泰廚泰國菜館

營業中

休息中

同班朋友約左10世先約到既飯局，終於食到。由於有位朋友話窮，提意搵d唔算太貴既野食，經同事推薦，就黎泰廚泰菜試下啦。7點前到左，但原來限時食90分鐘，咁我地又未齊人，費時入去先等齊人先入。 可自己都係做呢行，所以都明限90分鐘既道理，但同行朋友就麻麻地。。。不過講真旺角區地鋪如果唔限你時間，點會可以回到本呢？好啦到左差唔多7點半終於人齊，入座啦，入到去都真係幾full 得幾張枱係冇坐人，不過好快都坐爆。4個人一共食左5百幾蚊，平靚正，又抵食，唔錯，要返去讚下同事冇介紹錯😋

旺角除了 shopping 外， 各國的美食都特別多，而且價錢亦特別平，今日lunch 就選食泰國菜。 步入店舖裝潢不太特出，只是平平無奇傳統的泰國餐廳，但就是這樣傳統，味道也相對是傳統。首先來2個下午茶餐，薄餅及生菜包，價錢超平，但一点也沒有馬虎，送來時熱辣辣，非常好味。當然不可少的是這裡出名的串燒，肉味鮮甜加上美味醬汁，雖然有少少辣，但盡顯泰國風味。還有炸魚餅，馬拉盞炒通菜，都是泰國美食，可以一試。最後甜品是椰汁糕，整餐價錢非常底食。

旺角成日都行，都知道附近好多好嘢食呢間泰國菜我哋成日經過，今日屋企人想食啲酸酸辣辣嘅嘢，就揀咗呢度試下入到去先知原來舖頭係有兩層牆身貼咗好多推介，睇到有啲花多眼亂做諗住食泰國菜會好貴，點知舖頭有好多特價嘅嘢食仲有成個menu可以慢慢揀嘢食我好鍾意食泰式嘅無骨鳳爪，所以叫咗一個試下呢個鳳爪嘅酸同辣都做得好好，而且份量十足呢個小食越食越開胃，好快就畀我食曬諗起泰國菜通常都會想食菠蘿炒飯呢個菠蘿炒飯用料幾多，上面有肉鬆，入邊食到有菠蘿肉、提子乾、海鮮等等，口感豐富食得泰國菜一定要飲埋冬陰功雖然我唔太食得辣，不過呢個冬陰功真係幾好飲我哋揀咗海鮮冬陰功湯一個小鍋入面已經見到有魷魚、青口、蝦等等嘅海鮮呢個咖哩軟殼蟹係每星期嘅精選，今日食會平啲，所以叫咗一碟試下呢個係炒得幾香， 我哋食咗其他嘢先食呢個蟹，但係都依然保持到好香脆啲醬汁份量好多，如果用嚟撈飯或者點麵包食真係一流呢度食滿200蚊就可以用一蚊價錢揀一款小食，我哋揀咗椰汁糕呢個椰汁糕偏甜少少，入面有好多西米同小小粟米，我幾鍾意呢個甜品見呢度啲下午茶只係三十幾蚊，仲有埋嘢飲，而且啲員工都幾nice，上菜又快又唔使等好耐，相信下次會再過嚟食野

呢間泰菜食過好多次好抵食 食滿200蚊加一蚊有一碟泰式生蝦雖然唔算好厚肉 但都算新鮮明爐烏頭係食泰國菜必嗌之選 肉質嫩滑另外佢會畀一個帶酸嘅湯淋落條魚度令條魚有少少鹹鹹酸酸更加惹味同條烏頭魚非常之夾冬陰功粉最重要嘅冬陰功湯底好好飲 酸而帶辣 辣度適中！

如果想食泰國菜，又想是平民價錢，這間店只會很適合。雖然它的味道不錯，未去到最好食，但是價錢很優惠，有很接近地鐵站，有時候在旺角想不到吃什麼的時候便會吃這間店。這次叫了生蝦刺身、菠蘿炒飯、馬拉盞炒通菜、明爐烏頭，兩個人食真的很飽，菠蘿炒飯和烏頭都挺好吃，推薦這兩道菜。

