泰廚房子 (德福廣場1期)

營業中

休息中

My friend and I went to a Thai restaurant called "Khap and Ka" (泰房廚子) located in Shop P8A, Podium, Telford Plaza I, 33 Wai Yip Street, Kowloon Bay(九龍灣偉業街33號德福廣場一期平台 P8A號舖),....The restaurant are in charge by a Thai chef and his Thai team to ensure only presenting authentic Thai cuisines to the customers.The appearance of the restaurant is literally look like a giant concrete box when you look from the outside.Interesting graffiti is pairing with the funky green neon light.Pendant lights with bam

早前睇左蘋果動.飲食男女介紹的九龍灣新興泰菜. 位於九龍灣德福廣場平台新張嘅（泰廚房子）星期六下午就即管同屋企人嚟品嘗下介紹嘅正宗泰菜喇.可能因為週末下午茶關係.都需要等位入座.店內睇落.人頭擁擁.心想肯定味道環境都唔錯終於有位被安排到一張靠近窗邊嘅梳發卡位.我地三人位置都較為滿意.於是我同屋企人分別都點左三份下午茶餐.包埋餐飲.價格都比較划算.點知.點知.問題就出現左啦..我地一坐就係20分鐘左右.然後有位黑色衫男侍應.埋嚟同我地講.我地落嘅三份下午茶有兩份已經賣曬.唔係嘛？個刻心態就係你地點解依家先通知話無.坐左咁耐無人理？都算.咁唯有轉第二樣啦.都等左咁耐.於是便改左一份（🐔海南雞飯）同埋（🐔雞中亦魚蛋河粉）呢d應該快d喇掛.於是又繼續.等.等.等爸爸當時已經有d不耐煩了.等左足足起碼成9個字.連一杯咖啡都未有.我媽咪都食曬啦.我地兩個餐都未有著落.d侍應全包圍曬係一舊.唔知道係度做乜野. 👿後面爸爸忍唔住終於就叫左個：著黑色西裝帶眼鏡嘅.應該係經理嘅人過嚟問距.究竟d野食有無落單？係咪漏左單？仲要等幾耐先有誰不知？個經理距話：唔好意思呀.先生.因為廚房單比較多.d野食要預番20

九龍灣好似無乜泰國菜，想食既話，以前都唔會好考慮黎九龍灣不過上次行九龍灣見到有間新間泰國菜，所以今日放工後約朋友黎聚一聚黎到要拎飛等位，等二人位都算快有位餐牌款式都幾啱食，當揀好左落order時，侍應話我地想要既拼盤，黃咖喱，飲品都無哂，似乎都幾受歡迎最後再揀過要左冬陰功，生菜包，豬手飯，青咖喱雞，蒜蓉包生菜包，一定要用手食夠風味，用新鮮生菜包住豬肉碎黎食，好開胃，而且辣度剛剛好，又唔會辣到要邊飲水，食泰國野必食冬陰公，泰式酸辣湯，tom yum其實是酸辣的意思，連埋個爐一齊上，雖然個火唔係keep到好耐，但都有少少作用暖住個湯橙色既酸辣湯，賣相正宗，有好多配料香料入口 開初辣味夠，之後飲到底卻有點過鹹豬手飯配埋滷水蛋同酸菜，配冬瓜湯，夠正宗呢到可以單點豬手或豬手飯，個人覺得多個飯，價錢平d 之餘，豬手份量都唔少豬手滷得咁深色，就知滷得好入味，質感軟腍，重膠質，應該係女士最愛吧豬手仲一條豬毛都無，清得好乾淨，配埋個特製泰式辣汁，夠辣夠刺激至於青咖喱配雞柳，啖啖嫩滑雞肉，而且青咖喱汁唔太辣，好香椰汁味，用黎撈飯點蒜蓉包都可以，所以追加一客蒜蓉包，蒜蓉包本身亦好香脆原本係想飲香茅蜂蜜，但無

