泰妹餐廳 (置富嘉湖) (已結業)

我見很久沒有到訪天水圍，所以特登约咗朋友去天水圍置富商埸走一走。聽說那開了間泰妹的泰國餐廳，所以到來探究一下。從觀塘乘269C巴士去到天水圍市中心總站下車,一般需要1小時15分鐘，到站後，置富第一期商埸就在隔離，不用五分鐘就可以去到商埸一樓的泰妹那裡。這裡環境清新，似昰新裝修的。我們一進去就點了兩個套餐及二杯青檸梳打飲品試試。泰式雙拼飯是泰式海南雞飯及泰式豬手飯。這兩樣都是我的至愛，用料新鮮，味道不錯，加上醬油，吃落十分滋味。蛋花黃咖哩軟殼蟹飯咖哩唔辣，好合香港人的口味。軟殼蟹炸得好脆，新鲜熱辣。咖哩汁加上軟殼蟹真是配合得天衣無缝，味道一流。青檸梳打青檸梳打是我至愛飲品。在這炎熱的天氣下，十分解渴。整體而言，這裡環境舒適，食物好味，價格合宜，我們约咗不久的將來再次光顧。

呢排返娘家住幾日😁想同媽咪出去食下飯！而媽咪最鍾意食係泰國菜，就諗起不如去下銀座☺️以前讀中學嘅時候，我哋就住喺對面！成日都一家人會去銀座！已經10幾年冇去過啦😭😭好懷念！順便可以食下媽咪最鍾意嘅泰國菜👍🏼成個商場裝修都好新淨！餐廳亦都一樣！環境仲好舒服！好過泰國風情！佢嘅二人餐，四人餐配搭都好吸引！平時通常啲套餐，僅有一兩樣你唔鍾意食！但係呢個二人餐係我樣樣都想食，所以就嗌咗個二人餐，因為餐一定抵啲嘅🙊而且我哋仲嗌左個前菜係係鳳爪沙律，酸酸甜甜好入味！個蒜蓉包好鬆軟好有層次而且蒜蓉味香濃值得encore🤤🤤冬陰公湯好濃味酸酸辣辣味道剛好👍🏼👍🏼

我未食過一間泰菜係難食到一放入口要吐出黎！炒金邊粉竟然會食到茄汁味！！ 顏色係好假既橙紅色！菠蘿海鮮炒飯會有蟹柳都第一次見炒飯內既海鮮係無味的！如此冇誠意冇水準既菠蘿炒飯真係第一次遇到！豬頸肉勁重豬騷味加怪味仲要勁un! 泰啤雞翼係難以用筆墨形容既奇怪

今日難得同閨蜜同一日放假 決定親親大自然去濕地公園 去完之後就係天水圍行下休息下諗下晚餐有何選擇，之前有去過觀塘及黃埔分店，所以又再食過椰汁雞湯經常飲冬陰公湯，今次轉轉口味，非常有驚喜，椰奶味非常濃郁，雞肉都好嫩口，材料非常充足，極力推薦香茅碟豆花檸檬梳打好有特色解渴烤豬肉粒唔會燒到好乾好硬 配埋沙嗲汁都唔錯泰式蝦炒金邊粉蝦幾大隻 粉唔會太淋 唔會黐埋一舊 甜味適中 又唔會太油芭提雅燒春雞外脆內軟，燒得恰到好處，連雞胸部位都唔老，每一塊都充滿香料味，$88半隻抵讚泰啤雞翼名字特別，比較罕有，外表金黃，帶有濃濃的啤酒味，非常特別，整隻雞翼都完全入味環境方面，餐廳所以座位都是梳化，非常舒適，服務員落單清晰，上菜有效率，他日再來天水圍必定再食

今晚剛好走到天水圍吃晚飯，走到銀城商場附近，有一家新的商場，應該剛開了沒多久，走到累便選擇了一家泰菜餐廳吃。「泰妹」裝潢簡單，牆壁掛上數幅畫和泰國風的裝飾，甚有泰國風。餐廳內設有舒適卡位，空間闊落，也坐得舒適。炭燒豬頸肉這家泰妹的豬頸肉以炭燒炮製，但炭燒味不算太重，與平日吃的燒豬頸肉不太相同，肉質嫩滑得多，脂肪比例均勻。調味亦做得不錯，泰式醬汁夠惹味。泰妹無骨海南雞半隻無骨的海南雞最適合怕吮骨的我享用，少油不膩，雞皮薄脂肪少，雞肉鮮嫩爽口！另外三個不同調味的配搭醬料也不會陌生，甜豉油質感濃稠，味道甜，很適合用來蘸點雞肉。香葉肉碎煎蛋配白飯豬肉碎用多種香料包括九層塔、小辣椒烹調，炒得香香辣辣，豬肉粒粒分明，味道卻很豐富，不算太辣，配上煎蛋和白飯一起吃剛好平衡些許辣意。馬拉盞炒通菜爆香的蒜蓉加入馬拉盞非常香！而這個馬拉盞蝦醬本身不會辣，適合大部人口味，也十分惹味。通菜口感爽，不會太多渣，吃過不停！整體來講，價錢相對便宜，食物質素也很不錯！

