泰嘟嘟

營業中

休息中

收工约埋幾個同事食飯, 經過見到這間小店好有泰國市場嘅特色, 喺門口見到個menu選擇很多, 價錢唔貴, 於是我哋入去試下.先點了一個開胃前菜 "泰國金柚子蝦沙律", 賣相唔錯, 酸酸甜甜, 柚子新鮮及水分充足."泰式鐵板蠔仔炒蛋", 雞蛋及蠔仔嘅份量十分多, 入口啖啖都食到大大蠔仔, 貨真價實！"泰式辣椒膏炒大蝦", 開邊嘅大蝦沾滿酸辣嘅醬汁, 配菜有青椒同埋洋蔥, 蝦頭好多蝦膏, 啱曬重口味嘅我.值得一讚係呢度上菜時間效率非常高, 侍應好有禮貌. 喺大角咀不錯嘅選擇.

今日去到大角咀搵食。呢間泰菜唔近港鐵站，奧運站落去都仲要行十分鐘，不過可能附近多人返工，估唔到平日中午都幾多人等食。好彩我地中午慣左早食，一點後都keep住要排隊。有啲二人餐幾抵食。比起分開叫平好多。卡位唔錯幾好坐，雖然未到晚上，但呢排實在太熱，我都忍唔住叫返支泰啤過下癮，爽。呢度賣嘅泰啤係Singha。媽咪叫左杯珍多冰，不過，真多冰啊！有啲淡口，建議下次可以叫少冰。呢個小食拼盤份量足，覺得雞翼比較好食，其餘有串燒，春卷，蝦卷，味道都可以。泰式蝦沙律。主菜要左個紅咖喱羊排骨。因為太飽冇叫到飯或薄餅，其實叫埋用嚟配咖哩應該會好食啲。值得一讚個羊排骨已經起左肉，無骨好方便。紅咖喱份量多。套餐係抵食嘅。

其實真係好耐都去大角嘴搵嘢食lu, 本身真係好鐘意試新嘢嘅我，特別係非連鎖餐廳！因為香港真係好多隱秘小店 由於香港地方細 租金高昂 導致好多小店鋪頭好細 坐得真係比較會比較迫！ 但都好理解 這是香港文化！只要唔講環境要寛敞 小店味道都真係各有特式㗎！🥰🥰🥰今次就試咗呢間泰國菜！餐廳都有兩、三張卡位嘅，算係坐得幾舒適 同埋餐廳裝修都係有好多泰國（督督）嘅主題擺設 睇到店主都花咗好多心思 最有驚喜係生蝦🦐🦐 因為真係喺openrice 睇咗啲食評嘅相 俾碟生蝦🦐🦐吸引咗 就決定試試！🤣🤣🤣登登登！♥️♥️♥️生🦐 第一次咁特別 可以有兩種醬汁配生蝦 綠色醬汁比較重青檸汁味道 紅色係有好輕微嘅茄汁味！食落去真係好fresh 同埋最正就係竟然套餐可以揀生蝦，平時食開生蝦都要另外點 一定唔會擺喺套餐menu 上小食拼盤 分別有串燒 春卷 蝦餅 各方面味道ok套餐仲有黃咖哩面包軟殼蟹添雖然味道普普通通 不過套餐價錢呢個水準已經值回票價另外仲單點椰青 價錢都好抵添最後另加一碟馬拉盞炒椰菜苗每次食泰國菜都必點嘅一道菜好鐘頭食椰菜苗set menu 價錢真係好抵👍👍👍

