泗益 (裝修中)

成日行開赤柱都見佢好多人排隊, 心諗有咩咁巴閉呀.......所以今次決定排埋一份看個究竟我地叫左- 咖央多 ($16)- 沙嗲牛米 ($18)- 餐旦麵 ($18)- 凍0茶 ($13)*價錢係大概, 唔係好exactly記得叫咖央多的時候聽到個waiter講"前後18件" 米, 麵先來........牛好un, d麵好林.......唔掂再來O tea, 無咩特別, 都ok的.....再等就來了咖央多........一食入口......就明白晒點解always要排隊真係好好食, 不過就油膩左d (but食得ed野都預左ge)to conclude, 入黎食件咖央多好喇......唔洗試其他野p.s. 笑臉同分係俾咖央多的~

環境惡劣，地方狹小，污水滿地，回想比幾十年前的大排檔更差。無服務可言，自已搵位、自已主動叫野食三個人，食左：奶茶 — 茶味重，略嫌奶份量不足，無留意係咪用黑白淡奶餐蛋麵 — 味道可以，有住家煮的味道西多 — 堂煎西多，非油炸多一份甘香，表面金黃，麵包很軟滑，內裡夾著奶油（如果叫佢做介央就唔合格，醬欠蛋香和椰香）放兩片牛油，一個完全唔需要加糖漿的西多，應該係所試過最好食既西多能夠固步保持風味，值得驕傲埋單五十四元另外食左民益既牛腩粉同魚蛋麵，味道很一般

終於等到男友放假 上個星期六就黎左期待已久既赤柱尋食之旅 第一站係呢度黎到都好多人, 等左一陣先有位, 同埋係無人招呼你, 要自己塭位的.不過黎前睇過食評, 已做好心理準備了黎得呢道當然要試下呢度既招牌西多士啦.. 再要多碗沙嗲牛肉蛋麵同凍奶茶沙嗲牛肉蛋麵﹕牛肉唔係化學牛肉, 係比較有嚼勁那種, 開頭覺得鞋, 但男友話越食越滋味呢! 加上麵係出前一丁, 所以特別正, 加埋隻煎得剛好既蛋, 好食 西多士﹕食既第一啖食唔到咖央醬, 感覺似乎有d油淋淋... 但食到有醬果part, 真係好好味呀! 咬落係好好好鬆軟, 唔會太甜, 唔似平時d西多士0甘食完會好滯. 我地坐個位係廚房附近, 見到師父炸之前搽左層好厚好似cream既蛋漿上多士上面. 見到師父都整到無停手, 都真係幾辛苦呢! 凍奶茶﹕茶味香濃, 甜度適中, 很不錯! 之後再加了一個豬扒包, 但質素很一般, 豬扒薄而略鞋, 可以不試呢到係唔會有落單的, 只係靠老闆既記憶力. 難得既係一個人可以記晒0甘多檯既order, 唔洗我地出聲都會幫我地催單, 好記性! 佩服!同男友對隔離既牛腩麵都好有興趣呢下次要試下. 同埋再encore多

是日去赤柱閒逛, 一早諗好要嚟呢度食嘢~因為見呢度嘅食評都唔錯...應該值得一試掛?去到要排隊, 不過都好快有位...環境唔會要求好高, 最緊要食物好味就得啦!叫咗餐蛋麵, 蛋牛麵, 西多士, 奶茶同凍檸水...餐蛋麵都唔錯, 隻蛋仲有蛋汁流出嚟, 只係個湯好杰...好咸...我試咗一舊牛肉, 有少少乾~奶茶啱我口味, 唔太甜有茶味! GOOD!最後嚟嘅西多士, 估唔到可以咁好味!軟綿綿到唔似麵包做出嚟架~好似食緊甜品咁~ 下次一定要再嚟食!!!

入左去同朋友食野環境真係麻麻.旦食物一流!叫左西多士.旦牛治.牛米.奶茶.豬扒包真係好驚喜.因為真係好好味丫個老闆雖然串串地.旦真係又平又好味!奶茶好香好rich旦滑過m記好多倍米粉個味好正!!唔食一定會後灰!我建意外賣.因為個位唔太好坐

黎到D 西多士同出面的好唔同~入面唔用花生改左用咖央~而外面果層蛋漿比出面厚!出面果D 比較硬身 黎到就會比較軟!食完唔覺濟~ 甜度都好夠!不過始終有D失望 ... 因為唔似得食評講得咁好食~食完之後有一種普普通通的感覺...只係做法特別左 ... 味道實際上分別不大!而佢地的檸檬茶好甜... 叫時最好叫小甜...

