泉章居 (已結業)

對上一次在這間泉章居吃飯已經是上年的事了, 今次去開銅鑼灣, 順便來這裡吃晚飯. 到達時才六時多, 門外雖然人不多, 但內裡幾近滿坐! 我們一行五人, 點了個四位套餐, 另外再點兩個小菜. 來到泉章居, 一定會點它的招牌菜 - 鹽焗雞. 對上幾次的印象是很好定的, 無論鹽焗雞, 抑或是霸王雞, 都是皮香肉滑. 可是, 今次的鹽焗雞卻大不如前. 雞皮十分肥而且很鹹, 雞肉雖然滑但卻不入味, 肉也十分薄身; 水準跟以往的差距很大, 令人失望.南乳粗齋煲的材料很豐富, 有西蘭花, 冬菇, 草菇, 大豆芽, 粟米芯, 豆腐, 筍片, 腐皮, 紅蘿蔔, 雲耳等等. 各樣材料的食味都不俗, 唯獨是南乳味道不足.乳豬拼盤除了乳豬外, 還有常見的义燒, 燒鵝, 還有不常見的雞肝. 乳豬皮香脆, 肉不多; 义燒和 燒鵝的味道一般, 兩者都是偏瘦和偏乾; 雞肝的外層先是用糖製過的, 所以入口較甜, 但又嚐到雞肝的甘味, 口感有趣.老火例湯是青紅蘿蔔瘦肉湯. 這個湯味道不太濃, 只是一般水準, 無甚驚喜.京都肉排的外層由於炸過的關係, 把肉汁都鎖住, 所以肉排吃起來滿有肉汁而不硬, 配上酸甜汁, 酸酸甜甜的

泉章居一向是我跟大夥兒吃飯或跟家人聚天輪的賣飛佛。雖然來過很多次，但寫這裡的食評還是首次。今次首談的不是這裡的食物質數，而是談所有人最concern但又在食評上最小comment的衛生情況。老店一向給人的印象是靠好食物留住顧客，衛生水平如厠所一向慘不忍睹，今次我咁啱肚痛所以有幸檢測一下這鋪的衛生水平。進入前我已準備好最壞打算，什麼沒厠紙，嗅氣奔天，我巳ready!哈！點知一進去完全out of 我的expectation，個厠所重乾淨過我屋企嗰個之餘，重有陣陣花香撲鼻！負責清潔的應記一功。如厠完畢，我的肚立時進入eating mode。我們三個人order了一個四人餐，三餸一例湯。近排真的冇乜記性，呢頭飲完呢頭已經唔記得嗰個叫乜湯。But anyway個例湯好夠味，夠火喉，正！湯渣中的節瓜炆得淋中帶爽，而煲湯豬肉加上辣椒豉油則教我未吃主菜已飽肚。說回主菜，鹽焗雞則永遠是我的必然選擇，雞肉嫩滑，鮮味無比，加上自家制的沙姜汁，不是perfect match 是什麼？豉汁倉魚又是另一鐵膽之選。豉汁咸甜度圴衡，魚則蒸得恰到好處，魚肉剛離骨又不會見血紅色。牛肉炒菜則嫌有點普通，但很有住家風味。

一家人食夜晚飯, 六點鬆 d 去到, 不過都開始多人, 但係都好好彩唔使等好耐, 坐低睇完餐牌, 但係有野唔明, 好聲好氣問位侍應姐姐, 用返唔咸唔淡廣東話答返你, 咁都算, 再問多句開始唔耐煩.. 客都仲未係好多已經係咁, 客再多 d 都唔知點算..?講返食, 四人更係 order 四人餐, 一湯三送, 另外再加多個送, 包括招牌鹽焗雞, 中式牛柳, 炒通菜, 同一個班腩煲, 送 d 味道都唔錯, size 都適中.. 加埋飯其實都夠晒飽, 不過撇除食, 侍應唔會沖茶遞水, 叫佢加水慘過叫乜咁, 就連賣單都好似懶懶閒咁, 由叫賣單到俾錢足足等左幾個字.. 以泉章居咁有名幾食店, 如果服務可以再好 d 既話, 咁會更加好..

My hushand and I have dinner tonight around 8:30pmthere are nearly full house ( i think it is nearly to mother's day)However, their service is very poor, especially the waiter, they are rude and black in the face.the quality of food tonight is very poor - i have been there many many time (but it is good in the past, my husband and i always go there to have dinner) the choice is very little to chose.- most of them is the set dinner, if you do not choose the set, then nothing to choose!!

