泉章居 (已結業)

魚頭褒味道好淡...魚又唔新鮮 一陣腥味 好難頂!!叫左個羹黎做湯 點知好明顯感覺到入邊既肉唔夠新鮮 唔係即刻飲曬 就會有陣腥味!!仲有個梅菜扣肉 d肉明顯煮得太老 咬一淡係冇辦法分開d瘦肉 局你要一大淡食諗住叫盤辣椒鼓油 由第一道送黎叫....叫到食完都未上...催左三 四次 最後個著西裝既竟然當住我地面話我地麻煩!!態度差到爆 藐嘴藐舌!!!令一位西裝友都只係扮冇事 拍下你博頭同你扮fd!!話冇事 冇做出任何改善及補救方式!搞到成餐飯興到死!!!!唯一味道幾好既係鹹焗雞!!d雞係好食既唔想受氣真係唔好去 態度太誇張!未識過要碟辣椒鼓油要一餐飯 仲當面比人話麻煩!環境好吵經!! 去到已經九點 仲係吵到拆天求其間茶餐廳服務都好d!最少上野都快手啊!!!

今個星期日下午和薑餅人家人去久未拜訪的泉章居吃飯, 但結果因漏單兼多番催促也未上菜這些事件而吃得有點一肚氣.要了冷盤四小碟, 有我喜愛的海哲, 有薑餅人點的千層峰, 也有燻蹄和鹵水牛.主菜有霸王雞, 金銀蛋莧菜和蒸細麟.我最愛沙薑味香的霸王雞, 夾着面頭很多的葱吃最為惹味.金銀蛋莧菜味道稍為咸了點, 莧菜煮得夠淋, 合薑餅人爸爸吃.蒸細麟等了很久才上桌, 但不清一會便清得只剩魚骨.

同友人血拼完第一日的 sogo Thankful week, 搵地方食晚餐。 3個人, 去咗泉章居, 8:45pm 唔洗等位。叫咗個二人餐：魚肚冬瓜羹：好味, 多冬瓜, 可消暑。份量足夠每人有2碗。炸蝦球：熱騰騰, 漲卜卜, 好味、彈牙 (內有馬蹄)。肉排：個汁ok, 不過肉排比較肥, 嚿骨亦比較大嚿, 無咩肉食。另叫2個白飯。泉章居係出名在雞的食物, 不過我地無叫”雞”, 比張點菜紙個侍應時, 個侍應都問：”你地唔叫雞呀?!”哈哈..整體食物係好的, service都ok。 補充體力之後, 我地又再去sogo血拼過………

今晚一家四口BOOK咗章居食小菜，叫咗個4人餐，再加春卷及豬大腸，味道唔錯，雖然人多，但服務也令人滿意。中間有段小插曲，想與其他人分享一下......話說我哋叫啲竹笙雞肉魚翅來到時，細佬一看無魚翅，叫個瘦細部長過嚟睇，咁啱一個肥大部長行過，細佬話「呢個係竹笙雞肉魚翅？」，肥大部長可能把疑問句誤當為問句，佢答「係」，就走咗去忙其他嘢。好彩個瘦細部長幫我哋加水時，見我哋好鬼疑惑，就問個究竟。佢知道件事後，同我哋講SORRY,仲即刻同番個肥大部長講。肥大部長馬上走過嚟講SORRY，還再補送返4盅正牌的竹笙雞肉魚翅比我哋。想藉此讚揚兩位部長的專業態度，錯就認，錯就補鑊，咁先可以贏顧客的信任。下次一定再次光顧。

