泰嘟嘟

營業中

休息中

泰國tuk tuk車裝修餐廳1️⃣焗黃咖哩麵包軟殼蟹超大個,咖哩好濃味,唔太辣,軟殼蟹好大隻.咖哩好多,浸住個麵包食好正.食唔哂,好飽😋2️⃣明爐花甲鍋超多料,又肉碎,茹,花甲都多. 湯好入味,好味到飲哂.🙈3️⃣鮮蝦炒金邊粉炒得正常,唔會太濕,味道都夠味.4️⃣珍多冰幾重椰奶,唔會溝淡哂👍🏻👍🏻二人餐,有3個菜比你揀💰HKD$248飲品加$13等位有d耐，記得預早拎飛

今日同朋友嚟到大角咀一間正宗泰國菜～～泰嘟嘟食晚餐！原來平日餐廳都爆滿要等位！我地因冇book位所以在門囗等了一陣便可入座！餐廳地方雖然不太大～但裝修好有泰國特色～～例如掛上泰國拳套丶 球衣及泰國特色衫褲！職員態度有禮及親切！他安排我們坐卡位！十分舒適因為放工後嘅關係～肚子餓餓～見到餐牌乜都想叫 好多食物都好吸引！ 我們兩人order左三款菜式昨晚餐！1） 招牌咖哩軟殼蟹麵包🍞🦀$168呢個菜式一定要試！因為嚟到已經香噴噴丶 軟殼蟹新鮮炸出嚟脆卜卜～麵包好夠份量丶 配上極多咖哩汁及雜菜！令你食後肚子豐富滿足2） 例牌泰國海南雞黃油飯 $68🐓🍚黃油飯好香唔會似糊仔咁！加上海南雞肉質好嫩滑～例牌份量也足夠！ 唔好睇少佢有一碗仔自製酸辣汁，與黃油飯混合一起食簡直最佳配搭！3）鮮蝦海鮮炒金邊粉 $78🐙🐚🦐🦑🍝呢個菜式無論海鮮及金邊粉份量一D都吾少～更加上半嚿青檸檬淋上金邊粉內酸酸甜甜 好好味呀！碟上更有泰國人喜歡的碎花生！溝埋一起吃特別香囗呀！總括來說：今晚冇去錯地方食呢個泰國晚餐！真係好正宗好抵食！ 大家不妨有空去試一試

朋友帶我食我最愛既泰國嘢啦🤭一入到去見到Tuk Tuk 卡位 好鬼得意呀下次等我call 多啲人黎一齊坐🔸招牌焗黃咖喱麵包軟殼蟹一上台都感受到麵包既震撼呀😳😳😳😳😳麵包好似個立方體咁 承滿住大大隻既軟殼蟹同埋熱辣辣既黃咖喱將包一切開 黃咖喱係咁流落黎架 建議大家將包切到一小舊 方便可以沾滿黃咖喱 再配一口既軟殼蟹 無得頂！🔸炭燒豬頸肉超超超超好食呀 因為配埋個爐仔 所以全程都可以保持溫度 份量真係好多 食極都有既感覺🤭🤭🤭配埋店既秘製醬汁 簡直一流🔸蕉葉烤焗烏頭用石紙包住 到上台時店員先會將佢打開烏頭面鋪滿左泰式醬料 有薑咪又有香茅味成件事好泰國呀🤭🤭🤭不得不提烏頭肉質好滑呀 大家記得沾埋魚醬汁食 又體驗到另一番風味🔸龍眼冰同椰汁冰兩杯都好好飲 唔太甜 同埋冰量剛好 同我平時飲開既泰式飲品好唔同下次等我試埋個奶茶先😉其實仲有好多菜式想試架由於得2個人 試唔到咁多 下次帶多幾個人黎試更多🥰🥰

今晚約咗三個朋友一齊去食泰國嘢🇹🇭，呢間喺大角咀利得街嘅「泰嘟嘟」係以泰國tuk tuk 車🛺做主題嘅，玩味十足😁7:30pm 一嚟到入邊已經full晒，門口已經有好多人排緊隊😳，大約有5 pair人👩🏻‍🤝‍👨🏼 等咗30分鐘到先有位😅 真係好旺場🍤月亮蝦餅 $88我要食泰國嘢一定要嗌一炸蝦餅😆呢間嘅炸蝦餅好特別🤔唔係平時半圓形有炸麵包糠包住嗰隻，係圓形一塊，用類似雲吞皮包住入面有蝦膠蓉，馬蹄同埋蔥，可以醮泰式甜辣醬或者酸梅醬，蝦肉爽滑彈牙，加埋馬蹄，口感爽脆，好好食👍🏻🦐泰式生海蝦(6隻）$88生蝦超新鮮，隻隻都好肥美好鮮甜😍，擺盤好精美，分咗兩種醬汁，一青一紅，用個shot glass 幫你裝住上面仲放埋辣椒🌶，薄荷葉🌿同埋蒜片🧄，食嘅時候非常方便😌 紅色嗰泰式海鮮醬偏辣，青色嘅醬汁就比較溫和，適合唔係太食得辣嘅朋友👍🏻🍍泰式菠蘿海鮮炒飯 $98菠蘿炒飯嘅配料有好多魷魚🦑，青口，菠蘿粒，提子乾，蝦肉，三色豆，腰果仁，蟹柳粒同豬肉鬆，非常足料惹味😋 炒得火候十足，飯粒🍚粒粒分明🥘冬蔭功海鮮湯 $108海鮮湯嘅用料亦都好豐富，有大蝦，有青口，有蘑菇🍄，有蕃茄🍅，同埋好多香茅，湯口濃郁

