泰巷 (MOSTown新港城中心) (已結業)

是日去馬鞍山行山出發之前午餐左先結果揀左呢間泰菜餐廳好似有少少特色得黎價錢又比較平民化點左~香矛豬扒湯河豬扒份量本來OK但有三件都係肥豬肉有少少扣分呀湯底OK都濃味既但又唔會過咸~扎肉船河呢個扎肉正常唔叫差但又唔係十分突出河粉份量正常食完係夠飽既

第一次去食馬鞍山泰巷，每次途經都見有人排隊，昨天見不多人排隊，便去排隊試試，吃至中途曱甴爬上枱，嚇得呆了，甚麼食慾也沒有了，換了枱巳不想吃，以後也不會再幫襯這店!差評!

🐓地道椰子雞湯🥥（$62）⠀嗌左個湯貪佢酸酸地開胃😋😋，賣相係椰汁白白地色🥣，攪下佢個湯底都幾清同冇 乜油。飲落似冬陰公嘅味道，重青檸香茅味但冇椰汁味🌿🍋。味道都ok，值得一讚係佢啲雞肉去左皮唔肥同幾鮮甜🐓。⠀⠀🌟🌿青咖哩撈米線👄($68)⠀侍應同我地講係即整要耐啲。上枱發現係分開兩盤上，一碗青咖哩配一碟米線🍲。米線係非常煙韌，係我地食過最煙韌最彈牙嘅米線😻😻😻😻❗️。佢地嘅青哩咖有啲名不乎實，以為會超級辣😈，但其實係普通椰汁咖哩扮的🤪，甜甜地，一啲都唔辣🤚🏻🤚🏻啖啖椰汁味同香料味，勝在夠杰可以掛哂係米線到😽😽，十級邪惡。咖哩入面嘅雞扒有特別煎香過，外皮都幾香同脆。⠀⠀🥭芒果糯米飯($48)⠀糯米飯夠暖粒粒分明，但好明顯唔夠正宗因為汁唔夠杰同勁甜🙄🙄。芒果用左青芒，肉質比較實同有陣草青味🍃🍃。小伏，唔太鐘意🙅🏻‍♀️🙅🏻‍♂️。 ⠀⠀總結：雖然味道唔係太正宗，但味道搭夠，特別係撈米線，好好食👅👅！⠀

生於沙漠，食於沙漠繼續係沙漠下搵野食，繼續分享沙漠下既點滴，繼續發揮窮人貼地平民飲食😂今日口淡淡，想食點濃味得黎又係濕口既食物，係市中心行左幾圈，見到泰巷有外賣自取９折，所以就去睇下有咩好野食😋見到優惠餐牌有泰式香茅骨船河，連埋飲品都係四十幾蚊，價錢都算合理👍所以就叫個外賣返去食下，我心態盡量都係居家抗疫，可以選擇都係返屋企食最安心😁泰式香茅骨船河（＄４２）　＋　泰式凍檸檬茶（＄３）為左安心都係外賣自取返屋企慢慢嘆啦，由落單到取外賣都係１０—１５分鐘左右，然後就急急腳返屋企食🏃打開見到香茅骨（即豬排）份量都可以，同埋都熱辣辣，唔似擺左好耐凍冰冰咁👍最抵讚係鋪頭將河粉同湯分開裝，而且湯仲係保持熱辣辣👍終於要開動試食喇，湯底雖然顏色好深色，但食落去又唔覺得好濃味，感覺有點淡，我就將鋪頭提供既魚露同泰式辣椒粉加埋落湯一齊食，即刻好味好多。😂河粉方面就比較少而且比較碎，不過河粉配料有豆卜，通菜，白蘿蔔，食落無咁寡，有加分😂再試豬排，食落去唔係好覺有香茅味，而且炸到到好乾身，一般般啦👎泰式凍檸檬茶飲落唔錯，泰式凍檸檬茶中既青檸味中和返濃味既船河，係好好配搭👍食物味道同質素中規中舉啦，但整體黎講對

