泰斗 (中達大廈)

營業中

休息中

這間泰菜店在海防道，環境幾特別！一半部份分隔為露台位置！有大螢幕可以睇世界杯！！邊食邊睇爽yy個場都幾多人~所以 book定位會好dmenu都幾多選擇~價錢唔算太貴！都食得過。奇異果沙冰，我從未飲過咁好飲既沙冰這杯沙冰質感相當綿滑入口唔會feel到有雪既感覺，所以真係超好飲。味道剛好唔太甜又夠味還有芒果，士多啤梨味道真係100%強烈推介豬肉生菜包！餡料好足~香料又夠多，夠哂香微辣尚算ok, 用生菜包食非常清爽開胃泰式蝦醬炒飯，坦白說蝦醬味道唔算濃郁。但個炒飯炒得幾乾身，配上肉鬆，蛋絲，臘腸，蝦，口感幾好如果蝦醬味濃點就更好員工服務都不錯，成場爆哂，眼見佢地做到好辛苦都無黑面！比個讚你地

<泰斗>位於尖沙咀海防道，位置便利，餐廳空間感寬闊，無敵大露台能飽覽九龍公園的樹景，充滿綠化氣息。看著小雨點落在透明帳篷，“滴答滴答”的聲音，配上暈黃的燈光，情調浪漫。椰汁紅豆冰 $42 Happy Hour下午4-6點，所有飲品有七折優惠。紅豆冰的豆蓉十分綿密，配上濃郁的椰汁，香濃細膩，椰汁的甜度不會隨溶冰而退減，啖啖窩心。芒果沙冰 $58沙冰冰爽刺激，經過舌尖而慢慢沁透芒果蜜甜，配上炸物小食，消暑解膩，如果能更入果肉、椰果，口感更豐富。小食拼盤(細) $128拼盤有4款炸物，我最愛炸蝦餅，蝦肉爽彈，口感飽滿，沾上泰式酸辣醬，十分惹味；香草雞翼已切成單骨，外表脆卜卜，愈吃愈過癮。魚餅軟彈，充滿香茅味道，洋溢泰式風情；素春卷包了雜菜絲和粟米，清新滋味。椰香黃咖喱(雞) $108 +烤薄餅 $28黃咖喱微辣惹味，充滿濃濃椰香，雞肉份量很多，加上配料薯仔、紅椒和洋蔥等，放在烤薄餅上吃，十分夾配。只是烤薄餅不夠酥脆，未能做到一層層起酥的口感，但吸嗦了椰香咖喱汁，尚算吸引。蒜蓉包 $32蒜蓉包熱辣、香脆，帶淡淡蒜香，如能塗上更多牛油，味道更加香郁。把蒜蓉包沾上黃咖喱，也是第二種

約咗朋友係尖沙咀行完街搵嘢食，晚飯時間周圍都好多人，朋友介紹呢間係海防道嘅泰式餐廳地方會大一點，決定去試下上到嚟發現原來佢仲有一個好大嘅騎樓，難怪可以容納到咁多人，不過上到黎都要等咗大概15分鐘先有位，唔緊要最緊要好食補返數生蝦係我去每個泰式餐廳都必叫嘅，呢度嘅生蝦食得出好新鮮，而且個醬汁好惹味另外再叫左一個泰式拼盤，特別鍾意佢嘅炸蝦餅好有味，而且個炸雞翼好細心地係單骨雞翼，好容易食特別想讚一讚佢個咖喱蟹，蟹好新鮮而且好多肉，但係我覺得最出色係佢個咖喱汁，好香，配合埋蒜蓉包係超級超級好食