🍤泰嘟嘟 (大角咀）不嬲都知大角咀有啲咩平靚正嘅嘢食，今日專登去搵試下😆 🥢泰式小食拼盤 (大）$148全部小食都新鮮炸出嚟，熱辣辣😆仲配有兩種醬汁，沙嗲醬同泰式辣醬，食落口感豐富d! 拼盤包含泰式春卷，泰式蝦餅，炸雞翼，串燒等食物，一次過滿足晒所有願望😍 味道相當唔錯！🥬泰式馬拉盞炒通菜 $58平時去其他泰國餐廳食炒通菜都差唔多要$100,呢度$58 就有大大碟🥹同樣係即叫即炒，每條通菜都沾有馬拉盞味，好好食！性價比好高！🐷豬頸肉炒河粉 $68呢碟河粉好大碟，兩個人都食唔晒！重點係佢啖啖都食到豬頸肉同其他配菜，非常足料！總括來講，呢間餐廳定價不高，算係大件夾抵食😆😆比較想下次一大班人嚟食，可以叫多幾個菜share!

夏天熱辣辣又冇咩胃口，食泰國野就一流，又酸又辣又開胃🤤🤤今日去咗朋友公司附近嘅泰國餐廳食晚飯，佢個裝修好特別，入面有由幾架泰國嘅嘟嘟車當係座位，好鬼過癮🚚不過，座位唔算多又超好棒場客，建議大家記得book定位去食，如果唔係真係可能要等一陣🤣🥭🧋泰式奶蓋芒果沙冰+泰式奶茶天氣熱辣辣，忍唔住要嗌杯沙冰飲🥵 去親泰國餐廳都一定會叫芒果沙冰，呢間嘅芒果沙冰絕對唔係用糖水溝出嚟嗰種，味道係好香甜嘅芒果味道🤤 必叫！ 朋友叫咗杯泰式奶茶，雖然味道比較甜不過就好香好滑好似泰國飲嗰種咁樣，但又唔係死甜，正呀！🥘泰式大頭蝦冬陰功去到泰國舖就一定要飲冬陰功，呢個冬陰功比泰國飲過種冇咁辣，易入口啲🤤入面有好多唔同嘅海鮮，好值得叫，兩個人share剛剛好😌🐷泰式燒豬頸肉呢個豬頸肉燒得好脆口，加上佢俾個爐一直笑住，可以暖住令啲豬頸肉唔好凍咗「鯨」油，超級貼心🥗馬拉盞炒通菜味道剛好，唔會太咸太濃味～🍚🍳泰式肉碎煎蛋飯肉碎炒得好惹味，撈埋半生熟嘅煎蛋蛋汁🤤🤤 真係會一啖接一啖🧚🏻‍♀️總結：呢間泰國嘢食都好高水準，份量都比較大，我同埋另一個女仔朋友都食唔晒🫣🫣🫠貪心嘅我哋，見到隔籬枱嘅明爐烏頭好正，下次一定要試佢！

今日friend約我去食泰國菜，位於大角咀的新舊樓附近，有間五光十色的泰嘟嘟，裏面坐滿晒人，門口好多人等位，但老婆想試吓，我們就等等，好彩都好快有位🙏🏻，入到店內，氣氛感覺好好，而我兩有幸第一次來就可以坐在嘟嘟的坐位上😆。先來杯芒果芝士沙冰，清涼👍🏻，第一道菜上場：焗黃咖喱麵包軟殼蟹，咖喱好好味，點麵包食一流😋，再來是小食拼盤（小），有我最鍾意食嘅炸蝦餅，記得要點泰式辣醬，還有春卷，雞串燒，牛油雞翼😋。之後是炭燒豬頸肉，有個爐熱住，特別好食😋，見到menu有泰式生蝦，但已被刪除，但睇menu相幾靚，我就多口問一問店員有冇得食，開心的回覆☺️有呀😋一共有六隻生蝦，兩種醬汁，兩種都好好味，有小小辣更加正，必食。滿足的一餐🤤

