泰沾麵

營業中

休息中

呢個商場一出地鐵站就係好方便，所以近來都喺個商場度搵吓嘢食… 今日又走過嚟行吓新開嗰間百貨公司順便搵吓嘢食。呢一間泰式嘢之前喺尖沙咀已經想試，不過好多人，今次未撞正食飯時間就喺啟德呢間試吓，環境取勝，空間感闊落，光線充足。我哋兩個人叫咗以下嘅嘢食：大蝦炒金邊粉：金邊粉好彈牙，唔會炒到黐埋一舊，亦都唔會太酸，大蝦超級新鮮，亦都有好夠份量嘅配菜。招牌泰式沾麵：見到隔籬枱食緊，忍唔住又叫一碟，麵本身好彈牙，點上青咖喱，青咖喱入邊有雞肉豬紅同埋其他配菜，青咖喱不會過辣，如果撈飯更加一流。青木瓜沙律：加配咗呢一個，啲汁超級好味，唔會太過辣，香甜適宜。飛天炒通菜：亦都加配咗呢一個，好夠鑊氣，少少辣啱啱好，通菜炒到青綠色唔會黑晒。鮮椰青：好清甜，泰國嘢必點。蝶豆花香茅梳打：有驚喜，香茅青檸酸酸地，加埋蝶豆花嘅顏色望落去好Fresh。老媽手打蝦餅：勁多蝦肉，口感豐富，超彈牙。

上個星期六係 Airside 睇完戲去咗食泰式沾麵 ~~● 招牌紅咖喱蝦泰式沾麵 HK$108梗係要點份招牌菜 ... 泰式沾麵啦湯汁和麵分開盛裝除了我點嘅紅咖喱蝦湯，仲有青咖喱雞湯食法與日式沾麵一樣將酸菜、芽菜、炸雞蛋等配料和泰式米線放入湯汁裡面爽滑米線掛滿濃厚嘅紅咖喱，香辣惹味紅咖喱裡面仲有隻大隻爽彈嘅虎蝦● 老媽手打蝦餅 HK$88一客三件好足料嘅蝦餅，食到粒粒鮮甜爽彈蝦肉 ~~● 椰子冬陰功 HK$178隻大頭蝦好大隻，肉質鮮甜彈牙湯頭酸酸辣辣，清爽開胃食泰國菜梗係要嘆返杯 ● 泰式奶茶 HK$38見到有愛吃嘅可麗露梗係要食返個啦 ~~在椰子味和斑蘭味之間諗咗好耐 ...終於點了個斑蘭味 ● 斑蘭可麗露 HK$48烘熱才上枱，外層焦脆帶焦糖香裡面濕潤帶斑蘭清香，入口不太甜下次要嚟食埋椰子味先 ~~** 以上分享是以我的口味、體質和情況作出分享及感受，一試 / 合用與否請自行決定

嚟緊12月尾先有得去泰國🥺先同朋友喺香港食間正宗泰國菜先🥳我哋去咗AIRSIDE 泰沾麵之前有幾個朋友食過都話好好味餐廳間中有不同優惠，更加抵食！我哋嗌咗幾個特色菜式，特別係招牌泰式沾麵$108，日式沾麵食得多，泰式真係第一次，將爽滑米粉，浸進香辣濃郁咖喱 （青咖喱雞湯和紅咖喱魚湯兩款湯汁）啖啖咖喱香味，可配埋伴上酸菜、芽菜、雞蛋一齊食，多重口感🤤其他菜式都好好味✨啖啖蟹肉炒飯$138真係有好多蟹肉，厚身鮮甜，加入蛋絲，濃郁蛋香味，飯粒炒得乾身有鑊氣✨滴不留招牌船麵 （和牛$138/豚肉 $118）我哋食咗和牛，濃郁湯底，和牛軟腍，肉質柔嫩✨即燒豬頸肉$88燒到外脆內軟，豬頸肉保持嫩滑香口，配合埋秘製醬汁更加惹味✨青芒果大蝦沙律$118超大隻蝦，爽口彈牙，芒果鮮甜，酸辣鮮甜又醒胃✨青木瓜沙律$78粗條青木瓜，配埋惹味蝦乾有咬口，味道酸酸辣辣，最啱開胃小菜✨芒果熱情果沙冰 $55足料差唔多滿瀉，鮮甜芒果，透心涼✨蝶豆花香茅梳打$42紫色超靚，淡淡香茅味，配上梳打水，清爽，啱晒食完辣嘢飲

啱啱入座就有職員告知隔離檯可能要留比其他顧客，咁我就拉開小小張檯先坐低。然後有個身材矮小、濃眉厚唇既女職員好嬲咁過黎泊返埋兩張枱，用英文講張凳唔可以超過白色線。我一眼望去，全部人張凳都過白色線啦，唔拉開張凳點坐落去？而且全程同隔離檯陌生人幾乎檯貼檯一齊食飯。更加過分既係，當我夾起最後一塊蝦餅點緊醬，一個職員同時收走裝著醬的竹籃。講咗2-3次未食完，職員堅持收走竹籃、用力將剩下既醬放係檯面，一句唔好意思都冇講。大部分職員係度行行企企，隨時準備收餐具趕客，服務態度惡劣。

