泰廚泰國菜館

營業中

休息中

次次行經過都聞到勁香串燒味 今次終於入去正正經經咁坐低食番餐泰國菜😋----------香葉辣椒肉碎燴飯 ( 午餐$40 送餐湯及香茅冰/青檸冰 )雖然話係燴飯 但其實即係平時食嘅香葉肉碎飯 肉碎份量勁多 完全夠撈哂有突 撈飯超惹味 調味唔會太重 食食下就食哂成碟😂-炭燒豬頸肉撈檬 ( 午餐時段$38 香茅冰/青檸冰 )同樣地都係份量好多 平時食撈檬可能會落好多魚露酸甜汁 但呢度嘅侍應特別提我地落咁多 因為佢地嘅汁比較濃味 果然港🐷只係落左三匙 已經好夠味👍🏻-泰式酸辣鳳爪沙律 ( $80 )酸辣鳳爪係每次食泰國菜必點 酸辣汁配上無骨鳳爪 作為餐前小菜特別開胃😆-泰式小食拼盤 ( 小$85 大$160 )圖嘅份量為小 小食拼盆有春卷 炸蝦餅 串燒 泰式魚餅各二 同蝦片～ 串燒一豬一雞 肉嫩配上花生醬味濃嘅沙嗲汁 果然係招牌🤓

呢幾日都天文台發出酷熱天氣警告。約左班朋友食晚餐，黎到見到門口排左幾堆人都知心感不妙。最後等左半個鐘先入座，但小編已被汗水弄得全身已濕透( ･᷄ὢ･᷅ )！系出面見到姨姨系到燒烤都覺得熱，辛苦曬啦！餐廳分左兩層，座位相當迫夾，但都應付吾到人流需求，坐得座無虛席。呢到有個優惠，食夠二百蚊就可以用一蚊換購沙律或椰汁糕或生蝦。小編揀左生蝦，以人數分配份量，味道麻麻，叫做過下口癮。串燒選擇吾多，只有 雞同豬(hkd$12/1) 。 燒既火喉剛好，肉感咬落都吾錯，辛苦曬門口位姨姨啦！好味呀！٩(˃̶͈̀௰˂̶͈́)و冬蔭公海鮮湯 (hkd$75) 感覺食泰菜都系必叫之一。睇落好紅，但一啲都吾辣，濃度恰好，對於吾食辣既小編系覺得味道系非常棒！♪(´ε｀ )泰式燒豬頸肉 (hkd$70) 食埋呢個豬頸肉，小編對呢到既燒物都幾有信心，火喉控制得吾錯，肉質香口，用黎送飯一流。馬拉盞炒通菜 (hkd$67) 每次食泰菜必叫，每次都驚好辣，好在呢度有得因應口味而調較辣度。小編叫左少少辣黎吊味，好好味呀！Btw, 雖然呢間食物質素吾錯，但每碟份量都比較少，性價相對變低！

在旺區搵食咁啱途經一間餐廳門口傳來陣陣香味，嘩…一串串的串燒正在燒烤中，望望招牌原來係泰國菜，當下就決定入去食啦店內坐滿人，還有二樓的，夠三人可上樓上，與老友兩人當然坐樓下啦，看看餐牌點了個泰式咖哩海鮮配簿餅，小食拼盤，木瓜沙律泰式咖哩海鮮，香濃既咖哩汁，不太辣，配上薄餅，美味可口泰式小食拼盤(小)有雞肉串和豬肉串再配埋個沙嗲汁好惹味就係被呢啲串燒吸引左我入黎，雖然只得兩串，但小食多滋味，炸蝦餅好爽口，炸春卷爽脆，這個印尼蝦片還是泰國蝦片呢，都不要緊啦，總之卜卜脆啦人多既可叫個大既拼盤。惠顧夠200，加1蚊可指定4選一款，我們選擇泰式木瓜沙律，清新爽口咸檸梳打

同朋友經過 旺角見到呢家出面 有泰國串燒 賣嘅 餐廳就入去試下啦估唔到 入面 有兩層我哋 上咗 上面嗰層睇吓個餐牌先好似好多 嘢食喎初步感覺良好先嚟冬瓜 肉碎湯加咗啲胡椒粉 最啱大熱天時飲 消暑解渴再呢個泰式小食拼盤蝦餅好好食 炸得新鮮又香脆 串燒整得好入味蝦片 出奇地 香口 最緊要啲春捲 都好鬼正冬蔭海鮮湯 青口 夠大隻 辣辣地 但超惹味好似去咗泰國食一樣跟住係 泰式炒粉絲炭燒豬頸肉捞檬 記住加啲酸汁記住試下 紅豆冰 係用椰奶造 好香好滑青檸冰真係幾抵食