人流很多，4人要等一粒鐘先有位！生蝦超抵，加1蚊有4隻！幾鮮甜😋另外都叫左串燒，蝦餅！串燒沙嗲味十足，十分野味👍🏻金邊粉就略嫌甜左少少，但味道不錯馬拉盞炒菜苗就一般

成日都行金魚街, 成日都俾一陣串燒味吸引住~ 但係又唔知點解又好少停底睇下係邊度有串燒買, 今日好大風, 但係做完GYM又好飽餓, 由行人天橋一落就見到一間泰國野, 門口有串燒~ 好鬼香, 我就知今晚係你啦~~~ 鋪面細細~ 原來佢仲有閣樓, 但係我地揀咗坐下層, 第一吸引我眼睛係一個食滿200蚊加1蚊有泰式生蝦食~ 好扺丫~ 叫咗一個細泰式小食盤餅, 椰青, 泰式香葉肉碎飯, 燒雞全翼兩隻, 同埋一個泰式燒豬頸肉湯河~ 泰式生蝦---好新鮮, 有蝦味, 唔似係雪藏貨, 個泰式汁唔太辣, 泰式小食盤餅--有沙爹燒豬肉2串, 2塊炸蝦餅, 2塊炸魚餅, 2條炸春卷, 蝦片, 85蚊都幾扺食~ 個沙爹汁超惹味 泰式香葉肉碎飯---炒得一D都唔油, 香葉好多~ 成個飯都好香, 仲加埋隻荷包蛋, 好有泰國街邊小炒FEEL, 好好味 燒雞全翼---哩個一定要叫~ 燒得雞皮好香~ 唔駛去BBQ身水身汗啦~ 俾15蚊有人燒埋俾你食~ 好正 椰青--- 要讚下佢買貨果個人~ 椰青好嫩~ 椰肉可以全食~ VERY GOOD~ 結論: 非常扺食~ 種類多~ 值得推介~~

行過金魚街近旺角方向，等朋友時聞到好香串燒味，忍晤住行過去買左雞肉串燒，加好香花生味既沙嗲醬，好有在泰國街頭風味。我抬頭望招牌，原來係泰㕑泰國菜館。見到門口貼滿招牌美食宣傳單，更令我非食不可，於是見到朋友到，不用多說直接進內。餐牌非常多選擇，店員簡介每日精選和惠顧小菜滿$200可'加一元任選只定美食一款。首先當然介紹我朋友們食沙嗲串燒，牛串和原隻雞翼加沙嗲醬。明爐烏頭，魚身加术香料和汁料熱騰腾，魚新鮮肉質细滑。豬頸肉配飯。豬頸肉燒到微焦，配特製酸辣汁泰式鲜蝦沙律，蝦肉肉質彈牙泰式沙律配菜酸酸辣辣好醒胃。馬拉盞炒什菜。鹹香味十足，夠鑊氣。炸春卷，非常脆口，餡料滿實加一元美食   泰色生蝦。蝦肉彈牙鮮甜。                      泰色椰汁糕。非常圓滿。

同好友係花園街買完野，見天氣熱熱地，大家立即諗起食泰國嘢，於是行去太子呢間門口有串燒嘅泰國菜館裝修雖然似茶餐廳格局，但分上下兩層，位置唔會太迫，適逢今日明爐魚特價，就叫一過嚟試試，烏頭夠大條，啖啖肉，唔多骨，新鮮冇腥味， 加上微酸嘅泰式湯，好惹味食泰國嘢又點少得生蝦，食滿$200可以用$1加餸，生蝦係其中一款，雖然份量只得四隻，但足夠我哋三個女仔食馬拉盞炒什菜，香口味濃，泰式醬令什菜更好味鮮蝦沙律，賣相不錯，鮮蝦大大隻，尼個泰式醬㡬正，香芧香味偏濃餐牌上有廚師推介蒜子胡椒炒肉片，於是點黎試一試，一片片豬肉片沾上香口的特製炸漿加上乾蒜子，唔太肥膩，肉質柔軟，口感不錯食泰國野最愛飲清涼消暑的青檸梳打，倆位好友就叫個特色的泰國啤酒

