泰廚泰國菜館

營業中

休息中

經過餐廳門口聞到串燒好香輕易就可吸引客人泰式生蝦刺身惠顧二百即可任選兩款沙律/生蝦/甜品；生蝦新鮮味道鮮甜；蘸汁微酸開胃而且可以按照個人喜好加入辣椒泰式炸蝦餅拼炸春卷蝦餅肉質緊實；春卷金黃香脆餡料豐富泰式古法烤槽魚餐廳優惠提供每日精選特價菜式；錫紙包住完條燒烤保留肉汁而且魚肉滑嫩鮮甜；配上香茅以及蘸汁好正馬拉盞炒通菜通菜幼嫩加上馬拉盞咸香惹味泰式炒金邊粉金邊粉味道帶甜加上青檸微酸最後拌入花生咸香口感豐富史両鏡黃咖哩牛肉黃咖哩味道香濃但係相較紅綠兩種咖哩溫和；牛肉軟腍唔韌薄餅薄餅外皮酥脆口感煙韌最啱配搭咖哩泰式青檸梳打原來象牌除左啤酒沖有梳打；青檸梳打真係無得輸

今日去開太子順便到附近泰廚泰國菜館吃午餐。泰廚門外經常有姐姐在燒串燒、即叫即製、好似幾好味。我地要了濕炒雞絲炒河、河粉好大片、味道不俗、雞絲都唔少、去掉雞皮賣相會比較好。悶熱的天氣喝個泰國椰青、清甜涼快。泰式炒通菜$67 炒得幾惹味、唔辣。泰式酸辣椰汁雞湯$65熱騰騰的椰汁雞湯以小鍋送上、少少酸辣、味道可以、如果放多點車厘茄、菇就更好了。各點了兩串雞肉和豬肉串燒、$12/串燒得幾香、沙嗲汁都好濃味！

最近常食泰國菜，聽說這間泰國菜餐廳在旺角很久，但係我都未幫襯過，嗰晚同一班朋友聚會於是就揀咗呢一間。 .主食方面我地點左佢嘅炒粉絲（$65），菠蘿🍍炒飯（$98），泰式炒金邊粉（$65）及蝦膏炒飯（$75）等等，分量唔算大，勝在夠鍋氣又惹味! 泰式小食拼盤（$85）做得都夠地道又好香口，正！又點左古法烤焗槽魚（$132），用錫紙包住條魚嚟烤，肉質鮮嫩！👍生菜包同埋咖喱炒雜菜同樣地出色！我們仲點左半隻泰式海南雞$98，肉質鮮嫩啱啱好，有口感不會是稔身，而且我覺得佢做得好正宗，真心好食！👍整體佢每樣餸都整得幾好味同埋地道！呢個真心抵讚👍👍👍但可惜佢嘅服務態度真係爭啲🙁個老闆同侍應都串串共咁🙁坐得亦唔算舒服，仲要限時。.正所謂「無比較，無傷害」，比較下其實佢嘅泰國菜雖好食過之前介紹尖沙咀泰燒遙少少，仲無論環境，服務態度和用餐時間上泰燒遙都好太多了，呢間泰厨仲要限1.5小時sharp cut, 一開始個老闆仲要勁串咁問我友人到齊未，分秒必爭咁好不彈性，全餐飯吃得勁趕，搞到我們冇乜時間傾計😭，反而人地泰燒遙仲要唔使限時，所以呢間泰廚就算好食我啲間都唔會再有下次，始終我覺得食嘢並非係只係吃食物的味

食完晚飯行咗個隔離，聞到好香嘅串燒味，原來係泰廚泰國菜館外面門口，有一個角落用黎做咗串燒外賣 聞到好好味～雖然晚餐食得幾飽，但係都想試吓！走過去同燒緊串燒嘅姐姐講要司華力腸同雞軟骨串燒，佢話冇雞軟骨，所以轉左雞肉串燒～ 我見外面都有幾個人等緊拎！好似好受歡迎姐姐好專業，好似做咗好耐咁，燒串燒手勢好快 見佢兩三下手勢，就pack起，俾客人！我地等咗大概10分鐘，佢就叫我地，問我地要唔要辣，我就唔要~ 先食司華力腸，熱辣辣，外皮好脆，好彈牙！成條好重好大份量，性價比高！至於雞肉，我就覺得有少少 “銀” ，唔算好嫩嘅肉~ 如果有雞軟骨就好啦！整體來講都算幾值得一試！

