泰妃雞 (已結業)

今日午飯時間，和同事一行五人到此店揾食，等了五分鐘便有位，侍應安排我們坐樓上， 不知是否新年關係，樓上只有1-2位伙計，但有數十位客人，所以等執枱也等了十分鐘。我叫咗海南雞飯， 又等了20分鐘，終於來了，海南雞已去骨，雞皮爽，雞肉很入味，有雞脾位亦有雞胸位，雞脾肉很滑，雞胸肉也算鬆化，配合辣汁， 唔錯，可惜只得6舊雞。飯是黃色的，亦很有味， 有一塊青瓜伴碟， 如果可以比多兩塊青瓜會更好。 之後，食完飯等咗10鐘先來飲品。總括來說，海南雞是好食的，不過服務認真麻麻。