泗益

營業中

休息中

Tried their signature toast and ordered the noodle with salted vegi and sliced meat. The noodle volume was a bit light - not so much; this was a bit disappointed. A very quiet Thursday tea time, probably due to the bad weather.

友人從英國回港...相約第一件事，竟然係去曬太陽@@難得呢排熱成咁...個日氣溫，仲要係33度去到赤柱，貴ge食唔起，只好揀D平平地去試=]之前都諗過黎，但多人到嘔電...所以無緣一試^^今次平日，無乜人...一入去仲有得俾位我揀><一定係叫西多士，再一人叫多碗麵食啦！記得細細個同屋企人去海下灣玩，個時都係食公仔麵的=]仲一定係蛋+腸/餐肉/紅腸...最後我揀左餐蛋麵，友人揀沙嗲牛紅腸麵天氣又熱，又無冷氣，仲要食熱野！！傾左無耐計，熱到講左聲粗口= =野食黎到啦，當然即試西多士啦！！um...真係唔簡單+O+特別在於唔洗落糖醬都夠哂甜@@ (我係勁鍾意甜野的)雖然我略嫌油左D...(頂你，西多士油炸架ma= =)之後試餐蛋麵，我覺得無咩特別，同埋今次碗野堅太油...出住汗，又令我懷念到昔日細個ge情景，好啦唔彈咁多^^整體黎講，咁ge價錢咁ge地方食，算係咁ga la=]不過，我覺得環境方面要改善下...因為我附近ge地下係有個水tum= =好啦，食飽飽，開始出發去海灘！！準備 赤沙印記@四葉草.2 同埋...閉著眼聽一聽海風，從眉心學放鬆=]

入赤柱前在openrice搵定好野食，此店推介甚多。在當街位置，相當易找。下雨天，人不是太多。不過，友人見到環境有點劣，其實不想惠顧。在我堅持之下，才願一試。西多士是招牌菜，原來是免糖漿的。味道很好，口感像有榶漿的。友人叫了蛋牛治，他說這是正宗大排檔整法，很久沒有吃過。食物是相當美味，可惜環境真的是一般。

赤柱泗益 聽過多次，終於可一試排隊等了２０分鐘左右才有位，ｄ人坐係度唔走是因為等吃西多，ｄ西多士逐件慢火煎，所以等好耐．我太餓，即叫了餐蛋面．西多士很鬆軟，不用下糖漿，但價錢要成２０元，，頗貴．茶走（奶茶）尚算不錯，水夠熱！但環境清潔就一般．．．

xdd上次來唔到食....今次特登早d入來食xdd"可能平日來...所以唔洗排隊坐低即刻叫!!!!但心情唔係咁好!!因為把fan吹唔到我地~好熱~~~我地叫左特別多士+西多士+奶茶特別多士好好味~~西多士就油左小小.....不過香港人總抱住人食我又食既心態~~xdd"所以我會覺得好味架!!!杯奶茶夠晒凍...簡直解熱xdd~來到lee度...要食佢既傳統xdd"好小地方仲有大排檔~^^"特別一提~~~多謝對面既情侶幫我們拍照^^"

一流食品, 九流服務.老闆娘總不客氣就係咁, 等左成20分鐘都有.佢識的客人就有得食先.好似結果等左半句鐘先有得食.西多士是咖央西多.不加糖漿, 牛油與咖央味道融和, 不加糖漿也可, 但其實我估加了更美味.$20 其實不太平, 又要等很久, 豬兒仔也生氣, 下次不吃 byebye

趁住未返工，來赤柱拍拖。下午來搵食，走去食西多。 呢日無食晏晝，來到赤柱已經肚餓，一於平平地來「泗益」試下呢度的「無糖漿咖央西多」。原來呢度的西多士是特別軟身的，咬落去同其他地方食到的西多士的口感好有分別，呢種口感可能未必人人鍾意，喜歡的可能會好喜歡，唔喜歡的就會好唔喜歡，不過我就覺得幾好啦！至於味道，呢度的西多雖然無落糖漿，但係因為西多裡面夾有咖央，所以一d都唔覺得淡，又唔會太甜，個人覺得幾好食呢！除左西多外，呢次下午茶仲食左鴛鴦腸（即係紅腸+腸仔啦）麵同腸蛋米，呢兩味就同一般茶餐廳或者大排檔嘅差不多，無乜特別好講。不過兩杯熱飲都係預先落左糖落去的，唔使自己落糖，其實咁都幾好，可以一來到就有得飲，係驚佢落得太重手，太甜，救唔番唧，哈，呢度師傅落的分量又幾好喎剛剛好。雖然呢度的西多士都幾好食，不過要成$20一件，都唔算便宜，而且其它食物又無乜特別的地方，加上呢度話晒係大牌檔，環境就唔係咁好啦，係有d地道風味咁啦，不過如果夏天來幫襯都應該幾熱，所以都係試過就算啦，赤柱咁多嘢食，唔需要專程來幫襯囉。

我好少全部俾一分.環境同的垃圾人客食完的食物,一起食...一路食一路有的好似隔夜餸的味杯華田好似水.最勁飲到最後...有一大塊黑色物體......不放糖漿西多士.西多士最緊要脆....點知超淋....淋到驚,甜到好似將的糖放入口咁...唔怪得唔駛放糖漿....服務得一男一女均是黑口黑面的....這種西多士.絕對不是我杯茶.仲要20元....杯飲品13元好過份

