泰廚房子 (德福廣場1期)

營業中

休息中

行過九龍灣德福廣場平台，見到有幾間新食肆。其中一家叫泰廚房子 Khap & Ka ，睇個名就知係泰菜為主，聽說係泰國廚師主理，趁又未有假期去泰國旅行，今晚一於同爸爸試下，過下口癮。平時以為泰菜係九龍城專利，依家周圍都食到啦！個logo好得意，好似卡通咁。泰式魚餅揀小食都揀左好耐，因為小食款式至多，沙律又好清新，啱晒夏天，又好難取捨。最後係蝦餅同月餅中間，揀咗魚餅。爸爸好鍾意的魚餅，淋身但煎得香口。點左泰式辣醬，酸酸甜甜。冬蔭功湯 (小)難得爸爸話好耐無飲過冬蔭功，今次就試下。好多人講過，要試一間泰國菜係咪真係好食，飲冬蔭功就無死。得兩個人點一個小的份量就夠，兩個人每人可以飲到兩、三碗。冬蔭功自酸辣到恰到好處，酸的感覺刺激味蕾，相信冬天飲一定好暖胃。冬蔭功入面又點可以少得大蝦，以表孝心，古時有「孔融讓梨」，我就讓蝦，加上自已皮膚唔好，所以將大蝦讓比爸爸食先。泰式燒雞燒雞都幾嫩滑，肉都係剛剛熟，唔會鞋身，不過無乜炭香同唔夠熱。配上泰式酸汁，開胃非常。泰式馬拉盞炒雜菜一餐飯點可以唔食番d纖維？所以叫番碟炒雜菜就最啱。有椰菜，粟米芯，草菇，無咁DRY！馬拉盞又可以令本來無咩味的雜菜更加惹味，又

朋友告訴我KHAP & KA是泰文中男孩女孩的意思我才知道餐廳招牌上有一對男女公仔的原因因為很長一段時間沒有吃過泰國菜了但又不想走到泰國菜集地九龍城所以近近地到九龍灣德福試試這間新開的泰國餐廳~餐廳環境舒適 有沙發位置位置寬敞 適合一家大細吃晚飯~1.鮮蝦柚子沙律 $88沙律中加入了柚子 甜甜酸酸的感覺很新鮮 很醒胃另外還有花生粒和香料味道帶點微辣 連我都接受得到~2.炸蝦餅 $78總共有4件 每件都大大件相信餐廳是將蝦打成蝦膠做成蝦餅有別與平時食到啖啖蝦肉的做法不同的風味~食落更順口 而且剛炸起 熱辣辣 吃的時候不會辣嘴 火喉拿捏得頗好配上泰式甜酸醬 味道很不錯 3.沙嗲串燒(牛+雞) $72牛和雞串燒各兩串肉質尚算不錯 牛肉略嫌硬了點 雞肉和沙嗲醬比較配合~沙嗲醬汁夠惹味 只有微辣4.馬拉盞炒椰菜苗 $72小妹第一次食椰菜苗 平常我大多都點炒通菜~我食過之後便愛上了 相信之後都會點椰菜苗椰菜苗食落嫩口 沒有太多多餘的油份頗為清爽~食到我唔停口 5.蒜茸包 $20大件夾抵食 又是有別於一般泰國餐廳的蒜茸包用上了芝麻包 牛油和蒜茸不會過多烘的時間適中 不會有過硬的情況發生依然有少少水份

最近喺德福花園有四五間食肆新開，今次這家就是其中之一裝修簡約燈光偏昏暗叫咗半份泰式海南雞、一個泰式豬手飯套餐、蒜蓉炒通菜及飲品。但轉個頭侍應話雞唔夠，唯有轉成海南雞飯套餐，豬手由飯套餐轉小菜最快嚟到嘅珍多冰，椰奶嘅份量好多好多，真多冰原價＄32，套餐升級$22本來係叫蒜蓉炒通菜帶你都係俾咗一個馬拉盞炒通菜，算啦⋯照食。 等左大約15分鐘豬手和海南雞就陸續上枱（隔離枱原來都係叫了招牌去骨海南雞套餐，但係佢哋枱上面其他食物食晒都未嚟，等左好耐要吹先再比佢哋）睇落個廚房應該係三間食肆打通共用，感覺上廚房和樓面幾混亂運作未順。豬手質量OK招牌去骨海南雞飯套餐的雞份量感覺較少，唔係太有雞味，肉質都算滑嘅，好普通的一個海南雞飯。冬瓜湯味道清甜

［泰廚房子］是德福廣場近期新開張的數間餐廳之中的一間，與其他餐廳相比，它顯得文靜低調，外表用淺灰色裝飾，靜靜地開在一期的平臺上。餐廳全日都有不同的套餐供應。星期天的中午第一次踏足並且幫襯，選了［乾炒（豬）河粉 Lunch Set ］，跟春卷、糖水、飲品，HK$ 78 另收加一。乾炒河粉夠鑊氣，食落也幾香口，只是食材切得比較粗獷，大大的形狀，想斯文咁食有Ｄ難度😋。［春卷］餡為全素，沒有滋味，不好吃。［芋頭粟米紫糯米糖水］味道中規中矩，其他餐廳多有類似的糖水，欠缺泰味特色。［泰式凍奶茶］這是整個套餐裡面最具泰國風味的一個，飲落有特別的香味，顯出泰式奶茶的真諦，正👍！單點［椰子肉雪糕］HK$ 38 另收加一。有椰子的香味，果肉不多，糕體不夠 Creamy ，粗粗哋的感覺。總體來講，食物味道算是可以，只是＂泰廚＂的風味不顯，雖然套餐有齊嗮主食、小食、糖水、飲品，食完都幾飽下嘅，不過加一後的價格也不低，在這個餐廳林立的區域裡，同樣的價格有更多甚至更好的選擇……

知道呢到新開咗泰式菜館不妨嚟呢到試下, 呢到冇得訂位, 但可以預先網上攞飛, 裝個GULU APPS就可以啦, 但最後我地都冇咁做, 直接去餐廳攞位, 平日大概7點左右, 唔算多人, 去到都有位, 見到個廚房同隔離餐廳係打通既, 唔知係咪同一集團呢?鮮蝦柚子沙律 - 碟底太多酸汁, 食到尾要間汁食, 蝦都好新鮮好爽口, 柚子都好甜雞串燒 - 原來冇晒牛, 只可以叫雞串囉, 雞肉都嫩口既, 但個圍邊就係有啲硬身, 可能燒過龍乾咗馬拉盞炒通菜 - 味道偏濃, 通菜都幾好味生菜包 - 生菜好爽口, 碎肉偏辣, 但都不差泰式鮮蝦炒金邊粉 - 賣相係可以, 但金邊粉痴埋一舊舊咁, 有啲硬身, 我覺得麻麻地芒果糯米飯 - 冇諗過糯米飯會變咗做圓形, 好似煎餅咁, 都係鍾意原始既泰式芒果糯米飯, 但味道係唔差既千層糕 - 椰汁味唔算濃, 但有煙韌口感青檸梳打 - 泰菜必有既飲品珍多冰 - 泰菜必有既飲品, 椰味都重總結 - 其實想試個甜品拼盤, 但侍應話新開有啲食材未有住, 真可惜, 但食物質素都唔差既, 但相比二期果間L泰國菜就差一截