泗益

營業中

休息中

山長水遠去到赤柱, 就去食下個個都話好味既西多士去到, 唔駛等位, 可能因為weekday啦環境好迫, 好熱, 好污糟下, 唔係人人接受到, 可能有d人會話呢d叫做風味啦服務 - 大排擋質素, 都唔會好得去邊, 大大聲同佢講食咩就得喇, 嗌到就嗌, 嗌唔到就算。事關無咩人, 個西多士自然好快黎到, 無其他人講要等咁耐賣相同係openrice睇既一模一樣, 但係食落就真係見人見致啦事關我覺得西多士唔應該係咁, 所以真係覺得唔多岩胃口仲嫌佢甜得制同埋好油添!如果大家想去試既, 盡量weekday去試下啦, 希望呢篇食評幫到你

今天我和老公往赤柱逛街，順便在大排檔吃點東西。天氣很熱，我們便選了泗益作休息地點。我們點了西多士食奶、油沾多和涷奶茶，感覺味道如下： 西多士(食奶)：招牌食物，自家製法，內有咖央，味道特別，只嫌麵飽炸得有點鬆散。油沾多：雖然麵飽切得很薄但很脆，果醬及牛油都很足夠，味道很好。涷奶茶：有茶味，有奶味，唔錯。 整體來說，食物水準幾好！值得再去。

星期日，天色晴朗。熱帶風暴蘇迪羅將本港近日嘅濕悶掃走，雨水只是帶來少許。風和日麗嘅週日，是作戶外散心嘅好時機，亦可為太座吸收足夠嘅維他命D，使腹中嘅新家庭成員發育得更好。到戶外走走，赤柱係一個好地方。一不愁冇地方逛，二不愁醫不了肚。西餐廳不少，但是日嘅主角係位於赤柱市場道嘅大牌檔「泗益」。這裡冇冷氣，只有幾把牛角扇，好彩是日不是太熱，兼且有微風，坐下來又不是太辛苦。「泗益」最出名嘅就係其唔駛落糖漿嘅西多士。除此之外，其實有不少大牌檔食品都十分出色。太座是日點了火腿炒蛋通粉。通粉較粗身，煮得不過腍。特別在湯底如即食麵湯底般，而且加了麻油，麻油香撲鼻，瞬即增加食慾。奉上通粉之後，服務員隨即已遞上胡椒粉，十分殷勤。加上胡椒粉之後，令原本已香味十足嘅通粉添上多一層胡椒香，令氣味、味道更有層次感；西多士唔落糖漿之謎，其實係多士中間嘅介央發揮功效。一份介央西多士，加兩片牛油，牛油溶化後被麵包吸收。麵包集合了介央嘅清甜、牛油嘅芳香及濃郁嘅蛋香於一身，十分可口；沙爹牛肉麵亦出奇地合心意，首先係沙爹牛肉唔會好似一般嘅茶餐廳一樣沙爹醬一大pat，而且牛肉鬆軟，容易咀嚼。至於麵身雖煮得熟透，但十分彈牙有咬口

閏五月初九‧大晴天國慶日難得有一天假期，也有空檔，想走遠一點散散心，就去香港最南端的地方，蒲台島吧。難得有好幾位朋友也有興趣，師弟及Victoria，Sally，Fanny及雯雯，一行七人，就在晴朗的一天出發。上船的地方在赤柱，我們早在八時四十五分已經入到來，當然要吃個早餐先。數這裡最受歡迎的茶記，就真的是這裡莫屬。要了好幾款多士大家分吃，油糖多甜甜的又透有牛油香，鮮油占多的牛油不算厚，也好吃；豬扒包也不錯，蛋牛治的餡炒得鬆軟，而這裡的「名物」西多士當然有叫，果然是很出色，吃起來也蛋味香濃，麵包鬆軟，咖央不會過甜，很有水準。真的如食友Fanny所言，這個西多士還是「值得等」的。要了熱咖啡，幾香濃的，不錯。埋單每人26蚊，連試幾款食物，吃得飽飽，是有水準的。這裡沒空調，而溫度達三十度，當然不宜久留，見還有時間，一於去喝啤酒是也。想看足本食評，及更多食物相片，可以參考以下網誌：www.gourmetkc.blogspot.com

咁多人都話好食, 一場去到, 點都要試吓啦! 叫左一杯凍奶茶, 一件西多, 嘩, 件西多好似揾油浸過咁, 勁多油, 我平時都唔係話成日走油果啲人, 但呢件真喺好多油, 每啖都食到成口油, 我好多時都會食西多, 但真喺未食過咁多油嘅西多, 好難忘, 杯奶茶亦唔係話好好飲, 一般貨色啦, 我諗我都唔會再幫趁啦去其他茶餐廰重好

最近有時間寫了好幾個食評, 忽然想起從未寫過時常食早餐的泗益. 住在附近的我, 當然是常客, 今早又嚟嘆噃個早餐! 大排擋始終最重要是杯荼, 這裏的荼真的好香, 好濃, 好滑! 今早叫咗我至愛嘅熱狗, 熱狗飽是普通的飽, 腸是普通的厨師雞腸, 但給他們弄起來就零舍好食! 飽是烘過的, 腸是煎過的, 你會食得出他們是用心來做的! 另外這裏的西多也是著名的, 不用糖漿, 中層夾着咖央, 超好味! 若是時間充裕, 一定要食呀!

