泰斗 (中達大廈)

營業中

休息中

有時一條友可以選擇自己鐘意食既野，今日就試下一條友去食泰國菜啦～經朋友推介黎左呢間泰斗。裝潢非常有泰國風，仲有香芬機，好香令人好舒服！唔洗等即刻就可以入坐，出面有個露枱位，可惜今日落毛毛雨。見到餐牌推介有個冬陰公湯打邊爐$318真係勁想食呀！！佢個套餐仲包一盤海鮮併盤，一片牛頸脊，什錦拼盤，仲有飲品一杯！如果４個人一齊黎食，仲包半隻泰式燒雞～８個人包一隻！平到爆呀！電話早一日預約仲有８５折！嘩～～真係好想即刻叫班朋友黎一齊食！最後當然都係自己食-.-" 我叫左個青咖哩雞，佢可以俾我選擇加錢要薄餅/白飯～我選擇叫多個泰式豬頸肉炒飯！青咖哩我最愛，椰汁味勁重，加上青咖哩小小辣，人間味食！！在加上野味既豬頸肉炒飯，炒到粒粒飯分開，仲有好多既豬頸肉，簡直一流呀！自己一條友真係食唔曬，最後都係要外賣！一個盒要３蚊，不過可以帶走咁正既味食，平呀！唔係講笑！！我相信好快我一定會在黎食！仲會叫一大班朋友

九龍公園的海防道，遊人熙來攘往，沒想到咁方便嘅地區，上到商業大廈嘅4樓，瞬間綠樹林䕃，餐廳名叫「泰斗」，擺枱可以延伸到戶外，就像城市中嘅綠洲，充滿熱帶風情，真是吃泰國菜的好地方。食泰國菜，必點小食拼盤，香口脆脆， 魚餅、蝦餅，雞翼、春卷，口感不一樣，味道卻是一樣的好吃😋😋😋黃咖喱海鮮配薄餅，不辣黃咖喱色彩誘惑，豐厚creamy 嘅醬料一客薄餅絕對應接不了雜錦海鮮有蝦🦐魷魚🦑青口🐟魚柳，夾雜着紅黃綠三色椒，爽甜開胃，點包送飯都一流，是一道適合大夥兒點選的菜色👍👍👍香芋焗飯帶點薄脆飯焦，fusion 左中式煲仔風味，芋頭飄香腰果脆，超級讚👍👍👍椰汁冰透心冰涼，樹影婆娑，晚飯「泰斗」，非常relax 🤩🤩🤩

今日約左朋友黎尖沙咀揾食，因為想食泰國菜所以就揀左呢間泰斗黎試下。餐廳環境都幾靚，有可以好似露台咁既位，一邊食飯一邊望住繁華既街道😂😂食物方面就嗌左生蝦刺身，炒貴叼，燒豬頸肉，串燒等。蝦都幾新鮮，豬頸肉又唔會燒過龍。

屋企人喺大陸嗰邊過黎香港玩，咁岩住喺尖沙咀，咁就喺尖沙咀呢度附近揾野食啦。喺openrice度見到呢間泰斗評價唔錯，咁就黎試下啦。我地一行七人黎到餐廳，咁佢地就安排左一間vip房俾我地。咁我地就嗌左柚子沙律，小食拼盤，冬陰公，豬頸肉，炒通菜等等黎試下。我仲嗌左芒果沙冰黎飲👍🏻食物既整體質素都真係幾好，唯一要挑剔既地方就係冬陰公裏面d蝦就有d唔新鮮，全部都霉霉地😔

尖沙咀呢間「泰斗」，位處於海防道，毗鄰係九龍公園，佢有一個半空平台花園，喺呢個環境食泰國菜，真係另有一番風味👍🏻可惜今次坐唔到Outdoor，不過都唔緊要，遠遠咁望到啲綠色大樹🌳，原來又有另一番滋味😬呢度除咗有出名嘅時令生蠔之外，仲有好多泰國出名嘅特色菜，梗有一款啱你心水！今晚同朋友嚟呢度傾吓計，發覺佢都幾旺場，店員仲介紹今晚有特價鹽燒魚，原來佢哋時不時都會有啲特價菜色供應👍🏻我哋叫咗個泰國🇹🇭小食拼盤（細）$128，有香葉雞中翼、魚餅、蝦餅、素春卷，兩個人份量啱啱好🤗我特別鍾意佢哋嘅魚餅，有魚味又啖啖肉，香脆得來好滋味，再點埋啲泰國醬，正😋傾吓講吓，飲番杯檸檬梳打，食埋我至愛芒果糯米飯，真係大大滿足😍服務員個個都好客氣，效率又快，也值得一讚👍🏻

