河內越式料理

營業中

休息中

🥵依家天氣熱辣辣🔥🈶️陣時都想揀啲開胃啲嘅菜式食🌱今日揀呢間越南菜價錢又經濟又實惠😋味道仲唔錯添🥳🥳🦀️順化蕃茄蟹肉扎肉湯檬 $67🌈湯檬最緊要梗係嗰啖湯頭啦🔥呢個香濃嘅蕃茄蟹肉湯底好少見到😋配埋越南🇻🇳嘅香料同埋芫荽超正呀🌱估唔到「蟹味」同埋「蕃茄味」都一樣咁突出🥳亮點係啲豆卜❤豆卜索晒啲蟹味同埋蕃茄味👍真係絕配🥳🥳💯🈵呢個夠晒特別👍一定要試呀🥳🐂河內生熟牛肉湯粉 $66🌈 今次我就揀咗「河內生熟牛肉湯粉 」🐃佢哋嘅生牛肉肉色夠鮮紅又🈶️光澤👍而且肉質仲好鮮嫩添😋配埋芫荽等香料🌱味道好清新❤口感豐富🐃鮮甜可口喔🥳🥳🍡小食🌈▫️越式炸蝦餅 $29🌈呢個人手打嘅越式炸蝦餅口感夠曬彈牙🔥而且仲酥脆可口添😋必食小食👍👍▫️越式香茅豬扒 $23🌈呢個香茅豬扒醃🉐️好入味呀😋香茅味濃又清新🌱薄薄地煎完仲好juicy添🔥正呀喂🥳🥳☕️飲品🌈▫️熱蜜糖柑桔 $22▫️檸檬蜜糖姜茶$22

呢一間位於旺角有好多分店環境細細但係好容易搵得到位於太子同旺角嘅交界服務員超級好10分有善佢哋主打越南菜式有飯有面有檬粉佢哋嘅河粉超級大碗 特別推薦佢哋嘅番茄扎肉河粉 味道好好食好夠味道 仲有佢哋嘅河粉又彈牙有口感 扎肉亦都有好多塊 超級好食仲有佢哋有特色飲品全部都係來自越南我哋嗌咗椰汁珍多冰 同埋芒果西米露特別適合而家炎炎夏日 超級大杯凍飲 價錢尚算適中好適合大家 唔會太甜亦都唔會太肥我哋亦都有好多小吃食咗特別係豬頸肉超級好食

近排天氣熱， 食酸野就最開胃，而食越南野就最適合。 而我今日冇揀選湯河或者撈檬，反而揀左越南豬扒法包，想試下佢同其他鋪頭既法包有咩唔同。法包上菜時，餐廳已經幫手切開、分成2件。第一啖咬落去， 個麵包皮偏向硬硬脆脆既口感，都易咬開。不過因為都好脆口，一路食一路飲水會冇咁乾。而豬扒道好厚身，蔬菜同醬料份量都適中，味道不錯。午餐想輕食，呢個法包會係唔錯既選擇。

今日去尖沙咀行街，順便同表弟去食越南嘢。「河內」鋪面唔算大，但裝修好有越南風味，呢間舖都好出名，好多人食，食好嘢都唔介意等下位🤗🤗。叫咗個🍤蝦餅越式檬粉，再加個香茅豬扒河粉，再加兩款小食，仲有兩杯嘢飲。個蝦餅係自己手打㗎，所以好彈口，味道都好食。呢個最出名嘅係佢個生牛肉河，但係我話佢個香茅豬扒都做得非常之出色，好有驚喜，如果食牛肉河食得悶可以試下香茅豬扒🐷，十個推介，係我暫時食過最好味嘅香茅豬扒河粉兩款小食都唔錯，春捲同雞翼，各有特色同表弟家玩食。最後配埋杯三色椰子冰，完美組合🤟🏻🤟🏻環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️

