泰斗 (中達大廈)

營業中

休息中

今日同朋友一行四人黎到尖沙咀食泰菜，今次呢間泰菜係一間樓上店，星期二黎到都有唔少人咁！食泰菜好多時都係食個生蝦開頭，呢到有保鮮紙包住啲冰都算衛生，蝦身都爽口好味既。之後叫左個冬陰公湯，呢到職員好好會問我地要唔要分上，一個細冬陰公湯剛好分左四碗，味道比平時飲既多左椰汁味同一種薄荷葉味。肉食揀左牛小排，呢到燒得好juicy都好稔，味道唔算重口味，配合佢既醬汁多啲酸辣都好惹味。燒牛舌口感一時爽口一時有啲靭，比較普通。青咖哩雞椰汁味重，雞肉好多，用黎送飯同蒜蓉包都係好好既配撘。講到咖哩當然要提下我地個蒜蓉包，外脆內軟，唔會過火太燶同硬，蒜味濃厚，本身包質地好好，值得推薦。之後黎左一個炒金邊粉，份量大碟，蝦肉好多，火喉剛剛好又唔會太乾太油。蝦醬通菜，唔會太咸同埋醬味香濃。芒果沙冰，甜味會沈底，飲之前可能要搞搞佢。總結呢到服務都唔錯，店員係我地叫左椰菜苗後因為食材出現問題都有及時提議轉變菜式，如果黎到尖沙咀又唔想係地面鬧市同人迫，上黎食個好味泰菜都不錯。

放假前黎個 Happy Tuesday , 行完 isquare francfranc 過來泰斗食泰菜，最中意香港口味既泰國唔會辣死人。首先上左泰式生蝦，其實應該要連埋辣椒食，但唔夠膽，所以連蒜片食 only, 點埋泰式酸辣汁好惹味 。大頭蝦冬蔭功湯，幫我地分埋四碗，香料味幾重，各家餐廳既冬蔭功除咗都係咁酸辣外都有些少分別，呢度就食到薄荷葉。汁燒安格斯小排，超正丫!!! 有碳燒味牛肉又嫩滑，牛味油香同時爆發，必點。蒜蓉包鬆脆有牛油蒜香，叫左青咖哩點黎食。通菜嫩口，用蝦醬炒都唔會過咸。pad Thai 好重茄汁味。牛舌燒得剛好，但最好食都係牛小排😍野飲方面，椰青好清甜，芒果沙冰大杯抵飲!

今日同朋友去咗喺尖沙咀嘅泰斗去食泰國菜，個位置都算方便喎，喺尖沙咀站一出行大概5分鐘左右就搵到。一入到間餐廳就覺得呢度嘅氣氛唔錯，仲有個露台，坐上面食嘢都幾有feel。入到去見到餐牌都幾多嘢食，本身想試個冬陰公火鍋，但係點知冇貨。我哋就叫咗個生菜包肉食，因為佢唔係用豬肉，係用鴨肉，我覺得幾特別，個味同豬肉嘅生菜包肉差唔多，但係食落就有一啲鴨香，我就比較鍾意食呢個鴨肉生菜包，另外一提嘅係佢唔算好重香料，食落都好Fresh。我哋仲叫咗個蒜香軟殼蟹做小食，一嚟都幾大份，兩個人都唔係好食得晒，呢個軟蟹都幾香口，但係就有少少油，如果配埋薄餅或者係飯食會好啲。食泰國菜梗係唔少得食串燒啦，我哋叫咗個燒雞串同埋燒牛脷。呢兩個串燒都好好食，燒雞串就配沙嗲醬，牛脷就配特色辣汁，兩個肉類都好嫩滑，都保持到啲肉汁，唔會燒得太乾。最後就以甜品芒果糯米飯作結，個糯米飯配埋棷奶好香，個芒果都甜！