最喜歡食泰菜嘅我，聽同事講旺角有一間又抵食又好味嘅泰國菜館，今日就即管黎試一試。多得同事溫馨提示一點後先黎，果然冇咁多人一入到黍可以即刻入坐，仲有卡位座位坐得好舒服😌所有套餐都係40至$50非常非常抵食。泰式鳳爪有好多配菜，連埋些配菜一齊食好野未，食唔停👍👍👍海鮮冬陰公睇落去好似好辣，但係食落去只係小小微辣，好啱我唔太鍾意食辣嘅人，湯內面海鮮好豐富，亦好新鮮。泰式椰菜苗，好爽口炒得好入味，平時係屋企係煮唔到，所以每次到泰國餐廳一定要食佢。泰式炒河顏色七彩繽紛已經好吸引，河粉大大塊將佢兜亂，吸入濃汁，十分好味🤤🤤🤤

很久之前吃過這間泰國餐廳的串燒， 今日特意到來回味一番， 不過原本午市沒有串燒的， 真的有點小失望， 既然一場來到， 看看餐牌有什麼吸引我吧， 細看午餐的餐牌後， 相信最吸引我的是價格便宜， 價格由$38 至 $ 55， 有很多不同選擇， 送特色飲品， 青檸冰或香茅冰， 而且沒有加一的。泰式午餐 ~ 泰式手撕雞配油飯 $40， 奉送餐湯， 青檸冰或香茅冰。 這個套餐只是$40， 相當超值， 雞嫩滑， 油飯香， 很喜歡附上的醬汁。泰式即炒餐 ~ 馬拉盞肉片炒河 $47， 奉送餐湯， 青檸冰或香茅冰。 馬拉盞香氣撲鼻而且很惹味， 肉片腍， 河粉是寬身， 比較小見。蒜茸包 $28 - 烘過的法式麵包加上蒜茸牛油， 很香口鬆脆。泰式燒豬頸肉 $70 - 燒豬頸肉帶甜， 很腍， 加上醬汁更好味。泰式炸蝦餅拼炸魚餅 $78 – 新鮮炸的， 雙拼可一次過嚐試兩種口味。

事源係咁嘅,話說有一日喺旺角行完街,好想食串燒,諗嚟諗去,最近番屋企嘅車站,只係有呢家食店有泰式串燒,抬頭望一望,見佢豬肉雞肉同司華力腸都係賣$12蚊一串姐,所以就叫咗兩雞一豬番屋企啦,試完之後發現出奇地好味,尤其係佢隻沙嗲醬我好鍾意,又惹味又香,要咗辣嘅更加食到流口水,所以呢一晚就決定叫阿肥嚟入舖試下佢嘅full set泰國菜啦。我哋嚟嘅時間都差唔多夜晚十點幾,仍然係枱枱都有客,有個親切嘅哥哥店員招呼我哋,仲介紹佢哋其中一個特價菜單,原本係分咗星期一至日,每日都有一款平嘢,咁佢話過咗十點後冇分架喇,全部都一樣會特價Yeahhh,即係愈夜愈開心喇。我哋就點咗以下呢幾款：1.泰式豬手(例牌)2.泰式炸蝦餅拼炸春卷3.泰燒和牛串 x 24.串燒沙嗲(4雞2豬)5.泰式椰青6.泰式啡噢靚另外,仲可以用極級優惠價$1蚊一碟任選小食,我哋本來想叫泰式椰汁糕架,但原來賣哂了,所以我哋揀咗泰式生蝦。我本來以為一蚊咁平,可能應該都係一人一隻就算架啦,點知佢嚟到我見到總共都有四隻喎,開心指數即時提升人哋話生蝦唔好放太耐先食,驚有細菌,所以我拿拿臨就放入口,點埋佢提供嘅泰式辣汁,再加塊蒜片,就算係一蚊嘅都

