泰妹餐廳 (置富嘉湖) (已結業)

身邊朋友都知我是為食一名，特別鍾情有香港特色之餐廳，更不惜走勻大街小巷，今次，陪住我班閨密去天水圍「泰妹」這店傳來泰國歌曲，即時心想要試試先。香茅雞翼外皮呈現漂亮的金黃色，把雞翼內的肉汁鎖緊，一口咬下，肉味香濃，肉汁四瀉，鮮味突出，美味可口，令人難忘。冬蔭海鮮炒公仔麵麵條也不算淋, 只感到很滑溜, 爽口，有特別有口感, 有少少煙靭度在中間, 冬蔭公酸酸甜甜好開胃，夠濃夠入味, 吃著甚有在泰國吃到的風味呢, 實在是太好味了。

新開好多人等位 我都貪下新鮮奉獻我既第一次比佢啦😇 唔知憑住呢份排得耐過殺你呀既堅持 最終換來既泰妹又合唔合我心意呢?蛋花黃咖哩軟殼蟹火山包 $148佢呢隻黃咖哩唔辣 杰杰地 撈上蛋花質感比平時特別 味道就唔算非常香濃重口味但都ok啦 除左食到少少蛋花之外 仲食到蛋殼!🙃 軟殼蟹就係得你見到果4件仔 個包比想像中大 但一d都唔脆 反而幾鬆軟 點咖哩食最後竟然清得曬成個包 (其實因為其他野太耐先到💩)原隻菠蘿海鮮炒飯 $98賣相都正正常常 味道較淡 同埋好似唔係好熱咁 好在食完隻青口都冇肚痛泰豬濕炒河粉 $68河粉痴到一舊舊又碎喎 個芡有d麵豉粒 鹹鹹濕濕咁 d粉一d深色一d淺色 一啖勁鹹 另一啖都係好鹹🌚燒雞中翼串/燒牛串 $18兩樣都係比正常韌左少少 其實唔差既 不過落單後3分鐘神速上枱 明顯整定曬 食落都係唔夠熱泰式炒雜菜 $68餐牌話辣 實際上完全唔辣 又零鑊氣 似屋企烚菜 清淡得黎又健康👍🏻整體性價比喺區內比較低 d野又等得耐 泰妹呢家野 一次都嫌多🤟🏻

諗住新開張咁多人排隊都唔會差去邊，點之中伏....星期六晚六點半等位要成半粒鐘，都算啦新嘢當然多人試，兩個人叫咗三樣嘢，海南雞飯正正常但點解會跟泰式燒雞醬？又冇湯跟。泰式炒雜菜，伏中之伏，收我68大洋比d菜頭菜尾我，仲要份量少得可憐。最後泰式炒河，等咗半粒鐘，催咗不只十次，個個waiter都hea住話嚟緊幫你跟跟，終於等咗半粒鐘才見有，原來一出就出幾碟，可能廚房等埋其他同一order先齊炒，嘩如果成晚其他抬都冇人叫我咪唔洗食！成碟炒河炒到水汪汪，河粉炒到一pat pat, 又中伏。呢間泰菜再唔改善一下遲早又被淘太。早知人openrice睇下食評先啦。

不知不覺原來天水圍開了很多新餐廳，現在一層已經有幾間餐館。要在其實泰國餐廳要突圍而出，一定要返一兩道殺手鐧。「泰妹」則用色香美的泰菜作主打和招徠。餐廳內部環境還挺舒適的和滿有泰國特色。現場所見，一到午餐時間，已經滿是食客。春卷春卷夠香脆，咬下「索索」聲，脆卜卜之外，泰國特色的餡料富香料味，真是美味可口，吃到停不了口。蛋花黃咖哩軟殻蟹飯這個蟹飯呈金黃色, 十分吸引人, 黃咖哩軟殻蟹十分豐富，食得出有真材實料, 真是值回票價!軟殻蟹肉滿是香脆和鮮甜味, 質感軟綿綿又夠濃, 而且份量很足, 令我們吃得滿足。總括來說, 這間餐館整體水準不錯, 食物的選擇非常多，質素高，食物的用料好新鮮，是可以一再光顧的餐館啊!

啲食物一啲都唔泰式實情係中式 燒豬頸肉飯無啦啦又個中式獻汁⋯咩料阿個配菜仲要係菜心個海南雞飯個時又好唔正宗 稀加冇味冇下次！唯一最正常嘅係個芒果糯米飯因為始終係半現成野

等得耐，又難食。試左個串燒，好似食肉乾咁，似係焗爐焗岀來，唔似燒岀來。生菜包d生菜感覺不太衛生，唔知有無洗過。芒果糯米飯，個芒果d味又怪怪。試左一次，唔會有下次。

從未於Open Rice留過言，但真的不得不評論一下佢真係愧對泰國菜這三個字串燒是凍的乾的菜是中式的辣椒是無辣的落單是漏單的部長無耐性的唯一合水準是芒果糯米飯以後不會再來

新開左間泰國野諗住試下啦叫左個串燒拼盤，春卷，生菜包，咖哩包，芒果糯米飯...點知，生菜包啲菜有生猛蟲蟲，芒果糯米飯啲芒果係爛既...串燒： 味道ok,,但乾硬化生菜包：附送生猛小甲蟲 🐞 多隻咖哩軟殼蟹包：唯一比較好食，咖哩味咖唔錯，同個包幾夾，但等左超過一個鐘先上枱芒果糯米飯：啲芒果係舊舊都爛的，爛到食唔到芒果沙冰：個味好假椰汁冰：勁甜成餐飯差不多2個鐘，等了又等，最後係有蟲又爛既食物...試過一次都怕怕，永無下次！

叫了幾個餸，開頭食都覺得差差地直到個泰式河粉出現，我就決定要影低佢分享出黎一坐低，連飲水既杯都唔夠，算數了。首先上既係青木瓜沙律... 賣相差，只有辣...雞牛串燒，媽媽話：燒到成條柴咁來到戲肉，泰式豬肉濕炒河粉....看圖就知了.... 得罪講句，我真係覺得好似豬餿所以我拎起手機，影左幾張相啲河粉痴埋一餅野，嘩，仲有燒焦既味道，苦😵😵😵馬拉盞炒介蘭... 說好的馬拉盞呢？變左似蒜容炒多啲今日都係本著試食心態，但太差了，所以我實在要分享一下

新開張決定試試佢個午餐！冬蔭公湯海鮮金邊粉（$62）：足料，有兩隻青口、兩條魷魚、三隻蝦、四條仿蟹腳、少量菇落檯聞到好大陣酸味，飲一啖湯，除左酸都只有酸，唔咸亦不辣！自行再加辣椒粉及魚露先食得落口，餸無特別，完全係佳寶買到嘅質素海南雞拼泰式咸肉飯（$62）：好似食緊頹飯....與真咸肉還有很大差別，皮好硬，少咸。海南雞似白切雞，肉質鞋。油飯黃到似加色素的飯，沒有雞油味，亦不熱。泰式奶茶：等到食完先來到！未飲過咁淺色的泰式奶茶，望到都沒有期望了....沒有茶味，死甜。總結：1. 不可一不可再2. 不改善食物質素只會被淘汰實在太差勁忍不住寫食評