位於大角咀利得街既一間泰國美食店🇹🇭雖然店舖空間不大，但裝潢都算有特色用心準備店舖有３張泰國便利交通既嘟嘟車做卡位嘟嘟車卡位位置比較闊落會坐得舒服啲有冇機會坐就要靠運氣啦因為都係由職員隨機安排既餐牌列出勁多食物選擇，花多眼亂呀樣樣都想食，今次得２人同行，下次要搵埋朋友泥食多啲選擇呀香芒軟殼蟹米紙卷 ＄７８雖然落單時職員有同我地表示需要製作２０分鐘但等左１０分鐘內已經上左米紙卷每件米紙卷都有大大舊芒果同埋軟殼蟹勁足料！芒果好甜、軟殼蟹啖啖肉唔會太鹹，正馬拉盞炒通菜＄５８辣辣地，好惹味，食落真係停唔到口份量好大碟，岩晒平時需要食好多菜既我串燒沙嗲半打（自選豬肉／雞肉）＄８８我地叫左各３串，無論豬肉／雞肉都好juicy唔會燒到乾晒泰式菠蘿海鮮炒飯＄９８成為店舖推薦產品一於試下佢啦分量又係大大碟，２個人真係食唔晒海鮮係有２隻青口同埋蝦炒飯粒粒分明唔會過分濕，好食📍泰嘟嘟 Thai Tuk Tuk🔎大角咀利得街14號地舖

/位於大角嘴既Thai Tuk Tuk主打經典泰國菜模仿泰國篤篤車餐既餐座 餐廳設計及裝潢色彩繽紛之餘 仲好有泰國風味 好似去左轉泰國咁🇹🇭.🦐小食拼盤-細（$108）咩炸物都想試少少 最岩就係叫拼盤啦 細既拼盤有蝦餅 串燒 春卷及雞翼 炸物既外層香脆 蝦餅好彈牙 雞翼都大大隻 春卷入面有蘿蔔同蔬菜 唔會好油膩 配埋沙嗲醬同泰式甜辣醬食 好夾啊.🦑泰式海鮮炒貴刁（$78）一上枱比佢既份量嚇親 超大碟！配料有青口 魷魚 蝦 菇同埋唔同既蔬菜 炒得好有鑊氣 食落辣辣地 幾惹味 食唔停口啊 .🐮泰式咖喱牛筋腩煲（$108）泰式咖喱既辣度好岩岩好 幾creamy 牛筋係入口既融 牛腩都煮到好入味 送飯同蒜蓉包一流.🍞香蔥蒜蓉包（$42）用左厚切方包 有六大件 成座山咁高啊 入口外脆內軟 烘既時間岩岩好 蒜蓉同牛油味好濃郁 加埋泰式咖喱一齊食真係絕配.🫖泰式奶茶（$26）落單既時候店員都好貼心話泰式奶茶會偏甜 但係我都想試想試下泰式風味 飲落茶味好出 煉奶味香濃 .泰嘟嘟📍大角咀利得街14號地舖.#anygoodfood_hk#anygoodfood_taikoktsui

📍泰嘟嘟🇹🇭今個星期不斷落雨搞到好多活動都要cancel🫠不死心既我唯有約朋友仔食下Dinner吹水 最尾揀左呢間位於大角咀既泰國菜😋去到餐廳剛好係接近full既時間 小等待左一下好彩好快有食客埋單 以至於我地唔洗係外面淋太耐雨🤣全日冇乜點食野 已經係餓鬼既我地即刻order🤣⭐️小食小食我地嗌左兩款 分別係印度薄餅(32 hkd)以及泰國金柚子蝦沙律(88hkd) 印度薄餅乾身唔會好重油味 拎上手亦都好乾身🥰口感方面係偏向脆口同香 份量作為開胃小菜不過不失😋 柚子蝦沙律我地選擇左唔辣既 味道方面柚子果肉爽甜 酸酸甜甜既醬汁醒腦開胃 配搭味道較濃烈既主菜係必嗌之選👍🏻👍🏻👍🏻👍🏻👍🏻⭐️蝦醬炒通菜 (58 hkd)食泰國野一定唔少得要嗌款菜試試😎平時會叫馬拉盞炒通菜 今日就試下換個口味 今日叫既通菜十分正常👍🏻菜葉顏色唔會過老 蝦醬調味適中 唔會蓋過通菜嘅味道😛⭐️主菜今之叫左海南雞飯(半隻 98hkd)同埋冬陰功海鮮湯(hkd 108hkd) 睇下我地影既圖就知我地勁黎悔 因為真係好足料😂😂海南雞配搭既係泰式辣醬而非傳統嘅三色醬 味道上有啲似泰國出名嘅水門雞飯 而且雞肉十分嫩滑唔鞋口👍🏻配