依家德福新開 o左間泰國菜比起去九龍城食方便好多呢~餐廳好熱鬧, 都幾多人幫襯我好中意依個 neon light 講得好 o岩!湯有得揀 portion, 兩個人可以點個小 ge椰汁雞湯湯底好雪白, 湯料有滿滿 o既雞肉帶有酸酸 o既泰式風味, 同中式湯品好唔同~冇骨 o既海南雞, 最 o岩懶人~一邊係雞胸肉, 一邊係雞脾肉仲有隻雞翼 o添 胡椒炒蝦 o既造型好靚惹來格離枱客人問我 o地依碟係咩呢d 蝦開哂邊, 可以起 d 蝦肉出 o黎唔使整污糟手 馬拉盞炒雜菜少少辣, 好惹味d 珍珠筍好爽, 都幾新鮮!

九龍灣德福最近開咗兩間新餐廳，其中一間就係泰廚房子，見裝修得幾靚而且價錢唔貴，一於就去試下～餐牌上食物種類都算多，一般泰菜都可以食到，7點半入座，但我地想食嘅生蝦、炸軟殼蟹同雜錦拼盤都無，有D失望！希望下次食到啦。我地叫咗個鳳爪沙律、馬拉盞通菜、瑪莎曼咖喱配蒜茸包、海鮮炒金邊粉，特別推薦瑪莎曼咖喱配蒜茸包！瑪莎曼咖喱(牛)($98)配蒜茸包($20) 成個配搭好正，個咖喱椰味好重，甜甜地好開胃之餘又好香，真係貴少少都要叫啊！另外個蒜茸包都焗得好脆又夠重味，我同朋友都話下次要encore。鳳爪沙律($72) 個味道就辣咗少少，比較適合鍾意食辣野嘅朋友。馬拉盞通菜($62) 同 海鮮炒金邊粉($78) 份量好多，我同朋友兩個人食都食唔晒，而且味道都唔錯，馬拉盞通菜其實係我最愛，金邊粉都炒得好香，以連鎖類嘅餐廳黎講算唔錯。我地仲叫咗兩杯野飲，泰式奶茶我就覺得麻麻地，但芒果沙冰就幾好飲，甜甜地食泰國野好夾～～德福商場真係愈黎愈多野食，希望下次再去有得食生蝦啦！

最近德福裝修完之後就開左d新餐廳，呢間泰國菜就係其中一間，係泰國人主理嘅泰國菜，望過餐牌唔貴又幾吸引，就入黎試下喇～馬拉盞炒椰菜苗$72食泰國野必點馬拉盞，鐘意佢咸咸香香嘅味道～呢度嘅馬拉盞夾雜住粒粒蝦米仔，食落仲多左分鮮味酸辣鳳爪沙律$72沙律菜加入洋蔥、甘荀等等，鳳爪係無骨的，方便食用，沙律都幾辣下，鐘意食辣嘅朋友一定要試泰式海南雞飯配冬瓜湯$85海南雞可以單點或者跟飯同湯，一直覺得油飯同冬瓜湯先係精華所在，一定要點埋一齊食～油飯夠香，唔會好油，去左骨嘅海南雞飯，肉質嫩滑，性價比好高海鮮喇沙$88大大碗超足料！海鮮有大頭蝦、魷魚、青口、豆卜、蛋，仲有兩條炸腐竹，米線底索晒個喇沙湯底，好好味～泰式奶茶餐加$18同泰國飲到嘅奶茶味道係一樣！鐘意飲奶茶嘅人必試！芒果冰沙餐加$22 朋友話無加糖水，好天然，幾好飲芒果糯米飯$45雖然已經好飽，但係再食埋呢個甜品就完美喇～趁糯米飯仲熱時食，芒果好甜