昨日和女友去行大潭，但見太陽很猛，不想正午時候出發，所以差不多兩點才起行。出發之前當然要吃點東西，原先想去西灣河的“恆河”，不過女友突然話想入赤柱食，她說她姐姐介紹赤柱有間大排檔的西多士很出名，於是就坐巴士入赤柱。由於這間茶檔位置不顯眼再加上我們從未來過，找尋好了一會才找到，而且若不是看到有人排隊，我們都不敢“確認目標”！雖然我倆從未來過，但在排隊期間已經感受到這裡的幾大特色，環境擠迫而且要撘檯、衛生程度有限、甚至沒有任何服務。無錯，就連你排緊隊有位都唔會有人叫你入去，仲要自己去搵位！不過樓面好像得老闆一個，就連負責煮麵的老闆娘也要兼顧收錢、洗碗等工作，難怪招呼會如此粗豪！我們等了一會才有空檯，坐在麵檔旁的一張細檯，有緣看到廚房的部份運作。我和女友坐低後，二話不說就點了：西多士、沙爹蛋牛麵、熱咖啡和凍奶茶！先來的是沙爹蛋牛麵，難得的是這裡用的全是一包包的原味出前一丁，眼見老闆娘很熟練地煎開麵袋，先煮麵的同時再煎蛋，待麵煮好就加味精和麻油，然後再煮熱沙爹牛肉連湯再淋上麵碗。可能是假日加上人多的關係，麵有點淋，而且幾重味精，牛肉亦有點“老”但最驚喜的是這裡是會把預先煮好的沙爹牛肉用煲仔再煮

難得男友從上海回港數天 當然要他陪我盡吃著名美食這兒的西多士($15)果然和外間的分別很大麵包被不薄的蛋漿包圍著口感軟綿 不硬也不脆即使沒有糖漿 嗜甜的我也覺得甜度足夠值得一試男友還要了久違的咸檸碧$13雪碧是另外以玻璃瓶上的

走在赤柱，想吃點港式食物不太難，但要數味道最難忘，一定是泗益的西多士為極品。入口的確幾難看漏眼。入內是很舊的樣子，臺數也不多，找到個空位便坐下來。正上方有把佈滿塵的大風扇...眼不見為乾淨。叫了西多士、沙嗲牛肉蛋麵、咸檸七和凍奶茶。沙嗲牛肉蛋麵的牛肉肉質粗糙，是沒經化學調教過的，看你怎樣想，我就覺得還是食味最重要，這牛肉也算不錯。基本上這個麵是丁麵，湯底也用上一丁調味包和麻油，我喜歡一丁，所以對這也沒抗拒，況且這一丁煮的剛好。西多士被頗原的蛋漿包住，即叫即整，面上簡單的放上片鹽牛油，極品由此生。敢說這是全港最好的西多士，是因為它的濃濃蛋味，和炸到剛好的，每啖有蛋味又有牛油味，外脆內軟的，多重享受。一個人吃上四大塊實是輕易而舉的事了。咸檸七的咸檸夠咸，當然，不想太咸自己就是控制好力度，不要攪那麼大力了。凍奶茶實在過甜，滑都彌補不了。可能茶走更好吧？可惜這次到來是大熱天，實在要叫凍飲呢。這全港最好的西多士，我要Encore你了。另，這兒的老闆也是爽快實幹型，你要他恭恭敬敬的可是要打定輸數了，這兒講效率講直接，請有心理準備。

咖央西多好正呀,,入口軟錦綿,,咖央醬好香,,,件西多士香得黎又唔會過甜可惜,,個環境真係令人怕怕,,"黑蚊蚊",,又冇冷氣,,so我同fd都揀左5點多先去食,,好果唔係,,恐怕我地都係入面熱死左luuu

昨天去食下午荼, 叫占多及西多士, 兩樣都令我非常失望.所謂最出名的西多士, 以前曾吃過, 都幾好食, 但今次不知為什麼, 很失水準, 很油淋淋....占多 ~ 塊方飽烘到好燶......不過, 最差都是服務態度, 想諗下食嘜, 諗多一陣, 佢地都極不耐煩, "jet"你.

