泰巷 (MOSTown新港城中心) (已結業)

早午餐都算抵食，份量都足夠👍🏻👍🏻款式都算多，但味道不過不失🤣🤣餐廳舒適，都多卡位，坐得都幾舒服😌👍🏻但冷氣就凍左啲😝服務態度都okay,會再幫襯！最抵食係佢地嘅早餐，有包，我鍾意食佢嘅豬扒湯麵，豬扒夠大塊，米粉普通，旨在抵食！…查看更多

住喺馬鞍山，成日都食呢間，因為又平又抵食，服務好，坐得舒服，可以慢慢坐下午茶menu好抵，主要都係番茄湯冬蔭公湯清雞湯配公仔麵米粉通心粉，配小豬扒雞扒手撕雞扎肉等等，加$8有份腸仔+炒蛋+多士，優惠價可加小食，配熱飲，可加錢飲凍飲/特飲。最鍾意食香茅小豬扒冬蔭公公仔麵冬蔭公有時比較辣有時就中等小豬扒唔硬，冇乜肥膏，好食$8嘅炒蛋+腸仔+多士，好抵，一定要加優惠價配小食春卷3條 $12齋春卷，只有紅蘿蔔絲椰菜絲咁，但炸得好脆又唔油，入面料都多，滿滿菜絲小食$16 5件香茅小豬扒冇浸落湯度仲脆口，乾身啲脆口啲仲好食，又唔會好乾$12 2隻香茅雞中翼泰式凍奶茶，好香濃，同港式真係好有分別，值得一試我最愛就泰式凍檸茶，冇檸檬唔洗吉檸檬，係用新鮮青檸汁menu仲有好多其他嘢食，例如船河、炒粉麵飯、咖哩飯、炸魚柳、海南雞飯等等。另外服務好，一入嚟每個有見到你嘅店員都會同你打招呼歡迎光臨叫你隨便坐，走個陣都會有店員多謝你再見。連經理都會落單同送餐，唔會扮睇唔到你。冷氣夠，坐得舒服，枱之間夠距離，平日可以慢慢食慢慢坐都冇人趕，慢慢飲杯野飲玩下手機睇下劇都得。一個人想坐4人卡位都冇問題，試過冇晒卡位得番6人卡位都可以照比你坐，唔係滿座都唔會要你搭枱。…查看更多

有一排已經無食過泰巷，今日經過就見到佢啲餐牌唔同咗，出左一啲幾抵食嘅下午茶。入去坐底叫左個手撕雞公仔麵，+$8要多份腸仔、炒蛋、多士，當然唔少得叫杯凍泰式奶茶啦😋😋😋 食物嚟到，份量適宜，唔會太少👍🏻杯凍泰式奶茶無失水準🥤下午茶抵食之選…查看更多

聽聞泰式船河好耐，原來新港城都有喔，位置近千色店。睇咗餐廳門口 menu，都有幾多選擇，於是走入去食。中午時分兩人位等少少時間就安排入座，位置都幾闊落，我哋叫咗招牌海南雞飯，配餐加$8菠蘿梳打飲品，幾好飲，套餐有紫菜豆腐湯，小份沙律菜，選咗油飯，海南雞都唔錯，中規中矩。船河就耐少少，可能接近下午茶時間，多 order. 就慢慢飲阿華田先，飲得七七八八時船河就來了，我 Google 咗船河，湯底滷水味，所以顏色較深的。湯有少少甜味，材料有芽菜，豆卜，Q彈的細細粒肉丸，少少通菜，份量都尚好，飽飽的！…查看更多

聽聞馬鞍山係美食沙漠，今日嚟到發現食肆選擇都有好多。喺午市時間見到呢間泰式餐廳門外不斷有人排隊，好奇心驅使底下我都走去試一試。午市套餐有好多選擇，包括炒粉麵、湯麵、咖喱同埋飯類。我哋叫咗咖喱牛腩飯套餐同埋香茅小豬扒煎蛋飯套餐。咖喱牛腩飯嘅咖喱汁好惹味，送飯一流。牛腩正常發揮，肉質腍身。我嗰碟咁啱牛筋多個牛腩，喜唔喜歡就因人而異啦。香茅小豬扒肉質鬆軟又冇骨，啱晒老人家同小朋友。味道正常，但香茅味略嫌唔夠。豬扒同飯係分開上，汁都係分開上，所以食食吓覺得有啲乾。順帶一提套餐嘅飯可選擇白飯或油飯。如果揀油飯，可能整體會更加惹味。今餐叫咗泰式凍檸茶。凍檸茶加入青檸汁，味道清新， 十分醒胃。食完重口味嘅嘢再飲番啖真係好爽口。眼見馬鞍山泰式餐廳選擇唔多，呢度餐牌選擇豐富，價錢公道，環境尚算舒適。下次嚟馬鞍山想食泰式嘢，我都會再嚟呢度試吓其他食物。…查看更多