當日 係平日晚市 都早入去食野 6點左右所以人流唔算多 叫咗個招牌船麵 和牛但上菜 一來覺得唔算大碗二來冇賣相可言味道都一般 肉係冧但唔係特別好食船麵黎講 尖沙咀地鋪個間真係好食好多過佢飲品係 蝶豆花香茅梳打正常 純粹可作打卡 味道還好蛋餅 係出面未見過 少見嘅上菜 都熱 襯熱食係ok嘅 不過正常味 冇想像中咁特別男朋友話似中式蛋奄列 台式蚵仔煎咁上下😂😅最後 青芒果大蝦沙律咁係幾好食 份量唔算多蝦配埋啲汁好食嘅 酸酸辣辣但整體 食過一次就算系列 價錢上唔算平 質素又唔算會食得開心

用餐經歷非常差。未食夠半個鐘，就比侍應催走，非常唔尊重，問都唔問就收哂野，問完見我地唔食甜品，就指住門口，趕人走，好痴線。而且野食份量少，味道亦都無特別。加埋收唔平但服務差，無下次。

6月中终於約到成年冇見嘅舊同事食飯聚聚，佢話呢間食過，沾麵好好味。我哋book咗7點，到咗都要等，待應安排入座好亂，不斷安排walk in 入座，冇理到啲book 咗枱嘅，最後我哋發脾氣佢先處理，呢方面真係要改善。職員之間好似冇乜溝通咁，同門口嘅講咗我哋book了枱，佢話知道叫我哋旁邊等等，帶位入座嘅就只會帶排隊walk in 嘅客入座。我哋4人叫咗一個沾麵，泰duck生菜包，薄餅，黃咖喱雞，豬肉炒芥蘭，蟹肉奄列。沾麵係凍爽口，配咖喱食一流。豬肉炒芥蘭，豬油炒好香口。蟹肉奄列好普通，不推介。生菜包用鴨肉幾好食。呢度座位比較少，所以等位嘅人唔少，見多人食泰式船河，下次有機會嚟會試，仲有個蝦餅，今次冇哂食唔到。

去試咗佢嘅招牌泰式沾麵同埋生菜包，完全同平時嘅泰式餐廳一樣味👍🏻👍🏻招牌泰式沾麵:啲麵係已經卷到一圈圈咁方便你直接成個放落個汁到，點完之後成圈都吸到晒啲汁，咬落唔會好黏口 食開麻辣嘅我都覺得佢嘅紅咖哩都好辣真材實料！生菜包:雖然天下文章一樣抄，但係佢用嘅料係比較靚的，生菜夠大塊，但有少少窿。肉碎唔會太硬，啲汁浸住越食越辣不過真係好好味野飲嗌咗泰式奶茶同青檸梳打，奶茶係真係泰式嘅，比起其他泰奶係冇咁甜的，但整體嚟講都係好飲的手機自助落單，介面簡單易操作，唔會有太多花臣嘢

紅雨之下去左Airside，本身想去食海南雞，點知佢成個場半吉都唔俾個Sofa位我哋，就去試其他野，睇完水牌就去咗呢間泰沾麵試下！先講講服務，係非常之滿意，好有禮貌，自動波見到唔夠碗會再俾，refill水完全唔使提，大讚！講完服務講野食，先黎左個船麵，熱辣辣，個賣相好靚！個麵同個湯都中上，但係去到粒丸同埋兩塊肉就非常之媽媽，粒丸一啲都唔彈牙同埋冇味，而塊肉嘅話清唔切好食亦都唔可以話佢好難食，no comment!然後佢就再嚟埋個炒河粉，河粉咁味其實幾好食，但係個河粉就比較黐口，同食開嘅泰國炒河唔一樣，唔知係咪佢嘅特色，自己都係鍾意傳統嘅泰國炒河粉多啲，個雞嘅話就非常一般。然後個冬陰功非常非常之油，見到隔籬枱俾佢個賣相呃咗，以為有兩隻大蝦，點知原來係一隻分兩邊，咁樣$200就好唔抵啦。最後椰青，成個椰青同埋隻碟都係凍嘅，但係入邊嘅椰子水係一啲都唔凍，唔敢諗點解會咁樣。整體服務非常之好，但食物質素有待改善，價錢亦都唔抵食，應該都唔會再嚟，食泰國嘢正正經經去九龍城算！

打去問可唔可以帶寵物入餐廳食，佢話ok可以，甘我就話book 2位啦，佢話唔使架啦，直接walk in就可以架啦，點知去到又話今日Full哂無位，甘就唔好叫人過黎啦。唔想做人生意既，就直接話唔接啦，人地過黎唔洗時間既............................................................................................................1個字 差

