影片
更多
2022-02-01
95 瀏覽
近排因第五波疫情就黎爆發，要趁著午餐時間去揾食，而因為呢個原因，近排去咗好多間咖啡店，開始有少少厭咗，而又諗起好耐無食過泰國菜，於是就去到呢間bookmark 咗好耐嘅船麵店。 泰濃麵位於尖沙咀樂道，喺呢個乜人都冇嘅I Square附近，位置方便。店主之前專程去到泰國拜師，將地道正宗船麵帶返黎香港。至今兩間分店都廣受歡迎。 店舖招牌好容易認，一粒紅星再加不知名嘅符號，絕對唔會走漏眼。內裏裝修傳統，但又唔好核突。牆上貼滿美食嘅照片，引起食慾。坐到圓枱好大機率要搭枱，當日同枱嘅人講電話講得好激動，成餐飯都有佢嘅聲音做拌菜。 食物選擇離唔開船湯冬蔭公湯呢幾樣野，湯底可自由搭配麵條肉類，價錢親民，下午茶餐一律$48。如果你唔係單身狗呢，可以叫埋小食拼盤，評價都唔錯嘅 頂級美國肥牛船湯河粉$69 望落幾大碗，配菜有魚蛋，豬皮秋葵。價錢好合理，咁本身泰國美食係非常之平嘅。 湯底望落冇平常咁深色，但有好明顯嘅浮末，係豬血/腐乳製造出黎嘅。飲落口感偏厚， 豬骨/牛骨味濃厚而鮮甜，仲有多款香葉帶來些微嘅辛口同清新感。但有少少油膩，唔會全碗飲哂。 牛肉放到落湯仲半生熟，欣賞湯頭唔太熱，唔會一野整熟個牛肉令
泰濃麵位於尖沙咀樂道，喺呢個乜人都冇嘅I Square附近，位置方便。店主之前專程去到泰國拜師，將地道正宗船麵帶返黎香港。至今兩間分店都廣受歡迎。
店舖招牌好容易認，一粒紅星再加不知名嘅符號，絕對唔會走漏眼。內裏裝修傳統，但又唔好核突。牆上貼滿美食嘅照片，引起食慾。坐到圓枱好大機率要搭枱，當日同枱嘅人講電話講得好激動，成餐飯都有佢嘅聲音做拌菜。
食物選擇離唔開船湯冬蔭公湯呢幾樣野，湯底可自由搭配麵條肉類，價錢親民，下午茶餐一律$48。如果你唔係單身狗呢，可以叫埋小食拼盤，評價都唔錯嘅
頂級美國肥牛船湯河粉$69
頂級美國肥牛船湯河粉
$69
38 瀏覽
0 讚好
0 留言
望落幾大碗，配菜有魚蛋，豬皮秋葵。價錢好合理，咁本身泰國美食係非常之平嘅。
湯底望落冇平常咁深色，但有好明顯嘅浮末，係豬血/腐乳製造出黎嘅。飲落口感偏厚， 豬骨/牛骨味濃厚而鮮甜，仲有多款香葉帶來些微嘅辛口同清新感。但有少少油膩，唔會全碗飲哂。
牛肉放到落湯仲半生熟，欣賞湯頭唔太熱，唔會一野整熟個牛肉令佢變柴，牛肉有4-5片，性價比就正常啦，牛肉肉味中間，但我其望有多少少肥位，真心偏瘦，但都唔柴。
魚蛋大大粒，但個人認為有少少過熟，未夠彈牙但只係軟腍，入面有氣孔，魚味濃而夠咸味，冇乜雪藏味。
豬皮嘅量唔少，有D就卷埋一舊，浸咗喺湯之後變得有咬口帶些微韌性，輕盈而空氣感高，冇想像中咁肥膩。
麵條叫咗河粉，粗幼適中，外層光滑，烚嘅時間啱啱好，質感微微彈牙，算係唔錯。配上蒜蓉增加口臭感，白蘿蔔增加清甜感，秋葵增加爽脆感，整體算係好好嘅船麵。
張貼