好友懷了寶寶之後，第一次跟大家聚餐，看著她腹大便便的樣子，很是幸福。席間各人熱烈討論大肚婆的飲食禁忌，主人家卻笑我們過份緊張，吃得健康一點也不錯呀。最後柯打了四人套餐，可以自選三餸一湯。包括：豆腐海皇羹、蒸水蛋、上湯豆苗、黑椒牛仔骨煲。侍應見我們沒有點招牌菜，著力推介霸王雞及盬焗雞。其實她的積極態度值得欣賞，但當我們禮貌拒絕後，她即時黑面的態度卻令人受不了豆腐海皇羹：材料很充足，份量亦慷慨，每人兩碗亦有餘；但質地過份杰身，而且沒甚味道。蒸水蛋：雞蛋不算滑溜，加上肉碎瑤柱，搭配得宜。可惜豉油太多，稍為味濃。上湯豆苗：豆苗鮮嫰無渣，配合清甜的上湯，煞是好吃。少量的雲腿絲，更能帶出蔬菜的鮮。黑椒牛仔骨煲：熱辣辣很惹味，牛肉不算太嫰。煲仔有生根墊底，盡吸醬汁的精華，不錯。木瓜雪耳糖水：免費贈送的真材實料、甜度適中，感覺很滋潤。每人埋單百多元，吃得飽飽的，下次會再來開飯在這裏祝福老友身體健康，寶寶肥肥白白

之前寫過呢間酒樓的霸王雞最好食，又滑又嫩；但其他嘢食的水準就越來越差了。今次想講吓服務：可能由於今晚有好多人食團年飯，D侍應生個個滾水淥腳，十分忙碌，無論斟茶的、送飯的、遞茶的阿姐阿哥，每當經過我後面的「走廊」時，都踢了我的櫈腳一下，我們吃了約一小時半，一共被踢了40幾下。由於位置擠迫，侍應生均叫我側身坐，然後才可以加水、換碟、分湯等。食完後，剛叫了埋單，仲等緊簽信用咭，想慢慢收拾手袋，侍應生又叫我側身坐，拿拿林收碟和搬櫈...唉！我全程坐得唔安樂，不能坐定定食餐飯...好辛苦...他們應該多位客人設想...

3點幾打去BOOK左位, 食6點半, 安排座8樓.好多人, 差唔多全滿.當日有自選餐叫, 其實唔貴. 8人餐都係HK$590. (1湯5送)其實我覺得如果8個人食8人餐, 明顯係唔夠食.我地5個人都食8人餐仲要加多1個送.8人餐叫左:1只鹽焗雞: 幾好食. 雞全熟, 骨冇血, 但好滑, 連雞胸都滑, 係就係冰鮮雞, 但OK WOW! 半只八珍扒大鴨: 鴨唔夠林身. 好似鴨有鴨整, 汁同D八珍直接林上面就算0甘.唔夠熱. 但D八珍都好食. 骨髓三鮮: 好食. 骨髓三鮮全部入味, 但又唔會太林.煎封釀豆腐煲: 好食. 豆腐好滑有豆味, 入面舊肉爽脆, 應該好多肥豬肉. 但AUNTIE話佢冇炸過, 面頭又冇層脆漿, 所以唔鐘意WOW...唉....我就鐘意0甘整法LOR.....真係人人唔同口味.梅菜扣肉: 好食. 味較得好. 梅菜吸左D豬肉油香. 正. 豬肉同肥膏都有幾層, 但一D都唔油膩, 好食. 但人地舅父又話唔夠肥WOW, 應該要D肥膏仲陣陣下先叫正宗WOW.....DD真係要搵個食家講下先知了. 鴨絲羹: 好差: 有色豆粉獻但冇味. 唔夠咸. D料又冇味. 鴨絲又鞋. 一碗都食唔晒

Boxing Day, 但係好想食中菜，搜尋Openrice見到泉章居，自從佢搬咗之後都未幫襯過，又見到鹽焗雞的相，口水都流哂。知道假日會多人，六點已去到，不須等位，仲有房坐。兩人套餐($168)鹽焗雞一碟︰名不虛傳，雞肉夠滑，鹽味剛剛好！梅菜扣肉︰半肥瘦的豬肉好香，梅菜亦不會太鹹。例湯︰今晚係金銀菜煲豬踭，好清甜。白飯$12︰呢個價錢係貴咗少少，但係冇咗佢又點食梅菜扣肉！魚湯米線$16︰相比起白飯的價錢，呢個抵食好多。好滿足，而且好抵食。之前有幾個食評都話服務惡劣，但係招呼我地個阿姐都幾好，又主動介紹我地食套餐，整晚的服務又快捷。不過門口個知客就真係有點粗魯。七點鐘離開時已經全場爆滿！