泉章居這個名字聽就聽了好多年,但一直都唔知佢係食咩嘢!今次食母親節就選了呢度,終於可以試吓啦!訂了檯,7:00pm來到,已經坐滿客人,他們有套餐選擇,都幾抵食!但我們選擇散叫,點了菜之後大約10分鐘,就上菜算幾快!鹽焗雞 ~ 無咩多餘肥膏,食落啖啖肉,點埋個沙薑醬更加正!荔芋香酥鴨 ~ 炸得好脆!食落口唔覺油膩!鴨肉也炸到脆口,所以食落就稍為乾身咗少少!鴨同芋蓉嘅比例就芋蓉多D炸鮮奶 ~ 個脆漿炸得好脆!但就唔係好食到奶味!點沙糖一齊食就會好D,還有,上檯時最好等一陣先食,如果唔係會”辣”親個咀!金銀蛋莧菜 ~ 味道唔會過鹹,菜煮得剛剛好,平時唔”好”莧菜嘅我都覺得好好味!亦都是我們最快清咗嘅一碟餸!仲有糖水送,係馬蹄西米露!真材實料!絕不流水!侍應也好有禮貌

huffy:星期六出街同外父外母食飯兼慶祝母親節, 諗住去旺角泉章居食, 不過臨時改咗去銅鑼灣廣場一期嗰間食, 惡夢就由呢一刻開始.......... 我哋一行6人, 18:00上到去8樓, 嘩, 當時個場部長多過客, 諗住可以慢慢諗吓食乜, 打開menu, 沒有了平日人見人愛的套餐餐單, 換來令人噴飯的母親節套餐餐單, 心諗母親節90% 不做平日的套餐, 算了, 還是問一問經理, 詢問一輪, 但他由始至終只是推介一個$1280 的6人套餐, 係冇任何其他套餐下, 只好選擇此餐...但奇妙嘅事情就發生啦...... 我發現有部長竟然攞住那張平日平價的menu俾其他客 , 我竟係捉住個部長嚟問啦, 佢話呢張menu唔會放係6人枱, 要問至有…….吓! 咁即係多人就唔可以叫平嘢食, 就係咁, 嗰晚完全冇曬mood 食… 所以忠告各位如果真係要去呢間 ”謀人寺” 食, 請記得問佢攞張平價的menu 呀!!!!

3月21日（星期日）晚，是晚和一眾網友出來睇波，當中有相熟的網友邀約一齊吃晚飯，我和女友當然赴約。我和女友準時七時半就來到，其餘網友亦陸續來到，前後十人差不多到齊就開始點菜。其實無論多人還是兩口子來這裡吃晚飯，大多叫套餐為主，何況正式餐牌上的菜式比套餐紙上的還要小，我們當然也是點套餐，十個人點了八人套餐，包五個小菜和一窩例湯，五個小菜分別是梅菜扣肉、海鮮粉絲雜菜煲、蟹肉扒豆苗、炸大腸和生炒排骨，例湯好像是菜乾湯，另加鹽焗雞一隻。來這裡吃晚飯，鹽焗雞幾乎是必吃食物，雖然雞肉尚算嫩滑，但我就略嫌是晚的鹽焗雞不夠鹹香，要多點沙薑醬來吃；梅菜扣肉賣相並不佳，還好扣肉不算肥，但吃一塊就夠了；海鮮粉絲雜菜煲和蟹肉扒豆苗味道夠清淡，健康之選；炸大腸不算肥亦不夠脆，很一般；生炒排骨應該是最穩陣的菜式，不過這碟絕對是例外，排骨上粉太厚，而且碎得像肉丁，甜酸汁亦不夠突出，說是“生炒肉丁”比較適合；例湯就更失敗，菜乾湯有很濃烈的焦味，最後要求經理換了韭黃瑤柱羹給我們，幸好這窩湯羹的味道就正常得多了。人客多而侍應少，服務不算週到，分湯也可能要自己動手，但上菜的速度奇快；地方不大而坐得是意料中事，但坐在最中間或

兩味都係此餐廳的超必, 質素當然冇問題!雞滑又入味, 唔洗點太多沙薑.扣肉入口即溶, 梅菜送飯頂瓜瓜只係扣肉好似細碟左... 39蚊, 定會再來!

