泰屋

營業中

休息中

約咗朋友喺旺角食飯，我話想食泰國菜，佢就帶咗我嚟呢間喺2樓嘅餐廳😁成間餐廳以綠色同木色為主，感覺幾舒服😌。叫咗幾樣嘢一齊食：- $82嘅「馬拉盞炒泰國椰菜苗」：呢個餸先上，椰菜苗好鮮嫩，用馬拉盞炒得非常香口，好味😋；第一個餸食蔬菜，感覺健康啲，啱我心水😆- $82嘅「椒鹽鮮魷」：又係好香口，呢個椒鹽炒法，有啲似避風塘炒，極惹味😋，魷魚新鮮肉質結實😋- $88嘅「泰式滷水豬手」：超巨型嘅豬手，已經去骨，啖啖肉，炆煮得好腍，睇相都可以感受到😆- $78嘅「泰式干炒豬肉河」：炒得乾身幾惹味，以河粉來講唔算好肥，我仲加埋馬拉盞炒椰菜苗嘅菜汁一齊食😆，更加美味😋- $30嘅「紅豆奶茶」：少少甜幾好飲😋呢餐係高質抵食泰國菜，我哋叫嘅食物都偏向味濃香口😋，朋友同我都食得好開心😃

現在的每個星期六都要到太子補課，當然也要在此覓食。今日就黎左呢間地方大，人少少，坐得好舒服的餐廳可能因為地方處於2樓的關係，LUNCH 時間的人流也不算多，只有3-4枱客不過對於疫情，這樣的環境反而令人覺得安心於旺角而言，其實呢度既LUNCH唔算貴, 而且LUNCH 仲要免加一總比迫在一角圓枱的小餐廳坐得舒服吧~ 對我而言，食飯的環境比食物質素更重要不一定要華麗高貴的裝修。但至少也有地方放件褸吧食泰國野，飲特飲是常識吧~ 比起平時的餐廳，泰餐的特飲令阿女有更多選擇所以就算泰國野係辣，但阿女都好願同我一齊去食 (只為個杯三色冰~) 呢度既泰式特飲係叫餐另加 10 蚊。還好SIZE 大大杯的龍眼冰有五,六,七點龍眼肉，而且很清甜滋潤，好啱咁乾燥的天氣~三色冰沒有很甜，而且入面的三色都大大粒的，很易潷到黎食~餐牌沒有告訴你的事每人都有一碗免費的冬蔭公湯呢~ 雖然係贈品，但絕不馬虎，落足料架冬蔭公湯沒有很辣，酸味偏多。餐前飲一碗，很開胃的~ 明明黎之前諗好食菠蘿炒飯，但見到個豬頸肉阿女就要轉軚豬頸肉烤得好靚，睇個賣相已經好吸引，沾埋個燒汁就更一流個餐有得揀跟燒汁或咖喱汁，小朋友點左燒汁，有好D

諗諗下都耐無食泰國野所以今日就同親愛的👻黎到食下泰國菜☺️☺️5:00坐低叫左蝦醬炒飯、蒸魷魚、最愛飲既冬蔭公湯同馬拉盞炒芥蘭🧏🏻‍♀️本身就鐘意冬蔭公湯而 #泰屋 既冬蔭公湯夠酸辣 又唔會死辣做開胃菜一絕，飲曬就大開食界😂😂炒飯呢兩個都好鐘意佢既《豬肉乾》其實係臘腸來但好脆甜好似豬肉乾咁我地嘉鐘意😚魷魚我好怕又乾又老，蒸就最岩 軟身易咬👍🏻 最後椰汁西米露做ending完美 好簡單咁但我本身唔鐘意食架 ，係呢間我真係唔食唔得😍😍 12:00你地就可以去架食架喇😈 坐得好舒服😌

家庭聚餐在「泰屋」，點選四人午餐$368，免加一小費。有沙律、雞、魚、牛、湯，很豐富，而且份量不少！青木瓜沙律，爽脆木瓜絲，微酸帶點兒辣味道，還有香脆花生，的確是很開胃的前菜。椰汁鮮雞湯，椰香味飄揚，酸酸的味道，很具泰式風味，湯料甚豐，嫩滑雞肉與菇菌。鹹魚炒芥蘭，豐富的鹹鮮味道，青綠芥蘭很爽脆嚼勁口感！ 黃咖哩牛筋腩，牛筋腩稔而不爛，香甜的黃咖哩汁送飯一流！泰式鮮魚爐烏頭，富有泰國特色的爐烏頭，魚味鮮，伴粉絲、多款配菜與豬肉碎丸，十分冶味！青檸梳打與朱古力奶