同朋友旺角做完運動，最肚餓既時候行過呢間泰菜，聞到門口串燒既香味，不期然就比佢吸引左入去！串燒甘香緊係即刻叫黎試！泰式香茅雞翼+燒豬肉串最正係個沙嗲醬，好香濃，沾埋燒到脆既雞翼同豬肉串上面，越食越開胃小食併盤有蝦餅，魚餅，春卷，牛肉同蝦片。蝦餅炸得香脆，食落彈牙，不錯，魚餅亦有魚味，不是一般麵粉貨色泰式炒粉酸酸甜甜十分開胃，分量亦不少，兩個人都夠食值得一提係佢有四款$1小食，叫滿$200就可以叫，我地揀左生蝦刺身，有4隻，好抵！

途經旺角，掛念此處的一個串燒店。前來一眾吃個晚飯。店來還是依舊的模樣，店外有一個小檔在燒著串燒。餐牌上菜式甚多，心大心細的我選了良久。泰式雞絲湯河$52決定要點平時最愛的泰式冬蔭公湯河，雞絲配湯河是平時的必選。湯好濃的香茅，雞絲份量多。麵底都大份，吃完有點飽。燒雞串$12沙爹串，大大舊雞，肉感豐富。燒和牛串$40＄20串，有和牛，夾著青椒，肉味之餘又有青椒香。和牛都幾嫩口，肥瘦均勻。有少少甜甜酸酸的汁醬，開胃醒神。馬拉盞炒通菜$67好大碟通菜！馬拉盞好濃，通菜翠綠，是為不錯的菜式。一個人的晚餐都真的好豐富，有雞有牛有菜，食到好飽都不用$200，食物質素有水準。

有朋友住開太子呢區，極力推薦呢間泰國菜館，平價抵食，地點又方便，決定一試！在花園街旺區，好容易就找到了。環境都算整潔，座位都算好寛敞，店員都好有禮貌！牆上貼着好多雜誌介紹的食物及優惠套餐。午餐都好抵食!!椰汁冰-椰汁味濃，好香好甜，必飲!!泰式菠蘿炒飯大有菠蘿的甜味，富有炒飯的香氣，飯粒兒亦粒粒分明很乾爽不油膩。蝦隻很大又彈牙，魷魚彈性十足，材料十分豐富，混起來食，非常滿足😋😋😋泰式炒金邊粉，味道都有些微分別，泰廚嘅炒金邊粉略帶蕃茄味，而且炒得好香，配上脆口花生碎，非常惹味，推薦！冬陰海鮮湯叫了微辣，對我來說簡直剛剛好，不會太辣，小小酸酸地甜甜地好開胃，配料豐富好新鮮好好味，飲咗兩大碗。食到舔舔脷😋😋😋

放工與朋友一起到泰廚泰國菜館共進晚餐，地點位於旺角，十分方便。我們一早已訂枱，限時1.5小時，其實有點少，旺角區人多，沒辦法啦。我們叫了很多食物，冬蔭公湯、椰青、金邊粉、生蝦等，不在此盡錄。值得一試冬蔭公湯、金邊粉、生蝦，其餘的雞、魚、豬手、粉絲、菠羅炒飯其實沒有突出的味道。冬蔭公湯酸辣味取到平衡，用了不少香料烹調。我很怕金邊粉炒得太淋身或粉條變成碎粒，它的金邊粉依然保全到條狀而且亦有彈牙的口感，不錯不錯。生蝦新鮮，職員提醒我們要盡快吃掉已免壞掉。如果是一心想約朋友相聚，我絕不建議這間。一來限時，二來店內十分炎熱！一邊吃飯一邊流汗！很不舒適！以它的價格，有其他更好的選擇，但我眼見座無虛席，實在不解。