打風前夕熱到不行，只想食番啲清爽既東南亞菜式，路經尖沙咀站見到呢間餐廳係全場滿座咁滯，咁受歡迎應該頗為好食，就揀左佢試試。場內座位頗窄，不過旺區租金昂貴之下都可理解。越式菜點可以少左撈檬，香茅豬扒撈檬係經典菜式。注入左撈檬汁後，甜甜酸酸味道清爽，青瓜絲同蘿蔔絲十分多，而豬扒既調味都剛好，唔會太鹹。生牛肉湯河都係另一必點，青檸、辣椒同香葉都有提鮮作用，牛肉喺熱湯灼得僅僅熟，肉質都算係嫩，湯底則有點鹹。跟餐小食一：炸蝦餅頗香脆，新鮮炸起要趁熱食。跟餐小食二：燒豬頸肉則味道稍遜，肉質偏肥無咁爽口，下次可不叫。

尖沙咀最近開咗一間新嘅越南餐廳即刻搵住喺附近嘅朋友落嚟同我一齊食吓。餐廳以越南傳統的佈置裝修，以木系為主色。餐廳員工非常主動落單，服務態度非常好。越式河內三寶飯原來河內三寶飯係放香茅雞扒、香茅豬扒及扎肉跟白飯，再配上幾條豆角同生菜伴碟。 還跟一個汁比我哋送飯食。 越式炸春卷炸春卷炸到金黃鬆脆裏面有蘿蔔絲木耳絲仲有豬肉非常健康越式豬頸肉越式豬頸肉炸到外皮肉質非常之爽口，送湯粉一流。龍眼冰龍眼冰非常足料，好重龍眼味。 仲有粒粒龍眼，可以飲完龍眼水後，再食埋龍眼肉，大滿足！越式青檸冰飲品加咗好多青檸，入邊好濃青檸味。 酸酸甜甜，非常適合宜家夏天飲用、非常開胃。順化蕃茄蟹肉扎肉湯檬第一次食呢款咁特別嘅越式粉麵，好少喺越南餐廳有得叫順化嘅湯粉。 一嚟到就見到成碗橙BB，好足料嘅湯底。 湯底係用蕃茄同蟹肉煮成，配上扎肉，再加埋晶凝通透嘅金邊粉，冇得彈再。 非常健康，該店煮嘅金邊粉份量非常之多，足夠兩個人食用。價錢CP值都高，值得回頭再幫襯。

天氣熱辣辣最啱食啲清新又開胃嘅菜式～ 小店主打正宗越式料理🇻🇳 主菜分為湯粉、撈檬、飯同三文治🥪 而小食就有炸春卷、香茅雞翼、炸蝦餅、豬扒、豬頸肉、仲有特別嘅炸軟殼蟹同沙律類等菜式☺️ 食物選擇繁多，老少咸宜，價錢親民而且地點超級方便😝 最欣賞係店員熱情嘅服務態度😊 正呀😙🍅 順化蕃茄蟹肉扎肉湯檬 濃郁嘅蕃茄湯底配上粒粒蕃茄同蟹肉，味道酸酸甜甜咁好開胃☺️ 扎肉夠厚切而且豆卜同湯檬吸飽囇湯底嘅精華，整體足料又美味👍🏻🐮 極品牛三寶湯河粉 牛三寶包括牛腱、牛丸同牛肉😉 牛腱厚身但軟腍，牛丸彈牙爽口，牛肉上枱時仲係半生熟添😆 超有驚喜☺️ 湯底顏色比較深，牛骨味好鮮甜，飲完又唔會覺得口渴，值得一讚👍🏻 另外河粉薄身幼滑而且份量都唔少😎 整體十分足料，性價比都幾高🥰🐷 越式豬頸肉 邊位帶點焦香味但中間保持到軟嫩嘅質感，搭配酸甜醬簡直不得了😜🦐 越式炸蝦餅外皮爽脆，炸粉唔厚，咬落去超級彈牙同juicy而且仲食到粒粒蝦肉添😙 超高質😝🫘 椰汁紅豆冰椰味較淡但解暑一流😋 可以一試！🥭 鮮芒果西米露呢款飲品喺越南餐廳都係第一次見😗 整體偏流質而且椰味比芒果味較出，唔太鍾意食芒果嘅可以試試🤣