旺角泰屋食材大部份由泰國直送，大廚亦係泰籍主理，味道正宗，環境舒適開揚－－－－－－1. 泰式魷魚沙律 $98 7.5/10魷魚爽口彈牙，酸酸辣辣調味好開胃😋再配搭清甜車厘茄同瓜，十分適合作為開胃菜2. 泰式青檸鮮魚爐 $178 9/10熱騰騰既原條烏頭多肉少骨，肉質厚實鮮滑，吸了滿滿既冬蔭公湯底，酸酸辣辣，抵食🤤3. 越式牛尾煲 $108 8/10牛尾塊唔太腍身，比較彈牙有咬口，酸酸甜甜嘅汁有d似咕嚕肉汁，好入味👍🏻但牛尾比較酥，怕嘅朋友要三思一下4. 紅豆奶茶 $30 9/10奶茶底香滑加上又軟又甜嘅紅豆，有總食緊甜品嘅感覺，好滿足🥰5. 香茅茶 $28 7/10味道很濃，少少甜

是晚與朋友去旺角，順道用膳，一於食泰菜。辣椒膏炒海鮮 - 份量十足，有兩隻大青口，還有蝦、蜆肉、魷魚等，夠鮮，配微辛辣惹味的辣椒膏令人吃不停口。清邁鐵板蠔仔蛋 -有別一般鐵板蠔仔蛋給人很油膩的感覺，這個用上很多蛋，一點都不覺油膩，蠔大隻兼粒粒飽滿，十分足料，點些醬汁更顯鮮味。香葉海鮮粉米粉 - 米粉炒得乾濕度適中，有青口、魷魚、蝦等，還有多款配菜，豐富非常，再加入金不換炒，更香更富風味。還有馬拉盞炒芥蘭 。作為海鮮愛好者，這頓泰式海鮮餐讓人滿足。

我想食泰國野, 但又唔想去到咁遠朋友就即刻諗起係MK既D間泰屋, 朋友話又就腳又好味, 人地幫我諗埋梗係好啦環境都幾有泰式風情我地上到去六點三, 所以我係第三枱客, 座位都幾舒服, 有距離感, 又安全傾得又開心醃酸辣鳳爪-$78首先叫左個開胃菜先, 酸酸辣辣, 夠晒開胃, 而且鳳爪都幾多隻, 而且都幾入味, 好味, 有抵既感覺串燒沙爹-$85食泰菜又點可以冇串燒呢, 所以我地諗都冇諗過就叫左, 又幾好味, 牛肉牛味重, 而且唔靭, 而雞就係一股獨特既香味, 配埋佢地既秘製沙爹, 如果唔係之後仲有好多野食, 我一定會叫多半打辣椒膏肉碎炒河-$72D個係有D辣, 但食泰菜點可以唔辣? 辣先好味, 辣先開心! 而且佢唔會係死辣, 係辣得幾有層次, 完全唔會蓋住其他既味道, 值得一提係佢用粗河粉黎炒, 我好鐘意D個口感, 夠誠意!飛天通菜-$72食左咁多肉梗係要食返個菜啦, D個菜炒得夠鑊氣, 少少辣, 多多好味!朋友想飲汽水, 我就梗係叫返杯泰菜特色既珍多冰啦!總結係又就腳又好味, 朋友推薦得好, 我都讚左佢幾次, 真心好味!

疫情關係好耐冇見過我啲朋友！難得約出黎食飯，梗係要搵間坐得舒服、食物質素好、份量大、又大眾化價錢d既餐廳啦。🤓今次揀左🇹🇭泰式餐廳 - 「泰屋」🗾泰屋地點方便，泰屋位於旺角726呢楝大廈，成楝大廈好多餐廳。1845黎到餐廳，可能因為時間仲早，所以都冇咩人，餐廳地方都算幾闊落。- (推薦指數 最高 : 😋😋😋😋😋)開胃前菜泰式生蝦刺身 (推薦指數 : 😋😋😋😋)🦐生蝦新鮮爽口，調味調得唔錯，酸辣多蒜🌶辣得幾惹味，岩哂我依啲唔太食得辣嘅人👍🏼醃酸辣鳳爪 (推薦指數 : 😋😋😋)無骨辣鳳爪爽口，配泰式酸辣醬，開胃首選主菜青咖哩牛 (推薦指數 : 😋😋)怕辣嘅我，揀左青咖哩。青咖喱椰汁味都幾重，要唔太辣嘅，依個青咖喱辣度就岩岩好🌶，但啲咖喱偏稀身。牛肉就淋淋地，我不太推介。咖哩入面都有唔同配料，西蘭花🥦、紅蘿蔔🥕、洋蔥🧅 etc. 。咖喱配埋蒜蓉包絕配😍香蔥蒜蓉包(4件) (推薦指數 : 😋😋😋😋）蒜蓉包外脆內軟，再用黎蘸咖哩一流！食泰國野點可以唔叫咖喱配埋蒜蓉包😜冬蔭功鮮蝦湯(細) (推薦指數 : 😋😋😋😋）冬蔭功湯辣度同酸度都岩岩好，酸酸辣辣好開胃，再配埋啲泰式香料，味道十分好。湯既配料