呢間泰巷會做啲特定嘅優惠餐: 早餐, 午餐, 下午茶, 晚餐~ 今日突然肚餓但係過咗五點鐘好多餐廳都已經做緊晚市外賣, 冇下午茶餐 知道呢一間泰巷下午茶做到六點, 就過嚟睇下有咩買啦😜見到佢個特價下午茶餐: 金不換香茅滑米粉連熱飲29蚊, 外賣加2蚊, 又幾吸引 外賣9折所以埋單係28蚊我問店員可唔可以分湯, 佢話會㗎喇... 點知道攞餐嘅時候佢話船河先至會分湯, 其他要分湯唔係問題不過加兩蚊, 咁我就費事煩啦, 都出咗餐, 照拎返屋企食 店員幾好禮貌㗎話曬都係下午茶餐, 所以份量唔算太多, 味道幾好個湯底夠濃, 有埋牙菜+ 扎肉香茅骨就大概半塊我自己鍾意另外加埋佢哋嘅魚露辣椒粒🌶️ 呢個價錢, 又直到六點鐘都有得買, 抵食

今天首次2人限聚令下外出早餐，餐廳都守規矩，除了卡位外，枱與枱之間都約有一米以上。如果送餐與收拾的waiters/waitresses 是分開2個group,就較衛生，一般送餐者在送餐時的手指公會插入新的食物裏，如果同人又收拾又同時送餐，大大增加感染。（其實約5月時，已致電餐廳建議，不過⋯大家可能都估到😅）一般10:50起 ，門口出現排長龍，今天也不例外。平時食開的米粉是白色幼身，好味，但⋯今天已轉了為透明質地的米粉，坦白說，此透明質地米粉令我不想再食，白色幼身的米粉好味很多！

今朝去馬鞍山新港城既泰巷食早餐,呢間係我其中一間好鍾意去食早餐既地方, 貪佢環境乾淨企理, 坐得舒服。而且呢度既早餐可以話係港式早餐加泰式食品既fusion,除左有一般既炒蛋煎蛋多士外,仲可選配遊船河或者冬蔭公公仔麵, 價錢都係三十幾蚊左右,十分合理！今日我就嗌左我至愛既手撕雞冬蔭公公仔麵, 碎蛋沙律多士同埋凍既泰式奶茶。我黎親呢度都會叫碎蛋沙律多士, 因為其他茶餐廳一黎比較少呢個揀, 而且我對呢間食店既衛生情況比較有信心! 呢度既碎蛋沙律份量唔少, 味道正常, 佢仲配有番茄同沙律菜, 感覺清新健康！手撕雞冬蔭公公仔面呢度既冬蔭公湯底應該唔係用即食麵湯粉沖開既, 而係用原料自己煲出黎, 因為成日都見到有d 湯渣係度。呢度既冬蔭公酸辣度啱啱好, 唔會好辣, 適合一般大眾口味！凍泰式奶茶我黎親呢度都會加3蚊轉凍飲, 因為泰式奶茶只限凍飲。黎到呢度梗係要揀泰式奶茶啦,其他地方少機會飲到嘛, 而且佢沖得好滑, 甜度適中, 大家黎到都不妨試下啦！

嚟到泰巷通常都係食佢嘅越南河粉，我就叫咗燒豬頸肉河粉， 分量都幾大碗㗎， 裏面仲有一嚿豬油渣，脆卜卜味道相當唔錯，燒豬頸肉份量都唔算少，舊舊都幾有肉地， 至於飲品方面絕對推薦佢嘅泰式凍檸茶，因為唔同普通嘅凍檸茶，佢係用咗青檸汁，味道 非常清新特別絕對推薦。

中午看到有人排隊，猜測这家餐厅應該不錯否則不會有這麽多人來，所以就也跟著排了。前邊五六個人吧。午餐套餐，價格公道。味道也不錯。我和朋友點了一份咖喱素菜飯和咖喱魚柳飯。共消費114。

有日係馬鞍山跑完步都有啲晏，選擇都得番唔多，決定食個肥仔晚餐慰勞跑完步既自己。呢間店既員工好有禮貌，好殷勤，又會介紹下有咩好食呀咁。地道黃咖哩雞煲 ($78)味道都唔錯，唔會太辣，雞既份量都唔少呀，不過唔太鍾意啲雞有走過油，唔係滑雞。亞萊肉碎生菜包（$58)肉碎同生菜既份量都剛剛好，可以自己揀辣度，重有幾塊印尼蝦片，蝦片好食。泰巷油酥餅（$28)油酥餅就比想像中唔同，而且比較油真係。另外叫兩杯野飲都有半價，幾抵飲唔錯。

