泰廚泰國菜館

營業中

休息中

20190615 三五知己約埋食飯，想搵間泰國嘢，但大家又唔想去到九龍城咁方便，上openrice搵到呢間好多like既泰式菜因為冇book位，都要喺門口等左15分鐘先入得叫咗幾樣嘢食冬陰公湯生菜包菠蘿炒飯馬拉盞炒通菜泰式炒金邊粉 幾正式嘅泰國菜口味，唯獨係菠蘿炒飯少咗啲料

相信只要行過金魚街嘅人都一定會知道依間泰國餐廳,門口有香噴噴嘅現燒串燒。所以一坐低我諗都唔使諗就order左串燒,有沙嗲豬肉同雞肉,仲有香茅雞翼。佢哋嘅沙嗲汁夠晒惹味同串燒嘅炭香味夾到十足。 泰燒和牛串味道令我最深刻,和牛燒得啱啱好,好Juicy。醬汁亦好特別並唔係沙嗲醬,而係用咗類似平時用嚟點泰式生蝦嘅酸辣醬,酸酸辣辣可以解膩。馬拉盞炒芥蘭夠晒鑊氣,而且份量好多食極都有,鹹香嘅味道用嚟配飯或者粉麵一流。炸蝦餅拼春卷亦係我嘅最愛,兩款都新鮮熱辣辣炸起夠晒香口,蝦餅口感彈牙,春卷餡料足料,絕對係必叫嘅香口小食。泰式炒粉絲即叫即炒,賣相雖然唔太吸引,但係味道都唔錯,粉絲炒得啱啱好唔會太乾或者太濕,而且好有鑊氣。最抵就係依碟青木瓜沙律,只要食夠$200就可以加$1換購,同平時喺泰國食嘅非常相似,爽囗嘅青木瓜加上香口花生碎同車厘茄再配上酸辣醬汁仲有醃蟹,添加一番鮮味,令人越食越開胃。

食泰國野除左食雞脾飯 仲可以食豬脾飯 豬脾肉質感滑嫩 同埋有醃製過 所以都好入味同幾好食 另外叫左個通菜 通菜帶辣 有小辣既level 所以唔食得辣既朋友最好叫佢試下走辣 整體都唔錯 係地方比較窄

呢間都黎過好多次😝😝 好好食海南雞既雞肉好滑luet luet，重雞味！飯有油飯香味，點埋雞嗰啲酸酸辣辣既汁，好味道！平時食泰國菜都會叫Pad Thai ,呢間既pad thai都算頭3 佢顏色好紅，但唔洗驚，佢唔係好辣😂😂 側邊放左啲調味野，可以自己控制份量，不錯不錯！ 味道都好食！唔識形容🤣🤣唔會乾爭爭！冬蔭公湯都算幾貴，好似仲貴主菜少少，可以飲大概5小碗，唔算大煲！不過又真係好味😭 好鬼多香料，重口味的我好like！不過要注意，都會有啲辣另外都推介豬肉串燒！

今晚放工七點左右陪朋友出旺角買電腦，放工時間真係好多人，好在朋友一早睇啱左先至可以好快買完。本來諗住行去新世紀食飯，但途中經過呢間泰廚泰國菜館門口見到啲串燒好似好正咁，我地就決定入去試下。串燒要左豬同雞，沙嗲又香又好味，D肉的口感都好好👍另外叫咗個泰式明爐烏頭魚，連埋個爐一齊上，邊食邊煮，啲肉都幾嫩滑。食泰國嘢梗係要叫泰式菠蘿炒飯啦，飯上面有好多肉鬆，份量都多。仲叫左個炒耶菜苗，今餐真正大滿足。

今日放假約咗人去旺角睇戲，睇完去行咗一陣街就肚餓去搵地方食下午茶，朋友介紹去左附近泰廚泰國菜館。呢度分兩層，上面嗰層就靜啲，呢度下午茶都幾抵食。我哋叫咗個下午茶餐生菜包，雖然平但估唔到又幾好食，味道吾錯，加埋個咸寜梳打正。串燒係必食嘅，因為門口都聞到好香，沙嗲食落夠晒惹味。薄餅新鮮熱辣送上，加埋紅咖喱真係想再叫多一份。食泰國嘢點都要食埋通菜先生完滿😋甜品就叫咗泰式椰汁糕，甜味適中，食唔晒仲可以打包添。