早兩日同老婆翻左天水圍娘家執啲野，跟手去左嘉湖行左陣加搵食。行行下見到呢間『泰妹』，心諗都好耐無食泰國野，就入左去試下啦。我地兩個人，叫唔到好多野，就係咁易叫左『香葉肉碎煎蛋飯』、『馬拉盞炒通菜』、『青芒沙律炸鰂魚』同埋一個『椰青』。香葉肉碎煎蛋飯先上枱既係個飯。啲肉碎好好味，配埋白飯食一流。仲有唔好唔記得隻蛋啊，篤穿個蛋黃，撈埋一齊食，真係不得了。馬拉盞炒通菜炒通菜都幾唔錯，啲菜無乜渣之餘，仲炒得幾有獲氣青芒沙律炸鰂魚呢味菜就真係主角喇。本身中意食香口野，所以真係啱晒我口味。佢炸得外面脆之餘，啲肉唔會過熟。然係伴著啲青芒沙律泥食，真係好清新又唔怕熱氣仲有唔好唔記得個椰青，無乜特別comment，只係一個字：『甜』！

好少入天水圍，原來呢度有性價比超高既泰國野。係時候食晚飯，好，坐底睇下有咩好食先。春卷，外皮炸得好香脆而且乾身，裡面既料又唔會乾，正！紅咖哩豬頸肉，最讚係個咖哩汁，椰香味好濃，但又唔會蓋過咖啡味。屏層疊蒜蓉包，超岀色，表面睇焗到好脆，點知咬落一D都唔硬，係好鬆軟既包，就咁食已經好香蒜蓉味，點埋咖哩食簡直一流。海南雞飯，加5蚊可以轉雞脾，無骨滑雞肉，好味味。冬蔭雞翼，少少酸酸辣辣甘，幾得意架。椰汁芒果糯米飯，芒果好甜，有糯米同紫米兩款，我比較喜歡紫米，咬落煙韌得黎挺身，配埋椰汁，幾飽都要食甜品！

生蝦刺身:有蒜蓉，辣椒，啲蝦新鮮嘅午餐時間 最近到天水圍覓食發現左間泰國餐廳 甚有泰國風 入到去環境都算大牆壁掛上數幅畫和泰國風的裝飾；店內有舒適卡位，配合柔和燈光，坐得還滿舒適。餐牌上選擇頗豐富，湯、沙律、小食、海鮮類、咖哩、炒炒麵飯、小炒類、泰式湯粉、甜品等，價錢也是比較經濟的急不可待 點下食物先：泰式豬脾飯 份量頗多 豬手造得好軟身又夠入味一口就可以把肉跟皮一同吞下 味道剛剛好 撈埋飯食就絕配泰式海南雞湯河食落肉質好嫩滑而且雞味好 濃郁配上酸酸辣辣嘅汁，好開胃加上湯底非常入味 配上河粉非常滿足 泰式生蝦刺身 有蒜頭有辣椒，蝦夠新鮮亦彈牙 配上醬汁 好鮮亦惹味另外 叫了兩杯自己喜愛的泰式飲品 ：泰式奶茶及泰式檸茶 做得好有水準 彷佛置身泰國一樣

就如標題, 其實住左係天水圍十幾廿十年大家都知道既泰國餐廳真係一隻手都數晒!!天水圍人咁多, 但泰國菜咁少真係好奇怪!不過最近我就發現左銀座果到開左間泰妹!!上openrice 搜尋過發現原來呢間係連鎖泰國菜黎!連鎖餐廳有樣好處, 就係素有一定既保證!所以決定同媽媽兩個人去試一試!!果然有驚喜!咁我地叫左唔係好多野食1. 冬蔭海鮮湯(細) - $88 -  好足料, 好多海鮮, 同埋佢係即叫即煮, 絕對夠2-3人飲!2. 屠屠疊蒜蓉包 - $38 - 唔係話驚為天人 但質素頗佳!3. 泰式小食拼盤 - $108 -  呢個都係中上質素, 勝在抵食!4. 海南雞飯轉雞脾 - $67+5 - 呢個超好食, 雞超滑! 真心推介5. 最後叫左杯珍多冰同菠蘿冰 - 各$28 - 好飲整體而言, 我覺得價錢合理, 味道佳! 係天水圍區內值得一試既泰國餐廳!!

