泰濃麵 (樂道)

營業中

休息中

今日行開Isquare附近，想食下泰國船麵，就即刻諗起呢間泰濃麵喇首先叫左個小食泰式炸蝦餅 $49👍🏻👍🏻外脆內軟，豐富既蝦膠有濃郁既香味，仲配埋幾塊蝦片黎呢度當然要叫船麵啦呢左一個頂級安格斯牛肉 船湯 黃麵 $92👍🏻👍🏻安格斯牛肉新鮮有牛味，生熟程度岩岩好，濃郁既湯底配埋黃麵簡直絕配頂級美國肥牛 清湯 金邊粉 $72👍🏻👍🏻美國肥牛肥瘦適中，仲有兩粒魚蛋同蘿蔔，清得黎都好香咁熱緊係要配埋泰式特飲解解渴啦泰式龍眼冰特飲 +$18泰式青檸梳打特飲 +$18

卜卜蜆＋冬陰功湯＋薯粉（$92）🐚個薯粉好好食，口感＋掛湯無得頂，我自己唔係好食得辣就會食得慢點，但隻冬陰功的酸辣味做得好好，令人胃口大開。材料方面，除左大大粒蜆之外，仲有隻彈牙鮮蝦，靚蟹柳，讚呀！👑頂級美國肥牛＋船湯＋金邊粉（$72）🐃肥牛肥瘦適中，肉夠實正，而且有成6-7塊，另外配有2粒彈牙魚蛋，脆炸豬皮，秋葵，船湯鮮湯，配上幼身金遇粉，唔錯。👍🏻炸魚餅（$39）🐟三塊煎到熱辣辣的魚餅，厚肉帶少少辣，配埋泰式醉辣醬，好好食，另外仲附上三塊炸蝦卡，新鮮熱辣有蝦味！🤤泰式鳳爪（$49）🐓酸辣味足，加上彈牙鳳爪，好難唔好食！😋

下午茶試了肥牛船湯麵肥牛都算ok有好幾塊但肥牛會痴埋一齊幸好不算乾柴如果想食級數較好的牛，可以叫安格斯牛湯底都濃郁好食粉面質地正常，不會太淋晚餐食過冬陰功湯有勁多芫荽鋪喺面頭味道唔算太辣迎合返香港人口味平時想簡單食餐都會揀

疫情前最後一趟外遊，目的地是泰國。在Siam街頭食地道船麵驚為天人，簡單市井卻粗暴美味。只恨知道得太遲，如此過去了數年。常有留意本地泰船麵的名店，這晚路過泰濃麵，見口碑不錯便試試。環境算不上是地道，在曼谷的船麵店要不就是街頭市井地茂風，要不就是商場裏乾淨整潔的，而泰濃麵只能說更像港風茶記，還是將焦點放在船麵出品上吧！卜卜蜆船麵(配金邊粉)($92)卜卜蜆大隻鮮甜，魚強是尋常貨色。湯身顏色深邃看似對辦，喝一口便是兩碼子的事，船麵湯獨有的濃、鮮、甜，通通欠奉，就是個徒有形相的湯底，加上泰式脆豬皮，都不能令這港式船麵變得可口，跟期望有不少的落差。A5黑毛和牛清湯河粉($198)數片半熟和牛用料不錯，但份量不多如風似的，有點對不起價格，既然船麵湯水準如此，清湯就更乏善可陳了。香茅斑蘭梳打 ($28)太清新的配搭，加上沒有甜度，就是平平無奇的梳打。青檸梳打 ($28)最大眾的口味，但青檸同樣味淡，純粹解渴。平心而論，要在本地尋正宗船麵是不太可能，不少店家以船麵作招徠，都是噱頭而已。還是計劃一趟泰國尋麵之旅，才能回味正宗船麵的味道吧。