係尖沙咀行完街驚朋友介紹就去左呢間叫泰斗，上到餐廳已經見到好靚既環境，望出去係見到有好靚嘅燈飾我地叫左酸辣明爐魚，一個細嘅小食拼盤，泰式蝦肉炒金邊粉同埋一杯芒果沙冰小食拼盤分量剛剛好，蝦餅同雞翼炸得好香口，金邊粉味道就酸酸地好開胃，同埋有大大粒嘅蝦肉，魚就好新鮮仲要有個火爐暖住仲有粉絲同肉碎做配菜，店員好好我哋叫芒果沙冰嘅時候店員叫我地等一等因為佢哋要問一問廚房啲芒果新唔新鮮先至再整俾我哋好細心，呢餐泰國菜真係冇得頂，最後提一提呢間餐廳坐得好舒服如果同朋友或者家人你食飯食完飯吹下水好舒服

公司食飯，book左尖沙咀上樓呢間叫泰斗既泰國餐廳，因為人多四十人到，所以包左場環境裝潢都好泰國風味，最正係佢係半露天，環境唔會咁侷促👍🏻 雖然係低層，但都唔會太吵今次食物以自助餐形式，開頭食既小食 春卷、蝦餅已經好食到停唔到，之後個蒜蓉軟殼蟹，好鬆香，及咖哩點蒜蓉包，正😋。晚飯選擇好地方👍🏻

呢間餐廳淨係食環境都已經贏晒，試問幾難得喺尖沙咀竟然有空中露台花園吖，仲要位置又方便，距離尖沙咀地鐵站只係2分鐘🤗就係呢個露天平台，隔離係九龍公園，所以人氣極旺，簡直係鬧市嘅綠洲，仲有一個corner位，啱晒一大夥人嘅朋友喺度聚會😍睇咗一輪餐牌，首先叫咗個泰國🇹🇭小食拼盤，已經有齊四款不同口味嘅小食，慢慢食下傾下講下，一樂也😋我特別鍾意食佢嘅蝦餅，香脆彈牙，好有蝦味，另外仲有素春卷，香葉雞翼和炸魚餅，全部熱辣辣，好味👍🏻另外叫咗個燃燒盲曹，多肉有冇骨，入口嫰滑無比，咸度適中，啖啖肉😋真係好鮮甜入味多汁兼嫰滑，今晚仲特價$148，燒得啱啱好，冇得頂😍食泰國嘢就梗係要嘆埋正宗嘅芒果糯米飯，同埋椰青啦，呢兩樣嘢缺一不可，椰青清甜可口，又多肉，芒果糯米飯，芒果好甜好多肉，糯米飯煙煙韌韌，加啲椰汁落去，好味到不得了，喺尖沙咀有間咁正嘅泰國餐廳，記得要book位啊，好多時候都會爆棚無位，尤其是Outdoor嘅位置🤗

今日同男朋友喺尖沙咀唔知食咩佢話想食泰國菜 就上網搵搵左呢間一入到去 見到窗口位 勁有feel 但可惜我哋冇訂到位 同埋人數唔夠多所以冇得坐 所以下次如果多人 一定會訂窗口位之後首先我哋叫咗做細嘅小食拼盤話就話細 但其實都有好多 兩個人食 其實都算多 每樣都有得試下 真係過足口癮之後叫咗個金邊粉 佢比平時食嘅濕反而咁樣好似仲好食之後叫咗個酸辣明爐魚最正嘅係啲魚好滑 而且仲有粉絲索晒啲酸酸辣辣嘅汁好似食緊麵咁 好惹味之後仲叫咗個芒果沙冰 勁大杯兩個人都夠飲

泰國菜食泰式魚是常識吧😌不過估唔到條魚既份量都幾慷慨，我諗3-4人一齊食都冇咩問題。魚經鹽燒過，除左魚香，仲有淡淡既咸味，配埋泰式醬真係十分唔錯。不過個醬對於唔食辣既我黎講，就覺得辣左啲。但蘸左又好惹味，所以對呢款醬真係又愛又恨。冬蔭公湯又係十分香辣，入面有唔同海鮮，不過如果酸啲就更好啦～生菜包好好食！肉碎好香口，冇得輸呀～不過我覺得味道可以再重手啲，濃味啲。另外仲有甜品，不過今次趕時間，唯有留番下次啦_

2月20日試用開飯book位，朋友想食泰國菜，就選擇了泰斗試試！一行6人晚餐最好食係鳳爪囉及正常嘅椰青菠蘿沙冰都可以！生蝦正常的！煎豪蛋餅夠鮮味，不過似乎冇乜落鹽。4拼拼盤最好食係蝦餅，魚餅太淋麻麻地！海南雞唔得沒有雞味...no菠蘿炒飯一般，菠蘿有根及有些好酸夠？冬陰公啲蝦係霉烏頭一般啦⋯⋯金邊粉好過茶餐廳少少囉！值得一讚環境非常舒服如果有八位嘅話咁咪可以book露台位，如果沒有八人坐一邊就比較迫啦！色飲識食識煮敬上