行過門口聞到串燒的香味，非常吸引。立即叫了兩串，辣得好惹味，肉厚亦夠嫰，沙嗲超多不手軟，好味。蝦餅魚餅有半個拳頭大，非常鮮味，即叫即炸，香脆可口。通菜好大碟，又夠爽，超值，馬拉棧好開胃。青咖喱食得出很香椰味，不會太辣，肉和菜的份量都很多。另外點了薄餅配咖喱，薄餅鬆脆，很香牛油味，不配咖喱也很好，加上咖喱配搭得更好。剛好遇到優惠，食滿$200可用$1加生蝦，有四隻，新鮮肉厚，很喜歡醬汁的蒜香味。兩個人飲啤酒加吃飯，共$300，很滿足，食物高質。

好鍾意食泰國嘢，今日行經旺角，就去花園街食泰國嘢。呢間泰國餐廳有兩層，門口就賣串燒，每次經過都聞到香噴噴串燒味冬陰公湯河，推介指數：3/5酸味適中，湯料豐富，而且豬頸肉燒得好香，配埋一齊食一流，不過有啲辣，我比較怕辣，未必啱港人食木瓜沙律，推介指數：2/5第一次食木瓜沙律，係加錢換嘅，但係味道一般，木瓜唔夠入味，食唔到酸辣味道，另外醬汁偏辣雜錦串燒，推薦指數：4/5有牛、豬及雞串燒，我覺得牛同埋豬肉質偏硬，雞就好嫩好味，同埋醬汁好香，值得推介蒜蓉包、生菜包肉碎 ，推介指數：2/5兩樣嘢食都好一般，蒜蓉包比較淰，肉碎味道好淡，吾夠香，味道好差炒金邊粉，推薦指數：3/5金邊粉最緊要係醬汁夠味，但係呢碟金邊粉味道一般，唔夠酸，而且味道好淡

泰國🇹🇭菜誠意推薦呢間就腳又平既泰廚泰國菜館餐廳位於旺角通菜街，金魚街附近坐火車既一落天橋就到叫左菠蘿炒飯$98，香茅豬扒$72(小菜），蝦餅$85，咸檸七$22，泰式和牛串燒$20菠蘿炒飯真係原隻菠蘿上，擺盤好細緻啊炒飯好多海鮮同肉，足料誠意推薦大家一試香茅豬扒真心好好味，想起就流口水了🤤🤤豬扒炸得唔乾，夠juicy 同勁有香茅味，再點個汁簡直係人間美食啊，好想再食吖～蝦餅食得出係新鮮打好既蝦膠炸既，炸到剛熟，新鮮好吃！和牛串燒係即燒加上泰式汁醬一流啊食到好飽飲左杯泰式咸檸七，真係唔似我地平時係茶餐廳飲個d，應該係個咸青檸餐廳自己醃製，所以同平時茶餐廳個d唔同，飲落好解膩架！👍🏻👍🏻👍🏻食夠200原來加⼀蚊就有椰汁糕，抵！

行經旺角通菜街天橋， 甫行落大街，便嗅到炭燒烤肉的味道。。。我的天呀，今早有小小喉嚨痛， 但怎能抵抗這種魔力！ 太邪惡了！舖面不大，超過3人可上2樓雅座。 在出名旺的地區， 串金尺土，也不要計較那麼，好吃咪得囉！靚表姐細細声向我說"冷氣好大風"， 店員好醒目体貼； 立即把冷氣風葉角度稍微調節， 呢d咪係"優良服務"囉看著餐牌和四周牆上的介紹，每一道菜餚看來相當泰式風味， 都好好吃唷～ 很嚴重的點餐障礙症出現了點了"泰國咖喱海鮮 + 薄餅"， 無錯，泰國象啤， 解解涼，夠消暑! 很地道的泰式味道， 咖喱甜甜哋， 海鮮夠新鲜, 相當可口！泰式小食拼盆 串燒雞和豬肉，真係好入味，配上沙爹花生醬料， 送啤酒一流！ 其他炸物, 也有水準! 大口吃肉大口喝酒喔！對月當歌， 人生幾何！後記： 翌日喉嚨無哂事 果然"酒＂是我的良藥, 各人体質不同,請勿模仿!泰式木瓜沙律 ~ $1 咋！ 不是老板做慈善 夠 $200 消費，就有得攔架啦，仲有4款任選1呢！