今天晚上約了兩位朋友在旺角食泰國菜。先上菜的是泰式木瓜沙津，搭配一隻小小生醃製的蟹仔，是傳統的泰式料理方式，口味酸酸辣辣辣，非常開胃。沙嗲串燒，我們選了雞肉和豬肉串燒，雞肉肉質嫩滑，而豬肉肉質較爽口，雖然兩者口感大不相同，但都和香濃惹味的沙嗲醬汁非常配合，十分推薦。黃咖哩牛肉，配料豐富，有青紅椒、洋蔥、薯仔。牛肉炆得非常腍滑，而且份量不少。咖哩味道香濃，椰汁味重， 不會太辣。於是我們也點了蒜蓉包，即時烤制的，香脆熱辣辣，點上咖哩椰汁來吃，非常美味。香茅豬扒湯河，豬扒酥脆香口，湯河湯頭清甜，河粉爽滑，作為平日午餐也非常不錯。當晚還有優惠，加1元泰式椰汁糕。椰汁糕加入西米，味道清甜，而且有口感。

每次路過金魚街都會比呢間泰國店門口嘅串燒香味吸引到，今日就的起心肝去試下呢間野。6:00去到唔使等位，走嗰時就見到好多人等緊，想食到好野就要早d黎啦！每日都會有是日特價菜式，今日就係$94嘅泰式明爐烏頭魚。叫左一個烏頭魚，一個馬拉盞通菜，同串燒，同埋兩碗白飯，最正係食滿$200就可以加$1換生蝦！唔食生蝦都唔緊要，仲有其他野食可以換！抵！烏頭魚上枱係有爐熱住上，一路食一路滾下滾下，keep住熱騰騰！個湯汁做得好好味，唔會太酸唔會太咸，恰到好處！馬拉盞通菜冇咩特別。串燒叫左雞全翼，豬，牛。雞全翼冇得輸，好惹味！豬串燒都不錯，但牛串燒我覺得麻麻地，燒完反而太乾，似食牛肉乾，試一次就夠了！

很多時路過旺角，都會途經這間泰菜，今天終於安排了時間到來。原來這間店攞到2018年開飯啦，最優秀開飯東南亞菜餐廳。店內有兩層，地下和閣樓。我們被安排坐閣樓，座位全是卡位。蒜蓉炒椰菜苗，鑊氣十足，蒜香味道濃郁，椰菜苗夠嫩不靱。沙嗲豬肉串燒，豬肉是厚切，肉質爽口，配上濃郁的沙嗲醬，就更加惹味。炸蝦餅，外脆內軟，份量適中。凍咖啡☕️，味道濃郁，很像港式茶走。豬頸肉湯河，豬頸肉爽口彈牙，湯頭清甜，河粉嫩滑。

來到這間位於鬧市中的泰國餐廳-泰廚泰國餐廳， 有優惠的午市套餐和下午茶套餐。 套餐價錢由40 元到50 元不等， 送香茅冰、青檸冰， 一般港式餐飲不等。小食先叫了個泰國串燒-和牛， 和牛香嫩， 油脂重。可以Encore. 再來一份炒金邊粉， 入面有雞肉，微甜。味道和泰國的差不多。夠火候。炭燒豬頸肉飯， 份量很多， 飯多肉多，豬頸肉外脆，肉汁鮮嫩。半份海南雞，海南雞份量很大，雞皮入面見到半透明的脂肪，肉質鮮嫩，配上海南雞有少少辣非常好味。價錢只是74， 原來餐廳每日都有不同的特價食品。再叫了個泰式鳯爪， 還送多杯 飲料， 非常劃算。 飲品點了泰式椰汁冰， 椰汁底下面有些像糯米軟綿的東西，夏天喝勁消暑。 凍奶茶等同港食茶餐廳般，香滑。下午茶不吃連鎖， 支持小檔也很不錯。

是日男朋友話出黎旺角食飯，上依度睇下有咩食啦，想試下d小店，見到依間comment唔錯價錢都相宜，就決定食依間。佢間鋪既位置都易搵，係橋底隔離，門口有個姐姐係度負責整串燒。我地叫左個馬拉盞肥牛通菜、生蝦、青咖哩雞、蒜蓉包、串燒（雞、豬）。咁個侍應好好人，佢話我地叫滿左200蚊可以用1蚊加生蝦（4隻），變相我地唔需要特登叫。生蝦都新鮮，個醬汁唔錯唔會超辣。不過有d唔夠喉😆青咖哩好好味！加埋蒜蓉包係最好既配搭！蒜蓉包係做到外脆內軟架！ 真係好好食串燒都好驚喜，d沙嗲汁好夠，可以用黎送多個飯🤣 串燒既肉唔會燒到太乾太鞋。食到好飽先3百幾埋單，現金仲免加一去邊度搵？

