泰巷 (MOSTown新港城中心) (已結業)

今天被老豆和男友遺棄和老媽子去泰巷撑檯腳~是次是第二次到這間餐廳平常下午茶也頗多人排隊 不知道是否很抵呢這幾天沒有胃口 特別想吃濃味的湯粉我叫了泰豬船河 媽子叫了海南雞粉兩個也叫了泰奶茶媽的海南雞飯可選配白或油飯 上檯時飯有很多煙 值得一讚本人其實比較喜歡新加玻式的雞飯 因為有我最喜愛的黑醬油 媽媽說這個也好吃 雞嫰滑 飯夠熱我的泰豬船河據說正宗的是以豬血造成湯底 這裡的可能迎合香港人的口味 減少了一點 raw的感覺 我覺得缺少了一點 但湯底也不錯重點是.....餸很多!!!有兩粒豬肉丸 肉片 很多大腸 和去骨豬手比較驚喜的是肉片 很"淋" 一點也不"un" 好吃!!最後是我最愛的泰式奶茶正常的我不好甜....喝什麼也走甜但我真的很愛泰式奶茶有一點點的風味但是始終不同在泰國的是心情問題嗎?2個主食2杯飲品$182看到特價烏頭$88 下次和爸爸來也點一客試試!!

剛開張時好多時黎幫襯隔左一排無黎 見唔太多人排 又再食下先下午茶款式比以前多左好可惜冇咗炸脾：（繼續支持番泰皇滷水雞髀先但一嚟到就有少少失望薯皇同埋沙律份量比以前少左好多沙律同以前一樣都係咁好食好鍾意佢入面有蘋果 食落會更加覺得清新 唔係剩係得薯仔咁悶而雞髀就保持返以前嘅水準肉質好滑 同埋好入味下次再試埋個吉列魚柳多士海南雞份量太少啦 得4-5舊 每舊都好細好彩雞都好滑面底都算多 好大碗 湯底好清都唔錯但蘿蔔比以前少左好多 得返一舊值得一提個汁好好味 辣辣地甜甜地

今日走去馬鞍山行下D人話無乜好食咁就求其走咗入一間食🤭見佢門面幾靚價錢又ok wo!位同位之間唔太迫而且人不太多服務態度很好啊👍🏻👍🏻👍🏻特別是經理！十分有禮貌！聽到對員工態度都幾好哈哈🤭我地嗌咗個👉🏻無骨豬手飯👉🏻海南雞船河👉🏻泰式豆醬通菜豬手比較實，唔似泰國地道個種咁淋味道入味既！都不錯如果淋d就好食好多！但份量都可以既相對黎講船河正好多！碗河粉好大碗！我都食唔哂🤷🏻‍♀️海南雞好好食！有雞味又滑！份量又多！成六大舊推介！性價比高$55咋！碟菜無影（$35）雖然唔平但都幾大碟架！！不過豆醬唔夠多 唔太夠味服務好，環境好，而且感覺幾衛生我坐個個位望到廚房！值得一個笑專登去食就唔會不過經開諗唔到食咩可以一試啊！

曾經聽說馬鞍山是美食沙漠, 個人來說覺得有點誇張, 現時馬鞍山都不難找到各式食美, 只是能否登大雅之堂側需另作別論. 今天在新港城試了這間泰國菜館, 大體來說感覺不錯, 坐位寬敞舒適, 店員有禮. 點了黃咖喱龍利魚柳飯及傳統風味無骨豬手河跟泰式凍奶茶及普通奶茶. 黃咖喱龍利魚柳飯的咖喱香濃, 有椰汁香甜, 微辣. 魚柳嫩滑但比較油膩. 飯較為軟身亦水份較多. 傳統風味無骨豬手河的豬手是另上的, 肉質比較結實, 有少量脂肪, 豬皮相對爽口, 不似主流泰菜館那款軟身的. 河粉附有少量蔬菜, 新鮮爽口. 值得留意的是泰式奶茶中奶及糖的份量都是預先調好的, 不予更改, 似乎是店家誠意之作, 入口茶味濃郁之餘亦香滑, 甜度適中.  共花費HKD117, 價性比一般.