最近都食左唔少日本菜同西餐🤔所以想食下東南亞菜式香港最好就係好易都食到唔同國家嘅地道名物😌呢日就同朋友去左大角嘴食泰國菜🇹🇭.🌟招牌焗黃咖喱麵包軟殼蟹 （$168）一上枱就見到金黃色嘅咖喱🥘大大隻嘅軟殼蟹放咗喺麵包上面 賣相一流🦀軟殼蟹炸到卜卜脆麵包亦都焗到剛剛好唔會太硬點埋啲咖喱醬就非常惹味🥖.🌟原隻椰青海鮮焗飯 （$88）椰青海鮮焗飯我都係第一次食未食已經聞到陣陣嘅椰香🥥食落就食到椰汁嘅清甜飯入邊仲有好多海鮮 而且份量好多 裝滿成個椰青 值得一試👍.🌟泰式海鮮炒貴刁 （$78）泰式貴刁嘅材料有蝦🦐、青口、同魷魚🦑食落都幾辣下🌶炒得乾身有鑊氣而且唔肥膩.餐廳嘅裝修幾特別😛卡位用左篤篤車嘅座位改裝而成坐喺入邊好似置身喺泰國一樣職員都好有禮貌☺️

之前都食過泰嘟嘟，又平又好食，今日又同老公嚟返尋味！平日晚上嚟到都好好生意，我哋食完都重有客等緊位。餐牌嘅選擇好多，厚厚一本多到影唔曬，講得出嘅泰國菜全部都有得點，真係好似去咗轉泰國咁。香芒軟殼蟹米紙卷　$78即叫即製，軟殼蟹食落都重好夠脆，米紙皮又薄又黏口，入面重有啲芒果、檬粉同生菜，點埋啲酸酸地嘅醬汁，口感同味道非常豐富，係好清新開胃嘅前菜。泰式明爐花甲鍋　$108酸酸辣辣嘅湯底非常惹味～花甲鮮甜，鍋入面重有好多菇同粉絲，吸滿湯汁，好入味好正。泰式菠蘿海鮮炒飯　$98本身想點椰青海鮮焗飯，不過已經售罄，就點咗份菠蘿炒飯。嚟到都冇令我哋失望，好足料好大份，海鮮嘅份量非常大方飯粒都炒得幾乾身，做到粒粒分明得嚟又唔會好油。芒果芝士沙冰　$32超好飲，鹹鹹地嘅芝士奶蓋同香甜嘅芒果非常之夾；芝士嘅份量都幾多，對我呢啲芝士控嚟講真係非常滿足。西瓜芝士沙冰　$32因為啲沙冰打得好夠細密，所以飲緊呢個西瓜芝士沙冰嗰陣就好似食緊一個起曬沙嘅西瓜咁，好清甜好正。

每次食泰國菜🇹🇭都好鍾意食黃咖喱麵包！嗰次見到有 就即刻嗌咗個招牌焗黃咖喱麵包軟殼蟹嚟食🤩上枱真係嚇親 原個麵包吐司磚🍞入面裝滿晒黃咖喱汁🍛再擺住原隻香脆嘅軟殼蟹 份量十足 賣相相當吸引！

大角咀有啲新住宅，樓下有幾個鋪位喺食肆，開始慢慢將呢區改造。有間泰國餐廳長期座無虛席，外面排隊，好在等咗10幾分鐘就有位。裝修有幾架tuk tuk 車卡位坐，己有空間感。menu有海鮮，咖喱，蔬菜，小食拼盤，飲品種類仲多，火龍果芝士奶蓋好解渴，果肉濃。豬頸肉有個爐慢慢燒幾過癮，咖喱軟殼蟹麵包係signature, 麵包都有四人份量，再點咖喱汁不用10分鐘清晒。蝦餅脆口彈牙，小食拼盤之中最喜愛，有雞醬同沙嗲汁可以點。泰式生海蝦用Shooter杯，有半打或一打揀，橙色同綠色醬汁放入Shooter杯各佔一半，個人喜歡橙色醬汁，綠色有啲青椒味同偏辣。下次要試吓海鮮，見到人哋食明爐泰式花甲煱又有湯浸住好正。

星期日晚一家外出晚飯，目標就係食泰國菜，原本鎖定另外一間，但經過沒有開門，再揸車兜來兜去，終於泊車到呢間泰嘟嘟。我地被安排坐tuk tuk 車卡位，大人細路好開心，因為真係好有泰國風味。我地3大2小叫左4人餐+冬蔭公湯+飲品咖哩軟殼蟹， 必食推介， 好好味菠蘿炒飯，可以，沒有什麼特別花甲湯，味道有點像冬蔭公湯，花甲肥美的炒金邊粉， 漏單，等了一個小時都沒有，粉炒得較濕，因時間關係外賣回家總括來說晚餐抵食好味