生日飯，去食泰國餐。依到有户外同室內。👨‍🍳👩‍🍳食物質素：小食拼盤（$128），蝦餅同雞翼最為好味，即叫即炸，而且好大件。🐽豬頸肉（$118），唔會太乾，切出黎既厚度唔會太薄，夠Jucy😛。🐟冬蔭公明爐魚（$188），冬蔭公可以選擇一隻辣椒既辣度🥵。而冬蔭公同明爐魚係分上，自己淋落條魚到，魚好大條，而且面舖上粉絲。咖哩牛坑腩配薄餅（$168），最為唔好食的，牛好乾，好似食牛肉乾。薄餅都唔太好食，偏硬。🛋️🛋️環境：户外同室內👦👧適合人數：2-8人😋😋好食指數：3/5🥰😍Souffle 舒服指數：3/5💰💰性價比高指數：3/5P.S.1️⃣今次平日食，如果飲品7點前落單，飲品可以享有7折優惠。

難得喺尖沙咀搵嘢食，今次簡嘅係泰國菜，一步出升降機就是餐廳大門，接待員不在，我們等了一會才被安排入座。餐廳以黑色設計為主，有室內和室外座位。室外是露台，當晚打開了窗簾，太熱太晒和落雨都沒有問題。枱和枱之間的空間比較近，如果多人聚餐氣氛會相對熱鬧。我哋叫咗小食，小食拼盤有雞亦，春卷，蝦餅和魚餅各四件。雞亦香口，春卷熱辣辣新鮮即做，蝦餅厚肉彈牙，魚餅足料味濃。超大盤嘅豪餅，黎都先知道份量咁多，真係少有地喺泰國餐廳可以食到，新鮮熱辣辣送上枱，食落去覺得太油，而且份量勁多，食完呢個其實都已經有七成飽。其實再叫咗個泰式粉面，不過唔記得左影相，味道係正宗既泰式風味，唔差嫁，不過冇影相所以就唔多介紹了不得不讚賞它的紅豆冰，是當晚之最。用了鮮椰汁還帶有少少鹽味，很像泰國的原味！太好飲！吃飽回家去。

今晚又係同Elaine食dinner, 揀左食泰菜，泰菜亦是我其中一款最喜愛的菜式，濃郁而惹味，啱哂我口味雖然坐唔到空中平台位置，但室內情調一樣非常好柚子沙律$78~滿滿的柚子肉非常juicy, 清甜美味，配埋微辣的紫洋葱和又香又脆口的蒜片，簡直是perfect match泰式炒椰菜苗$118~食泰菜我必吃椰菜苗，因除泰國餐廳外很少吃到椰菜苗，椰菜苗爽口又惹味，好啱我口胃酸辣清檸明爐魚$188~配料非常豐富，有金不換， 香茅，檸檬葉，肉碎，草菇和大量粉絲明爐魚起用烏頭，肉質肥美嫩滑，油脂豐脥，一點泥味也沒有，正呀湯頭充滿檸檬的清香，酸酸辣辣，忍不住當湯飲了一碗呢

跟老公係尖沙咀睇完戲，都唔知食咩好😅行過見到這座大廈有好多野食，但又唔想食牛扒、火鍋，我們就簡左食泰國菜。估唔到高朋滿座，等一陣就好快有位。因我們都唔想食肉，所以我們都點左明爐烏魚、泰式炒什菜、泰式炒金邊粉及一個清熱椰清。☺明爐烏魚，好豐富，有粉絲，有肉碎、有菇、芹菜，加入靚湯再加熱食，好好食🤤泰式炒金邊粉，酸酸甜甜，大蝦🍤爽口，豆腐干唔會干净淨，𤏪埋花生🥜醉一齊食，好開胃。要試試！炒什菜，份量都幾多，又多款菜，好健康，清甜爽口👍飲埋清甜椰清，今日二公婆都食得好滿意好飽😊

係公司OT O到8點幾，又餓又攰，就同埋另一個同事係公司附近食飯，其中一個事介紹話有間泰國菜好正，就一齊去慰勞下自己啦！我們差唔多8點半先到，但餐廳都爆滿。我地都鐘意食魚，所以就點左明爐烏頭魚🐟魚比想像中大條，配料好豐富！有粉絲、肉碎同其他配菜料，店員上台後幫我地加入秘制湯，酸辣適中，好開胃，最緊要烏頭魚冇魚腥味☺越熱越好食🤤因為魚都幾大條，我地都唔敢點太多，就點左一碟泰色炒什菜，同一碟泰式炒金邊粉，加個椰清泰式炒金邊粉，平時食開湯金邊粉，但今日見菜單有相，顏色好靚，所以就叫黎試吓，份量都幾多，粉質軟滑，加上干豆腐大蝦🍤，酸酸甜甜好開胃，唔錯👍下次OT 有好地方食飯啦😍