朋友見呢間所謂嘅泰國菜有211個好評，佢又標榜可以吸煙，所以去試吓。結果，我從來唔會寫食評，但呢間偽泰菜迫我第一次留食評難食同服務差到一個點！我唔知呢間嘢，請左幾多打手先有211個好評，總之永遠black list同朋友預約左七點鐘，寫明要坐outside，因為有煙民。上到去，個待應哥哥安排我地坐出面，但解釋，如果食煙，就要去個角落位食，唔可以响枱度食，呢個係咩玩法？咁我地要求坐返入去涼冷氣。坐返入去見到有泰國人，心諗都唔會差得去邊啦，就叫嘢食，叫左4樣，1. 泰式炒金邊粉2. 雞肉、牛舌、牛肉串燒3. 炸軟殼蝦4. 小食拼盤落單唔洗1分鐘，個泰式炒金邊粉即到，呢個泰式炒金邊粉，食到一陣酸餿味，簡直不知所謂！跟住嚟左個炸軟殼蟹，呢個炸殼蟹把閉咯，一咬，成啖油响你個口，完全得油味，一啲軟腳蟹味都冇！跟住再嚟個小食拼盤，個待應哥哥又搞笑，問我放邊，我答放台囉！小食拼盤有香葉雞翼、蝦餅、魚餅同春卷。個所謂香葉雞翼，只有普通炸雞翼嘅味，蝦餅同魚餅淋到比個亞婆都食到，個春卷先叫正常返。最後等左好耐嘅串燒，每款38蚊兩串，個雞串細串到一個點，連埋沙爹醬食，都食到個陣雪味。個牛肉串好勁，有牛肉干嘅味

愈嚟愈多朋友返咗大陸做野～最大嘅唔同就係話食野嘅選擇少咗～鍾意食泰菜嘅呢位朋友話好耐無食金邊粉(又一位同家姐一樣嘅金邊粉狂熱)，見到呢間環境都以舒服～所以決定嚟試吓～#柚子沙律 $98喺泰國已經怒食柚子沙律嘅豬太郎今日都決定嗌嚟試吓～少少辣好過癮，柚子食落唔會有澀味～清新得嚟好開胃！#泰式蝦肉炒金邊粉 $108朋友最愛嘅金邊粉出場啦！份量多到有啲食唔晒～(三個人嚟食都應該OK～)金邊粉甜味啱啱好～朋友都好滿意啊！#蒜香軟殻蟹 $108一炸出嚟熱辣辣好香～上面嘅炸蒜好香口！軟殻蟹都幾大隻㗎～啖啖肉～美中不足的就係炸的有啲油～#芒果沙冰 $58勁大又滿杯嘅芒果沙冰真係超滿足～今晚食嘅野都比較油～飲杯沙冰感覺好爽～淨係沙冰都覺得有啲飽lol最最最唔OK就只係個日太熱lol 因為間舖係半開放式～想坐耐啲傾計都有啲難～

很久沒有吃泰國菜，今次試試這間位於樓上的食肆。除了室內有座位，還有露台座位，不但一樣有冷氣，還面對九龍公園的大樹，環境很舒服。鹽燒牛舌(兩串) 牛舌不算很大件，其中有一件有點靱，但以$38能有兩串牛舌，也算合理。咖哩蟹 我們最喜歡吃蟹，所以便試試這裏的招牌菜。蟹很大隻而且蟹肉很鮮甜，味道辣辣和甜甜的。現在能以優惠價$398吃到原價$498的咖哩蟹，真的很划算。烤薄餅 吃咖哩一定要配薄餅，但可能我們不是立刻吃，所以覺得薄餅比較硬身和油膩。芒果糯米飯 很少能吃到熱騰騰的糯米飯，而且口感煙靭，椰汁很香，芒果也很甜，是一道很滿意的甜品。