正宗泰國🇹🇭嘢，喺旺角就有一間！ 餐廳係二樓， 座位都好多又寬敞，仲有一排窗口位，十分開陽，同朋友們一齊嚟食都可以喎。 冬蔭公鮮蝦湯（$88）泰國菜唔少得酸酸辣辣嘅，冬蔭公湯， 蝦🦐肉質彈牙，湯嘅配料亦好多，香菇、蕃茄仔、香茅、香菜等，一啲都唔會馬虎泰式辣汁炸盲鰽 （$178）炸到條魚好似飛起咁，望落顏色鮮艷吸引， 食落酸甜香脆， 魚肉非常嫩滑。 廚師仲特意將魚肉切成薄片炸，更容易入口。泰屋三星炒飯 （$88）喺勁足料嘅炒飯～～ 有鮮拆嘅蟹肉，一條條鮮白色喺炒飯上，仲有魷魚片及爽口鮮蝦。 飯就炒得金黃色，粒粒分明又香口。椰汁西米糕 （$26）好大粒嘅椰子西米糕，甜蜜蜜的，為完美嘅泰國餐畫上句號

出唔到國就喺香港食啦😘今日搵左間旺角既泰國餐廳，個名都幾有趣！ᔕᗩᗯᗩᗪEE🇹🇭餐廳座位都好舒適闊落，一坐低就即刻梗係要食我最鍾意嘅菠蘿🍍海鮮炒飯（非常足料👍🏻份量十足)朋友仲嗌左一碟飛天炒通菜🥗（好夠鑊氣非常有泰國風情）黑椒牛柳粒真係好夠味😘冇得頂😋食飽飽都忍唔住再叫四式甜品🍮（椰汁西米糕、芋頭糕、大菜糕、班蘭糕～每一款都各有特色，好難決定到邊一款比較好味！）依一個餐廳一定會再有下次

今日同女朋友出旺角行街，今日出街食飯既次數真係10隻手指數得哂，女朋友想食泰國野，所以上openrice search 一 search，見到呢間d評語唔錯，就同女朋友過左黎食晚飯~疫症好返d，d人都敢出黎食返野，個晚7點左右，餐廳都8成full，跟住餐牌都好有泰式圖案既風味~咁野食選擇方面林羅滿目，揀左好耐先諗到想食咩，太耐冇出過黎食🤣馬拉盞炒通菜食泰國菜通常都會食既一道菜，份量幾多，有鑊氣冬蔭功好想去泰國飲😭唔知幾時先去到😭不過呢間既冬蔭功都幾好味，唔會太辣，唔會太creamy，有泰國既水準，同埋成碗都係料豬牛串燒熟成程度唔錯，唔會太韌，配埋個醬汁一流，如果可以熱多少少就perfect羊架有成3,4舊！配埋咖喱+鐵板上，好惹味總括黎講，質素幾好，希望疫症快d好😭可以快d去到旅行！

假日定指定動作 shopping+ 開心飯聚😊。旺角TOP商場 有美容用品開倉減價, 和朋友來到這裏血拼一番。 兼且book了在top商場旁邊大厦的泰式餐廳 泰屋。六點幾嚟到， 時間尚早可以慢慢諗下食乜嘢。 餐廳地方闊落，可以舒舒服服享受晚餐。泰式金柚鮮蝦沙律金柚多汁鮮甜， 而且質地夠嫩沒有渣😉。 鮮蝦爽口又大隻， 配上鬆脆的腰果，和酸酸甜甜的醬汁， 十分爽口醒胃。迷你小食雙拼泰式蝦餅🦐蝦餅外層金黃， 麵包糠鬆脆。蝦餅質地彈牙， 又鮮甜味。香脆春捲春捲內餡料用新鮮蔬菜， 配埋彈牙嘅粉絲， 而外層炸至卜卜脆， 點上酸甜醬汁更加好吃。泰式香芒羊仔柳必點推介， 芒果香甜無渣， 味道突出， 應該是用到新鮮的呂宋芒， 羊仔柳份量不少， 肉質淋滑 又夠 juicy。 充滿熱帶感覺。😋😋乾炒泰式蛋包金邊粉金邊粉炒得乾身彈牙，， 吸收了酸酸甜甜的醬汁， 味道剛剛好。 想漂亮的蛋包外皮， 令人食慾大增😋😋整體嚟講價錢都算抵食， 每樣嘢食都係幾十蚊。而且份量都ok。