同3月壽星女飯聚，佢話想食泰菜兼飲杯嘢，就响公司附近搵咗呢間泰斗，食完嘢先至再去飲嘢。我哋坐室內，對住九龍公園嘅大榕樹，綠意盎然，又幾正喎。2個女子都想遠離澱粉質，同埋仲有下一場飲嘢，於是決定清清哋食輕量就算。柚子沙律啖啖柚子肉，汁液充盈，清甜可口，夾雜埋紫洋蔥嘅微微辛辣、仲有炸蔥蒜片又香又惹味，好味又健康酸辣青檸明爐魚呢個魚鍋用嘅係烏頭，烏頭夠肥美，油脂甘香，魚肉質地又滑又無泥味配菜豐富，加埋粉絲份量都幾多架，滾起嚟檸檬嘅清香，聞到都零舍醒神，粉絲吸收咗湯汁精華，酸酸辣辣，又香又滑，夾雜香菜洋蔥一齊食，好味泰式炒椰菜苗講起食泰國嘢揀嘅蔬菜，個人比較鍾情椰菜苗多於通菜，因為咬落爽爽有質感，同埋佢更有代表性顏色青綠又爽口，泰式炒比較清淡，唔及馬拉盞惹味，想健康啲係唔錯嘅選擇。

這個位於尖沙咀海防道的某商厦4樓，餐廳半露天可以望向出面九龍公園，看到街上馬路旁邊熙來攘往的路人，而自己卻坐得舒適有了強烈的對比，餐廳不算太大，卻坐得滿滿的客人十分熱鬧，餐廳燈光稍為昏暗有氣氛情調，適合情侶或三五知己。食物價錢不便宜亦不是太貴，我和友人叫了兩份串燒，一份是豬而另一份是牛舌，每份有兩串，各有指定的醬汁，串燒豬有咬口，醬汁酸酸地幾醒神，反而牛舌較韌，要費勁嘴嚼良久才吞到。馬莎文咖哩牛坑腩配薄餅，咖哩較深色且有濃度高，較適合配薄餅食可中和咖哩的咸度，如果食多碗白飯就更好。雖然餐廳位於尖沙咀旺區，這卻有不錯環境，整體不錯。

泰國菜🌿在香港很受歡迎✔，所以在香港有很多泰國餐廳😋，今天便和朋友到這間餐廳晚飯🍚，餐廳位於商業大廈的四樓，一打開，已見到整個餐廳都坐滿了人🚶‍♂️🚶‍♀️🚶‍♂️🚶‍♀️，原來餐廳有一部分是露天☁️可以看到街景的位置頗有氣氛，食物方面🥢，大部分都是泰國特色的美食好似串燒、咖哩、冬陰功湯等。小食拼盤🦐🐟🍞有蝦餅、魚餅、素春卷、香草雞中翼，整個小食拼盤很香口😊，我個人就較喜歡雞中翼🐔有咬口還有淡淡的香草味🍀 ，另外蝦餅也不錯，點些甜酸醬提升了口感👅。菠蘿炒飯 🍍原隻菠蘿盛載著滿滿的飯粒，有蝦🦐、帶子🐚及其他配料十分之豐富，飯粒粒粒炒得香，視覺上很有質感，配上的肉鬆和腰果一齊食很滿足很滿足，炒飲用上了整個菠蘿十分少見，因為出面餐廳一般沒有用整個菠蘿，或只用一片菠蘿來代替，所以很欣賞這個菜式。餐廳的食物🎵質素不錯，吃得賞心悅目，和朋友吹水食飯學亦沒有被催促，所以吃得更開懷。🎶👨‍🍳💨👨‍🍳💨👨‍🍳💨👨‍🍳💨👨‍🍳💨

尖沙咀樓上鋪, 有唔少美食, 今日就嚟到海防道, 搵到呢間叢林裏的泰國菜 - 泰斗。走進餐廳就被露台外茂密嘅林木景觀吸引, 估唔到從4樓望出去, 海防道嘅大樹景色竟讓人有如置身叢林嘅感覺。泰式椰青海鮮焗飯$148 米飯粒粒乾爽分明, 椰香洋溢, 海鮮有青口、蝦仁、魷魚等。椰殼容量不少, 飯量充足, 兩個人都未必食得晒。另附一碟肉鬆 & 腰果, 即加即食, 滋味程度大大提升！芒果糯米飯$68 香軟糯米飯單配椰漿已經好正, 加上肉嫩多汁嘅芒果, 不枉我特登留肚食佢。店內見唔少食客都點咗泰式火鍋, 下次都試下先！