同男朋友無獨有偶，兩個都好鐘意食泰國菜，今次就發掘左呢間係德福既Khap and ka環境方面，二人枱唔算大張，但勝在坐得舒適，三至四人既話有機會安排喺梳化卡位。（當晚早早就黎到餐廳食飯，比較幸運既係當時人流未算好多，所以不用同其他人搭枱呢：）但七點過後，餐廳可以用座無虛席黎形容！人流相當多～假日既話恐怕要提早預約以防花上好多時間去等位呢～）落左單之後，食物好快就一一送上了，效率不錯。首先嚟嘅係沙嗲串燒（雞肉）$72六串，好抵食每串都多肉！雞肉嫩滑多汁，燒得好好，上枱既時候熱辣辣，正個沙嗲醬極富花生香，微辣，十分惹味泰式炒通菜 $62辣度介乎小辣至中辣之間，通菜唔老而食落爽口泰式青咖哩豬 $78咖哩好香椰奶味，微辣香甜，啲茄子吸哂啲汁都變得好好味呀豬肉應該係用上了豬頸肉，爽口而不失肉香～咖哩當然要配上蒜蓉包啦～ ($20)蒜蓉包上枱嘅時候熱辣辣，同出邊嘅蒜蓉包唔同，呢度嘅蒜蓉包好柔軟，十分適合蘸咖哩汁食用，本身亦都香得令人食指大動經典肉碎生菜包 $68肉碎份量非常多，所以相對下生菜就比較少，最後都食淨唔少肉碎肉碎瘦肉比較多，感覺比較健康味道方面就冇太大驚喜呢個泰式奶茶（$28）好特別呀

✿╮❤╭✿ ✿雜感女生 好味日記✿ ˚*•✰。泰廚房子．泰滋味。✰•*˚ ✿✿舌尖上的德福✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 去德福探朋友，順道一試新店子「泰廚房子」 由泰裔大廚掌舵，味道真有特色 既有服務周到的泰國、香港店員 卡位設計也令人感覺舒適自在 泰式炸蝦餅 $78 香噴熱辣又彈牙，有水準 更要留意的是：配來的醬料是大廚自製 朋友一試就知是用了梅子、蜜糖 味道與坊間的現成醬料不同，清爽甜味突出 招牌海南雞(半隻)$88 去骨雞肉香嫩，入口滑而不帶肥膩 三款醬都與別不同，我又用了炸蝦餅的配醬 帶出另類鮮味 泰式炒芥蘭$62 清爽不老，泰式炒法香口惹味 保留了菜的鮮綠與爽口，好味 泰式炒鮮蝦金邊粉$78 有鮮甜大蝦，配上泰國人最愛的花生碎、小辣炒 蛋香包住炒香了的飯粒，滋味無窮 冬蔭功(小)$85 足料香辣，有醒胃的香茅和酸香 更有小龍蝦坐陣，味覺充滿海鮮與辣味刺激，好好飲 泰式凍奶茶+青檸梳打 $28@ 泰國菜必備飲品！一款賞心激甜，一款清爽解渴 我真心喜歡這種來自泰國的香茶味

是晚朋友們約食飯其中一個老友系九龍灣番工由於佢經常都無得準時收工為免大家久等，所以都選址九龍灣🙈😂Openrice 搵到呢間新開既泰菜館感覺都吾錯，大家一致同意食呢間由於我放得比較早 6點45左右我已入座等佢地，好彩佢地都好快到其中我地揀左以下菜式海南雞半份d雞肉都好滑，配上不同醬汁，好味👍🏻瑪莎曼咖喱（牛）呢個咖喱汁可以揀選牛或者羊我地揀左牛肉, D肉片肉質都算軟腍，吾會硬實個咖喱汁非常惹味, 我地叫左個蒜茸包來配個汁睇個蒜茸包賣相無咩特別, 食落口出乎意外地鬆軟淋D咖喱汁上包面, 簡直一流 !海鮮喇沙用料都算幾豐富, 湯底都可以, 個人喜好來講如果再重D椰香同再辣D就仲正泰啤呢個都幾好飲，清清涼涼芒果糯米飯芒果夠熟甜甜地暖暖椰汁配上香軟糯米香，吾錯