難得跟好友在閒日時分放假，我哋相約去旺角行街，到咗下晝時分無咁多人，實在太好! 行街行到唔知時間，差不多到下午茶時段，我哋已經行到肚打豉，去咗泰廚食泰國野，一口氣點咗好多嘢食😁首先點蒜蓉包，呢個係我嘅飛佛果然又熱又夠脆卜卜，好美味啊燒豬頸肉😋其實自己比較少食，呢一碟豬頸肉，我覺得吸引之處在於肥瘦均勻，唔會覺得肥膩同乾爭爭，仲好香口😌馬拉盞炒通菜🥢好耐冇食通菜，馬拉盞同腐乳有少許相似，馬拉盞味道香濃也夠火喉，份量都算多，仲以為食唔曬，結果你夾吓我夾吓，又食得曬喎。嚟食泰國嘢唔少得叫串燒，點齊牛,雞, 豬，牛嘅肉有少少實但還可以，雞肉夠嫩，豬肉串燒也是啖啖肉，食到沙嗲醬有少許花生粒，惹味之餘又有咬口，唔錯👍👍叫夠$200仲可以另加$1有一份小食我哋點咗泰式生蝦，味道帶少許酸甜開胃。泰式炒金邊粉炒得乾身爽口飲品我點咗珍多冰味道唔會太甜，仲好透心涼添。呢一餐兩個人食相當豐富，肚皮亦感到滿足。

今日同一個好朋友花園街購買一些體育用品，逛街到差不多食飯的時間，，我們就在附近找了一間泰國菜館，，這間泰國菜館位置非常便利就在我們購物的地方，當坐下來的時候看一看餐牌上的菜式發現選擇很多元化的，於是我和朋友挑選了幾個我們喜歡的餸菜，一開始我們點了一個泰式生蝦，這一個散客非常之新鮮，肉質非常之彈牙醬汁非常之好，還有泰式豬手，賣相非常之好，味道亦都有滷水的香味，食了一囗就像食花膠的感覺滑又彈牙，另外泰式春卷外層非常之脆而內裡的也有很多蔬菜和肉是真的非常可口，然後我們再點多兩個主食，一個是海鮮炒飯材料非常之多，那些海鮮又新鮮又好吃還有米粒也是非常有彈性，最後我們點了一個薄餅，這個薄餅有好香的牛油味而且鬆化到入囗溶化，還有很多菜式未能品嚐唯有留待下一次再來。

話說早幾日食午餐，和一位新同事去了旺角的一間泰國餐廳。因為我之前食過這間餐廳，覺得幾好味，所以今次就帶新同事去一起吃。當我們去到門口的時候，新同事認得門面和門口的環境，新同事才發現原來自己曾經食過這間餐廳，哈哈，這間餐廳就是泰廚泰國菜館餐廳。我們叫了一個泰式小食拼盤，$85(小Size)。泰式肉碎生菜包$72。泰式炒粉絲$52。然後再叫多兩杯飲品，分別是泰式龍眼冰$24和泰式珍多冰$26。今天覺得最好食和最抵食的是泰式炒粉絲。泰式炒粉絲不會炒得太乾身，但又不會炒到有水份，簡單來說就是時間炒得恰到好處。粉絲彈牙而且入味。有口感之餘，味覺都好滿足。還有一些菇等等配菜，不過我覺得光是食粉絲都已經好好味。而且因為這個是套餐，所以有送例湯。坦白講例湯都幾好飲，例湯裡面又有冬瓜食。至於，泰式小食拼盤其實我亦都好滿意。分量剛剛好是兩個人的份量。有一些炸蝦片，兩件炸春卷，兩件炸蝦餅，兩件炸魚餅，還有我最喜歡食的串燒沙爹雞和豬，各一串。串燒豬好彈口，口感 有點兒像豬頸肉的爽口。串燒雞就更喜歡，嫩而入味，加上有沙爹汁，惹味可口。泰式肉碎生菜包的肉碎絕對不能看小，分量足足有一碗滿滿的。碎肉不會太乾身，仍保留

