泰妹餐廳 (置富嘉湖) (已結業)

今天去了位於天水圍的秦妹吃泰國菜，特別覺得這裏的海南雞飯頗有驚喜！這個泰式去骨海南雞飯富香油，而且每一件雞都皮爽肉嫩，是用心之作。由於它的份量也挺多，本來想吃更多的小食，但肚皮已吃不下呢！泰妹餐廳網址: https://s.openrice.com/QrbS0uqy4W0~ue5biAw地址: 天水圍天恩路12-18號置富嘉湖一期 (前嘉湖銀座)1樓144-145號舖電話: 55477977=====================憑恒生信用卡於全港食肆簽賬賺高達6%Cash$回贈!即上恒生網頁。優惠附帶條款。借定唔借？還得到先好借！

今天千里迢迢走入天水圍找朋友吃午飯，朋友話想跟我重溫三月份去泰國的經歷，於是就揀了這間泰妹餐廳。餐廳座位寬闊，坐得舒服。午餐也頗多選擇，有飯類和麵類，最後我和朋友各自叫一個午餐。青木瓜沙律🥗：非常酸辣開胃，是我最愛的泰國菜！而且味道跟我們在泰國🇹🇭所吃的幾乎是一模一樣的！魚餅：這同樣是充滿泰式風味的魚餅，記得進食時要沾點泰式甜酸醬，這會更添美味！泰式去骨海南雞飯：雞肉嫩滑，而且已去骨，容易入口。飯充滿椰香味，有伴三色醬，Yummy Yummy! 泰式蝦炒金邊粉：Q彈的金邊粉加入豐富的配料，酸辣開胃。款款食物都非常大碟，而且午市套餐還提供飲品！我們分別選擇了香茅青檸薏米水及蜂蜜洛神花茶呢！

今天 來到天水圍銀座吃飯，見到 泰妹 門面新淨，舖位大，座位又寬敞， 朋友就立即提議要試下。臭翁草煎蛋，第一次食，上菜時已香氣撲鼻，食落好香口惹味 ，一點草腥味都沒有， 趁熱食， 更香脆 。估唔到臭翁草和蛋是那麼配合。 酸辣去骨鳳爪沙律 : 很大碟，分量足。 鳳爪數量超過10小隻，還有 小蕃茄，生洋蔥，雜菜伴碟 ， 賣相都幾吸引。 鳳爪酸酸辣辣，口感爽脆不膩，很滿意。泰式雞肉濕炒河粉，超濕炒，整碟都被芡汁蓋過，但味道尚可，有鑊氣 ，很多雞肉。 最欣賞是配有大量蔬菜，我們兩個人食，都不用另外再點 一碟炒雜菜。飲品方面，我怕熱氣，所以點了泰國椰青 ，清甜解渴。另外芒果沙冰， 顏色鮮黃，甜甜地，都唔錯。最後來甜品，椰汁芒果糯米飯。有兩種糯米， 白色和紫色糯米。 先吃紫糯米 ，有點嚼口， 紫糯米混合椰汁，似吃紫米露。還是喜歡白色糯米，配合椰汁， 口感軟綿香滑 。加上又熟又甜的芒果，很喜歡。

今天 來到天水圍銀座吃飯，見到泰妹門面新淨，舖位大，座位又寬敞， 朋友立即提議要試下。臭益草煎蛋，第一次食。上菜時已覺香氣 撲鼻， 食落覺香口惹味， 一點草些尾都沒有。估不到臭益草和蛋是那麼配合 。一於趁熱食， 更香脆。酸辣去骨鳳爪沙律 : 很大碟，分量足。 鳳爪數量超過10小隻 ，還有 小蕃茄，生洋蔥，雜菜作伴碟 ， 賣相都幾吸引。 鳳爪酸酸辣辣，口感爽脆不膩，很滿意。泰式雞濕炒河粉， 非常濕炒，整碟都被芡汁蓋過，但味道尚可， 有鑊氣 ，很多雞肉。 最欣賞是配有大量蔬菜，我們兩個人食，都不用另外再點 一碟炒雜菜。飲品方面，我怕熱氣，所以點了泰國椰青 ，清甜解渴。另外芒果沙冰， 顏色鮮黃，甜甜地 都唔錯。最後來甜品，椰汁芒果糯米飯。糯米飯有兩種糯米， 白色傳統糯米和紫色糯米。 先吃紫糯米 ，有嚼口，紫米混合椰汁，有點似吃紫米露。還是喜歡白色糯米，配合椰汁， 口感軟綿香滑 。加上又熟又甜的芒果，很喜歡。