係尖沙咀返工，同事介紹呢間，佢地話幾好食。我之前只係食過幾次越菜，都幾鍾意越菜嘅味道。而最鍾意嘅就係生牛肉柯粉。今次去叫左個生牛肉柯，我問過下午茶餐係一樣份量，但係便幾蚊，我就叫左下午茶餐，份量都幾大。48蚊，其實幾低食。我無叫野飲嘢。但係意外地發現佢地嘅比嘅茶都幾好飲。有啲似米茶嘅味道。辣椒係分開上，自己睇份量。個辣同酸反而帶出左一種好似新鮮嘅味道。牛肉都幾唔錯，幾滑。餐廳環境算唔錯。啲啊姊都幾好人，行出行入都會提你小心。48蚊真心抵。

河內越式料理📍 尖沙咀堪富利士道10號號地舖極品牛三寶湯河$70有生牛肉、牛展、牛丸覺得牛展同牛丸好彈牙配埋蔥花、薄荷葉&洋蔥🧅配埋河粉同牛骨湯～食落好有層次湯底清香，飲完唔會口咸完全唔覺有味精👍🏻越式咖喱牛腩飯$62咖哩唔會好辣，牛腩幾淋滑每個餐都可以優惠價+＄29配小食叫左兩款👇🏻豬頸肉燒得好乾身，香茅味蝦餅彈牙～炸得好金黃～炸粉唔厚👍🏻越南滴漏咖啡+$18有回甘唔苦澀羅望子冰+$12 酸酸甜甜又開胃

如果有去過越南應該知道pho和冰滴咖啡有多麼便宜大碗美味記得以前飛越南時由機場就開始吃當地地道美食那種興奮的感覺恰逢大雨 尖沙嘴想要搵餐廳 下午茶and避雨 就撞到這間小店初初時是被餐廳的裝飾所吸引 綠色復古sofa 很考究的燈光 牆上象徵越南風情的金屬斗笠裝飾 很適合這樣一個雨天menu折疊式 簡單易懂 一眼可以看清大概菜式 他們的主菜分為 湯粉 撈檬 三文治 飯 四大類 與一般越式餐廳相若當日因為落雨想要飲湯 點了如下菜式1 慢煮番茄湯碎碎蟹肉大碗湯河（走札肉）2 小食配 生菜碟3 飲品。三層椰汁西米冰因為不吃豬肉的緣故 特地叫餐廳走掉札肉 他們也沒有嫌我麻煩 （點菜姊姊很warmhearted）上菜真的超大一碗  有點被嚇到 - 如果女生可以2人share 一碗都可以吃到很飽的程度蟹肉新鮮白雪雪 入口即化。而且因為沒有要札肉的緣故加多幾塊豆仆給我 吸滿湯汁 酸酸甜甜很好吃配菜方面有超大量的肉碎（女生光是吃肉碎都可以吃飽） 芽菜 令人驚喜的是還有獨家好吃的豆腐碎 口感有點似豆花 湯汁不會過鹹 過度味精味。反而是撲鼻的滿滿番茄香 好喜歡另外有一小杯青檸 與紅辣椒碎 愛吃辣椒的朋友可以

好耐冇食過越南嘢，近排腸胃唔好，食清少少去咗尖沙咀食越南嘢，叫個湯粉都可以好好食香茅豬扒河粉$62個湯底好好味，牛骨味幾濃郁，但係又冇話好肥膩豬扒葉得好入味，炸得又夠脆蕃茄蟹肉扎肉湯檸$67蕃茄味酸酸甜甜，岩曬夏天食，夠開胃蟹肉配蕃茄湯底，鮮味天特出越式豬頸肉$29豬頸肉偏厚身多肉，都幾爽身，不是略嫌唔夠脆紅豆冰$28紅豆起沙好正，飲完D椰汁忍唔住食曬D紅豆杞子龍眼茶$22腸胃炎完要叫番杯養生飲品，龍眼茶飲完成身暖曬