朋友終有時間來個晚宴聚一聚, 還要對方請客真的過意不去, 估不到他們也食得很油膩order 了4人餐3餸一湯蟹肉扒豆苗......不過不失吧鹽焗雞半隻..我於5-6年前吃過一次, 估不到現在都是那麼肉厚彈牙入味不錯 梅菜扣肉..這個是我由小很怕吃....因太肥膩, 估不到相隔5年...竟然付能吃了一整 片配白飯.....汁很惹味 海鮮羡....只是欠了少許糊椒粉味.....很開心的一頓飯宴約$410..多謝朋友飯宴

媽咪生日, 一心早成個星期book左食飯, book左七點半(伙記話一係book六點半, 一係七點半), 當日都有人打黎confirm話叫我地去七樓, 當時仲諗服務都唔錯, 會打黎confirm...我地七點五去到, 好多人等緊, 埋去講低, 結果果個經理話ok, 要等第四張, 有冇搞錯呀, 我話book左都要等, 佢話係呀, 其實等一陣我都預左, 但我問佢等幾耐, 佢話:"唔知喎, 要等人埋單先" 果陣時先禁早, 檯檯都剛剛坐低, 等四張咪起碼等個幾兩個鐘, 咁我同唔book有咩分別.最勞氣係有d熟客黎, 佢就好好招呼叫晒佢地上八樓, 我搭lift上去發覺係得幾檯人, 跟本佢就做勢, 淨係志在做熟客生意.難得一家人出去食飯, 仲係媽咪生日, 都搞到咁, 又唔想爸爸媽媽婆婆周圍頻撲去搵野食, 星期六如果冇訂幾難搵位呀!結果我自己周圍去搵, 搵左半個鐘終於在另一間酒樓坐低左, 打電話比媽咪叫佢地過黎, 佢地果邊都係未郁過咯!!所以li間野已經被我delete左, (bad list都唔夠), 比錢我都唔會去, 要受氣o既話, 幾好食都假

好耐之前食過, 不過無咩印象, 難得男朋友翹寶寶提議去食, 就去試下啦.我地7點鐘去到,唔洗等位就叫我地上8樓有卡位坐. 好寬敞. 我地叫了2人餐, 可以簡2個餸, 1個湯. 我地叫了鹽焗雞半隻, 梅菜扣肉, 和海鮮羡. 另再叫了$20蚊的小食涼拌海踅頭加兩個飯.......好大食呀d餸好大蝶,我地兩個都食得好飽喎, 隻雞好滑, 好入味. 個扣肉都唔錯, 唔太肥膩, 連唔食肥豬肉的我都食到. d 梅菜好好味唔太咸,撈埋d肉一齊食好好味呀. 不過鐘意食好傳統好肥肉的扣肉, 可能唔鐘意喇個海踅都ok, 不過不失. 個湯就一般o羅, 無咩味, 不過夠大份, 每人飲到2碗有多.d服務ok啦, 好明顯d侍應好忙, 有時要叫幾次先有人黎, 不過都ok啦, 起麻無留單, 無黑面, 又會加水收野. 不過再遲d去,人再多d服務無做得咁足啦.下次約定翹寶寶再食個..... 你仲唔變大肥佬

阿媽提意出街食..老豆話好耐冇來於是選左呢間...個陣都4點幾5點 BOOK台就應該冇..於是老豆6點到拿位...冇咩人於是俾左卡位我地....一路諗食咩事就好肚餓 ,咁就叫左2個小食...鹵水花生銀魚干 同雞腳 2隻都唔錯特別係個花生好入味得來又唔鹹!扣肉來 雖然唔夠肥..但都好好食..梅菜好多 用來撈飯正!個雞叫左一隻...太多...食唔晒..東江豆腐煲 簡單得來好味芋鴨正 鴨係好少..但我鍾意芋頭多D豆苗我唔鍾意陣味..但屋企人話正..豆 苗一定要夠獲氣..唔可以炒太耐..所以出面食安全D炸鮮奶係好味..但4個人都食唔晒咁多件..服務都算OK 雖然忙 但都幫手換碟同加水 老實講算係咁坐卡位好舒服同埋D野食真係幾大碟,下次再來希望都咁好食