我從來未寫過食評 同埋無伸請openrice帳號。為左呢間野 真係忍唔住。3樣野加雞翼同春卷 消費加埋$218都偏貴我一入到去坐低叫野食員工埋黎 好似新人咁好似咩都唔知咁都算叫左泰式豬脾肉飯同豬頸肉飯同一個冬陰公湯河跟左春卷同雞翼。叫完大概得左半個鐘 格離遲過我到既人都食完走得 我咩都未有 野飲都未到 員工見到都唔覺得有咩問題。到我忍唔住問佢 其實係咪無落單。結果果個人去睇 睇完都無同通知過我地任何野 估計佢即刻落返單 落完唔夠一分鐘 即刻就到哂飯同河。首先我等左咁耐 心情好燥 直情想唔食就走黎到果兩個飯 我唔明個泰式係邊度 個汁我剩係食到蠔油味 完全感覺唔到有泰式既味道。仲有個雞翼18蚊得兩隻🤷🏻‍♂️野食都其次但咁既服務真係接受唔到。無落到單又唔同人講 自己係度竊竊私語嬉皮笑臉。我坐左半個鐘 完全無人覺得有問題真係絕對唔會再黎食。

天氣咁熱真係食龍肉都冇味反而想食返啲酸辣野食泰國菜就最好不過聽人講撚左開咗間泰國菜味道唔差就過嚟試吓餐廳位置都比較闊落裝修都幾特別即刻叫返杯石榴沙冰特飲同青檸薄荷葉特飲！顏色、賣相睇落去都好吸引！而且真係好消暑 推介！整返個小食拼盤一如以往都係炸雞件春卷炸蝦餅等等新鮮炸起好香口再叫咗個虎蝦咖喱包分量真係好大我哋兩個人食都食唔晒個包最後都剩返三分之一幾好！咖喱唔辣，朋友唔食得辣，叫呢一個啱晒！兩個人食$500都唔使已經可以買單真係好抵食

雖然泰妹係天水圍銀座開了一段時， 終於於上星期日才第一次試。菜單上選擇不算多，而我同女友就選了鮮蝦炒金邊粉及海南雞飯， 再配上無骨鳳爪和港式及泰式奶茶各一。鮮蝦炒金邊面身都炒得不錯， 而且賣相都吸引，蕃茄醬味較為特出。 至於海南雞飯， 雞飯味道香濃， 如果雞肉更滑嫩， 分數一定更高。飲品方面， 港式或泰式奶茶都偏重奶味。整體來說， 環境同食物水準都令人滿意的， 雖然價錢就未算特別吸引， 但作為銀座內唯一一間泰菜， 泰妹都算稱職合格

嘉湖銀座商場裝修後有好多新開嘅食店，見到有間泰菜價錢唔貴，喺天水圍嘅泰菜又少之有少，就試一試啦！二人套餐$368已經有冬陰公湯、小食、炒雜菜和炒飯和甜品飲品！冬陰公湯用料豐富，有七、八隻蝦和大量菇類，味道非常好,酸酸辣辣好地道！另點的泰式鳳爪，天氣咁熱食下呢啲涼拌小食最好，酸酸甜甜，小小辣，很開胃！跟餐的泰式炒什菜，什菜爽口，蒜蓉很香很惹味！蝦醬肉碎蛋飯，超正，半肥瘦豬肉加上蝦醬炒香，非常惹味，飯粒爽身，小朋友都食到一大碟！跟餐拼盤，蝦餅，魚餅炸得香脆！雞翼亦很惹味！晚餐價錢不貴，亦沒有+1服務費，人均百多元很難得了！

天氣咁熱冇乜胃口唯有食泰菜開開胃咁啱知道天水圍銀座嗰邊開咗間泰菜次次都未試過去定今晚嘅飯堂就喺度啦珍多冰同埋檸檬碟豆花茶每次去泰國餐廳都飲珍多冰今次都唔例外味道不過不失買咗個海南雞飯雞肉肉質都算滑溜而且唔算好肥比較鍾意油飯，用咗黃姜食落口更加香去泰國餐廳點可能唔帶個青木瓜沙律呢度嘅青木瓜沙律酸辣適中，唔會太甜幾好味！就係唔鍾意有太多蘿蔔絲飯後甜品又點可以唔叫返個芒果糯米飯份量都算大份可惜芒果唔夠甜呢度仲有買黑糯米同普通糯米我很喜歡黑糯米多啲感覺上香口啲

話說泰妹好多間分店我都去過 今次入到天水圍 二話不說決定再戰泰妹呢間泰妹新開 裝修風格北歐得黎又帶有泰國神秘色彩😂Menu就同其他分店一樣🥴🥴一坐低就叫左個椰青解下暑非常清甜 而且椰青水滿滿的🥰大滿足馬拉盞炒通菜母親大人都覺得鑊氣十足！泰式炒飯 整體口感甜甜的 啲蛋香味好正🤤同埋啲豬肉炒到啱啱好 一啲都唔韌泰式海蝦粉絲煲有兩隻大大隻嘅海蝦鋪面😱有兩個長鉗 好有霸氣！ 啲蝦肉好結實 真係啖啖肉 連埋粉絲一齊食 👍🏻👍🏻👍🏻 但我覺得個賣相可以改善下😂 上碟果陣有啲雜亂 可能廚師想表達野生海蝦的意境🤭