琴日經過旺角，唸唔到食咩好就入左尼間好出名既泰國菜餐廳。咁岩8點幾去到都唔洗等位再遲少少就排曬隊喇~     去到梗係要試下最基本既冬蔭公喇!冬陰公嘅辣味唔係好重，但係成碗湯就非常香，飲落口感同埋層次都非常豐富。而佢與別不同地方就係比坊間嘅冬陰公甜少少，咁你更加可以能夠帶出到番茄嘅鮮甜味。唯一可以挑剔嘅就係大頭蝦冇乜肉食。但整體來講都係非常之好飲！     跟住我哋見到廚師推介有呢個辣椒膏炒豬頸肉河粉，咁我哋就二話不說咁order左啦。啱啱上枱嘅時候已經香味撲鼻，見到佢顏色就知道好有鑊氣。食落去唔會太油而且辣椒膏令到成個河粉非常惹味。我哋唔使10分鐘就清晒成碟，絕對推介大家嗌呢個餸！     食咗咁多重口味嘅嘢之後，我哋就嗌返個清新啲嘅生菜包。肉碎酸酸辣辣非常開胃，而且上碟嘅生菜都算新鮮，加埋一齊就一個一個咁食個唔停。生菜包嘅份量都好足大約有10塊生菜左右，鍾意食生菜包嘅朋友仔可以試吓!      咁餐廳而家仲有一個優惠，就係嗌夠$200之後可以用一蚊你揀指定嘅菜式一款咁我哋就揀咗泰式生蝦!以一蚊來講份量可以接受，生蝦都非常新鮮冇雪藏味，加埋蒜頭同辣椒再點埋無敵嘅泰式海鮮醬，真係黎多1

今天晚上同朋友敘舊，挑了這間泰國餐廳，它是open rice 出名的餐廳，有很多個笑哈哈，所以就去一試。打電話去book位，只能取優先票，已想像到應該有好多人去食。我夜晚七點已取優先票，但由於朋友未放工，所以只能等他們，因為入座時間只有90分鐘。等到差不多八點才入座。店員落單10分快，這邊廂落單，那邊廂菜已經上了。消費滿$200便可以用一蚊買生蝦刺身，我們全單叫了七百多元，便買了兩個生蝦刺身，和一個木瓜沙律， 好抵。串燒的沙嗲醬10分惹味，新鮮滾熱辣上枱。最鍾意飲個冬陰公，湯底10分香濃，而且不太辣，很香甜。金邊粉顏色10分鮮艷，猜想廚師用了很多醬料。生菜包的肉10分多，一碟生菜也不夠，店員10分細心，詢問我們用不用多加一份生菜。食完之後，終於明白點解咁多人排隊，因為全店免+1服務費，而且價錢10分平，物超所值，店員服務極快，會再有下一次。

呢間泰菜位於好多寵物店既一條街人們並無因為只睇可愛既寵物而忽略餐廳就係呢間泰菜出名 吸引好多人係餐廳外排隊等位Menu好多款泰菜餸 點左黃咖哩雞黃咖喱少甜 充滿香濃咖哩味 不過雞肉太碎 個人鍾意食左舊既 配料有薯仔，青椒，洋蔥 令到成個咖哩都好有口感同香仲有必點蒜蓉包金黃色好吸引而且好香脆，用黎點咖哩係絕配仲有一蚊揀一款小菜咁就有碟蝦食 好抵食呀炒河粉非常有鍋氣好香而且唔會太油膩 同肉塊 蛋炒埋一齊 好得到一點都無剩低叫左牛串燒同豬串燒沙嗲汁好香 燒得牛肉都好香仲有好多餸想食 有海南雞飯 燒豬頸肉同埋泰式炒金邊粉餐廳環境方面 枱空間有點窄 同隔離枱唔識既人坐得近，樓上仲有一層唔知有無咁迫呢不過美食遮蓋左呢d小缺點