泰屋

營業中

休息中

真係長期keep住都好想食泰菜….睇openrice見到呢間泰菜方便我黎又價錢相宜~就一於 lunch 去試下… 餐廳係2樓.. 都好方便!平日lunch time around 1:00黎到都已經好full… 但環境都OK舒服又幾好坐~<<春卷拼蝦餅>> $452個人order左一碟小食…春卷同蝦餅每款有兩件~ 兩款都香脆新鮮!!<<泰式香葉肉碎煎蛋飯>> $55熱辣辣即炒即上… 上台果時仲出緊煙架!!!🔥同埋佢既肉碎好香而且有點辣🌶 同埋肉碎唔會太肥..配埋豆粒會增加成個飯既口感煎蛋煎得唔錯~🍳<<豬頸肉飯配青咖哩汁>> $55青咖哩上有椰汁~ 幾香椰汁味，同埋幾夠辣~ 因為平時食果D都唔算辣~ 佢既青咖哩入面仲食到辣椒碎碎 所以佢辣都係真材實料! 而醬汁既質地就有小小稀~ 用黎撈飯都唔錯…而豬頸肉個表面燒得幾香口~~ <<龍眼冰>> +$10龍眼冰係必order既!! 佢清新滋潤之餘又可以refresh泰菜既濃味! 而且入面有OK多的龍眼肉<&

《泰抵食😚》———————————————-#泰屋 🇹🇭-呢間位於旺角鬧市中心嘅平價泰式菜，地方寬敞，坐得幾舒服，正宗泰廚長駐，店舖仲不斷咁播住洗腦泰文歌，好有風情🤣🤣-呢度嘅下午茶超抵食，可以無限添飲仲免收加一添，可以任你飲同款嘅咖啡/奶茶/檸茶/檸水/阿華田，非常經濟實惠😍-🦑印尼海鮮炒貴刁非常推薦呢度嘅小炒，好有鑊氣，即叫即炒熱辣辣嘅青口、大蝦同魷魚，闊身大條嘅貴刁好彈牙，好有泰國feel～-🍜肉片炒烏冬炒烏冬都好唔錯，分量十足餸料豐富，肉片超大塊，食落好飽肚😋-🦐春卷拼蝦餅呢個炸蝦餅認真抵讚，外皮炸得金黃酥脆，內裏肉質彈牙。春卷內餡用咗新鮮蔬菜同粉絲，口感豐富，點埋泰式辣醬好泰味道😜-⭐️價錢參考：（下午茶餐）肉片炒烏冬：$42印尼海鮮炒貴刁：$45春卷拼蝦餅：$45🍌抵deal 指數：9/10💰人均消費：$67.5

泰式香葉肉碎煎蛋飯 • HKD$55都幾有鑊氣～咸淡適中又微辣，好開胃肉碎份量特別多，d豆仔粒又好嫩好爽口而且佢隻蛋係跟足泰國做法係炸嘅，所以蛋白會脆d，蛋黃就仲流心～乾炒泰國金邊粉 • HKD$50呢個就甜左d而且d海鮮係急凍嘅，特別魷魚食落冇味，好似橡膠咁但金邊粉個口感係幾好，煙煙韌韌～馬拉盞炒通菜 • HKD$45都係好香好有鑊氣～不過通菜唔當造就比較老左d珍多冰 • 午巿套餐+HKD$10好好飲！超多啫喱而且椰奶味又唔會太膩，甜度又啱啱好龍眼冰 • 午巿套餐+HKD$10好香龍眼味，而且唔會甜到確喉～

呢間餐廳位於旺角，性比價比較高。佢哋嘅錢財特別好食亦都10分開胃，仲有佢哋嘅炒芥蘭，辣辣地其實幾好食好適合鍾意食泰國嘢嘅朋友。仲有佢哋嘅環境同埋位置都好方便，好容易就搵得到。仲有佢哋嘅濕炒可同埋紅色咖喱雞飯，都好值得推薦，即叫即整熱辣辣，如果去旺角或者油麻地都好適合去呢間食。佢哋嘅價錢比較平份量亦都十足好唔錯㗎。仲有佢哋嘅飲品都好多元化，有佢哋嘅出名紅豆冰同珍多冰，如果天氣好熱嘅話特別適合，你哋快啲試吓去食啦！