冇糖漿的西多-食落感覺都幾油, 又稱唔上係好食我覺得傳統要落糖漿果d好食d通粉-麻麻地 冇味hot奶茶- 味道一般紅腸 - 好食沙爹牛 - 咸&小小鞋叫嘢食時伙計唔寫單,只對著廚房說.點知又要問返我地要咩??佢地出食物好慢女伙計服務態度都好好

星期六同朋友嚟左赤柱行街,佢話呢間茶餐廳西多士好好味架,唔使落糖醬架,但都好甜好夠味呀.我地臨走前就嚟左呢度試下,坐近門口位置,我們叫左一份咖吔西多士一齊食,每人一杯凍檸賓及凍咸檸蜜.等左唔係好耐就嚟啦.西多士金黃色,上面於左兩片牛油,查落塊多士度即刻溶晒,好香呀,食落口好香好甜好味,西多士入面有些咖吔醬,甜甜地好好味呀.還有好鬆化,唔會好硬,好易入口呀.環境雖然唔太美觀,係好舊式的茶餐廳又唔起眼,但味道好好,朋友話坐近個廚房附近可以見到佢地整西多士,個蛋醬係好高好多泡的呀.凍檸賓一般啦.

o黎到赤柱, 好懷念d茶檔, 更愛我嘅茶走. 見到呢檔排晒隊, 應該ok卦. 咖央西多 - 雖然係要等, 但係眼見佢先將d蛋白打到起晒泡, 然後先再混埋蛋黃再打到好creamy, 而且唔係炸, 係一件件用pan o黎煎, "等"係值得既. 咖央唔太甜, 食落軟棉棉. 正!!!- 花生醬西多 - 呢個係佢哋介紹既, 不過甜咗d, 麻麻地.- 茶走 - 滑就夠滑, 但係茶味濃咗d.

真係名大於實囉4點幾同朋友去到...知要排架喇...唔緊要我地排...入面個男人服務態度係超差!!!!!問十句笞你一句....態度超唔耐煩...生意唔憂做都唔使咁架...諗住都唔緊要....因為真係好想食個西多....但已經火火地同一對情侶搭台...我同朋友因為未食午餐....所以大家叫左一個餐蛋面同餐蛋通粉....仲有西多朋友碗面...係冇味....隻蛋係ALL DONE.....佢食左一半就唔食我碗通粉....係''林''到冇朋友...係接近爛個隻...食左一大半我都食唔落....好喇...等緊主角西多出場....佢好多台都叫左西多....我地同情侶同一時間叫,,,我地之後入左5-6張台.....眼見遲過我地入黎個D已經有西多上....我地已經等左20分鐘....情侶問個男人...''我地叫先架喎''...個男人答''個個都排緊隊架啦..等陣啦''我同我朋友互望一眼....一句野都唔使講....埋單走人...西多都唔等...出到去....個對情侶都走埋...我覺得你個西多點出名都好....唔該留意下D野係邊個叫先架啦...雖然去茶檔都唔會要求有D咩服務態度..但都唔需要咁0既面口掛

今日同男友黎左赤柱拍下拖影下相咁,見呢度d人係咁話個西多好食, 就順便黎下呢間野食下啦但我同男友都覺得間野好難搵, 行左幾次-.-可能兩個都眼大睇過龍掛XD個冇糖漿的西多... 我覺得好普通姐同一般的西多係有分別, 感覺到佢用好多蛋漿黎炸但食落感覺都幾油, 又稱唔上係好食我覺得傳統要落糖漿果d西多好食d喎...另外仲叫左個腿蛋通........真係麻麻地,味道一般, 但d通粉又"林"哂........應該下次再黎赤柱都未必會再黎~_~

店子很好找，基本上背對巴士站就會見到。這是一閒非常非常舊式的餐室，店内到處放滿了食材如出前二丁和黑白濃奶的箱子。我的位上還有一份比人隨手落下的報紙。店員阿姐落單也是用最原始的方法，就是用把口。我的西多等了有十分鍾有多。原來真的軟淋淋好似cushion一樣，同其他的很不同。我想正是因爲她的軟所以令人覺得很油膩吧。自己不明白點可以整到0甘樣，或者浸蛋液的時間特別長，或者她們用的是特別軟的麵包吧。加央味未算很濃，在香港實在很難食到滿意的加央。就算入到Stanley,我都rather食地道的茶餐廳than坐在cafe裏做半天外國人。

在正灘曬完太陽, 吹完海風, 時間剛好嘆番個下午茶. 快步來到泗益, 客人不多, 原來多款美食今天已售光了, 幸好還有我最掛念的西多! 咖央西多 - 茶檔老闆的製法別樹一格, 我見佢打蛋時將蛋黃和蛋白分開, 然後用機將蛋白打至企身成泡, 再加會蛋黃撈勻, 然後將搽咗咖央的麵包上蛋泡, 再放到油中炸至金黃色, 功夫不少! 西多入口時咬口的確比一般茶餐廳的有所不同, 冇咁甜, 好香口! 正!看見有些食評話西多好似揾油浸, 勁多油.... 用油炸嘅西多自然是油浸架啦, 試問那一家茶餐廳的西多不是用油炸的? 我倒有興趣想知道! 的而且確, 咁好味的免糖槳西多, 真係只此一家!