近來旺角多了很多泰國菜，剛巧路過這間。門外有小食、串燒，而且價錢合理。恰巧有位，於是入內晚餐。食物種類頗多，而且有些優惠的食物 友人太口渴，所以即點了「泰式香茅冰」。泰式香茅冰，味道清新，解渴！之後，我們點了「泰式肉碎生菜包 (豬)」、「泰式炒椰菜苗」、「泰式乾炒海鮮河」、「泰燒和牛串」、「串燒沙爹雞」及滿 $200 可用一元，選了「泰式木瓜沙律」。$1 的泰式木瓜沙律，份量當然會少啦！酸酸甜甜，爽口，開胃！友人最愛點這個菜，泰式肉碎生菜包 (豬)，肉碎份量頗多，鹹度適中，用新鮮生菜包在一起吃，不錯！泰式炒椰菜苗，很嫩，夠新鮮！新嘗試，泰式乾炒海鮮河，不再常常食 "Pad Thai" ^_<河粉炒得頗乾身，入味！門口有串燒賣，當然要食下串燒啦！點了一串泰燒和牛串及一串串燒沙爹雞，和牛串味道頗特別，肉質嫩滑！沙爹雞串，醬汁另上 (我怕太辣)，但食落，醬汁不太辣，惹味！

心血來潮, 忽然想起泰國菜。泰國菜多數人會想起九龍城等地, 泰國人來港的聚居地, 菜色當然比較正宗。但今次卻來到坐落太子, 屹立多年的正宗泰國菜－泰廚。☝🏻☝🏻食客們請注意, 必食！☝🏻☝🏻泰式生蝦 $1必食⭐⭐⭐⭐⭐「你無睇錯, 我無打錯。只係$1!! 」凡惠顧滿$200元均可以$1選一款指定美食。而且刺身非常新鮮, 並無將價就貨。酸辣鳳爪沙律 $80必食⭐⭐⭐⭐本人習慣於飯前點些開胃小菜, 這次角色就是它－酸辣鳳爪。泰式酸辣醬汁搭配無骨鳳爪, 寧舍開胃且非常有咬口。小食拼盤 $85必食⭐⭐⭐⭐選擇困難症恩物, 包含: 串燒、蝦片、蝦餅、扎肉春卷等。串燒即點即燒, 淋上風味沙爹醬, 肉質鮮嫩且口感十足。馬拉盞炒通菜 $67必食⭐⭐⭐⭐正宗泰式風味的馬拉盞炒通菜。醬料非常香口惹味, 鑊氣十足實屬必食之選。(左) 青檸梳打 $22 / (右) 啡噢靚 $14青檸梳打比較常見, 選用正宗泰國品牌梳打水。「啡噢靚是甚麼呢？」好多人有相同的疑問, 啡噢靚也是咖啡之一, 只是加糖不加奶。

餐廳屹立不倒旺角多年 想不到長大後有朋友會提議這間餐廳沒有失望 風味依然存在價錢公道 服務亦不錯必吃的小食拼盤 $85內有沙嗲串燒(豬和雞各一)、泰式魚餅、春卷、蝦餅各兩件及適量蝦片沙嗲汁花生醬味重 有花生粒 好夠味 我和朋友都很喜歡另外魚餅好彈牙因為朋友的關係 初試冬蔭公湯 酸酸辣辣 原隻蝦奉上 餐廳好細心地把蝦尾開邊 方便進食 足料冬蔭大頭蝦湯 $75海南雞無骨夠滑 脂肪亦比較少 雞飯不油膩 夠乾身 雖然雞本身夠味 不過私心很喜歡這個醬汁泰式海南雞飯 $65泰式青檸梳打 $22 用上整枝泰國梳打水 好夠氣現凡光顧滿＄200便可以$1優惠價換一款美食 有泰式生蝦 生蝦爽口、晶瑩剔透 配上酸酸辣辣的汁 物超所值

每次經過呢條街,都會見到門口個姐姐不停燒串燒,香噴噴既串燒味就連天橋上面都聞到,今次立定決心要試試,仲要試埋佢入面既泰國菜餐廳環境在鬧市中算得上簡潔企理, 服務態度也非常好木瓜沙律爽口得黎開胃，跟指定主菜一齊叫只是加$1，抵呀！串燒沙爹豬肉，因為食落好嫩口完全不會有乾爭爭的感覺，好juicy,好有bbq風味，難怪出面咁多人排隊買泰式炒椰菜苗，非常惹味，菜新鮮得黎也很嫩泰式菠蘿炒飯，真係有菠蘿肉既菠蘿炒飯，買相十分吸引，見到就忍唔住要食泰式古法烤槽魚，水份不但沒有流失，而且可以見到濕潤嫩滑既魚肉，食落仲好鮮甜，點埋特製既醬一流菜式多樣化，價錢也合理

