泉章居 (已結業)

朋友們一直都說泉章居的食物如何如何美味，慕名而到，發覺食物只屬一般，非傳言中的食過一定返尋味，招牌雞都不外如是，反而覺得街市熟食檔的小菜更有特色，但值得一試的是紅燒豆腐，豆腐好夠滑。整體都只屬一般。

雞有臭針板味，生炒骨不及往時，我冇去成年，不過價錢算經濟。

上次同班朋友9 個人一齊去食，唔明點解個個都話雞好好味，但係我食個隻雞竟然係凍既！唔係下嘛？我完全接受唔到！<br />其他野一ｄ都唔好食，普通過普通，唔係貴但物非所值！

雞很不錯，乳鴿亦不錯。但我最喜愛的是梅菜扣肉，真的好正!!!咬下去肉好像熔在口中似的，又夠味但不會覺得肥，最喜歡配飯一起吃！！好味...^_^...

雞係最好味, 價錢亦好抵, 尤其以晚飯來計.

這間泉章居最好味的是雞！我每次去到都會叫的！而且我覺得晚市套餐的價錢也很合理！

星期六同幾個波友來吃飯，在非典型肺炎的影響下，雖然人已較平日少，但仍要等位，可見經濟抵食的老字號始終有市場。招牌的鹽焗雞當然有叫，有雞味而鹼味恰可，仍有水準，點埋沙薑粉半隻話咁快食完。梅菜扣肉一向是梅菜受歡迎過扣肉，皆因甜甜地的梅菜滲入豬油，故又香又好送飯，亦沒有芋頭扣肉咁「漏」。這裡的元蹄重獻汁，元蹄炆得「林」，先吃肥肉再吃廋的。檸檬鴨是青瓜加鴨件相間，再淋上酸甜汁都幾好味。再加多個菜，位位唔使八十蚊，都唔算太貴。坦白講，食左咁多年都知，呢度菜色不算很精緻，地方亦不是很舒適，始終仲有果種舊式酒家feel。但吃傳統客家菜，印象中除了已結業的醉瓊樓外，就只有呢度。

裝修後乾淨o左又光孟o左好多，不過鹽焗雞依然咁好食及d伙計都係咁寸。套餐好抵食，8人餐5「食送」一湯任揀，只係四百幾蚊。<除了雞外、蒜子蚊班球、生炒骨、粟米魚肚羹…..等好味。

一定要食粟米斑塊和霸王雞,因為又平又大碟又好味道o

唔係呀~<br>我星期四o岩o岩先去食完，都重好好味呀~~<br>冇問題^^<br>粟米魚肚羹一定要試<br>瑤柱肉鬆蒸水蛋冇得頂呀!!<br>正!!!

一向都以為佢叫廚窗居,知道唔係後都係錦叫.D雞都算幾好,65分la,可以好D.其他小菜也算幾好,特別係粟米魚肚"跟"炸大腸個次過火了um....一試無防,但不會是我的最好選擇之一食是很個人的,thx u vy much

最近光顧泉章居, 想不到會是失望而回.芋茸鴨油極, 芋多鴨少, 味寡. 要成七十蚊半隻, 但只得兩三舊鴨肉.另外鰻魚茄子燒更差, 茄子不夠熟, 很硬; 鰻魚炸過, 表皮滿是粉漿, 內裡卻腥而無味.建議大家食小菜, 不如到深水步容記小菜王, 雖然比較隔涉, 但水準高上兩三皮, 價錢平少少, 值得一試!

我上星期才到過銅鑼灣呢間, 覺得都係和以前差不多丫, 係就係都係咁多人等, 但我那晚就有朋友先到, 不用等位...都係例牌叫返食開食小菜, 我就最喜歡吃它的梅菜扣肉, 極度入味, 至於隻雞, 我都仍然覺得ok wor... 好有雞味, 價錢亦十分合理...

以前佢地的貴妃雞好滑好正, 以家已經食唔到啦, 不過佢地其他菜式依然有一定水準, 又平, 不過始終係間老字號, D service 唔會好好o架啦, 但係想食平o野又要好食仲要就腳, 非佢莫屬. 不過一定要係銅鑼灣o個間先得.

去過一次, 雖還未試過很多菜色, 但覺得那兒食物唔係真係咁特別好食, 而價錢亦不十分便宜, 很多舊式茶樓晚市都有這質素啦, 那兒空間又細, 服務又不十分好!