又起馬𩣑山搵食喇其實我真係幾鍾意馬𩣑山哩個地方人又唔會太多都多野食 又有大商場行街哩度既人好似都行得慢d（雖然我試過差d遲到所以跑番工）今次入大商場搵野食同事話哩度既飯比較少份量所以我兩次叫既都係河粉第一次係叫燒豬頸肉河粉今次就叫左無骨豬手河粉D河粉都幾多架夠飽肚而且幾滑溜彈牙 飽得黎唔係滯個隻湯底都唔錯 唔會太咸 不過我又未覺得佢係好鮮甜個隻湯底豬手就一般 唔係好夠肥 同有d凍 unun 地同我想像有出入相比之下我覺得上次既豬頸肉好食d

下午去bbq, 係馬鞍山新港城街市買野食,就約左朋友新港城食d野先新港城翻新後多左不少餐廳,未到1點泰巷已經係門口排隊,大概等左十個人,卡位坐得幾舒服第一次食, menu選擇頗多,主要食飯或船河我叫左38,燒豬頸肉船河$53,每碗船河都有固定既配料,炸豬皮好脆食落唔油膩,蘿蔔清甜,豆卜帶少少甜豬頸肉數量不少,大概5~7塊,厚身,咬落爽口,略嫌醃料較多,偏咸但可接受飲品要左泰式凍奶茶+$3, 鐵杯上如果夏天就可以keep到凍個茶味同港式有少少唔同,好飲,如果大杯d會比較好食到2點,人龍一直未消散,維持10人左右

新港城中心改名叫Mos town ，商場餐廳也大翻新。 之前美食沙漠變到愈開愈多新餐廳，十足十以前新城市廣場。 去千色店買厨具大出血，一袋二袋唔想行咁遠食。 就在千色店門口旁邊見到泰巷，看來不是正宗泰菜。 不過中午時間唔使等位，就照入去食費時行。 餐廳入面有好大，有卡位又有一排排長位。 原來可以搭枱，出餐快，客流量更快。 叫了傳統風味冇骨豬手飯，豬手夠入味可惜未炇稔，有點難咀嚼。 飯份量也算多，伴碟炸花生就唔溢夠脆，

今日去新港城，見唔算多人，即管排隊試下。一睇餐牌，價錢都算合理。今次試左兩款船河（轉米粉）一個是無骨豬手，一個是無骨海南雞海南雞味道OK，都好滑，但雞皮比較肥，呢度扣分。豬手就好入味，但份量比較少。麵入面就有多種配料，有芽菜，蘿白，豆卜，炸豬皮，通菜等，都很豐富。另外，我地叫左個泰式炸蝦餅，份量不多，只有3份，都要$38蚊，不過炸得幾香脆，蝦肉都很彈牙。整體都算不錯，餐廳環境都可以，唔會好迫，會考慮再來吃。

當日去支持朋友入圍商場舉辦既烹飪比賽,雖然冇入選三甲, 但都值得慶祝一下~睇比賽時都見到呢間keep住好多人等位, 所以我地一行四人就入去試下.4點幾, 食下午茶, 正!餐廳入面既設計傾向小清新風, 都幾舒服~我地叫左4個唔同既set, 可以互相share食~黃咖哩伴芝士焗蒜蓉包黃咖哩幾濃味同幾香, 蒜蓉包卜卜脆, 如果多D芝士就更正!肉燥板燒雞扒米粉雞扒都幾大塊, 煎得幾香.米粉係比較幼身, 所以比較軟熟.肉燥唔會太咸, 都幾好~泰皇鹵水雞脾配特式沙律薯角雞脾都幾入味~沙律上面有D肉鬆, 又幾match wo~薯角同出面食O個D既形狀有D唔同, 厚薄都適中~泰巷小食拼盤四款小食既口感都好唔一樣~感覺好豐富!泰式凍奶茶好有O係泰國時飲既味道!泰式奶茶會比較甜少少, 但我本人接受到既