依幾日心郁郁想去食下泰國菜，同幾個朋友去就會想揀返間價錢冇咁貴同多選擇啲嘅，啱返唔同人嘅口味😌 今次朋友帶🍔嚟嘅呢間泰菜嘅款式都算多👍🏽 價錢合理，見到主餐牌外賣自取仲有8折，午市套餐自取都有9折，都幾吸引下~*前菜點咗醃酸辣鳳爪($78) 無骨鳳爪好夠爽，配埋泰式酸辣醬夠晒開胃👍🏽*咸魚炒芥蘭($72)上枱就聽聞到好香嘅咸香味，食落有啲咸，偏重口味左少少，但值得一讚嘅喺鑊氣超夠👍🏽*另外推薦佢哋嘅泰式冬蔭公湯($88) 泰式香料好足，幾重香茅味。湯入面有大大隻鮮蝦、蕃茄仔、鮮菇👍🏽 辣度同酸度都適中，但蝦唔算新鮮，口感欠爽彈🤔*青咖哩雞($82) 青咖哩幾香椰汁味，但質地就偏稀身左啲~ 辣度就好微下，如果再辣少少就過癮啲。配埋即烘好脆口嘅蒜蓉包($36)一齊食都幾夾，雞件就普普通通啦🐔 *食完辣嘢梗喺要食埋泰式甜品，椰汁西米糕同千層糕（$13/件）西米糕嘅椰香味十足，偏甜左少少~ 粒粒西米口感細緻，做法正宗👍🏽 如果有埋啲粟米/馬蹄粒就更加正！千層糕入口仲係熱嘅，質地十分軟糯帶煙韌嘅口感，椰香同斑斕味都好出，十分推薦！

平時耐唔耐就會想食泰國嘢，今次就黎到呢間係旺角嘅 @sawadeethai_mk 全橦大廈都好多嘢食，所以食飯時間會較為多人排隊搭𨋢，上到去餐廳幾寬敞，坐得都幾舒服椰汁鮮雞湯 📍$88好有驚喜 🙃椰汁🥥味好濃，但又唔會蓋過啲雞湯味，個湯底仲帶有啲冬陰功湯嘅味 （不過唔辣）勁開胃，飲咗好多 🙈椒鹽鮮魷 📍$82外面炸得好鬆脆，入面嘅魷魚好新鮮，爽口得黎又彈牙馬拉盞炒通菜📍$72差唔多每一次食泰國菜都會叫 😬 通菜好新鮮好翠綠，個醬汁都炒得好惹味，好夠鑊氣原個菠蘿海鮮炒飯 📍$98成個菠蘿好大個呀 🍍入面仲有魷魚，青口，同蝦，啲飯又炒得夠乾身

疫情關係外出食飯都會選擇一些闊落，坐得舒適的餐廳。這間泰式餐廳枱與枱之間都有足夠高度闊度的隔板遮擋，可以食得安心。食物整體質素好，價錢大眾化，份量又多。炸蝦餅（$78）：炸到金黃色，外層酥脆，裡面蝦膠彈牙。再點些少泰式酸辣醬非常美味。黃咖哩（$82）：黃咖哩可配豬/牛/雞，同出面較少見的鴨肉。今次我就試了黃咖哩雞。黃咖哩是泰式咖哩中口味最温和，而味道偏甜而香氣濃厚，所以大人細路都啱食。咖哩不乏蔬菜配料，當中有西蘭花，紅蘿蔔，洋蔥等。食咖哩當然要配薄餅（$36）：一碟有兩大塊薄餅，仲好細心切開成八小塊，可以方便沾咖哩汁食。如果鍾意食辣味重啲，仲有青咖哩，紅咖哩幾款選擇。醃肉碎生菜包（$85）：肉碎份量非常之多，肉碎味到重，辣辣地，又多汁，夾住新鮮生菜一同進食，可以中和返味道。好食。鮮芒果糯米飯（$48）： 這個甜品相當出色，黑白糯米飯香甜軟熟，再淋上一點點鹹味的香濃椰漿，再配搭多甜少酸的芒果無得彈。柚子蜜（$28）：開胃解渴之選。