泰巷 (MOSTown新港城中心) (已結業)

佢個蝦唔熟，同佢講個蝦唔熟，佢話唔係窩個蝦係咁㗎。條蝦中間嗰度係透明嘅咯，唔知仲以為我食緊刺身，定係佢打左透明質酸啊？熟左嘅水晶蝦？佢個泰式奶茶又好難飲，佢杯檸茶話係泰式，佢個青檸都見唔到，個咖啡又好淡，條魚又冇味。唯一可以好食嘅可能係佢杯水。我地仲以為唔洗排隊好好彩，原來伏到爆。唔怪得一間喇，開一間執一間。人生第一次評價一間餐廳，佢真係唔值得一試，原本同屋企人食飯幾開心，但d嘢真係令到我好唔開心

蝦唔熟同我講熟左 蝦成隻透明係盲既都睇得出唔熟 冬陰功冇味 魚又腥 人生第一次比負評 真係頂唔l順 份量又小 每份比得個一啖 完全食唔飽 超級難食 唔怪得其他分店冇埋 希望最後呢家都早日倒閉

每次嚟呢度都俾佢既泰式奶茶吸引，下午茶你話係咪特別好食，其實又唔係，勝在有湯麵，撈麵，飯，小食，仲有當然係泰式奶茶今日叫咗個蕃茄湯底雞扒通粉老公叫左咖哩雞撈米粉仲有叫左個春卷小食，有三條泰式奶茶我建議最好揀少甜，如果唔係會甜到飲唔落我今次唔記得影，哈哈，不過相信都有好多相可以睇番唯一嘅係叫下午茶都有加一收費，咁我就覺得喺大商場鋪都算啦食飽飽，環境都坐得舒服，鬆動，咁都可以啦，簡單下午茶，馬鞍山人都可以嘗試

馬鞍山俾人認為係美食沙漠，但係我覺得唔算係！因為呢幾年比較多餐廳開放，已經改變咗好多！呢一間餐廳已經開咗好多年，我比較推薦係佢嘅泰式奶茶，因為佢嘅奶茶奶味比較重。我覺得跟到泰國算係正宗！另外今次叫咗一個豬頸肉配煎蛋飯，佢嘅豬頸肉香口，以煎蛋做到啱啱好嘅效果，佢嘅蛋黃做到流心效果，而且佢餐包含沙律，可以先食正餐之前有前菜落肚，豬頸肉唔會太實，好感一流！而且店舖裏面職員態度亦都好好，餐廳整潔度到比較清潔。

兩個大人一個小朋友，叫咗個2人套餐298，加一枝啤酒，埋單400蚊，完全感覺無嘢落肚，最惡頂係個冬蔭功湯，完全用粉開既，放3隻蝦，香茅都係得幾片既冬蔭功湯，係完全齋用粉開既一煲湯！無任何香料味既一煲味精湯！到個鱸魚，青檸無青檸又係用冬蔭功包粉開既底，用急凍魚就遇咗架啦，無諗過d肉係霉成咁囉！成個餐可能最可以講無意見，應該係蝦片因為係叫返來既！可能我去阿布泰買包冬蔭功湯包是但整都好過佢！

難得有機會入到馬鞍山，梗係要發掘當地美食，就連大商場嘅餐廳都係港島少見🤩 比較過價錢之後決定食較實惠嘅「泰巷」🌿 空間寬敞之餘，食物選擇亦多，除咗船可海南雞等之外仲有少見嘅咖喱撈米粉🍜《 馬沙文咖哩雞球撈米粉 》$83 5 / 5🌟🌟🌟🌟🌟 今晚嘅𝘔𝘝𝘗 係源自泰國南部嘅馬沙文咖哩，配方係加入花生醬同大量辛香料炒香☺香、甜、辣喺味蕾交織，風味同層次感大大提升，絕對值得加5蚊支持！爽口嘅米粉索哂咖哩汁固然美味，主角雞球煎到外脆內嫩完全唔輸蝕，加分位係醬汁同米粉嘅比例啱啱好👍🏻既唔會太多醬成pat嘢咁，亦唔會太少醬乾爭爭，整體黎講一個字：好食！抵食！🥴《 泰式雜錦船河 》 $72 4 / 5貪心地咩都想試嘅話，嗌個雜錦船河最啱，一次過有齊豬頸肉、腩肉片，無骨豬手同豬肉丸🐖 可以話係豬肉大雜燴～ 每樣都有兩、三片，而且質素唔錯，尤其腩肉片，大塊又爽口🤤 湯底略嫌較清淡，欠缺船河湯嘅醇厚🤏———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛🙇🏻‍♀️服務滿意度 ：💛💛💛💛———————————————