同朋友慶祝生日，來吃個有氣氛的泰國餐廳，位於尖沙咀鬧市。 泰斗位置很近地鐵，而且有個露天位置，可以望街景，對面就是九龍公園，是咱們最有回憶的地方。雖說是露天，但餐廳細心舖好大型透明膠膜，可以看到外面但又可以嘆到冷氣，不用怕蚊咬看過餐牌，點了幾樣先來個小食併盤 細 (128元)有魚餅、蝦餅、雞中翼、素春捲 每樣都係新鮮滾熱辣，點埋個酸汁食，款款都好惹味。雞中翼仲要係開咗邊單骨上，好易食。泰式燒雞半隻 (168元)隻燒雞上嚟已經好香，令人垂涎三尺 雞肉超級嫩滑，雞皮鹹鹹哋再點上酸汁好正。馬沙文咖哩牛坑腩配薄餅 (168元)牛坑腩唔算大塊，但好嫩好有牛味 咖哩汁唔算辣但送飯一流薄餅比較薄同軟，唔油膩，份量比較小，如果可以配多2塊就更好餐廳食物水汁都幾好，而且可以揀要大定要細份，都幾貼心，氣氛亦都唔錯，下次可以再嚟。

露天位唔算太熱, 有冷氣既都, 坐得算舒服, 主要係桌大, 唔會放唔落野~食得泰野,椰汁唔少得, 香港比較少有得飲, 當然黎到緊係飲下!呢到既curry 味道偏甜, 份量多, 配飯食叫餸咁樣食唔錯的,唔辣既味道, 如果辣返小小會更好, 我知道黃curry 辣極有限, 但呢個係直頭無辣味. 加小小辣油會好味d串燒其實係呢到最正既野,  除左本身燒得好食之外, 佢既醬係最好食, 同其他沙爹醬有小小唔同, 比較甜多dd,同埋小小麻味. 我覺得好好食!牛既份量相當多, 我叫左7成, ,但份量多既關係俾左相當高既印象分!口感反而差緊d, 有小小過硬, 醬汁正常既點飯食就唔錯, 因為汁濃小小 配返淡味既飯岩岩好~整體環境唔錯, 價格合理!

食泰國嘢好多人都會諗去九龍城，但其實就響尖沙咀海防道都有一間好好食嘅泰國菜，之前食過唔錯今次同朋友聚餐都揀咗呢一度。原來每個月都有一個優惠表！今期係食蟹！當然食泰國菜就要叫返一隻咖喱炒蟹！咖喱超級香！個汁用來撈飯一流！唔會太辣！蟹亦都好大隻，多肉！肉質鮮甜！當然要點多一份蒜蓉包用來食咖喱啦！蒜蓉包烘得好香脆！牛油蒜蓉味都好香！串燒要左牛肉同雞肉，沙嗲汁超級惹味！有少少花生香！推介！小食拼盤有四款小吃，個人最喜歡一字雞翼，醃得入味！其他也很香口！柚子沙律好開胃！酸酸甜甜，柚子肉好新鮮，食落有爆汁嘅感覺！生蝦非常之肥大肉厚！肉質都好鮮甜！好好食！食得清淡d，所以叫咗清炒椰菜苗！菜苗都算嫩。最後炒金邊粉不會太油，蝦亦爽口！整體來講每道菜都不錯！地點又方便！

很久沒有吃泰國菜, 要出來覓食, 選了這家在尖沙咀的樓上店, 看樣子情調不錯, 評價也不錯, 也就一試吧。見到本月優惠, 很吸引, 蟹的菜式都有減$100的優惠, 便選了喜愛的咖喱蟹, 留意加一收費是正價計算的。咖哩蟹$398一隻大大的肉蟹, 二人分享十分滿足, 先試一試咖哩汁, 味道很香濃及有蛋黃香味, 甜而不辣, 很惹味, 還有不少爽口的洋蔥、三色椒等, 可以伴咖哩汁吃, 而主角蟹肉方面, 味道和肉質都是新鮮的, 蟹肉鮮甜, 但有一個問題是蟹肉頗痴殼, 剝離後往往已變成絲, 無法較大件的放入口, 令口感稍差。烤薄餅$28叫了一份薄餅, 想伴咖哩汁吃, 不過薄餅質素一般, 有點死實, 不夠鬆軟和不夠層次, 或許是我期望太高吧。粉絲雜菜煲$118很豐富的雜菜, 有西蘭花、椰菜花、芥蘭、菇類、芽菜等, 蔬菜新鮮可口, 粉絲調味都不錯, 少少醬油味和蒜香, 不會太鹹, 只是整體油份偏多, 吃著令人有點膩。吃的東西只有三款, 但也都幾飽, 咖哩汁特別美味, 菜式都很快送到, 很有效率, 吃蟹有濕紙巾, 手套等提供, 幾細心, 店員也主動換碟和加水, 值得一讚!