餐廳位於iSquare 對面，非常就腳😆 第一次嚟，點咗推介嘅🐂頂級安格斯牛肉船麵($92)。船湯味甜，安格斯牛肉牛味濃郁，肉質細嫩，必食！麵類揀咗薯粉，麵質幼細，易於吸收船湯湯汁👍🏽 另一款推薦船麵揀咗🦪卜卜蜆($92)配冬陰公湯底蛋麵。冬陰功湯唔會好辣，海鮮份量都唔少，有蝦、青口及蟹柳，蝦隻味鮮，蜆肉都大粒，不過就有兩粒沙🥟泰式小食拼盤($78)有炸蝦餅、炸雞翼同炸芝士雲吞，炸蝦餅彈牙，香茅雞翼味道突出，好好味😋 炸雲吞嘅芝士味道及口感近似芝心批批邊飲品點咗🫗蝶豆花特飲同🥂香茅班蘭梳打特飲(各$28)，蝶豆花特飲顏色漂亮，班蘭梳打味道清甜，不過個人飲開全糖飲品🙊 班蘭梳打對我而言略為淡味

香港不嬲有好多泰國船麵嘅餐廳，今日去尖沙咀行街，突然想搵間平平哋嘅泰國船麵食下，就入咗呢間泰濃麵試下😋🚤頂級安格斯牛肉（船面湯底配薯粉麵底）（$92）船面湯底好濃郁，又唔會太咸，唔會有食完好想飲水嘅感覺😙另外，薯粉亦俾平時係米線舖幼同軟身啲，面質好滑。主角嘅安格斯牛肉個人認為比較薄身，雖然好重牛味，不過份量多番小小就好喇🤣另外，船面都配上唔同嘅配菜，好似係秋葵，蘿蔔，同炸豬皮。全部配菜索晒湯底嘅精華，好正亦都夠晒飽😋🥗泰式鳳爪（$28）見到差唔多枱枱顧客都有嗌泰式鳳爪，我同朋友都忍唔住嗌嚟試試🤤泰式鳳爪味道中規中矩，唔會太酸太辣，而且份量都好多，我地一人一碗麵，都食唔晒個小食🫣所以小食性價比幾高！

雞髀肉 煙鴨胸 黑豚肉 頂級美國肥牛 黃麵 船湯底🤪雖然menu 只係得一碗碗咁叫，但原來係可以再加餸! 所以最後黎左呢碗大雜匯! 船湯底，用超過20種材料熬煮，有南薑 香茅 青檸 花椒 八角 桂葉 丁香 胡椒 芫荽根 班蘭葉 蒜頭等泰北香料，再加埋30斤豬骨熬製8個鐘，零味精，所以食起上黎好健康，咁多款配料我自己最中意，黑豚肉同雞髀肉 肉質嫩滑。青木瓜沙律😁木瓜絲較幼細，但口感爽脆，酸辣度岩岩好。烚唐生菜配秘製腐乳醬😊個腐乳醬係偏甜同我地平時食開既中式好唔同，食起上黎好開胃，我自己幾中意呢隻醬~

這間泰國餐廳位於尖沙咀，主打泰式船麵，有船湯、冬陰功湯和清湯三款湯底，麵底則有五款。六時前加配飲品可享優惠價，另六時後入座需加一服務費。頂級美國肥牛船麵 - $72必試船麵湯底，用上超過二十種材料熬煮，湯汁濃香鮮味；油花適中且平均的肥牛片嫩滑多汁，肉味濃郁，還有兩粒爽滑彈牙的魚蛋、豬油渣、秋葵等等；無論味道和配料，也跟在泰國吃到的很相似。黑豚肉船麵 - $72豬肉片肉質細緻柔軟，帶有濃濃的香甜，其他配料則一樣。泰式小食拼盤 - $78即叫即炸的小食金黃酥脆，毫不油膩。一圈圈的泰式炸蝦餅飽滿紮實，蝦膠彈牙鮮味；炸雞翼帶陣陣香茅味；薄脆的炸芝士雲吞半溶化富奶香。泰式龍眼冰特飲 +$18濃厚的龍眼肉汁好清甜，加上粒粒龍眼肉，好清爽。罐裝汽水 +$8還有較特別的泰國樽裝梳打水。