故事大概 :約6.50pm - 6人不用等位.叫了個8人套餐 (5個餸) + 1小食 + 1 糯米飯餸吃到差不多, 還欠糯米飯 ... 追了3-4次兼問是否漏單? 女伙計話她親手寫, 沒漏單!結果 ... 等了好久, 那女計話沒可能那麼久, 再 check .... 回來話"對不起, 廚房漏單!"最終吃完, 伙計好眼明手快收碟 ...... 另一位女伙計立刻給張單我朋友話: "好多人等位, 被番張檯我地"好火滾 , 這樣的態度好離譜, 十分老土兼趕客. (其間好多細節兼伙計/部長不禮貌的說話已不想提了)以後不會再到那吃飯!(何況食物水準已不及以前好)

"今年出去食團年飯, 為咗唔想媽咪辛苦, 決定去泉章居試試, 因為搬新鋪後都未試過."一到第一個感覺係燈光光猛咗, 環境比以前寛敞, 伙記好似去舊轉新晒, 而態度比以前既老伙記好得多, 平日亦無時間限制, 鍾意坐幾耐傾下計都得<食物>2人餐 $168 +8人餐 $598粟米魚肚羮 1大+1細窩 - okay1) 霸王雞 - 招牌雞1大隻, 水準仍然可以保持得到, 肉滑味香濃, 人人讚好 !2) 西檬魚塊 - 酸味適中, 魚塊亦好有口感3) 香蒜帶子蒸豆腐 - 廚師推介, 但我覺得只是一般, 份量亦好少4) 沙爹牛肉粉絲煲 - 好 DRY, 上枱時汁己吸乾, 牛肉亦不吸引, 我覺得改用肥牛會好得多5) 海鮮什菜粉絲煲 - 全晚最差既餸, 好少什菜, 亦好少海鮮, 好似係一個粉絲粉絲煲咁…6) 泥芋香酥鴨 - 整得好好味, 每件既芋頭份量適中, 皮亦炸得好薄, 食完唔會覺膩, 我覺得仲好味過西環X記潮州菜館7) 炸鮮奶 - 好少地方有得食架喇, 水準依舊, 炸得好好味, 但小心燙口另加1) 牛展小食 $20 - 麻油唔夠香, 都係媽咪自家製果d好味d1) 糯米飯(大) $1

一行2人去時代廣場睇戲, 睇到9:30pm, 行番出嚟, 又多人、又封路 (蘋果倒數), 唔打算喺時代果邊食, 向銅鑼灣廣場方向行, 想起都好耐無食泉章居了, 加上31/12, 總覺得唔會太多人食中菜, 應該唔洗等位, 所以就去咗泉章居食我地2009最後一個晚餐。果然唔多人, 唔洗等位。場內食客大約都有7成，我地被安排坐4人位。套餐menu就長賣長有, 再睇睇散叫menu, 發現有炸蝦球 ($108), 我地就雙眼發光, 好想食呀。 點知原來套餐menu都有炸蝦球選擇..太好了, 一個$158的2人餐居然可以叫一個$108的炸蝦球。哈哈…所以我地都係叫番套餐。自選2人餐：海鮮豆腐羹：份量多, 每人可有3大碗。味道ok, 好多豆腐。鹽焗雞：其實泉章居出名2款雞, 就係鹽焗雞&霸王雞, 大部份人會叫霸王雞, 不過我就鍾情鹽焗雞。味道仍然正, 2個人, 一份雞, 仲食唔哂添。炸蝦球：一上枱我地就嘩嘩聲, 因為炸得好靚, 脹卜卜, 仲有8粒咁多, 好開心, 好似去”飲”咁..哈哈。D蝦都幾彈牙, 好好味。(送)糖水：好似係芋頭xx, 不過我唔like, 所以食咗一啖就唔食了。我滿足的一餐, 好