先前都構思過來這間泰式餐廳，不過未及嘗試，已經調走，這次叫了幾個和其他友人分享。炒金邊粉都算大大盒，鑊氣夠盛，金邊粉夠熱，另外內裏的大蝦外表好看，食落亦都夠爽口彈牙。海南雞飯亦都大大盒，雞雖然有些切不斷，還要用筷子夾開才能夠把雞件分離。不過雞肉夠滑，雞皮有點脂肪，但亦都不太肥膩。豬頸肉煎蛋飯，相比之下，有海南雞的油飯，這個白飯就當然比較寡口，但是豬頸肉，烤得夠香脆，內裏亦都非常鮮嫩、大肉汁，相當可口。

今日黎到馬鞍山買野Shopping之前諗住快食個lunch🤭呢間泰國餐廳平時都好多人今日反而唔駛等位而且lunch set都有唔少選擇所以就試一試😏🟠 泰式鴨腿船河 $56 🟠鴨腿幾大份，都算入味，夠飽肚但湯底唔濃😅，同正宗船河湯底有D距離，咁就有D失望啦湯底飲完都唔會好口渴既🟣 招牌無骨海南雞船河 $60🟣海南雞都嫩滑，份量唔少轉左冬蔭功湯底，不過湯底都係唔濃😅味道普普通通總括而言，食物唔算好出色，不過環境OK，坐得幾舒服，上菜快，如果喺商場shopping，行攰左想搵d野食下都可以既....🤣

建議：卡位冷氣都幾大，記得著多件褸 🌬成日聽到話馬鞍山係美食沙漠，不過依家已完全唔同左。比較少去馬鞍山既 #試伏專員 ，晚市黎到行左陣商場，隨便走左入一間泰國餐廳。因為見佢門口都有少少人等緊位，應該無伏啦掛🤣等左陣好快就入座，環境算舒服，係冷氣大左啲。餐具都算乾淨，不過提供既水就有啲油🙈，店員幫手換左杯後都一樣。今次試左：▫️招牌無骨海南雞飯 (HK$80)▪️泰式雜錦船河 (HK$74)▫️餐飯：泰式凍奶茶、泰式凍檸茶 (＋HK$3@)整體兩款主食既水準算正常水平。不過如果以招牌黎講，海南雞飯就算唔係太值。一放底既時候係有啲靚茶記快餐既感覺，雞件比較少。對比之下，船河就比較足料。雜錦有齊：豬頸肉、豬肉丸、豬腩肉同豬手。肉質唔會嚡，都算入味。餐飲好抵，只係加HK$3可以揀：汽水、凍飲、泰式凍奶茶 同泰式凍檸茶。泰奶同檸茶唔錯，因為有得揀少甜🤣🥤不過冰度就固定。

昨天晚上跟家人一起到這餐廳用膳，點了泰式船麵及一個二人餐。二人餐點了冬陰工海鮮湯、菠蘿海鮮炒飯、泰皇勁味豬手（點菜時，我有詢問職員這是甚么，她説是一隻炸豬手，所以我們便以為真的是一隻豬手，點了）小食併盤還可以冬陰公湯連椰奶都沒有下，或者太少，texture 好稀，應該叫冬陰公水好了，海洋是有的，不過真的跟平時在泰式餐廳喝的冬陰公湯差太遠，好失望！之後加錢點的菠蘿海鮮炒飯又出事！雖然沒有菠蘿盛著，有一串燒菠蘿搭夠，賣相是可以的！料望下去也足夠，可惜一吃下口，這個最多叫菠蘿海鮮撈飯，完全不是一個正常炒飯，完全冇調味最後那個泰皇勁入味豬手，一上碟，像已被斬了三分二，沒有甚麼肉，炸也吃不出脆！我問職員這叫一隻嗎？她改口説是一份 好了，一個主菜能吃的不到三啖，也夠膽拿來serve 客，我唸真係得呢間餐廳做得出！順帶一提，一餐飯接近$500，卻連紙巾也不提供，要自己付款買一包，何必呢？只此一次，絕不再光顧

