黎食，估唔到今日我所受既服務態度咁樣，我實在唔推薦呢間野俾大家。

平日的午飯時間, 12:30到達, 店內人不多,我叫咗卜卜蜆冬陰功湯底黃麵；友人叫了頂級安格斯牛船麵，兩款都係招牌菜，侍應亦有提醒今日有海南雞飯（menu 上沒有寫,因此不確定幾錢), 不過由於今日主要想試招牌啲嘅嘢,就不作考慮.卜卜蜆冬陰功湯底黃麵 - 我鍾意呢個冬陰功湯底,因為唔係超級辣, 可以話係完全唔辣偏甜,啱我口味, 如果要求正宗冬陰功湯嗰隻辣你可能就會失望.卜卜蜆有五隻，都算大粒，仲有一隻蝦，一條蟹柳，幾塊蘑菇咁樣，都夠料既，不過面份量唔係話好多：頂級安格斯牛船麵- 牛肉份量不多，有點兒失望，下次再食會叫返普通肥牛（平$20）。湯底一樣非常濃郁，有兩粒魚蛋同蘿蔔：由於食完碗麵未覺得飽😂之後再叫咗一碟炸蝦餅（$38）有三大塊，稍嫌唔夠脆，不過都好食嘅：價錢參考：

✨我係芫荽控！呢間位於尖沙咀既［泰濃麵］,佢地海量既芫荽真係未食先興奮🥳！當然我都好鍾意食船麵啦😝‼️.💬芫茜山船麵 $68呢碗麵黎到放係枱既時候,真係覺得佢無改錯名！啲芫荽多到唔知點樣開始食🤔...成座山咁😂！講番味道,佢既湯底好濃好杰身,同之前食過既船麵湯底口感有啲唔同,我自己就幾鍾意！未試過既話值得試！至於啲配料,除咗個豬皮炸得幾好食之外,其他無咩特別😝,如果想去試嘅話，我覺得可以試吓其他配料😂！..📍 泰濃麵 (樂道) (尖沙咀)尖沙咀樂道7號嘉樂大廈地下A舖📍 泰濃麵 (蘭芳道) (銅鑼灣)銅鑼灣蘭芳道13號地舖..

呢日咁岩有野出尖沙咀整，約左老公順便出去食lunch，揀左呢間泰式船麵想試；呢間船麵走中高價位，平時3-50幾蚊食到嘅一碗泰式麵，呢度最平由$68起去到最貴嘅$188午餐我地都唔想食到咁貴，加上第一次食，叫左最基本嘅$68 雞髀河同牛河；湯底都麵底都可以自己選擇，不過我地都係想試船湯底雞髀肉河牛肉河船麵湯底都唔錯，雖然無喺泰國食嘅咁香濃，但覺得個湯底都算係有7-8成似；每碗麵都配有魚蛋、炸豬皮同蘿蔔，令到碗麵無咁單調，不過個人覺得配豬肉丸會開心d同埋會更似泰國風格；炸蝦餅不過不失炸芝士雲吞覺得可以再脆dd,食落唔係咁香口

今次第二次去泰濃麵🍜員工服務態度快速👍🏻好適合上班族黎光臨🥰因為3:00左右食 🕒 所以收下午茶價錢 💰好扺食呀 小食重有半價添🥰 佢哋嘅冬蔭公湯底真係好出色👍🏻唔會好辣🌶雖然叫豚肉薯粉 但佢會另外比好多配料，例如：青口 鮮蝦 秋葵 ... ❤️值得加分 haha下次會叫返肥牛 豚肉有點失色喔 食落去唔順口☹️而我好欣賞佢哋既芝士雲吞 好好食😋 芝士唔會太膩 越食越開胃 重即炸 熱辣辣添 👍🏻❤️ 加埋泰式辣醬真係100分💯💯炸雞翼都係即炸🍴一咬啲雞汁就滴曬出嚟🤤🤤 不過雞翼好難唔好食嘅🤪🤪