趁着母親節，當然要同媽咪一家大細黎品嚐美食。我哋叫咗粉絲蝦煲配飯，馬拉盞炒通菜，泰式雞乾炒河，椰汁糯米飯，椰青，泰式奶茶。呢度叫完嘢食之後好快就送到。馬拉盞炒通菜可以見到通菜非常爽口，就算落咗馬拉盞，唔食辣嘅我一樣食得好滋味，全因夠晒鑊氣，唔會落咗太多油，鍾意健康嘅媽咪都食到讚不絕口。至於個乾炒河，河粉好靚，本身好香滑，又煙韌，唔會好易斷，再加上大量嘅雞塊，唔會乾爭爭仲有啲蘿蔔，芥蘭同埋蝦乾做點綴，夠晒鑊氣同香口。另一個粉絲蝦煲又係我哋食到停唔到口嘅美食，粉絲鋪喺底完全吸收晒上面嘅精華，上面就有超大隻嘅蝦，又有啲蝦乾炒到好香嘅蒜片同埋少少辣，仲有啲胡椒粒令到成碟餸非常之香口，用嚟送飯真係一流。終於到最期待嘅甜品，就係芒果糯米飯，芒果非常之甜而且大個，有成個手掌咁大，糯米飯就非常綿密，兩粒都係用咗白色糯米，加埋鹹椰汁，真係一個完美嘅泰式美食嘅終結。嘢飲我哋就叫咗椰青，非常解暑，食完啲重口味嘅嘢食用椰青飲一啖，清清涼涼又解渴真係絕配。至於個泰式奶茶，係正宗嘅泰國手標茶，咁熱嘅天氣飲番杯冰涼又甜嘅泰式奶茶就真係無敵啦！呢度服務非常之好，每一位員工都好關心同親切咁幫我哋，感受到佢哋對客人嘅熱誠

收工開始落雨，搵間餐廳食D嘢順便避下雨。見到呢間餐廳嘅裝修咁醒目，好自然就行左入去。店入面裝修都好有特色，其中兩張四人檯好似泰國嘅三輪車咁，見到有客人特別要求坐。我得一個就冇特別要求了。向來寫食評都唔鍾意po Menu相，不過呢邊嘅選擇的確幾多幾豐富。一不小心叫了好多嘢食，正常應該夠2~3個人食。我都開始擔心會唔會食得太飽食唔曬。而其實係唔會。食物入口後比我感受到嘅係非常好味。而且每樣都製作得好有水準。呢個通菜用豬頸肉炒，煲仔上保留熱力同肉汁，唔鹹而且好爽口。菜葉索到汁，再霑落飯度，送飯一流。蝦醬炒飯落單時已經叫少飯，上到檯都仲有咁大碟。每粒飯都均勻沾上蝦醬，粒粒都香味十足。用蝦醬炒嘅好處係保持濕潤感但每粒都分明，相當開胃，而且配料都好多，有豆角、蛋、臘腸同洋蔥，進一步增加口感。泰式小食都係出名嘅嘢黎，所以叫個拼盤就可以一次過試曬。細拼盤已經包含4款小食。蝦餅，爽口彈牙，蝦味豐富，點泰式甜酸醬更加開胃。春卷皮脆餡嫩，有淡淡咖喱味，以唔同口感嘅蔬菜為主，每一啖都令牙齒同口腔有有趣嘅感覺。串燒……大舊到成塊雞扒咁XD串燒醬汁都好新鮮惹味。仲有雞翼，有用炸衣來炸過令表皮香脆，裡面保留嘅鮮嫩同

今日嚟到有好多美食嘅大角咀，試一間個門口已經充滿泰國氣氛嘅泰菜。座位設計都好有心思，卡位係泰國嘅tuk tuk車咁，俾大家當去左一轉泰國啲2人套餐好抵食，任選3款都係$238，4人餐任選5款都係$398，而絕大部份選擇都係好吸引，一定揀得岩！另外啲粉麵套餐都好吸引好抵食小食拼盤（小）小嘅已經好豐富，有齊蝦餅，春卷，串燒，雞翼，一共4款必食泰國小食。蝦餅好好味，又脆又夠蝦味，配埋泰式辣醬夠哂惹味串燒就豬雞各有一串，啲肉大件得嚟又夠滑。而且一讚啲小食雖然都係炸物，但係食落口都唔會好油，女士們唔需要擔心！泰皇咖哩牛筋腩煲咖哩好香椰香味，牛腩有好多件同算淋，牛筋係超級淋（骨膠原～～～）唔係會一舊野好硬果種叫埋個印度薄餅去配咖哩，一流！芒果椰香糯米飯2大舊糯米飯嚟到枱仲出緊煙，熱辣辣，配埋好邪惡又好香嘅椰漿，正芒果都有成半個芒果，唔酸，$58都算抵食！⚠️平日7點幾開始有人排隊，大家記得早啲嚟！

