泰廚泰國菜館

營業中

休息中

是日學校假期，外出吃個下午茶，閒日食呢間就唔使同人迫，但係估唔到飲杯凍奶茶都會中伏！男友叫左個海南雞飯加凍青檸冰；我就食咗個三絲撈檬配凍奶茶少冰多奶，點知唔為意佢嗰啲糖係一齊落埋，冇分開上俾我，平時去outback 同 Pizza Hut 凍飲可走冰兼糖分開上；響呢間泰廚落單嗰陣又唔為意，咁就瀨咗嘢啦！一飲啲凍奶茶發現中伏了！甜到核爆！感覺上好似大半杯都係糖水味！完全飲唔到茶嘅回甘同奶茶嘅香濃，感覺上就好似飲咗一杯糖水落肚咁！我飲完都驚自己有糖尿！決定一個半月唔食糖！下次去呢間一定要叫熱飲！凍飲一定乜都要走！走冰兼走糖！