約左阿媽食飯，於是又去試新野，上網見到呢間泰國餐廳新開又好多好評於是黎試下佢因為我好喜歡泰國，泰國菜啱晒我7 點未夠去到門口已經有好多人等位，之前打黎問，話未有得訂枱，想吃，那只好等位吧！！唔知係咪間野太新，服務員唔係好熟手，望落比較高級的都唔係好適合做呢行囉，態度有待改善呢度地方唔大，由以前1間餐廳，間開左做3間，枱數唔多，但好鬼嘈囉，想講野要坐隔離先講到。想坐多陣傾下計都唔得。。。講返野食先，叫左招牌海南雞飯，青咖喱羊架，馬拉盞椰菜苗，蒜蓉包，泰式奶茶同青檸梳打。先講飲品，2 杯都淡茂茂泰式奶茶好似奶水咁，青檸梳打又係加糖水沖個d, 仲要落得勁少糖水，咩味都冇。至於食物方面，相對比較好。青咖喱味道適中，羊架煎得香脆入味，可惜咖喱汁太少，唔夠點蒜蓉包。蒜蓉包ok, 用左牛油餐包去整，所以比用法包去整，更香更甜海南雞飯的油飯質地出色，但偏鹹，海南雞肉嫩但缺少了一點味道。總括而言，試過就可以了。

起動哦@Khap&Ka泰廚房子九龍灣偉業街33號德福廣場一期平台 P8A號舖是，又到照護妹妹小孩的日子，方便我接送，走不出九龍灣，幸好近來多了很多新食肆，當是試新餐廳我自己也忙中作樂。泰國廚師坐鎮，保証食到都是正宗風味哦！燒雞半份$98，每餐都要吃肉，低澱粉減肥讓我狂吃肉都瘦下來，又唔會涯餓。燒唔會肥，醃的入味食時就唔會淡而無味。留意要得30分鐘先有，因為是即烤，皮色澤好靚。黃薑飯$20，薑可以去濕，又添了點雞湯香，用來配雞妙妙妙。要加返蔬菜平衡，鮮蝦柚子沙律$88，大大隻蝦加埋多汁多水份，味道爽甜柚子肉，撈埋酸中帶辣泰國香料的醬汁,炸蒜乾蔥魚露同腰果，但乾蔥份量佔重多，太略為重味濃郁同鹹辣。這店子晚市好多人，証明受歡迎又好味，九龍灣真是個美食小天堂。

德福開左間新泰菜，聽講都吾錯，老豆同媽子都好鍾意食泰菜，但去九龍城交通又吊腳，見到近近地德福開左間新泰菜餐廳，梗系要帶爸媽來試下啦😁是晚我地6點半左右就來到，食到7點多d時已坐滿人客，仲有人系外面等位添。我地早到所以一行4人被安排入座好寬闊既梳化位，真系好闊既位，坐6個都鬆動🤣 坐得好舒服😌睇下餐牌，一般泰菜有既菜式佢都有，我地都揀左一輪。最後揀左👇🏻👇🏻👇🏻青木瓜絲沙律 $68食材好新鮮爽口，味道甜酸好醒胃，食落比平時一般沙律辣啱曬老豆呢D好喜歡食辣既人，佢讚不絕口招牌去骨海南雞(半份) $88話明招牌無理由吾試下啊，點半份來試下，點知份量都算多而且肉質好嫩滑，媽子都話好滑而且有雞味😆椰汁雞湯(大) $95呢個係我食泰菜都幾鍾意食既一個湯，鍾意果種豐厚既味道濃滑既椰香，食落有冬陰公既味道同香味..我飲左兩碗...🙈菠蘿蝦魷魚炒飯 $88呢個飯有好豐富的材料，飯粒乾身，腰果幾脆口干咖哩炒軟殼蟹 $98呢個夠惹味，咖哩好香濃，軟殼蟹脆脆地，配上蒜茸包....好味😋蒜茸包 $20一開始睇呢個包外相一般般，食落原來超鬆軟，包面淋上咖哩汁，好快就食左兩塊包...個菜好爽口又惹味，好好食兩老都好