朋友知我鍾意食泰國菜於是帶我黎泰嘟嘟🥳佢話之前已經食過2次覺得食物水準依然好味又抵食,所以我充滿期待去食晚飯!好彩朋友醒目預先book位,因為真係長期爆滿,去到7:30已經有好多人排喺門口!溫馨提示記得先Book位🙆‍♀️環境雖然不大,但設計方面好有泰國風情!竟然卡位係泰國出名嘅篤篤車😍好得意呀!可惜裏面實在太多人,唔好意思影相請大家見諒😩泰式生蝦⭐️賣相已經好吸引😍生蝦鮮甜肉質爽口加埋酸辣汁同青草汁有兩種口味,兩種一樣好味好開胃!香蔥蒜蓉包⭐️朋友極度推介👍蒜蓉味道好濃郁而且炸到金黃酥脆令人食到停五到口😋小食拼盤⭐️有豬肉串燒,雞肉串燒,雞翼,蝦餅,春卷👍覺得最出色係蝦餅同串燒.肉質嫩滑多汁烤得好有水準好惹味😋蝦餅炸得外脆內軟口感彈牙好好味!蟹肉炒粉絲⭐️味道不錯👍調味啱啱好不會太鹹,粉絲抄到煙煙韌韌加埋蟹肉一齊食口感好豐富而且配菜好多,己$68呢個價錢我覺得好抵食!泰式奶茶⭐️奶味香濃也不會過甜味道不錯!椰青⭐️味道清甜無比好解暑,好適合喺夏天飲消暑良品!

<<Daily 豬仔尋食記🐖>> 之前同班朋友一齊去泰國旅行，成日心思思都話好掛住啲泰國菜，正宗個隻！🤣🤣但而家旅行就冇得去了，為有食下泰國嘢止一止癮🙈😋主要係想發掘多啲新泰國菜，尋求正宗嘅泰國嘢食比大家🤪🥰今次就係大角咀一間泰國菜！個名好得意！叫泰嘟嘟🤣希望食完唔好變肥嘟嘟啦😋😋😎餐廳唔算好大，似小店，不過環境好光猛，設計都幾特別，有啲諗頭嘅！🤣🤣起碼舒服企理！👍🏼每次食泰國嘢都係有同一個煩惱，就係種類起多，我呢啲選擇困難症者真係頭都大埋！但我諗到！為左對各大泰國菜嘅食評公平起見🤣🤣都係會揀翻類似嘅嘢食去試！然後再作評論😂😂🤪等大家有啲參考🙌🏼主食叫咗一個油飯一個蟹肉炒粉絲三個小食，有炭燒豬頸肉，小食拼盤同泰式馬拉盞炒通菜。每個餸份量都算多，兩個人食岩岩好。最緊要價錢同普通泰國餐廳差唔多，平靚正先係正宗泰國嘢嘅主打！😋😎👍🏼首先，佢個馬拉盞炒通菜，份量真係多，炒得好香，惹味，辣椒都吊到少少味岀黎，同埋呢排通菜真係當造！啲菜好新鮮，葉夠淋入味之餘，個莖位都係保持清爽！🥳爽！我地就轉左小小嘢，冇嗌pad Thai，叫左佢呢個幾正嘅蟹肉炒粉絲，果然！份量都係