星期六，天朗氣清，紫外線指數高企，冇雨落心情都輕鬆d，便出發到赤柱泗益試試好多人激讚既西多士。因為今次係第一次幫襯，原本諗住都要花一段時間去搵目的地，點知原來地點好顯眼，落巴士後遠遠已經望到“泗益”大招牌，興奮至極，因為搭咗咁耐車入到去，個肚已經打晒鼓la。又好好彩喎，去到兩點幾又唔使排隊，實在係意料之外。舊式大排檔格式，位子不多，環境幾dity又昏昏暗暗咁，不過講真，最緊要係d嘢好食。西多士係必叫item，唔單止賣相勁得，上面放有幾塊牛油，棄用糖漿，色澤金黃望見都流口水之外，又有內涵，咖吔醬甜甜哋配西多又勁夾，麵包鬆軟炸得又好香口，我認為簡直係全港至正既西多士。另外仲點咗沙爹牛菠蘿、咖吔多士、熱奶茶及凍檸茶各一杯。沙爹牛配菠蘿包係一清新之作，但菠蘿包外皮唔夠香脆，沙爹牛又過咸，麻麻哋；咖吔多又係好正，麵包烘得唔過燶啱啱好，外脆內軟咁，掂；熱奶茶味濃夠香滑，有特別既茶香，難以筆墨形容。絶對會再嚟幫襯，因為勁正既西多士實在令人一試難忘。

7月1號放假，反正無節目，就去赤柱出名嘅泗益試吓佢嘅西多、牛肉丁同埋奶茶。 都行左兩轉至搵到呢間茶餐廳。行到埋去都好熱呀，又無冷氣。但都要一試啦；兩個人叫左一件西多士、一碗腸牛丁、一碗蛋牛丁、一杯凍奶茶同埋一杯凍咖啡本來想飲熱嘅，但因為天氣實在太熱啦，所以都係飲凍嘅啦。 佢嘅西多士都好鬆化，咖央醬唔係太甜剛剛好；要贊一贊係佢嘅牛肉，好奈無食過呢個牛肉啦，因佢唔同而家一般食肆咁將啲牛肉淹至淋哂同無哂牛肉味；好有口感呀。 奶茶都好滑。總括嚟講都唔失望。ok啦

6月22日, 哈哈哈!! 天氣超級好~~~ 同呀比入赤柱閒逛一下~ 嘩揸咗粒幾鐘車加搵位先入到去~ 黎到好彩唔洗等位, 而且有幾把特大風扇吹住, 先未至於咁熱~::: 西多士 ::: $15塊西多圓圓地好得意~ 面頭只有兩大片牛油, 無糖醬既~ 原來好戲在裡頭!! 西多入面唔係花生醬, 反而係一層薄薄半透明奶白色的香甜咖央醬~ 多士個口感亦同其他西多唔同~ 咬落真係超級鬆發!! 原來老闆先將麵包浸滿蛋黃, 再撲上打起的蛋白~ 真係好有心機, 同埋好好味呀~ ::: 蛋牛治 ::: $11雖然麵包比較軟… 陷料都係薄薄一片. 但係蛋同鹹牛肉混合好先煎, 蛋煎得香, 牛肉仲好脆口!! 所以感覺都好好~::: 凍奶茶 + 凍檸茶 ::: $24唔知係咪西多太甜, 凍奶茶有d唔夠味. 感覺呢度既野飲就無食物咁出色喇.我覺得呢度既食物之所以好食, 係因為整既人有心機~ 肯用多d功夫整到d食物特別d~ 不過d野食portion唔多, 大食的人實唔夠飽啦~ 加上整件西多要10分鐘~ 如果可以涼涼地既日子黎食個tea就最理想!

知道泗益的西多士好好食,所以就想去食下啦佢個店舖好細,一入到去覺得有d dirty,,,而且老細態度真係比較惡劣但係講到咁出名,所以就去試下啦聽說奶茶好好飲,但係自己都係鐘意加啡多d~最後叫左西多士同埋凍啡赤柱係好多赤柱人黎旅遊的地方,但係赤柱冇咩外國人,反而好多當地的人我地等的時候見到泗益所以的2擺設都好有舊大排檔的味道西多士真係好好食,唔同平時係大家樂果d下午茶餐的西多士!甜甜地,好好味呀!! 唔知係用咩整凍啡又唔苦,好有coffee味~~當然係好地道的香港o加啡味~~不是西式的味道我覺得值得去試下,因為真係好好食有機會去赤柱實會再食