而家少咗去九龍城食泰國菜， 因為發現到旺角呢間泰菜都幾抵食， 兩個人埋單都係214蚊仲已經食到好飽兩個人叫咗一個泰式香辣肉碎炒河hkd 68 , 辣辣地 好開胃一串豬肉串12蚊， 一串雞翼 15蚊 ， 串燒配嘅沙嗲汁真係無敵好味， 仲可以畀你一串一串嗌叫咗份生菜包72蚊，勁多生菜。。。 酸辣酸辣好好味另外叫咗杯青檸梳打22蚊同一杯菠蘿冰24蚊呢度只要食滿200蚊，你就可以喺四樣一蚊嘅選擇裏面揀一樣， 我哋就用一蚊叫咗個木瓜沙律， 唔好以為一蚊得好少，但其實一蚊係有一個正常分量。。。所以真係良心價食物有水準炒河既香葉配料都很豐富， 串燒唔會太乾， 配搭嘅沙嗲醬好有花生味蝦餅魚餅都炸得好脆， 大小適中加一蚊嘅木瓜沙律都唔差， 木瓜爽脆 辣度可以叫小辣適合香港人口味

在旺角，講起食飯，好多人第一時間都諗起放題、邊爐，甚至係大排擋打冷，講到話食泰國菜，大家只會諗到九龍城，今次之後，我介紹人黎旺角食飯，會多左一個選擇： 泰國菜。泰廚唔係好顯眼既大街，門口亦冇特大招牌，兩層高既預店偏偏吸引了眾多人去用餐。和牛串，燒和牛夠香，加上特殊調味，說不出既惹味。泰式蝦餅魚餅拼盤，大大份既魚餅蝦餅，配上甜酸醬，絕對係泰國菜既必食選擇。泰式豬手，叫左份例牌豬手，想不到亦夠晒大份，皮嫩肉實，醬汁仲係特別既酸辣醬，非常開胃。泰式菠蘿海鮮炒飯，菠蘿炒飯亦係經典泰國菜式，配菜極多極足料，連海鮮也夠份量。

每次經過這間泰國店，都會被門面製作串燒的香味所吸引。早幾天難得不用排隊，便決定跟好友一試😋 首先點了一份沙嗲雞肉串燒，除了燒烤的味道，嫩滑的雞肉配上香濃的沙嗲醬，吃後感到滿足。另外點了泰式椰汁雞湯，奶白色的椰汁雞湯喝起來比想像中有層次，第一口主要是椰汁的味道，但因為下了不同的香草🌿之後喝著竟然有少許冬陰公湯的味道😆炒金邊粉對於我來說茄汁的味道有點過濃，但麵的口感不錯。泰菜必點蒜蓉炒椰菜苗👍🏻 椰菜苗算是泰菜獨有的，因此每次到泰國餐廳都會選擇。雖然蒜蓉的味道不算很出，但勝在鑊氣夠，爽脆不硬的口感剛剛好。不能不提及的是 只需要吃滿$200，便可以以$1的價格，選擇一款小吃，我就點了泰式生蝦。最後點了一份椰汁糕為晚餐作為終結，整體整餐的CP值很高，吃了那麼多，每人都大約只需要百多元。

星期日同小朋友去咗寵物街度睇貓仔， 睇咗成個鐘頭， 喺附近搵下有咩食， 見到附近有間泰國菜館， 望下餐牌價錢都幾合理， 所以入去試下。 坐低店員立即奉上一碗肉碎胡椒湯， 少少辣幾開胃。泰式串燒雞+泰式串燒牛泰式串燒雞配沙爹醬， 雞燒得有炭香味， 沙嗲醬嘅花生味都幾重， 幾香口惹味。泰式串燒牛配泰式酸辣汁， 串燒牛嘅牛肉味都幾重， 肉質唔會韌， 酸酸地辣辣地幾醒胃。冬陰功海鮮湯通常我食泰國菜，多數都會叫冬陰功， 某程度上 我係因為冬陰功所以食泰國菜， 呢個海鮮冬陰功幾足料， 有三隻青口 ，四隻蝦和其他海鮮， 味道方面唔算好辣， 好香香茅和檸檬葉味道。泰式咖哩軟殼蟹見到餐牌有一個星期日嘅優惠， 就係軟殼蟹特價， 所以叫咗一個嚟試下， 係用泰式黃咖哩嚟做， 上碟時咖哩汁加咗啲蛋花， 味道方面唔算好辣， 但咖哩味都幾重， 軟殼蟹嘅份量都幾多有五至六大舊， 軟殼蟹炸得好脆身， 呢個菜送飯一流。菠蘿海鮮炒飯呢個炒飯有青口，蝦，魷魚， 肉鬆， 菠蘿等其他配料， 和一些泰式香料一齊炒呢一個飯， 唔辣得嚟幾香口惹味。泰式椰汁糕見餐廳有做叫小菜200蚊以上可以一蚊呢一款甜品或小食， 加咗個甜品椰汁糕， 幾