在openrice 搜尋到這間排名很高的泰國餐廳, 上一次跟家人沒有 booking , 真的連 walk-in 都沒有位, 給打發走了….所以我們更加想試一下這間為什麼如此受歡迎的餐廳今晚二人世界, 早到一點, 可以找到一個近露台的位置, 然後我終於明白這是什麼原因了, 這個有雨蓬的泰式露台加上了餐廳出色的燈光設計, 滲光的環境加上海防道的榕樹也打了光影, 好似置身幾米的漫畫中, 有點迷幻優美 想不到餐廳職員對生蠔的介紹很詳盡, 我們情不自禁叫了Seasonal Oyster 說真的, 這個set性價比很高, 6 隻生蠔跟2 杯白酒 -Chardonnay, 也只是$298 南非生蠔 – 比較圓及淡味些, creamy, 帶有金屬味, 不太重的海水味, 味道不算持久, 所以要先食。飲了Chardonnay 之後, 金屬味再出些。蘇格蘭生蠔 – 比較長形瘦身, 蠔味不會好strong, 蠔身帶有回甘及海水味, 比較清新些, 飲完 Chardonnay 後再甜些, after taste 比較濃身long lasting 柚子沙律 在夏日炎炎的天氣食真的很開胃, 柚子很甜很有心機弄碎,

  Thai Master offers an array of Thai cuisine boasting a larger than average menu offering options. We took a seat next to the balcony, and despite the rain outside, there was a clear tarp keeping the view in and the water out. My meal started off with a strawberry slush, which came in a gigantic portion, literally couldn’t finish it. This was followed by a serving of 2 skewered tiger prawns, fresh off the barbecue. Their heads were larger than the length of my thumb, and their flesh was meaty a

Going to Thai Master is a treat for people who are looking for a wide menu of Thai cuisine. Both the interior and balcony view offer their own individual perks so be sure to give both a try. I started off my meal with a coconut to drink; needless to say, it was prepared swiftly and was fresh in every sense of the word.  Speaking of fresh, the followup appetizer .I ordered consisted of about a dozen raw shrimp paired with a green sauce. Just like before, the shrimp had no strong odors or flavors

As the name suggests, Thai Master is a restaurant that specializes in Thai cuisine ranging from fresh seafood to assorted curry dishes. We were given a balcony seat, which sports a fantastic view over the street below.I started my meal with their Special Lemon drink, while refreshing, seemed to have a rather chunky zest at the bottom of the drink I was not accustomed to. I followed this up with a half dozen raw oysters, paired with two glasses of wine. The sauces left my rather bewildered seeing

海防道呢間泰斗，上到嚟環境都幾ok喎， 主打食泰國菜同埋 restaurant酒吧式嘅， 黑黑地 坐喺度食下嘢飲下酒傾計都幾唔錯雖然呢個位喺露台出現但係有曬冷氣都幾涼爽， 人多坐呢啲卡位飲嘢食嘢傾下偈都幾好feel七點前 落order仲有7折添， 呢個天氣 真係飲番2杯啤酒係最痛快， 計過條數我哋飲得多，點呢款最著數，平均有4大杯點左條鹽燒烏頭， 鹹鹹哋送下酒都幾唔錯， 加上佢用咗香茅 同埋其他泰式主打嘅配料， 塞咗係魚嘅中間一齊去燒， 所以完成後條烏頭係一啲泥味都冇 ，仲充滿泰式風味香噴噴添， 而且食落 啲肉質又軟又淋又入味，好味呀之後點咗個 泰式香辣蝦膏海鮮炒河， 味道偏鹹 偏辣， 好惹味， 出面好少食到呢款炒河，所以都值得推介一下