我們四個人吃晚飯，叫一個四人餐 $438分別有一個泰式風味拼盤、一款餐湯、一款泰風味菜式、兩款主菜和四杯飲品，非常豐富。泰式風味拼盤包括泰式虎蝦、泰式蝦餅、沙嗲雞肉串燒、香葉包雞、泰式蝦片各四件。這個拼盤幾豐富，虎蝦和蝦餅最有水準虎蝦大大隻，蝦餅彈牙，幾有驚喜，另外幾款普通一點但味道都不錯。餐湯要了THAI冬陰功椰汁海鮮湯。上枱時會點起蠟燭在鍋底溫熱著，這點幾細心。冬陰功湯味道不錯海鮮有青口、蝦、鮮魷圈、魚，每款都是平均地有四件，另外有些雜菜和菇菌。泰風味菜式要了泰式鮮肥牛炒河。這個就麻麻地，有點失望。河粉炒得乾身，但是沒有鑊氣，而且炒得很碎，只有幾片肥牛，整體沒什麼特別，可能茶餐廳的乾炒牛河更好吃。一款主菜要了泰皇孖兄弟，即是招牌無骨海南雞和滷水豬手，另一款加$20要了明爐青檸汁魚。泰皇孖兄弟分量很多海南雞和滷水豬手都好吃各附上一種醬汁沾吃。明爐青檸汁魚上枱時也會用蠟燭溫熱著，湯底有魚和肉碎的鮮味，也有青檸和辣椒的酸和辣味，喝起來很醒胃魚肉也算嫩滑，不過要另外加錢，如果是烏頭魚會更加好。飲品方面，叫了一杯泰式凍奶茶、泰式凍檸茶、蜜糖桔仔梳打、泰式芒果薄荷梳打。泰式凍奶茶和泰式凍檸茶是

下午茶平均30幾蚊一個仲可以加小食添叫咗一個雞扒蕃茄濃湯通粉（可以轉其他粉麵)同埋叫咗手撕雞雞湯公仔麵加埋個春卷做小食三樣嘢加埋都唔使$100個春卷熱辣辣 都足料好味 加埋個泰式醬個手撕雞公仔麵有啲鹹但個蕃茄濃湯真係好濃味😋 推介

今晚來我最想念的泰國菜🇹🇭·扎肉船麵米粉最愛船麵 超濃濃配湯底 扎肉撞豆卜蘿蔔 依舊每次來必點🍲·青通菜配泰北豆醬北豆醬混通菜 亦是每次來必點土例菜💚🍲🍲🍲

馬鞍山間泰巷，都幾常食，但原來未比評語，反正佢換左新餐牌，就寫番篇先。以前舊MENU其實同新MENU食材係冇分別，但新MENU就多左好多選擇，其實一早應該咁，因為以前冇咩好揀，都係湯河/飯，宜家用番相同食材多左好多搭配。通常都係食下午茶，幾抵食。最常叫呢個香茅豬扒泰式公仔麵，冬蔭功湯底下午茶揀冬蔭功湯底唔洗加錢，當然要叫啦雖然唔係單叫湯，只係一個湯底，都冇特別淡個冬蔭功好夠味，夠酸，微辣，同公仔麵都幾夾香茅骨會有3件，都OK，不過有時會比較多肥膏下午茶餐+$5就有一份炒蛋+多士，好抵炒蛋唔會炒到好老，仲好嫩滑多士熱辣辣好軟熟跟餐有熱飲，凍飲要加錢我通常會叫泰式凍檸茶，係用青檸汁，冇檸檬片的，更酸更好飲跟餐可以用優惠價加配小食，通常都會配香茅雞中翼，最好食另外魚餅/鳳爪/春卷都唔錯的，春卷雖然係素但好脆又唔油另一個下午茶餐，蕃茄雞扒通粉蕃茄湯味濃郁泰式凍奶茶佢地D鳳爪都唔錯的如果係新港城中心會員，食滿$100可以送鳳爪/通菜我就次次都揀鳳爪，份量都有7 8舊，反而下午茶加配小食度揀鳳爪只有5舊所以送呢份都算好大碟的不過個汁略嫌唔夠味

馬拉箋炒芥蘭明顯用滾水整熟，跟住先落鍋撈兩撈拎上黎，仲要碌到過晒龍。菠蘿海鮮炒飯啲海鮮全部冇味。生菜包啲肉碎好似煮定咁，生菜有啲爛泰式鳳爪唔入味。唯一好既係椰青。唔敢再落單。