炎炎夏日,又到了赤柱一趟,這次目標是吃出名的西多士.大排檔風格,只有數張摺枱,沒有冷氣,到7-8月時候真的不能想像.我們還真的很有運,來的時候還有位子,不用等.剛坐下已見老闆在點算,然後便說還差8份西多士,好厲害.我們也急不及待的點了一客,還要了豬扒包和奶茶.凍奶茶 - 茶味很濃,甜度剛好,跟跑馬地的昌記平分春色.茶走 - 不得不讚友人的耐力,這樣的天氣還喝熱飲,雖說凍飲對腸胃不好,但實在難耐.喝了一口,不知是不是天氣影響,我覺得凍的比較好喝.等候期間,老闆才告知沒有豬扒包,魚柳包亦賣完,看看餐牌,特別一點的有沙爹牛肉蛋治,要了一客來試,但比較失望.沙爹牛肉沒有沙爹味,牛肉用了牛展,比較難咬,而且淡而無味.再等了約15分鐘,主角出場,這裏的西多士沒有糖漿,是因為西多士裏面加了咖央醬,而且咖央醬比外面店的出手更重,一口咬下的西多士,咖央醬多得漏了出來,整個嘴裡都蘊漾著這一道咖央.西多士本身亦較其他店的厚身,所以口感特別好,但實在是太肥了,吃了2件,便全數留給友人.$18一份西多,於茶餐廳來說是貴,但對於赤柱來說是平.加上味道真的比其他店好,所以值得一試,但盡量避免weekend和夏天前來

18-5-2009寫完 3 粒幾鐘字, 決定對自己好 d 到赤柱行0下 hea 0下, 到步先食個茶檔 lunch. 2:xx pm 0黎到, 唔食麵了, 叫了西多士 + 凍奶茶 ($31).凍奶茶夠晒凍, 頗香滑, 甜度0岩0岩好, 正 西多士係呢度「名物」, 即叫即整, 都等了好一陣子先有得食... 麵包脹得似咕0臣, 唔脆, 但食落好鬆泡, 配上面頭的鹹鹹0地牛油, 及份量甜度都剛好的夾心咖央, 完全唔覺得膩, 好好食喎 老式茶檔環境衛生當然唔會好, 而且 30 幾度 mou 0係度都咪話唔熱, 好在有杯凍奶茶頂住0者.放低 $31 (遊客區嘛, 算平喇), 下次試試蛋 + (沙爹)牛麵.下一站去邊度食甜品好呢?

母親節同媽咪, 婆婆, 男朋友一行4人黎到赤柱~當然要食下咁出名既西多士啦~排左一陣隊就到!西多士等左8個字.....一路等老細一路話: 就到ga喇~等多陣~都算做有禮貌!西多士一黎到......好似食油咁law!!!!一放落個口度就成口油......都唔知佢係咪落左d油去塊包度先再整....跟本未食過西多係咁多油ga!你想肥5磅~成口油既就去啦!唔係我完全唔覺得咁既西多要用$18~等40分鐘去食law!!

我係喺赤柱大架!由細到大都唔覺泗益有幾特別，直至我嫁出及搬離此地，卻反而懷念起來，我老公更是一試難忘，幸而外家仲喺赤柱，每次都想順便趕返嚟幫襯（因為佢五點就收檔，所以成日都趕唔切，什麼都無得食，連舊街方都無情講）。今日終於趕得切，所以好開心，尤其是我老公。現在以舊街方身份誠意推介我哋嘅至愛：西多士－－－－唔使介紹，不過要糾正：中間夾著的是他們自制的架央鮮油央多－－－嘩！果塊厚厚嘅牛油，肥到．．．．．．不過，死就死啦！油糖多－－－－牛油多士加糖，你估唔到咁正（以前用粗沙糖，仲正）蛋牛治烘底－－ｄ碎牛煎香咗至加蛋炒埋一齊，出面好少有人咁做（我未搵到）腿蛋治－－－－我亞哥嘅至愛，話火腿係金妹牌，佢話記得叫佢輕煎塊火腿噃！大０樂－－－－底飲，原裝大可樂，好解渴奶茶－－－－－唔係我杯茶，我嫌佢無茶味服務－－－－－一流，熟客會好小小－－－無．咁．寸（我由細見到大，佢哋個樣真係咁黑　　　　　　　架，算吧啦！食飽就走啦！）