今日係天水圍搵食，見到泰妹，唔使等位，就想試吓座位舒適又唔迫自己煮的冬陰公湯朋友就大讚，今日就想試吓呢度嘅冬陰公份量頗多，每人有兩碗，材料有蝦/青口/魷魚/菇菌等味道帶點酸辣，不錯另外叫了串燒和青咖喱雞；串燒：有豬/牛/雞但有點失望。首先串燒不是串起來，亦不是燒出來，而是用油炸出來的青咖喱雞咖喱帶點椰香和微辣，雞的肉質嫩滑，配埋外脆內軟的蒜蓉包，簡直絕配泰國嘢當然少不了金邊粉份量亦算多，有蝦/蛋/芽菜等材料，味道亦不錯。

話說上星期響銀座睇完戲，行下商場，見到有張牌寫住有泰國菜，於是入左去食，不錯！！生蝦刺身共有8隻，一人食兩隻前菜份量剛好，蝦很爽口，配埋生蒜同特制醬汁好夾！小食拼盤有蝦餅，雞翼，雞肉同炸魚餅。熱辣辣好惹味！冬蔭功湯配有大量mushroom同有蝦，魷魚，湯入口香濃，一定要試！蒜香炒雜菜雜菜炒得剛好爽口不會炒得過好，帶有微微蒜香，送飯不錯！泰式鳳爪鳳爪很入味同微凍，很醒胃，小朋友好鍾意食。餐廳坐滿食客，質素都不錯，埋單人均消費約$170，不算昂貴啊！

今日太早食午餐，到五點幾已經肚餓，經過置富嘉湖就入去搵食，見泰妹裝修不錯又有卡位，就入去一試。卡位坐得舒服。有二人套餐餐牌每次食泰菜必點冬蔭海鮮湯， 湯有濃濃的椰香味，鹹度適中，熱辣辣(有爐熱住)的湯是最好飲的。這裏的冬蔭功湯有隻大蝦，蝦新鮮，有驚喜。朋友點的炸蝦餅。泰式蝦炒金邊粉，金邊粉不油膩 ，很香口惹味。香葉肉碎生菜包，加上香葉炒的肉碎很香口，配上新鮮的生菜，食到停唔到口。香茅蝶豆花檸檬梳打，第一次飲，味道不錯。芒果糯米飯，暖暖的糯米粘粘靭靭，配上香甜的椰汁及清甜的芒果，好吃的飯後甜品。不用加一，埋單$368。

串燒拼盤講明bbq，但上碟賣相完全無剛燒完的燒肉模樣，牛豬雞食落去毫無肉汁，似一早燒完之後再焗返熱比客人，難食。泰式炒飯，豬肉似就咁白灼，食落去咩味都冇同啲炒飯一齊咁就撈埋就上碟，完全食落去感覺唔到係炒飯黎，十分一般仲有其他幾碟餸都係不太好食，唔一一詳盡，呢次餐飲體驗真係好差，食物非常冇誠意，張枱又細，叫幾碟野都擺得好辛苦，下次真係唔會再食..............................

今日下午茶時間呢間泰國餐廳新開 就試下啦都係$50左右，有野食加飲品性價比ok餐墊紙好靚，有熱帶雨林風味裝修都好靚好多民族風圖騰無骨海南雞飯 配黃薑飯 $58黃薑飯好出色椰奶味突出，淨係食個飯都好好味雞肉都ok，只是份量可以多一點🤪三款醬汁都係自家製香葉肉碎煎蛋飯 $58肉碎超多的！撈曬全部飯都仲有剩而且不會太辣，入口好舒服煎蛋都唔錯，蛋黃係流心的青檸蘇打 好大杯，餐廳提供紙飲管，好環保阿香茅青檸薏米水呢個好特別，第一次飲估唔到又幾夾

今天去了位於天水圍的秦妹吃泰國菜，特別覺得這裏的海南雞飯頗有驚喜！這個泰式去骨海南雞飯富香油，而且每一件雞都皮爽肉嫩，是用心之作。由於它的份量也挺多，本來想吃更多的小食，但肚皮已吃不下呢！