今日同朋友黎到新港城，見有間泰國野環境唔錯，就去等位啦。因為唔算踏正中午，等左3個字左右啦，入去後條隊就長好多啦。入面裝修唔錯，都幾好坐，感覺乾淨，店員態度都唔錯。我叫左杯龍眼冰同咖哩雞扒飯，呢種咖哩唔辣既，啱曬鐘意咖哩又唔係好頂到辣既人。始終咖哩應該唔係佢地主打菜式或拿手小菜，味道一般，無特別好味，又未至於難食，係比較稀、快餐店質素既咖哩汁吧。除左雞，佢仲有幾塊薯仔，薯仔唔算好入味。呢碟連飲品65蚊左右。另外仲叫左小食燒沙嗲串燒，沙嗲ok，但d肉質一般，有d硬。呢餐味道一般吧，不過份量幾多既，整體黎講就覺得性價比一般。

一行七人去食泰國菜其實之前都食過一次，覺得唔錯，可以再來，今次多人啲，可以試多啲唔同嘅菜，今日紅日六點半到已經有人等位，眼見2-4位的等10-15分鐘左右就可以入位，我地7位的需要多點時間，大概等了半個鐘～見二人餐咩都有，我地就點咗兩個二人餐，另叫了一個豬頸肉湯河、鳳爪同菜上菜既次序十分隨意，不過對於我地黎講無咩所謂，味道最重要！對我來說泰國菜唔少得當然是海鮮冬陰公，湯的份量不是很多（可能因為碗太大），料都算ok有蝦有蜆，如果能多點椰漿我就滿意了另一個椰子雞湯不錯椰子味重咁多個餸我最喜歡的是泰皇孖兄弟（海南雞加豬手）重要係無骨！雞滑，豬手亦美味豬頸肉船河亦是不錯的選擇～其他菜色味道正常，不過不失另外侍應的態度一般...落單時有點急燥，可能是因客人太多，太忙碌吧～

馬鞍山中心 改名為mos tower 後，餐廳越開越多，但餐廳食物質素也較參次。 今次經過這間＂泰巷＂餐廳，從餐牌看似泰式fusion 菜。雖然不是正統泰菜，但下午茶食物種類也算多元化。 而且價錢不算貴，簡單作一個輕盈午餐或下午茶也不錯。肉燥香茅骨米粉(骨原來是切開有骨豬扒，豬扒醃得入味，煎得也夠香囗。 可惜肉燥份量太少，而且放入湯中散開，口感似一些粗粒肉粒。)泰式凍奶茶(茶味香濃，幾好飲）每枱也有放泰式調味料，方便使用。

日日都排曬隊，食個早餐都唔係咁易！今日終於趁少啲人入到去喇平時食開佢地船河，早餐試下番茄湯，清清地揀左個手撕雞通粉，飲泰檸茶小甜個番茄湯係稠既，足料！啖啖番茄味仲有啲新鮮番茄肉！解釋到點解成日早餐都要排隊杯跟餐泰檸茶少甜，突出青檸汁味，好醒神！

次次路過都見到好多人排隊等，諗住應該好好食啦，今日朋友約食飯，我第一時間就諗不如試呢間囉，朋友提早去拎位就不用排隊等埋單走時，門口已經好多人排隊等位了傳統風味無骨豬手飯個豬手好淋好入味金不換炒泰式牛肉河粉呢個就唔值得一試，炒得唔夠香，得啲辣味，食左幾啖大家都停左手唔再夾，一啲都唔好食芒果薄荷梳打開頭覺得個名會中伏，應該好奇怪，誰不知係好好飲朋友諗住穩陣啲就叫左杯泰式凍檸菜（新鮮青檸汁），點知個味道好奇怪，最普通既嘢先會中伏

放假獨自逛街，行到累了找地方休息順便Tea一 Tea。被簇新的食店吸引，望到門口餐牌有下午茶，決定一試！對於還未吃午餐的我，這頓下午茶的份量已經非常豐富喔！有泰巷小食拼盤($49)加配泰味火腿絲番茄濃湯通粉(再加$9)，至於味道方面還可以，總算可以吃得飽。在這裡環境及坐位方面都十分舒適，可以舒舒服服地用餐。