聽講大角咀有好多美食, 中日韓越星馬泰, 款式樣樣齊, 今日就同老公去食個 lunch 先。漫無目地行到去一間叫 “泰嘟嘟” 嘅店鋪, 見門外有人排隊, 應該信得過, 加上個名夠過瘾, 我地都唔執輸排埋一份先, 等了大約 15 分鐘就有位。店鋪雖少, 勝在有七彩繽紛嘅塗鴉, 加上掛了泰國旗, 波衫等, 感覺與別不同。睇完餐牌, order 了泰式菠蘿海鮮炒飯、炭燒豬頸肉、爆炒鐵板牛仔骨, 飲品要了紅豆冰 and 珍多冰。嘩, 個炒飯好特別, 材料足, 有青口、虾仁、鮮魷、蟹柳、 菠蘿、雜錦豆, 腰果、提子乾, 仲有好多肉鬆舖面, d 飯炒得乾身、香口, 真係色香味俱全, 而且份量夠晒大, 正 炭燒豬頸肉放在炭爐上面, 一路可以 keep 住暖, 認真細心, d 肉好爽, 配埋個酸酸甜甜嘅醬汁, 醒胃。大家睇下個爐上面 d 字, 我就梗係唔知講乜啦！爆炒鐵板牛仔骨, 大約有 6、7 塊, d 肉唔算韌, 食落幾 juicy, 仲有洋蔥絲、三色椒絲、香蔥, 黑椒汁, 果然係爆炒。食完全部主菜, 最後嘆返杯珍多冰。綠色的涼粉夠爽滑, 黃色係大樹菠蘿肉, 另外有幾粒透明色嘅“物體”, 食落有少

自己平時都好鍾意食惹味小炒。泰國野酸酸甜甜 辣辣地 就啱曬我口味。咁啱屋企附近有間人氣泰國餐廳，我梗係唔會錯過啦。入到去間餐廳，裝修好有地道泰國風情。卡位係篤篤車，兩邊牆上除咗有塗鴉之外，仲有泰拳嘅運動服。睇得店舖裝修嘅時候落左好多心機。我同朋友兩個人，叫咗月亮蝦餅，馬拉盞碎肉茄子煲配油返白飯各一碗，同埋一碟馬拉盞炒通菜。嘢飲就叫咗菠蘿芝士沙冰落單之後，嘢食好快上嚟啦。每一碟菜都好大碟，而且份量好足。雖然我哋叫咗兩道菜，但係份量足夠三個人食。月亮蝦餅個皮好脆好薄，面粉唔太多。餡料好多，成一吋厚，蝦肉好彈牙，加埋入面有大大粒嘅馬蹄，咬落去索索聲。配埋佢嘅甜酸醬，同甜甜地既魚露，味道好夾架，所以我哋好快就清曬成碟啦。至於炒通菜，好有鑊氣。加埋少少辣椒絲，炸蒜蓉，馬拉盞，通菜吸哂曬配料嘅味道， 食落去好惹味呀。我最鍾意係佢既茄子煲。店員一拎上嚟嘅時候，仲係熱騰騰嘅狀態。茄子好新鮮，唔會煮得太林，配埋好多肉碎，同馬拉盞，食落口有少少辣辣地， 焦焦哋，送飯簡直一流。菠蘿芝士沙冰令我好有驚喜。上面嘅芝士奶蓋唔太甜，而且有我最中意既新鮮菠蘿，唔係罐頭菠蘿，睇得出店主好有誠意。沙冰同飲料比例啱啱好，唔

有日睇左個電視節目講係香港扮自己去左泰國旅行介紹黎呢到食野睇完都好想黎呢到坐住架篤篤食個飯, 當自己去左泰國都好呀2個人叫左3個餸月亮蝦餅, 泰式海鮮炒貴刁, 招牌焗黃咖喱麵包軟殼蟹先黎左個黃咖喱軟殼蟹, 賣相十足呀下, 黃咖喱加埋D蛋花令到個咖喱好香好滑, 而且又甜甜到好正, 吉住D麵包狂點咖喱黎食, 個貴刁未黎就已經食左好多麵包軟殼蟹有4件, 外脆內軟, 不過個咖喱實在整得太出色, 所以注意力轉移哂去個咖喱到泰式海鮮炒貴刁, 貴刁炒得比較碎, 不過佢既味道係好食既蝦餅同平時食開細細舊圓形個D好唔同, 第一次食呢款蝦餅個外皮好似食粥個D薄脆, 中間夾住類似蝦滑既餡, 再點埋泰式酸辣醬, 唔錯呢度每碟既份量都唔少, 所以對2個女仔黎講就大滿足喇