早幾年返港島果時食過銅鑼灣分店，超好食，估唔到都捱唔過肺炎摧殘結業了，好彩仲有尖沙咀分店食返回憶既味道，質素依然超好👍🏻頂級安格斯牛肉 船湯 金邊粉 $92船湯真係好正，豬骨湯超濃郁，除左超嫩滑安格斯牛片，仲有配料脆脆豬皮，同清甜蘿蔔，真係超高質泰國風味 🇹🇭 卜卜蜆 冬陰公湯 黃麵 $92冬陰公係另一個每款麵都可配既湯底，卜卜蜆就揀左呢個湯，酸酸辣辣好開胃，卜卜蜆唔會好大隻，不過就勁鮮甜，新鮮冇沙。仲有爽口鮮味蝦肉非常唔錯炸芝士雲吞 $42上菜見到個樣就記得之前都食過！咁多年我都一樣咁鐘意炸野😂 雲吞皮不塊對折，包住軟軟的芝士，外脆內軟又香芝士味，係必點之選！

係網上見到好受歡迎的泰國餐廳，出開去就去試下，果然係好多人食。環境布置都係好有泰國風味，加上周圍好多外國人。主要係食船麵，有唔同配料可以揀，可配的麵底有5款可以揀，河粉、金邊粉、薯粉、黃麵、湯飯。湯底：船湯、冬陰功湯、清湯。我揀左最多人推薦既卜卜蜆冬陰功湯底。一碗麵6-7隻蜆，每一隻都漲卜卜，最重要係洗得好乾淨，食落去無沙。除左卜卜蜆，仲有一隻青口，一隻蝦，蝦都好鮮甜。冬陰功湯底係好夠辣因為太辣，我就叫左杯泰式青檸梳打，大家可以睇到，佢唔係平時飲開糖水再給粒青檸，係有特製過，唔係得個甜味。

🍽️雞脾肉船湯金邊粉 $72一般 雞脾肉未有預先醃味 所以有雪藏味 湯底亦未夠濃郁🍽️黑豚肉船湯金邊粉 $72一般 船湯藥材味不夠濃 黑豚肉未有預先醃味😋🍽️泰式小食拼盤 $78反而小食夠為出色 即叫即炸 蝦餅彈牙 芝士雲吞酥脆 雞翼味道十足🍹泰式青檸梳打特飲 +$18用泰國梳打水 夏天特別解暑🍹泰式蝶豆花特飲 +$18加了蜂蜜作調味 不會過甜

同外國回港探親朋友出尖沙咀行街食野，朋友話好想食泰國船麵，所以選了呢間「泰濃麵」，主打船麵。入座大概2:30pm ， 剛好有下午茶供應，主要分三款湯底（船湯、冬陰公湯及清湯），三款肉類（豚、雞、牛），然後可配河粉、金邊粉、薯粉、黃麵及飯。下午茶每款只需$52蚊，更有四款小食可供追加，十分抵食。選了《船湯雞肉金邊粉》（$52），除了自選雞肉，原來船湯本身配有炸豬皮、蘿蔔、秋葵、芽菜及魚蛋。湯底十分濃郁好味。然追加小食《泰式鳳爪》（$28），至愛呢個小食，個醬汁夠酸，加入新鮮蔥絲、洋蔥絲及生菜，開胃好吃。除了湯麵，原來仲有《泰式海南雞飯》（$69），雞肉確實好香好夠滑，配上吾會太硬也不太軟嘅油飯。《泰式小食併盤》（$78），有炸蝦餅、炸雞翼及炸芝士雲吞各兩件。最特別炸芝士雲吞，外脆內軟，建議要趁熱食。跟餐加$18可選特飲，《蝶豆花特飲》，蝶豆花帶紫藍色，除了色澤迷人，而且有豐富花青素，對人健康多功效，非常有益。《龍眼冰》，味道清甜，補血清肝，同樣有益心脾，夏天特啱飲。