河內越式料理 (尖沙咀)尖沙咀堪富利士道10號地舖308 順化蕃茄蟹肉扎肉湯檬 $67扎肉香，湯底夠味，檬粉彈牙，蕃茄蟹肉配合整碗粉好夠料好豐富！614 順化牛肉煎蛋飯 $62牛肉煮得相當入味，味道濃郁肉質嫩滑，配埋隻煎蛋，整個飯都非常豐盛。501 粵式炸春卷兩件$21春卷非常足饀，皮薄炸得啱啱好香脆，咬落去個皮口感相常好，然後滿口都係滋味嘅饀料，非常滿足！504 越式香茅豬扒 $23豬扒肉質軟熟，非常香脆嫩，香茅香有利去除豬肉本身腥味，處理得宜，抵食！217 龍眼年 $28清涼解喝，夏天消暑嘅解渴飲品！211 越南滴漏咖啡☕️凍 $30非常濃郁嘅咖啡，調配得啱啱好，提神醒腦，香淳奶滑，正！

好味越南菜餐廳香港其實好多越菜館，但要做得好，實屬不易！呢間同朋友成日去，都有好幾間分店！今次又去，叫左兩個主食，越式河內三寶飯（豬扒，雞翼，扎肉），份量好大，豬扒大大塊，好入味，雞翼香茅味濃，同厚切扎肉，好滿足，好豐富！另外叫左個生牛肉湯河，好大碗，牛肉大大塊，好飽！小食叫左蝦餅，好大塊，又彈牙，送飯一流！生菜都好新鮮爽口，又清甜！凍飲龍眼冰好甜，楊枝甘露又係好好飲！除咗味道唔錯，足料，份量大之外，價錢都好抵！呢間係長期飯堂😊下次經過尖沙咀又去先，位置好近地鐵站，就腳方便！

近期常食越南菜, 貪其快捷方便, 又齊豬、牛、雞肉, 還喜歡它那個青檸辣椒魚露, 酸、辣及鮮, 拈河粉食真係一流, 今日就係尖沙咀站附近的河內越式料理食越南生牛肉湯河。店內提供多款傳統越南美食, 湯河、越南撈檬少不了, 最愛是越式香茅豬扒, 不過剛剛食完冇耐, 今日叫咗碗生熟牛湯河。**河內生熟牛肉河粉 ($66)先飲頭啖湯, 湯底有淡淡的牛肉香, 唔過鹹, 還有少許甜味, 湯河大大碗, 份量極之多, 生牛肉嫩嫩的, 呈粉紅色, 浸落啲湯度好快熟, 入口鮮嫩, 熟牛肉就比較有咬口, 牛肉味相對較濃, 配料有洋蔥、爽口牙菜、九層塔、香葉及大量蔥花,  併埋微彈河粉進食, 加少許魚露青檸辣椒汁伴食, 美味。**日式炸蝦餅 (追加$29)蝦餅炸得乾身, 邊皮脆脆的, 有點像食煎荷包蛋的脆邊,  內層卻爽口彈牙, 鹹鹹香香的可口小食。  **椰汁紅豆冰 (加配$12)熱辣辣的夏天, 凍飲爽啲, 好重椰香, 仲有粒粒香甜粉棉紅豆, 甜度適中, 夠冰凍。

今日嚟尖沙咀shopping，諗全食埋晚飯先走，見到呢間越式料理，都幾多人幫襯，價錢又夠晒親民，所以決定食呢間✌🏻越式香茅雞翼撈檬 - 香茅雞翼炸得金黃酥脆，表皮脆，肉又嫩，熱辣辣咬落夠晒juicy；檬粉勁大份，撈埋啲甜甜辣辣嘅醬汁，勁醒胃🤤雞絲湯河粉- 呢碗湯河粉好足料，湯頭香濃，河粉又夠嫩滑，又掛到汁，食得好滿足；雞絲都份量十足，啖啖都係肉，正啊😋燒豬頸肉- 豬頸肉切片好平均，唔會太厚，外皮燒得香焦微脆，又夠鹹香，口感勁正😋越式炸蝦餅- 蝦餅炸得好香脆，炸粉唔厚；蝦肉嫩身，彈牙爽口，沾埋啲酸辣醬，風味即時提升，好好食😆椰汁紅豆冰- 椰汁紅豆冰冰涼香甜，椰汁味好突出，紅豆綿密，又唔會太甜😚龍眼冰- 龍眼冰入口清甜，大粒粒嘅龍眼肉爽口，甜度適中，好解熱👍🏻