🇭🇰泰屋Sawadee Thai👩🏻家姐👧🏻呀妹最近都好想食泰菜lunch 就去左旺角搵食 餐廳係樓上舖人少少坐得都幾舒服 仲有齊小食同甜品🤤🤤lunch set 會跟埋冬陰公餐湯🥘同飲品🧋價錢相宜 環境又好坐🙌🏻🙌🏻🐔海南雞飯(💰$68連餐湯飲品)海南雞係雞脾位🦵🏻肥美嫩滑 非常腍身雞皮帶微微脆身 雖然雞係肥美但冇咩肥膏位 油飯份量好多而且乾身👍🏻👍🏻🌱香葉肉碎煎蛋飯(💰$55連餐湯飲品)熱辣辣上台仲出緊煙好正🔥同泡打豬飯一樣都係肉碎形式ontop 有一隻煎蛋🍳肉碎好香 帶點辣🌶 肉味幾出周邊有啲🫑同埋碎豆 增加返成個口感鐘意食辣🌶👩🏻😍😍🥘冬陰功湯冬陰功湯椰香🥥好重應該係為咗客人口味而調所以唔算辣的 酸酸的 幾醒胃🤤🤤🥬馬拉盞炒通菜(💰$45)Lunch加配通菜嘅價錢係幾抵🤣馬拉盞炒通菜食親泰國嘢都會叫嘅帶點鹹香味 但一啲都唔會過鹹 唔會話越食越鹹😗🧋龍眼冰(💰+$10)龍眼冰都幾清新滋潤 入邊有唔少龍眼肉配埋濃味嘅泰式菜 可以refresh一下🥥珍多冰(💰+$10)野飲真係好大杯 椰子🥥既香甜再加埋綠色嘅啫喱有咬咬口一款飲得既甜品

繼續無得去旅行，唯有食下外國菜當去左嘅系列。今次輪到泰國菜，再次係旺角彌敦道726號2樓「泰屋」搵食。依棟大廈真係好多餐廳，不過唔知點解依棟大廈無名，成日好難話俾人知係邊度。😂-泰屋嘅午餐set平均都係$50至$70。瘦編就揀左香葉肉碎煎蛋飯配熱柚子蜜。香辣多汁嘅肉碎配以燶邊蛋，送飯一流！另外仲流心蛋黃戳穿後先再拌勻吃，又係另一番滋味。🤩-另外瘦編屋企人就揀左泰式豬手飯配椰汁冰。豬手炆到肉質好軟稔，肥而不膩，夠哂惹味，一滴不留。推介係附近工作嘅朋友黎試下！🇹🇭-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 泰屋 (旺角)📍 旺角彌敦道726號2樓-

太耐無得去旅行🧳，好耐都無食過泰國嘢🇹🇭，即刻去食返餐泰菜頂一頂癮。旺角726全幢大廈都係食肆，二樓全層有一間好經濟實惠嘅泰菜館———————————————————————————🍽芥蘭牛肉炒河粉🐮💬超級大碟份量足，餸料又多，即叫即製熱辣辣，午餐連飲品係最實惠😌.🍽泰式辣肉碎煎蛋飯💬又係好巨型嘅份量，成座山一樣，流心蛋黃嘅煎蛋🍳，配埋豆角辣肉碎，超飽😳.🍽蝦餅拼春卷💬整多碟小食，每款有兩件，切開變四件，唔係翻炸再翻炸，香脆美味😋