即興去尖沙咀食晚飯，除了大商場裡的連鎖餐廳和一間間排了長人籠的打卡熱店之外，其實還有很多選擇。今晚我們逛完街，拿著包包走到海防道兩旁的大廈，去試一間樓上泰國菜。餐牌有很多選擇，我們看到其他客人在吃海鮮火鍋，還有炒咖哩蟹等，份量好像也不少。因為怕眼闊肚窄，最後所以我們點了小食拼盤，蠔餅煎蛋和咖哩牛腩。小食拼盤有雞亦，春卷，蝦餅和魚餅各四件。雞亦香口，春卷熱辣辣新鮮即做，蝦餅厚肉彈牙，魚餅足料味濃。再來就是蠔餅，很大一碟，蠔仔大大粒，熱呼呼香氣四溢，還有牙菜做伴碟。兩個人吃完已經飽了七成。咖哩牛腩的等候時間比較長，我們吃完其他菜和紅豆冰都準備飲完都未到，不知道是否製作時間比較長。牛腩配了印度煎餅，煎餅不夠熱但味道不錯，牛腩軟熟但咖喱汁是屬於較為水狀和味道較淡，本人覺得如果配白飯可能更合適。

已一段時間沒見這位閨密，她這天為我慶祝生日我看到這間環境不錯還有個露台，很早就已經想試，今天終於可以試下，2人點了兩個菜式及一個羮。我最愛的柚子沙律 － 柚子很香甜帶點微辣，超開胃泰式炒金邊粉 － 酸甜度剛剛好泰式魚肚羮 － 足料而且魚肚彈牙食到一半，侍應走來中檢查這羮是否還熱，真的好細心

一間唔起眼既餐廳，一個人來人往既街上面有個招牌，一間樓上泰國菜。樓下有好多人派單張介紹，二話不說，上去試下咩料子。上到去，門口已經好有FEEL！仲有個露枱位好靚～可惜一早已經俾人BOOK曬！坐底第一時間已經有一陣泰國既酸辣味咁黎到食泰國既地方，冇理由唔食冬陰公湯既～佢用個架放高個煲，但下面又唔係用火燒住，佢係本身已經熱住出黎。職員非常好服務，放低個下會問我地（你想我幫你地定你地自己呀？）^^"我個心一直諗住會好辣，出奇地佢酸多過辣，入面仲有好多材料，非常開胃。跟住仲叫左個炒金邊粉，菜單同現實係有色差，現實係淺色好多。佢中間放左金邊粉，隔離會有小小花生碎同幾隻蝦。我好鐘意呢個味道，甜甜地，金邊粉有咬口又唔會有太多汁。因為個粉都幾大碟，所以兩個人都夠曬食。

同朋友慶祝生日，睇佢ig呢排啲生日飯都係食西餐同日本野多，我今次就揀咗同佢食泰國嘢，因為我深知佢同我一樣都好鍾意食熱氣野😂😂😂😂⭐️蒜蓉包 HKD$32外皮又薄又脆，入面就軟綿綿，好香濃嘅牛油味同香蒜味，食咗雖然有啲罪惡感但係又欲罷不能🙈⭐️泰式燒豬頸肉 HKD$118外表金黃，燒得香口，肉質仲持嫩滑juicy。個sauce酸酸辣辣，好開胃。⭐️小食拼盤(細) HKD$128有蝦餅，魚餅，雞翼，素春卷。蝦餅香脆彈牙👍🏻魚餅冇骨一啲都唔腥，做好有鮮味👍🏻雞翼起咗單骨容易食👍🏻春卷外皮脆薄，餡料豐富👍🏻⭐️蝦醬炒通菜(走辣) HKD$88朋友唔食得辣，我哋叫咗個走辣版本，一上枱就聞到好濃郁嘅蝦醬味，炒得好有鑊氣好惹味🤤⭐️菠蘿海鮮炒飯 HKD$148用咗半邊新鮮菠蘿裝住嘅菠蘿炒飯，賣相精美。飯粒炒得乾身，粒粒分明，配料有唔同嘅海鮮 & 大大粒無渣菠蘿肉。全個菠蘿炒飯都食到好清新嘅菠蘿香甜味👍🏻腰果同肉鬆仲另上俾你自己加，咁就唔會焗到腍哂。仲有可以望到街景嘅座位。甜品望落都好吸引，但係今次食得太飽食唔落甜品，下次嚟再試過。