#搞串個pantry相信有好多香港人🇭🇰都好鍾意食泰國菜🇹🇭，冬陰功、船河🛶，呢啲都係必食嘅泰國菜。今次我哋就嚟到一間位於#尖沙咀 嘅泰國麵館，試下佢唔同湯底嘅麵💕。餐廳比較細，裝修簡簡單單😗，都坐得舒服。今次就嗌咗一碗🔴肥牛船湯金邊粉($72)、🟠雞髀肉冬陰功湯金邊粉($72)、🟤泰式炸蝦餅($49)。肥牛船湯金邊粉🌟🌟除咗有肥牛之外，仲有兩粒魚蛋、秋葵🫛、蘿蔔。成碗金邊粉嘅份量好多😚，湯底味道濃郁，但係就缺乏咗一種泰式香料嘅味道🧐。金邊粉口感偏硬，不過都好索湯。其他配料都冇乜特別，而且食落都唔係好泰式。雞髀肉冬陰功湯金邊粉🌟🌟冬陰功湯底味道辣辣地🌶️、偏酸，都係缺乏左一種泰式香料嘅味道。除咗有雞髀肉之外、仲有蟹柳、蝦🦐。雞髀肉口感嫩滑，但係本身雞肉無味，而且仲一陣雞腥味😖。泰式炸蝦餅🌟🌟🌟🌟炸蝦餅幾好食，外面嘅炸衣炸到好脆🔥，入面啖啖肉。伴碟仲有幾塊蝦片🤩，口感偏向硬脆。

我地叫左兩個冬陰功湯面，基本配料有蝦 蟹柳 同 秋葵~! 湯底唔算好濃郁，但甜甜酸酸得黎有小小辣，所以食落好惹味，唔太食得辣既我就覺得幾好味!❤煙鴨胸薯粉🤤佢地既薯粉同我地平時食開既係較為幼身，彈牙得黎好有口感❤頂級美國肥牛金邊粉🤤金邊粉夠哂爽滑有口感仲好索湯，而肥牛厚薄適中有口感，令到個湯天加香濃另外，餐枱本身有放到魚露 / 辣粉，重口味既你可以再自己調味! 泰式海南雞半隻🥰🥰雞肉厚身嫩滑件件都啖啖肉，仲好香雞味，點埋佢地個有小小辣既醬汁一齊食仲好味!

血拼日食完甜品，就帶家姐仔試吓船麵，梗係嚟到「永遠麵唔伏」嘅泰濃麵家姐仔問有咩好食，二話不說介紹咗✨頂級安格斯牛肉船湯 $92牛肉半生熟，啱啱好，家姐仔話湯頭夠濃郁，濃湯配河粉絕對係顏值天花板～ 果然後生係唔需要諗卡路里🥲 家姐仔大讚脆卜卜炸豬皮嗦晒湯好好味，仲話有2粒魚蛋，不過銀芽、秋葵及白蘿蔔就俾晒我食🤣 (另有A5黑毛和牛/美國肥牛）✨卜卜蜆冬陰功湯$92揀咗冬陰功湯底配金邊粉～ 夠辣夠酸，做得好出色！好似Vienn中意食辣+冬陰功嘅「唔叫就走寶」！ 都係有秋葵、6隻蜆、1隻青口、1隻蝦、蟹柳、秀珍菇；酸酸辣辣真係好開胃，一陣就食晒～🌟 跟餐龍眼冰 +$28/ 汽水 +$17✨湯底可揀：船湯/冬陰功/清湯✨✨麵底可揀：河粉、金邊粉粉、薯粉、黃麵、湯飯✨Overall 嚟講「食船麵唔伏，非泰濃麵莫屬」！仲有日本廣島蠔 、原隻波士頓龍蝦，啱晒中意海鮮嘅你～仲有上菜速度超快，好似d後生行到餓過頭，坐低一陣就食得，真係幫我呢d媽媽唔少忙🤣 大家試咗未？快D試完話俾我知好冇食😘如果大家中意俾個like支持下🤟🏽 𝗖𝗶𝗮𝗼~..🇹🇭泰濃麵 (尖沙咀) 🇹🇭尖沙咀樂道7號嘉樂大廈地下A舖