🇹🇭泰 好味🇹🇭酸酸辣辣就最啱我，行到去彌敦道，想舒舒服服食個泰國菜，可以推介旺中帶靜嘅彌敦道726號呢間泰屋，旺角站B3出口步行大約3分鐘，地段簡直一流，上到樓層，感覺唔會迫迫夾夾，好寫意☺️🐔醃酸辣鳳爪：孫甜度適中，唔會太過酸，亦都唔會太過辣搶晒啲味，鳳爪爽口入味☺️🥭青木瓜沙律：青木瓜絲沙律一定係泰國菜必點，青木瓜絲一條條，美味，配埋酸辣汁口感清新🍚菠蘿雜菜炒飯：材料很多，炒得夠火喉，飯可以炒到一粒粒分明🐽豬頸肉炒貴刁：豬頸肉醃得入味，採用闊身而且彈牙的貴刁，勁有泰國feel

今日lunch 又係去旺角一間樓上嘅泰國餐廳，我地成兩點先食晏，不過就食到依間嘅下午茶餐，我食左個海南雞湯河，先係$42咋，同事就食冬陰功雞粒湯飯，先係$38，兩點都可以食午市套餐嘅，有個同事就食左個lunch set嘅冬陰功蝦炒飯，都係$47，我地驚唔夠飽，再叫多個春卷拼蝦餅，又有春卷又有蝦餅又有雞食真係好豐富，原來野飲係可以任添嘅，真係幾抵食。冬陰功雞粒湯飯 $38海南雞湯河 $42冬陰功蝦炒飯 $47春卷拼蝦餅 $45

好似好耐都冇食過泰國菜啦💕💕但係而家六點限聚令冇得食晚市所以唯有食住Lunch頂住檔先今次就去咗旺角呢間叫做泰屋嘅舖頭———————————我就嗌咗要海南雞油飯（$68）（飲泰式奶茶加$10）其實我一開始以為會係無骨嘅海南雞飯😂😂不過食落去都OK嘅啲骨都唔算太多同埋佢哋嘅海南雞食落去都真係幾滑🤩🤩質素算幾唔錯同埋佢哋嗰個酸辣調味汁都幾啱啱好食落去會好開胃我朋友就揀咗要牛肉冬陰功湯金邊粉（金邊粉加$5 ，凍華田加$3）呢個冬陰功湯食落去就唔算好辣（想試冬陰功湯但係又唔食得太辣嘅人不妨試吓呢個🤔🤔）我自己感覺就係覺得佢比較偏酸多過辣啲牛肉口感都尚算唔錯🙂🙂同埋真心份量好充足最後就講埋佢哋呢度嘅泰式奶茶啦佢飲落去係比較偏甜少少嘅❣️❣️而且飲得出好重奶嘅味道

星期五考試，今日朋友話想下午一齊溫書，咁我地溫書之前點都要食個lunch補充下體力先啦。咁既然喺旺角溫書，我地就係旺角食lunch。朋友身為旺角地頭蟲，就帶左我黎呢間泰國菜食啦，佢話lunch set好抵食。lunch set真係幾抵食，大部分都只係四十幾至五十幾蚊一個餐，最貴嘅係海南雞同豬手飯，但都只係六十幾蚊。每個餐都包一碗餐湯同埋一杯餐飲，仲要唔收加一。🥣餐湯 $0今日係冬蔭功湯，味道濃，幾好飲。🇹🇭乾炒泰國金邊粉 $50份量都唔細，橙色好靚。金邊粉炒得乾身，又炒得好香，口感彈牙，好食。入面有好多蛋同埋有魷魚同青口，$50超抵食。🐷泰式豬手飯 $65白飯乾身一粒粒，配埋豬手嘅滷水汁，好食。豬手份量唔少，有好多肉，上面嘅皮煮得軟淋，咬落充滿膠質，又好入味，係一個好食嘅泰式豬手飯。豬手下面有啲芥蘭，有菜食真好。🥬馬拉盞炒通菜 $45雖然豬手飯入面有芥蘭，但我地都係想再食多啲菜，而午市食馬拉盞炒通菜可以用特價$45加配，所以我地就叫左一份啦。炒得好香，馬拉盞同通菜真係best friend，好夾。🍹飲品方面我地叫左凍檸茶同埋凍奶茶，凍飲加$3。呢間真係幾抵食，坐嘅環境又幾舒適，難怪午市