香港人愛去泰國✈️，愛其民風純樸，熱帶風情🌴感覺輕鬆，最大原因莫過於泰國菜🇹🇭好啱港人口味，今日來到尖沙咀的泰斗，半開放的露台餐廳很舒適💕，泰斗倚着九龍公園的大樹旁🌳，唔使搭飛機就可以有渡假的感覺，一眼就愛上🥰每次見到泰式拼盤就開心， 大大碟甚有party feel , 炸物永遠最得人歡心，隨便一件都香脆可口，泰式春卷，蝦餅、魚餅、單骨雞翼，色澤金黃，每件都滲着泰式香料，春卷脆、雞翼滑、蝦餅魚餅都QQ彈牙 ， 一個拼盤，四款小食，大愛呢💕 香芋雞肉焗飯用石碢上，熱吱吱的，粒粒焗飯夾着芋香，雞粒，還有紅黃綠到有嘅雜豆，脆脆嘅腰果同埋至愛嘅豬肉鬆呢，呢碗堪稱懶人焗飯，唔使諗唔使夾，啖啖都口感豐富，非常好味，最正就係邊邊位仲有大大塊飯焦，係卜卜脆不帶燶味嗰種，簡直好味到暈🤩🤩🤩食泰菜飲龍眼冰至夠Thai ,龍眼肉大大粒，天然甜味無添加，食完鍋飯透心涼，係飲品亦係甜品，perfect 👍👍👍 ，今日收工過來泰斗，大枱全部滿座，下次gathering 一定要預早book定張露台枱開心下😍😍😍

出開尖沙嘴搵老婆食飯、即管試吓平日少食嘅泰國菜Lunch set選擇都幾多有成20款揀。仲有個同泰國菜好似格格不入嘅黑松露蟹肉炒飯例湯冇影相、係碗清清哋嘅冬瓜湯有少少莞茜調味、都幾好味海南雞飯去食泰國嘢梗係首選海南雞飯飯嘅份量都算多、海南雞一定要配黃油飯食落唔會成口油至於啲雞、實在太失望囉！雖然唔太肥、望落去幾吸引但真係一啲雞味都冇如果唔係有個酸酸辣辣嘅汁完全唔想食落去…餐飲加錢要咗龍眼冰唔算太甜、仲有幾粒龍眼肉食吓心情先叫好返少少

女朋友話呢排成日打邊爐，食西餐，冇啲新意食到悶😂🤷🏽‍♂️好彩我醒起之前同舊同學慶祝生日，食過一間喺九龍公園對面嘅上樓泰國菜，環境唔錯又好食，地點方便近港鐵站，一於book定位帶女朋友去試吓。當日我哋七點半左右上到去，入座率已經高達九成，真係好多人食，建議book定位。餐廳環境唔錯，裝修新淨，仲有一部份係半露天， 可以望到街景，由於近街景嘅位置已經坐滿人所以我哋今次都係坐室內。✨小食拼盤(細) HKD128小食拼盤有香葉雞中翼，魚餅，蝦餅，素春卷，細嘅係每款有四件，大嘅拼盤每款有六件。我哋兩個人叫個細嘅都夠食。- 香葉雞中翼 : 單骨雞翼好方便，唔會食得論盡👍🏻- 魚餅 : 好香檸檬葉嘅味道。- 蝦餅 : 肉質彈牙。- 素春卷 : 外皮香脆👍🏻✨泰式燒豬頸肉 HKD118燒嘅火候啱啱好，唔會燒過龍，仲好juicy。✨蒜蓉包 HKD32外脆內軟，食落有香濃嘅蒜香同牛油味。✨蝦醬炒通菜(走辣) HKD88好有鑊氣，蝦醬惹味。✨菠蘿海鮮炒飯 HKD148半邊菠蘿外型好靚，炒飯金黃，海鮮足料，仲配上肉鬆同腰果👍🏻