給泰廚泰國菜館門口即叫即燒的串燒吸引了我的食慾，就一於入去食串燒加食晚飯，我們大約5點左右入坐，說時快一陣就坐無虛席。店舖食物選擇很多，有各式其式的泰式小食、泰式沙律、小菜、湯、蔬菜、咖喱、海鮮、飯類、炒粉、湯粉和飲品，星期一至六更有優惠小食，而惠顧滿$200元更可任選一款$1元小食。泰式海南雞半隻星期六的優惠小食是泰式海南雞半隻，店舖沒有因做優惠而減少份量，店舖是用上大雞隻做海南雞，所以半隻的份量也非常多。雞味濃厚，皮爽肉嫩，配上秘製的海南雞醬，推介。$1泰式生蝦因為我們惠顧滿$200元，所以以$1元選了泰式生蝦。泰式生蝦爽口鮮美，配上生蝦刺身汁，推介。泰式香茅雞翼現烤的香茅雞翼熱辣辣的，而且醃得入味，配上香濃的沙嗲醬，美味。史橋鏡(青)咖喱牛肉青咖喱配上少少椰漿，既香濃亦香滑，是白飯的良伴。冬蔭大頭蝦湯大頭蝦好大隻，新鮮爽彈，冬蔭功湯濃郁，推介。

以前成日同朋友經過旺角通菜街，都見到呢間泰國菜館門口好多串燒賣，有好多人排隊，之後會有個肥姐姐喺度燒燒燒，之前都已經想試下。今日因為太熱，所以決定入去堂食，可能時間尚早，不用等位，very good坐低就見到呢塊每日優惠，今日係星期一，所以侍應姐姐都推介我地試吓槽魚。我諗住2個人1一定叫到200蚊，所以就叫咗一客1蚊泰式生蝦晚市食海南雞飯，都冇馬虎。飯好重薑油味，雞超滑冇骨，所以好好食雖然係特價，但用料十足，所以好重香料味，同埋一啲都唔腥，仲好滑添。一蚊都有4隻，算係咁啦，醬汁才是靈魂，沾了後，感覺超fresh，加埋蒜片同辣椒，冇得頂。主要係想試串燒，但人都係貪心，咩都想試吓，春卷足料，同埋全部都係熱辣辣，讚啊！蒜蓉包都多蒜蓉，唯一缺點係太多件，兩個人食唔哂要打包龍眼冰太多冰青檸冰，酸甜適中，解辣唔錯環境可以，唔算好窄，尚算舒適，同埋晚市繁忙時間都冇趕人走，算唔錯。

旺角泰國菜實在太多不過見佢有滿$200加$1有四樣餸送 就入去試下啦總體來講都係不過不失 正正常常 唔難食串燒不太咸幾夠味 份量都好足 醬汁淋上去夠足料 不過啲肉可惜唔夠嫩 但都唔鞋 擺得落口到條明爐烤魚 魚肉的確係幾嫩唔錯但就唔夠入味 搞到條魚啲味道好淡 可惜如果佢入味啲就又嫩又好食了下面呢個係送既1蚊生蝦 雖然平 質素一啲都唔差 反而係幾好食呢個令我有啲驚喜生菜包就不過不失啦成間野既食物份量都大 四個人食都差啲食唔曬！ 如果係兩個人食 其實一條魚一份生菜包都夠皮了

朋友相約到旺角食嘢，冇諗過平日都人咁多， 好彩朋友醒目，知道邊度位置夠多，等嘅時間相對冇咁耐。我們點了泰式肉碎生菜包， 至愛菜式。 每一次食泰國嘢都一定要點，貪佢食落好似夠曬健康，話曬都叫食咗一大咋菜落肚。 當然味道都幾出色， 夠曬泰國特色，充滿風味。還點了泰式木瓜沙律， 去到當地每日必食，都係健康之選， 嚟到冇理由唔食， 酸酸辣辣， 味道特出， 最重要價錢唔貴。另外泰式香茅雞翼，豬串燒，雞串燒和牛串燒， 雞翼原隻生燒， 淨係呢樣已經值得加分。下次都會再嚟食，味道唔錯，價錢又抵，最重要，唔使點等位。