招牌泰式沾麵+青咖哩雞 $108個麵配料都算幾多，青咖哩雞上枱都熱，但配上麵就俾麵溫度降底左！鷄肉鑊氣炒河 $98即炒熱辣辣，我都係中意食熱野，成個炒河唔會太乾多菜配搭，調味幾好配辣醬可以加辣醬食正但舖頭開冷氣幾凍，啲食物都有啲等得耐先上枱。

今日去咗個新商場Airside度行街，順便去嗰度試吓睇吓有冇啲咩餐廳好食😋😋😋 去咗有一間叫泰沾麵嘅泰國菜試下，因為聽朋友講之前成日都排隊呢間舖頭，好多人去試。所以今次都幾期待入去試吓泰國菜先😝太陽蛋香葉肉碎飯❤️❤️❤️❤️我覺得呢個就正常泰式肉碎味，不過我發現加咗佢個魚露真係即刻升華咗😂😂而且個蛋係流心太陽蛋。有好多泰國泡整得太過熟得滯冇咁好食，而且冇得將個蛋汁拎嚟撈飯，呢間個蛋就整得好食啦🤓泰式金邊粉 ❤️❤️❤️❤️甜甜地，幾有鑊氣。而且隻蝦都幾大隻幾鮮甜🤘🏻同埋佢炒到比較乾身，我個人嚟講鍾意炒粉麵炒得乾身啲，因為有陣時得太濕黐埋一嚿嚿冇咁好食。佢呢間都唔錯👍🏻不過可能我試過啲更加好食，所以比四個心心。雞肉泰式炒河❤️❤️❤️呢個開頭食OK嘅，但係食到後尾可能凍咗佢啲河粉黐埋一嚿嚿冇咁好食，同埋食得多都覺得好滯，唔夠濃味😂😂相比，金邊粉會好食啲 🙌🏻而且啲雞肉有啲嚡，所以我覺得不過不失。泰式香辣雞翼❤️❤️❤️原本覺得叫呢個菜式一定好食，佢個敗筆之處就係加咗青檸落去雞翼定加咗啲酸粉，總之佢個酸係完全好唔夾。如果無左個酸味，我會比5個心心。因為加咗個酸味落去真係好難食，成個味係又勁酸又勁辣，跟住你點個泰式辣

忘忘想不到，在尖沙咀有那么好吃的泰国菜！名字叫做泰沾面，那我肯定就是要来试一试沾面了。老板介绍说沾面是要和咖喱一起点的。咖喱：一出来的时候就觉得色泽特别好看，我还多加一份饼，陪着吃。简直是太好吃了，我用咖喱点所有的菜品一起吃的～炒金边粉：因为我们吃四个人一起吃的就点了两个金边粉，很正宗的泰国菜，和我在泰国吃的一模一样好吃。香蕉奶昔：男朋友点的奶昔，味道很浓郁，我试了一口，很特别风味，加了饼干🍪～青芒果沙拉：好久没吃青芒果了，简直是我有点不能吃酸的了，太酸了，爱吃的人应该很爱吃！总体评价，平价过泰面，品种也点赞！

已經食過兩次 食物中規中矩 性價比中下，只係勝在可以人寵一齊入餐廳內 否則都唔會揀呢間泰菜。之前兩次WhatsApp 訂座都無問題, 今日再嘗試訂位 4人+1狗 點知只得到兩隻字回覆‘walk-in’，無前文後語已經感覺唔禮貌。 我地唯有17:50去到餐廳walk-in 點知店員同我地講booking full晒 19:30後先有位，我地真係好無奈然後同店員理論 ：有得book但叫我地walk in ?!：無得book：無得book?你又話book 滿晒?然後無然後 佢都無聲出我地都走 唔會再去

星期五放工諗住兩口子安安靜靜食個晚餐，其實都冇乜期望，當然嚟到主菜嘅碟頭都好似前菜咁細碟一個人細食都唔夠食，主菜餐碟係兒童餐嘅圓形碟size叫咗一碟炒粉絲粉絲碎到不得了招牌菜沾麵建議唔使食，完全細到似兒童餐，比碗咖喱汁沾沾，得隻蝦就乜都冇，完全係噱頭嘢建議可以唔需要食咖喱汁不過甜字冇咖喱味似係甜沙嗲汁多啲唔緊要，香港食飯都係預咗咁好啦食完啦我都未飲我杯水佢已經走過來同我講我哋有好多客排緊隊啊可唔可以埋單啊？我就話等我飲杯水先，跟住佢就起勢係咁收晒我啲嘢啦 大家明放工食餐飯啫，好似好阻住佢咁香港返工都攰，食餐飯啫，放工真係唔想鬧交其實我食完餐飯都未夠一個鐘真係好冇禮貌好趕客以為自己入嚟食免費午餐咁感覺真係好差，好討厭我見佢張張枱都係咁問大家都好無奈所以要喺度食飯聚會要諗清楚