二個人品嚐泰國美食，朋友帶我去了旺角彌敦道這間Sawadee Thai，裹面裝潢充滿了泰國風情，很有氣氛。我們皆為飯桶，所以選了原個椰盅海鮮焗飯，分量很多，絕對符合我們這類飯桶。望落細細個椰盅，想不到裹面的飯壓到很實，上面舖滿了一層香香的椰漿，令到整個飯甜甜地很易入口，裏面還有點雜豆和椰肉，增強口感及椰香味，還加了不少海鮮，如蝦，青口，魷魚。小食方面選了特色軟殼蟹和泰式珍寶拼盤。十分欣賞他們所有炸物都是即叫即炸，新鮮熱辣，吃起來開心很多。特色軟殼蟹同椒鹽炸軟殼蟹差不多，不過炸起外脆內軟，令人忍唔住一舊接一舊食。小食拼盤方面，個人覺得比較特別是拼盤入面素春卷，入面有超爆多蔬菜和粉絲。蝦餅，雞翼都很入味。吃了很多煎炸野，想喝杯冰涷飲品，叫了椰汁冰同阿華田沙冰。阿華田沙冰好飲，飲品都夠大杯食，吃光所有食物都未完成。其實餐廳環境也很吸引，舒適的環境可以留住客人的心，和朋友慢慢品嚐美食，聊下天，已經很滿足了！

旺角食午餐周圍都比較多人，今日去左泰屋，位於彌敦道樓上店，環境舒適，有空間感，而且光線充足午餐 set lunch泰式雜菜炒飯 $47炒飯夠鑊氣而且有唔同蔬菜係入面另外叫左個酸辣鳳爪$36 做小食小小辣又酸酸哋幾開胃 雜菜炒飯加上個冬陰功湯，仲有一杯飲品， 炒飯夠鑊氣又乾身，不過好似清淡左一點，個湯雖然唔係好大碗，但係午餐時就剛剛好，而且冬陰功湯味道正宗， 酸辣味剛好。呢度地方都幾大，而且座位舒適， 係喺旺角最適合食晏嘅地方

泰屋- 泰滿足旺角726一向都是美食集中地，今日的餐廳位於726的2樓，是主打泰式料理，款式選擇多，價錢亦經濟。炸蝦餅、泰式春卷脆炸蝦餅，彈牙又大件，春卷餡料像咖哩角般，滋味小食。煎雞扒烏冬香煎到金黃色的雞扒，啖啖肉，雞皮脆雞肉滑，配上炸蒜、蔥花和清甜的湯底。冬陰功湯雞肉飯天氣寒冷時最適合不過的泡飯，熱騰騰的冬陰功湯底，吃完暖笠笠，如果辣度更多就更惹味了。馬拉盞炒通菜翠綠的炒通菜，加入蝦米、薑、蒜、豆瓣醬、辣椒，鑊氣十足。青檸梳打、椰汁冰還有兩杯泰式特飲。

帶住小朋友一定要搵一間坐得舒服少少嘅餐廳，今次去左旺角泰屋食泰國嘢。泰式珍寶拼盤$138呢個珍寶拼盤係有小朋友必叫，加上我哋好鍾意食煎炸野，入面有四款，素春卷，蝦餅，魚餅，雞翼。每樣有四件，全部新鮮炸起熱辣辣好正。泰式青檸鮮魚爐烏頭 $178次次去食泰國嘢都要叫個明爐烏頭，其實佢可以揀青檸鮮魚鱸魚或烏頭，魚肉好鮮，成條魚上舖滿配菜與豬肉碎，加上微微酸辣的湯底，好惹味！一路滾住一路食，仲有額外一碗湯底俾你添。冬陰功鮮蝦湯 $88泰國嘢一定要飲返碗冬陰功湯，因為小朋友唔係幾食得辣，所以我叫左小份量，都可以分到兩碗飲。湯不算太辣，但係竟然有香茅和椰汁既濃香味，都見到配料好多，香菇、蕃茄仔、香茅、香菜等等。泰式湯河粉 $28小朋友最鍾意食湯河粉，叫左一碗，份量估唔到甘多，河粉好滑，而我都忍唔住食咗一大碗