星期六約咗朋友去九龍灣行街同睇戲，當然要搵地方食過飯。德福有好多新食府，我揀咗間泰國菜館，雖然地方小小，不過我哋非常好彩，去到還有一張枱。餐廳出餐好快，但我哋見到好快已經要等位。先呢一個鮮蝦柚子沙律，柚子多汁鮮甜，鮮蝦又爽口彈牙配上少少辣嘅泰國風味，真係特別醒胃。經典肉碎生菜包好食到離曬譜。碎肉有肉汁配埋九層塔再俾啲新鮮翠綠嘅生菜包住，熱辣辣咁食落口，好滋味。炸蝦餅又係一樣傑出之作。去到泰國都唔係度度蝦餅好食。佢唔單止爽口彈牙，食落中帶有肉汁。要小心食，嘴都會熱親燒傷。芒果沙冰雖然等得耐咗少少，但係佢用咗泰國嘅水仙芒，飲落香味濃郁，特別透心涼。 飲埋龍眼冰唔好以為普通嘢。龍眼嘅香味充滿曬口腔，上面再放兩粒龍眼肉，又有視覺又有口感。今次食咗幾款嘢都非常好，下次要先打電話留位，約多啲朋友再嚟，可以食多幾款嘢。

近期德福廣場一期的平台餐廳進行裝修，係原中國銀行舊址分拆了兩間餐廳，一間主打中式粥粉麵飯，另一間就主打泰國美食。小弟就揀咗喺主打泰國美食嘅餐廳食飯。由於本身比較早去到餐廳食晚飯，約傍晚6點鐘，所以唔需要等就可以入去。當晚總共點左四樣嘢，分別係炒金邊粉、雞肉串燒、馬拉盞炒通菜同札肉雞絲湯金邊粉。想喺度分享嘅係客人比較常點嘅泰式炒金邊粉同札肉雞絲湯金邊粉。先講講泰式炒金邊粉，本身比較期待呢個金邊粉嘅主要原因係餐牌上展示該金邊粉嘅面蓋上左一層金黃色嘅蛋網，賣相頗為吸引，但到上菜嘅時候就發現無左原有餐牌上嘅蛋網，有少少失望。幸好，金邊粉的味道力保不失，餐廳賣嘅泰式炒金邊粉無一般喺香港嘅泰式餐廳所食到嘅炒金邊粉咁有好濃嘅甜酸醬味，相反，成碟金邊粉充滿非常濃郁嘅羅望子醬味道，加上有少少辣味，非常惹味。至於，札肉雞絲湯金邊粉方面，餐廳嘅札肉頗為鮮味，雞絲連帶黃油雞皮，因而金邊粉沾到少少黃油味，湯底亦甚無味精的味道，所以食完都無口渴嘅感覺，可以一試。

九龍灣真係冇幾多間Thai Food restaurant，德福個邊開左間新的，裝修幾contemporary又有格調。聽聞係泰藉主廚主理，菜式又相當地道，放工就去試一下。餐具都好有特色。招牌海南雞半份($88)都幾大份，雞肉好滑溜，配薑蓉、泰式酸辣醬和醬油。黄薑飯($20)很入味。鮮蝦柚子沙律($88)有不少大蝦和柚子，仲有脆脆的腰果，味道偏辣，但係好醒胃。泰式炒椰菜苗($72)炒得很香，少少辣，新鮮的菜食幾多都得。青檸梳打($28)和泰式奶茶($28)椰汁千層糕($38)賣相十分精美，而千層糕的椰汁味濃郁，真係唔夠食。Encore甜品芒果糯米飯($45)，熟透的芒果好甜，糯米飯夠咬口，配椰汁和白芝麻食，味道不俗。下次要試下椰子肉雪糕和椰汁木薯。