呢間泰國餐廳，嚮正旺角金魚街，相信大家經過時，都會俾門口既串燒香味吸引左。而且它已經有好耐歷史，我當年98讀完書返香港，它已經存在，証明呢間餐廳的食物有一定的保證。所以今次經過旺角金魚街，都忍唔住要入去食返次先得。在收銀度取了排隊號後，可能由於剛好有幾張枱埋單，不需要等好久便可以進去了。座下後，看了一會餐牌，發現它正在做推廣，只要用餐達到 $200 以上，便可以用 $1 加點 4 種食物其中一種。正當在想點哪一個時，旁邊有一枱8個人的，應該是滿了 $800 以上，他們可以用 $4 加點4個，他們要了每樣一碟。除了這個優惠外，另外還有另外一個優惠，是根據當天是星期幾做，由於我太太不太喜歡那個明爐魚，所以沒點。正當我還在選的時候，我太太已經說想吃幾個菜式了，所以我只是選了我的飲料和加$1的椰汁糕。而我太太選了1) 她最愛的酸辣鳳爪沙律2) 肉碎生菜包3) 細的小食拼盤4) 2串串燒，因為小食拼盤已包括一串豬和一串雞5) 涼粉冰6) 咸檸七7) 泰式椰汁糕勁好味的酸辣鳳爪，酸同辣的比例剛剛好，我太太說這家做得很有水準！好正宗的泰國肉碎生菜包，如果d生菜再新鮮d，咁就Perfect啦！勁好味的

約左仲未脫苦海既舊同事俾啲機會佢地呻下，就諗住食間可以講到燥嘈啲都唔怕既餐廳。佢地話食呢間泰野。我平日行過好多人等位同買串燒外賣，今日7點左右到左，但同事們仲未走得我行左個圈再返來，個收銀叔叔話得返一張枱，仲話其他客都係7點入無左呢張有排等，嚇得我吖，諗左一陣都係入去諗定食乜差唔多啦。上到去有張大枱，我玩左陣電話就有張細枱轉俾我🙈咁早知唔入來住。msg搖控同事問食乜，攪左一輪先落單前後已經20mins🙈🙈。因為佢入圍得獎食店我對佢充滿期望，又多人又限時咁（利申：我屋企以前開泰菜館，食開正宗泰廚煮既。）上菜生蝦食滿$200可$1叫，咁$1有4隻咁抵我唔會對佢好高要求，都係平常來貨既淡水蝦。個汁我成隻瞓落去都無味又唔辣又唔酸🤔大蝦冬陰功，一個Size，唔熱既🙈多香茅南薑辣椒，但食得既材料除左果一隻大蝦其他欠奉🙄除左鹹鹹地又係少少辣都無，其呢香茅只係個根部拍散先有味，其他位丟得架喇，唔使放落個湯度話俾我知你有落既青咖哩海鮮，超綠好假色素會唔會多左啲呀🙈無椰汁香味，唔似食緊咖哩，其實又係無乜味，海鮮有幾隻青口蝦仔魷魚係咁多配左兩塊$30薄餅，呢個正常味，不過剪到咁細塊無得包住啲料食咁過癮 生菜

我同朋友都真係好鍾意食泰國菜，除左平時會食九龍城有條泰國菜街之外，今日行到黎旺角，都想揀返間泰國菜食我地的晚飯。椒鹽海鮮炒飯 ： 鑊氣十足，多海鮮材料，味道不會太咸太膩，甘香可口，賣相吸引。椒鹽鮮蝦球：外脆內爽，蝦肉十分彈牙爽口，很煙韌。配伴菜青甜的青椒，賣相和味道十分配搭。（豬）肉碎生菜包：豬肉的咸味控制得很好，不會過咸，亦不油膩。生菜十分新鮮乾淨，份量亦充足，足夠二人進食。+$1 泰式生蝦：鮮甜新鮮，蝦肉不會太霉，有彈性和鮮味。醬汁的味道亦剛好令鮮蝦的蝦肉相輔相成，帶出鮮蝦的蝦味。小食拼盤（半份）：由於我同朋友都有選擇困難症，樣樣小食都想食，但係女人就係眼闊肚窄！ 於是點小食拼盤半份，份量岩岩好，每人每樣野都可以試足，大飽眼福&口福！ 椰汁冰！ 超級好味！ 食泰國菜必點，我而家都仲好掛住個味道！ 啫喱一條條爽口彈牙，椰汁味重，好正