今天全家慶祝冬至，呢度算是比較抵食的地方。叫了八碟餸，其中霸王雞仍能保持一實水準，好好食。蒸黃立倉唔錯，肉質嫩滑。黃金蝦很香脆，也很入味。唯中式牛柳只得半碟，由於落得太多肉鬆粉，所以冇晒牛肉味，洋葱也不夠諗，大失所望。一向以來，喜歡這間酒樓主要是因為食物質素唔錯，又十分抵食。但而家的食物質素比以前差了，之前我寫過，招牌菜「大良炸鮮奶」竟然變了質，沒有鮮奶味，只有蜜瓜味，好奇怪！希望呢間酒樓繼續改善食物質素。

我地點菜叫＂石蚌＂，點知佢嚟左一條唔似＂石蚌＂嘅魚，問佢呢條乜魚，佢話係＂細鱗＂然後我話我叫左＂石蚌＂，佢就話＂噤呢條就係石蚌啦！你話係乜就乜啦，你係客我又唔可以駁你咀。＂然後就走開check單，返嚟就話張單寫＂石蚌＂廚房應該無俾錯啦！無野可以做到！（全程黑面講野）我地就話即係西芹=西蘭花啦！無講野走開！乜野服務態度？？

很久沒有召集當年的大學舊同學一齊聚了（有些更是畢業後16年都未曾見面的），多得Ella協助，才能召集5個同學（其中一位帶同太太）一齊晚飯。既然那麼多人，自然選擇中菜館為上算，因而揀了泉章居，一星期前訂座，安排了我們去八樓。他們讓我作決定，最後我揀了一個半席的套餐（$880），菜式有：燒味拼盤沙律海鮮卷上湯豆苗海皇羹蒸魚鹽焗雞羊腩煲（配生菜）生炒糯米飯加飯後甜品：芝麻湯丸食品都是中上（沒有高級食肆的精美），但可以讓我們一班舊同學可以相聚，細說當年往事，卻是值得一試的！

年幾前,係旺角食過,幾好...估唔到,銅鑼灣呢間咁差...環境與普通酒樓無分別,D碗又洗唔干淨只係賣個名, 唉...叫咗個2人餐($168, 一湯兩餸)加個糯米飯($60)茶位2位($12)共$264湯 : 鴨絲羹 (普普通通)兩餸 : 明爐烏頭 (唯一好食的) 海參煲 (普普通通)糯米飯 : 勁多油 去普通酒樓仲好...唉....

訂了位，星期日家庭聚餐。我本是訂 晚上7:00 但接電話的男人說只有6:30 或7:30 ，反正食飯30分鐘前後本沒問題，點知他說要 8:00pm "膠袋"(廣東話說不正)。我反問是不是8:00pm 要走，如8:00pm要走我不用訂了。之後他說先訂喇，盡量8:00pm至8: 30pm文枱，我說要限時間不用了，他又說沒有限時間的，盡量喇。看心情會不會去食喇，用多點生意情有可原，建議不如改做自晚餐(分時段)。

前兩星期二, 偕家人食晚飯, 坐八樓, 早一日 book 位由老婆發板, 有幾個小菜:-乳豬拼盤, 一般, 略為太乾-霸王雞一隻, 真係幾"霸"下, 好味, 唔算"鞋", 食唔晒打包返屋企-蒜蓉炒菜, 好大碟-豉汁蒸鱔, 熱呼呼, 唔錯-原個冬瓜盅, 材料夠多, 但大路貨, 勝在瓜甜夠熱-海參煲, ok 啦好似仲有小菜, 忘了尾送紅豆沙最正係霸王雞, 其他小菜ok, 份量算大碟, 包你夠食為番 $180 位, 係銅鑼灣地段, 算係咁啦

泉章居成為了我們的家庭飯堂，最主要的原因是「抵食」。冬瓜盅：都幾清甜。脆皮乳豬塊：都幾脆，但有D乳豬塊都幾肥。霸王雞：這是我們每次來都指定叫的餸菜，因為D雞都幾滑，配以大量香葱，十分惹味！黃金炸蝦：有D蝦比較細隻，太鹹！大良炸鮮奶：以前好好食，但而家改為蜜瓜味，完全沒有鮮奶味，真怪！應該改名為「大良炸蜜瓜」，下次不會再叫了！蒸鱸魚：條魚都算滑！