返工返到好頹既日子，lunch要食好d既！食完返去再努力加油💪🏻 泰式燒腩仔 ($68)好少見泰國餐廳餐牌上面有燒腩仔食😍 一見到唔洗諗就梗係要試下啦🤤黎到份量都唔少呢，兩個人食都好夠，但唔知點解愈食愈似豬頸肉😂 反而唔似燒腩仔呢肥牛冬陰公湯河 ($68)除咗主角肥牛外，仲加左其他配料，包括有蝦、青口、蟹柳等 都幾足料😌唔會食到悶😂 但湯底較油同濃味，要加$5要番罐汽水先得😂鴨胸冬陰公湯金邊粉 ($68)鴨胸湯底同上面一樣加左其他配料，而鴨胸都幾香👍🏻 同埋食泰式麵就梗係要金邊粉啦🤣 🎈泰濃麵 (樂道) (尖沙咀)地點：尖沙咀樂道7號嘉樂大廈地下A舖

成日喺度諗幾時可以飛去泰國🇹🇭食船麵，諗得來都唔知幾時可以食不如係香港揾間泰國麵店食住先呢間無論裝修設計都係泰國風味，仲要係聽住泰國歌好有泰國feel呀✨波士頓龍蝦冬陰功湯麵好大隻龍蝦🦞好似睡公主👸🏼瞓咗係碗麵度真係好大隻龍蝦鉗，呢間仲有拆殼鉗提供真係好貼心啊，我叫咗小辣冬陰功湯底，有香茅、芫荽、草菇、辣椒就咁睇都好足料 ，飲一啖湯底味道啱啱好唔會太辣有微微甜味(本身唔係食得太辣)我揀選左黃麵，底麵非常彈牙有蛋香味道✨泰式炸蝦餅平時食嘅炸蝦餅一片片，呢個中間會穿咗個窿，即炸蝦餅彈牙爽口，點甜酸醬簡直Perfect✨青檸梳打我就最鍾意飲青檸，因為比起黃檸檬冇咁酸，仲要係泰國🇹🇭梳打水添，食麵當然要配梳打，飲一啖好爽呀

疫症期間無得去泰國旅行唯有不停喺香港食泰國嘢😬星期六放工約朋友仔出嚟尖沙咀食船麵同行街，餐廳喺isquare 側邊，有卡位有圓枱，乾淨闊落！呢度主打船麵，只係需要擇食咩配料 & 湯底（清湯/冬陰公湯/船湯) & 粉麵飯（湯飯/金邊粉/河粉/薯粉/黃麵 )，完全唔會有選擇困難症😛另外亦有泰式小食、甜品同飲品。我擇左黑豚肉船湯金邊粉，湯底真係好濃郁，一啖金邊粉一啖湯好正！黑豚肉大塊，肉味濃，朋友食過話好食過佢個雞髀肉好多🤣 配菜都好豐富，有一大舊蘿蔔、炸豬皮、魚蛋、秋葵，所有餸夾夾埋埋對我黎講呢個Lunch已經夠飽～

突然好想食船麵😆喺尖沙咀樂道揾到呢間決定一試！入到去，店員安排我哋坐低，仲幫我地將餐具放喺水入邊洗乾淨，幾貼心😳🛶頂級安格斯牛肉|配冬蔭功湯+蛋麵($88)個湯唔算太辣，酸酸甜甜好開胃惹味安格斯牛肉幾有牛味，軟淋好咬🐮配菜有隻幾大隻嘅蝦，蝦肉仲幾嫩滑彈牙，呢個真係幾驚喜🤣🛶雞脾肉船麵|配船湯+蛋麵($68)船湯湯底好濃郁，相信落咗足料豬紅～雞髀肉份量好多，不過我覺得比較似雞絲🙈除咗雞髀肉之外配菜仲有豬油渣、魚蛋、秋葵同白蘿蔔，大大碗好足料😙食船麵我最鍾意配蛋麵，因為蛋味重又有咬口可以掛湯，正！🐔炸雞翼($38)全晚最鐘意嘅嘢食😆4隻炸雞翼好大隻又多汁，雞翼無落炸衣，炸到金黃色好靚，真係啖啖肉，好𝑗𝑢𝑖𝑐𝑦🤤🍹泰式蝶豆花特飲($28)顏色比其他碟豆花飲品較為深色，不過味道清新，飲落有𝐷莓味，唔會話好甜，幾好飲～