這間餐厅是一個吃晚餐和午餐不錯的選擇！價格沒有那麼高，兩個人一碗船河，一份飯還有一小鍋湯就足夠～味道當年也並沒有很差，第一次見到船河的湯是這個顏色的，裡面的配件也很足牛丸肉片什麼的～黃咖哩有一點點辣，不過可以接受到！

吃過好幾次呢間野，最好吃係蝦餅同個黃咖喱軟殼蟹次次去都必叫呢2款（黃咖喱唔會覺得辣，唔吃辣既朋友都可以吃）菜包肉碎個個屋企人最愛，所以呢次特登同fd叫來試下，覺得1般，包2，3塊吃下就夠，吃多就麻麻，覺得如果跟白飯吃會比較合適。飯面類方面比較失色，之前都吃過河粉（唔記得xx河粉，但覺得個味不太能接受），菠蘿炒飯（正常唔差），呢次就試黑椒焗飯，結論係下次都係叫翻炒飯啦（唔係話好難吃，可能係呢次肉碎，湯都係辣，所以加埋焗飯都係鹹辣（比平時出面吃既黑椒飯更加鹹辣），所以覺得更加唔好吃）至於湯，個人試完比較中意椰子湯，但冬陰蜆湯都唔算差。湯方面有個問題，就係我發現我飲既幾次椰子湯，個鹹淡味道係有明顯出入，唔知道係廚師唔同，定係d湯煮唔混。叫中好吃既就會中意呢間野，叫中唔好吃既就唔中意，好彩我第一次已經叫中我最中意吃既2款

馬鞍山是美食沙漠人盡皆知想食早餐都唔知有乜選擇呢間泰巷長期有人排隊，所以試下叫左個茄湯雞扒通，另配碎蛋沙律方包個茄湯一啲都唔假，雞扒都好大塊，煎得好香，肉質嫩滑，好食至於碎蛋沙律同方包無乜好講但我要投訴舊牛油，溶溶地方便查好好但係舊牛油係無味的😵改善到就最好另外無影到，仲叫左泰式檸茶，用泰式紅茶做茶底，非常怪異😵應該係我本人問題，下次都係叫返港式凍檸茶算了！總括而言，價錢味道合理，可以再食！！

吃過好幾次檢寫個食評吧呢間餐廳🍴位置係新港城中心千色隔離就係都算易搵而且每次黎都覺得店員服務態度良好好多時都會比卡位我坐🙌🏻除非店舖繁忙啦佢地每碟食物份量唔多 唔會大大碟價錢合理👍🏻有時兩個人去都可以食唔同種類既野上菜速度都算快啊👍🏻唔會餓親你我每次都會點生菜包🤤因為可以撈飯食好好食通菜都好新鮮 食落唔會有菜渣好嫩個海鮮🦞冬陰公湯一人份量 但我同朋友share飲味道方面唔會太辣建議唔食得辣唔好叫個湯仲好多料係湯入面飲完仲開胃其實仲有叫到個魚但唔記得咗影相掛住食無咩印象但呢到食魚都唔算貴小食拼盤就普通左少少無咩特別唯一想佢餐牌上如有有生蝦食就更加好喇

$27嘅早餐，而家喺香港真係好難搵，呢間泰巷，每季做一架特價嘅早餐，呢個月就係得給午餐肉蕃茄濃湯通粉， $27有一碗湯粉及一杯飲品，不過就冇平時有嘅蛋及多士。當係食一個比較輕盈嘅早餐，其實份量都好夠。蕃茄濃湯略嫌比較鹹，而且比較熱，入口有啲刺激咽喉的感覺，而且午餐肉本身有又好咸，所以成碗湯粉都係得個咸字，真係非常之重口味，對於早餐想食得清淡嘅人來講，呢個餐一定over左。另外配左一杯熱咖啡，咖啡有少少窿未，所以入口有啲怪，整體來講$27嘅早餐令人有啲失望，我估我下次唔會再嚟食。