朋友喺大角咀附近做嘢~又要OT，作為好朋友既我，當然要去等佢放工再DINNER喇~見到有間好特別既小店，睇埋MENU，見啱食而且價錢合理就立即入去喇~室內佈置都好得意，好有「泰」味呀~泰式生海蝦($88)~食泰菜既不二之選就係呢樣，新鮮厚肉彈牙既加上蝦酸酸辣辣既汁，YUMMY YUMMY!馬拉盞炒通菜($58)~炒菜最緊要夠鑊氣，呢度可以做到，而且香料使其惹味~泰式菠蘿海鮮炒飯($98)~採用新鮮菠蘿，仲有大量配料，如香脆腰果、提子乾、雜豆、豬肉鬆.......唔同口感既食材搭配新鮮海鮮，真係絕配！炭燒豬頸肉($78)~豬頸肉帶有微微焦香，肉質爽口，用小烤爐KEEP住溫度，食到尾聲都依然咁好食~

Lunch食咩好永遠都係打工仔嘅十大難題之一返工冇野做個時上OPEN RICE搵下公司附近有咩好，點知發現左一間貌似新開嘅泰國野，見到個價錢感覺都幾抵下叫左個下午茶套餐-扎肉雞絲撈檬拼雞翼&熱奶茶扎肉個口感都唔錯，而味道就一般雞翼入口酥脆，肉質嫩口，可惜味道有啲淡（好彩有個泰式醬）除左有扎肉雞絲雞翼外，仲有D配菜，面頭有紅蘿蔔絲(紅蘿蔔絲應該放耐左，有D硬)同埋一D好似撈麵入面個調味料個D脆脆，個底就有青瓜絲另外仲有一大碗醬汁（唔稀唔稠啱啱好），D醬汁偏酸，個人認為唔夠辣餐廳個環境幾靚幾舒服，裝修仲有好多泰國元素除左下午茶抵之外，其他野食個價錢都比出面D泰國餐廳平，性價比好高，推薦大家去試試~

前日去大角咀接放工, 經過見到呢間泰式小店裝修好搶眼，再睇睇個餐牌，價錢好抵食，於是我哋就去試下.裏面嘅佈置彷如去到泰國小店一樣, 仲見到一些嘟嘟車裝修嘅卡位, 好有趣！這間小店好有地道泰菜嘅特色, 而且價錢合理, 份量都好足, 係大角咀唔錯嘅選擇！冬陰功海鮮湯 $108冬陰功湯底不算太辣, 而係些少酸, 配合其他香料嘅味道好開胃, 海鮮都算足料, 有魷魚,大蝦同埋青口.明爐燒烏, 頭魚 $138 份量十足, 條魚好大條, 其他泰式菜館, 差不多要二百蚊, 而且魚肉都十分新鮮, 裏面仲有啲粉絲同埋草菇, 湯底鮮甜美味.馬拉盞炒通菜 $58炒得非常入味, 好有傳統泰式, 菜館嘅味道.

今日同老公去大同新村探獨居的姑丈，幫手買些食物和日用品比佢老人家，到咗晚飯時候，姑丈話附近有間泰嘟嘟，主打經典泰國菜，好想去試吓。餐廳設有仿泰國篤篤車的餐座及色彩繽紛的壁畫。好有泰國風味。無骨海南雞配油飯半隻，海南雞雞肉夠嫩滑，雞皮爽口，配搭的醬汁惹味，油飯粒粒分明又夠味。泰式鹽燒鯽魚，即叫即燒，魚身飽滿外焦內滑，揭開焦香的魚皮，潤澤皎白的魚肉即呈現眼前，這條魚燒得剛好，魚肉保持嫩滑，魚肚內藏有不少香料，令魚肉好入味，點上由泰籍師傅秘製的泰式酸辣醬汁，酸香開胃，將魚肉的層次完全提升起來。泰式乾炒豬肉金邊粉，本身諗住叫炒河粉，可惜賣晒，唯有轉炒金邊粉，一樣炒得夠鑊氣，用咗豬頸肉炒，比較有口感。象啤，姑丈同老公都話好夠啤酒味，好好飲！