銀座一期原來返新緊，開多左好多野食，見到依間泰菜平平地一於試下。餐廳環境舒適，主要係卡位。服務態度良好，熱水會叫小心熱，見到有兩個客人覺得太涼，即時幫佢地換位。食物選擇還好，有不同單點，同二人餐四人餐可供選擇。我地點左個二人餐，因為懶得諗食咩同多啲唔同野食🤤冬陰公湯，唔辣，有椰香，足料，仲有條很大條嘅蝦鬚添😂叫左兩青檸梳打，解渴泰式小食併盤，有4樣，蝦餅彈牙，雞入味飛天通菜蝦醬肉碎炒飯，廚師排成兔仔樣子，很有心思，好睇又好味最後每人一杯雪糕，為晚餐劃上完美句號。雪糕上有啲糖碎同朱古力醬勾起不少童年回憶。

午餐.- 船麵 $55朋友說船麵好吃 (不過是別的店啦)便決定一試誰料...配料有豬潤 肉丸 幾片肉麵是米線湯很鹹份量很少我竟然也會覺得不夠飽.- 青檸薏米水顏色灰灰啡啡的質地很‘傑’很奇怪只有寥寥數粒薏米碎只喝到青檸的微微酸味沒什麼甜味.失望.另外店員不時在大聲閒聊大笑極為滋擾

平時食泰菜最近都要落元朗，前排見銀座裝修完之後開咗間新泰國嘢，就同屋企人過嚟試吓價錢唔貴，又唔洗加一，但服務就麻麻，幾個店員年紀都偏輕，掛住嬉笑，叫佢地斟水都唔願郁咁以呢種態度我寧願佢收返服務費。青木瓜新鮮爽口，醬汁調配夠辣，好開胃。煎蛋好薄好乾身，唔淋但又唔脆，無乜蛋香，主要靠梅醬吊味，唔值呢個價。串燒碎上燒得好乾好硬，雞肉算唯一軟身少少既，沙嗲醬偏油，味道單調，無加到花生唔夠香口黃咖哩椰香濃郁惹味，甜甜地，送飯送包一流，可惜法包偏淋硬。軟殼蟹大隻厚肉，但炸得偏油，一咬落去有油瀉出黎，蟹肉有啲腥。論服務論食物質素真係好麻麻，天水圍區內要食泰菜寧願去西鐵站隔離果間。

今日喺銀座同屋企人睇完戲岀黎就夠鐘要食晚飯啦，咁就發現銀座呢度新開左一間泰國菜。咁就唔客氣去試下啦。去親泰國餐廳我都不外乎係點生菜包，菠蘿炒飯，同小食拼盤。喺泰妹呢度都唔例外，我都點左呢啲食物黎比較下😂咁首先就係生菜包，份量都算多既，非常香口，比喺其他餐廳既會辣少少，但都好惹味。然後係小食拼盤，分別有魚餅，蝦餅，春卷同雞粒。呢個就驚喜不大，但都保持水準，都係好食既，魚餅蝦餅亦非常彈牙😃菠蘿炒飯就好足料，粒粒飯都炒到金黃色，仲有兩隻大青口喺度👍🏻最後再叫左一杯菠蘿冰，呢杯菠蘿冰係以沙冰既方式岀黎既，好好飲，好重菠蘿味，值得推介👍🏻👍🏻

上星期聽同事講食過天水圍間泰妹，佢對呢間泰國餐廳嘅評價唔錯，屋企人又鐘意食泰國菜，所以今日就同屋企人去食啦。餐廳都幾大間，門口大大個泰妹寫左出黎，側邊有好多好有泰國風味嘅瓷磚，幾特別。我地4個人嗌左4樣野加一個湯。椰汁雞湯，見佢細細地，但都分到一人一碗滿嘅。隻色都幾靚，奶白色咁。飲落去酸酸地，好開胃，椰汁味都幾重。泰式小食拼盤，分別有蝦餅、春卷、魚餅同雞肉。蝦餅最好食，好彈牙，配上甜酸醬更加加分。春卷炸到好脆，入面嘅料都幾足，唔錯。香葉肉碎生菜包，黎泰國餐廳必嗌生菜包嫁啦，不過我呢個唔食得辣嘅人就覺得有啲辣啦，但都包左2塊嫁，食得辣嘅人應該好鐘意。馬拉盞炒芥蘭，芥蘭炒到好入味，條條菜都有馬拉盞。最後泰式雞炒河，濕炒，呢個份量好足，好大碟。有好多菜一齊炒，芥蘭，捲心菜，西蘭花等等，幾乎啖啖河粉都有菜，幾好。