這次趕得切尚未關門，仍然是人多，但也不用排隊。最愛的沙爹牛治叫了十分鐘才告訴我們賣完，唯有改叫碗蛋牛麵好了。先來腿蛋治，烘底，份量足，普普通通，簡簡單單，好食。蛋牛面，牛好像是罐頭牛，蛋煎得脆而不老，味道不過咸，不錯。凍奶茶，仍然是那麼甜，不對我們口味。最后來西多士，泗益招牌也。即叫即造，外層脆脆，裡層糖漿滿溢，加上一塊牛油，那會不好味。不過沒有耐性等的，就不要叫了。西多士，沒有不油膩的道理，好吃就可以了，這裡的和出面食到的不同，糖漿是在裡面的夾層，而且蛋漿較厚身，這麼多熱量還是值得的。好在是行山之后才食，感覺上沒那麼不健康。一直都說，做多點運動，就什麼都可以食了。

我與友人在剛過去的星期日到赤柱走走.到這間有著五十年歷史的港式茶餐廳食嘢.需要排隊等候及餐廳環境不重要,卻得不到應有的禮貌對待.等到有位伙計叫我地進去時,卻比已坐在枱的人說:有人.整張枱都是他一樣!當時只有他一個人.我地唯有坐另一張枱.原來那張枱是那個男伙計可能係老闆留比呢個人,再細看之下原來係二打六演員識玩風帆那個.那人態度囂張.叫嘢食時那伙計好犀利唔洗寫單,就好似唸書的對著廚房說.點知真係要等好耐.又要問返我地要咩??想再要加一份西多士,伙計毫無禮貌地說:西多要等十五分鐘,當然不要!之後陸續有客人要西多士,那些伙計就不斷自行將等候時間提升,短短一分鐘內由要等十五分鐘慢慢提升到等四十五分鐘.我也不敢再叫其他食物了!是不是做生意.食品水準簡直名不符實,那個香菇肉絲通粉湯底淡而無味!在進食時見到有些對這間店的雜誌報導貼在廚房,真是笑死人!內容話老闆和藹可親,食物有水準等等.我的感覺是老闆真係唔想我地呢啲二打六客人幫襯!佢會對那些所謂明星嘅客人發揮佢和藹可親的服務態度及提供有水準的食物.是否那些做出名堂的店子,就會有如此了不起的服務態度及食品水準呢!我地快快將那個午餐吃完便迅速離開!也是一

難得今日咁sunshine, 所以就千山萬水去咗赤柱食至出名既西多士, 原來十分之容易搵到, 去到都有3-4個人等緊, 不過吾算等得好耐, 但之後d人就續漸多lu...二人叫了下列食品:餐蛋面 ($14) - 水準都ok 西多士 ($18)- 一黎到, 就快快塗上牛油, 不過第一口食完, 便覺得不外如是, 同埋好似好油 咁, 但無可否認, 真係好軟淋淋, 但我本人黎講, 就覺得"維記"既咖央西多士好食 $18一件實在太貴 凍檸水 ($11)凍檸茶 ($11)還有, 可能人太多, 無服務可言...

打波消耗體力之前, 朋友提議來吃個西多士先.赤柱雖是遊客區, 我常以為只有西餐喝啤酒, 原來也有這間毫不起眼的大牌檔.裏面人山人海, 幾乎每檯也等著西多士, 聽見一位看像老細的男士對著廚房說西多士十七件, 可想而知有幾多人為西多而來.先來的當然不是西多, 是朋友的餐蛋米 + 咖啡.我的餐肉麵跟隨到, 餐肉麵用一丁麵算幾有誠意, 仲用蔴油味哩! 淥得冇偏腍, 是可以的.西多士果然是這裏的名牌, 挾著牛油和糖漿簡直無以尚之, 真的和一向吃的西多士有所不同, 不過等了成二十分鐘先有就見人見智了.謝謝朋友推介. p.s. 不過這裡五點就收工, 要食趁早; 下面價錢又是約數.p.p.s. 味道 4 分俾西多士的.

曾是我一度至愛的泗益, 又來了~~~當然又係叫我既 "沙爹蛋牛治烘底", 一定要叫烘底, 要不然麵包會比較油, 影響口感. 蛋炒得得很滑, 和牛肉簡直係絶配.西多士, 煎得沒有街外的油, 而且夾有大量的奶+牛油, 好好味啊~ 吃後覺得自己肥了五磅, 不過都冇所謂啦~奶茶, 一般茶檔水準, 不過吃完之前的食物已經很飽了~ 雖然價錢來說不算便宜, 但係都直得再排隊