影片
營業時間
今日營業
11:00 - 22:30
星期一至日
11:00 - 22:30
以上資料只供參考, 請與餐廳確認詳情
食家推介
🧡💛💚性價比高越南菜🥗尖沙咀嘅餐廳真係好多，唔同菜式都有🤣夏天就最啱食啲開胃啲嘅！😋行下行下，見到依間越式料理，價錢親民又多選擇，就食佢啦！😍💚青木瓜沙律💚 $74先嚟一個青木瓜沙律開胃！青木瓜沙律嘅味道清新，而且好爽脆🥗估唔到上面仲會有鮮蝦，份量好足夠！性價比好高！😆🧡越式豬頸肉🧡 $74燒豬頸肉嘅香味未食已經聞到啦！豬頸肉嘅油香肉嫩，外皮仲會有少少焦香味道，食嘅時候好滿足！🐖💛安南鮮蝦米紙卷💛 $54每次去到越南餐廳都會必食米紙卷，因為佢口味清新，仲會有米紙外皮嘅軟糯口感，口感豐富入邊仲有鮮蝦增加鮮味！🦐🤎濱海伴牛肉串燒🤎 $94串燒有唔同肉類選擇，今次揀咗牛肉串燒😆牛肉又嫩又juicy，仲好香添！配埋醬汁一齊食，越食越過癮！🤩依間越南餐廳嘅性價比好高，份量十足，食得滿足🤩！主食類選擇都好多，下次食埋先！BTW記得save post，方便向店員查詢有關餐點啦❣️📍河內越式料理📍尖沙咀堪富利士道10號地舖
繼續閱讀
今日喺尖沙咀嚟到晚餐時間 經過呢間 河內越式料理 就有啲想食越南菜 咁就入咗去食啦～ 坐低睇睇餐牌 好多選擇 除咗平時會見到嘅越南湯河、檬粉、米紙卷等等 呢個 濱海類 好特別 想試試😬 極品牛三寶湯河 $73三寶有生牛肉、牛展、同埋牛丸 個湯熱辣辣拎上枱 睇住啲生牛肉慢慢變熟 好治癒😌 三樣食落都有牛味 牛展炆得夠淋又入味 牛丸爽口彈牙 河粉幼滑 好味😋 越式豬扒包 $54食越南菜必點嘅越式三文治 好足料！麵包啱啱烤好 又脆又熱辣辣😍 豬扒大大塊 加埋配菜同沙律醬 好好食😇 越式炸蝦餅 $33炸得香脆唔油膩 蝦餅彈牙 配埋酸甜醬最夾！ 濱海伴豬頸肉串燒 $94食過咁多次越南菜 第一次食呢個濱海伴 有驚喜🤩 淨係上枱嗰下已經覺得好大碟好足料 店員姐姐應該知我第一次食 好細心教我點樣食😬 米粉加咗撈檬嘅湯 酸酸甜甜好開胃 用生菜包住配菜、米粉、同埋豬頸肉 再加少少沙嗲醬 加埋一齊一啖擺落口 好正😌 大推👍🏻 牛油果沙冰 $36唔會好甜 打得細滑 仲食到牛油果肉添😗 推👍🏻 冰鎮凍奶茶 +$10跟餐加$10就飲到冰鎮凍奶茶！咁就唔會俾啲溶咗嘅冰溝稀咗啲奶茶 香濃又滑 不錯😌 整體嚟講 呢間 河內越式料理 店內環境不錯 店員服務態度好 食物質素有水準 下次要再試吓其他濱海伴😇
繼續閱讀
✡️極品牛三寶湯牛展、牛肉、牛丸各有三件。牛展 都幾大塊同埋厚身、牛肉 肉質軟腍、牛丸 口感唔會硬實。湯底鮮甜，唔會得個鹹味金不換 同埋芽菜新鮮，連埋粉麵餸菜一齊食，係越式湯粉嘅精髓同靈魂，如果再多d更好。✡️越式豬頸肉蛋飯豬頸肉 大大塊，肉質軟腍，唔會乾柴。炸蒜、蔥油 增加味道層次，如果再多d就會更好。✡️越式炸蝦餅（加配）蝦餅幾厚身✡️越式豬頸肉（加配）份量都唔少✡️熱檸檬蜜糖薑茶幾好飲，薑唔會太辣餐牌好多選擇，幾乎你想食乜越南菜式都有，下次會試下越式法包。
繼續閱讀
多分店越南嘢食 河內pho尖沙咀A出口一出店舖平日都好多人食 ~等一下就有位裝修簡單~典型快餐格局落單冇幾耐，大概8分鐘到內就有嘢食上到～叫咗扎肉湯河，牛肉沙律再加咗一個沙嗲雞肉串個湯河上都好大碗 味道都OK～正常水準（唔太喊～無口乾牛肉沙律好精緻，同埋見到佢好有心機撈勻擺盤雞肉串燒上得最快 微温～肉質都可以接受似飲品青檸梳打～冰底+soda上總括依然Lunch 份量好夠食又快~時間都五以35分鐘内食完+行陣先返公司。
繼續閱讀
天氣熱辣辣冇乜胃口食越南菜係一個唔錯嘅選擇喔！-🍜越式香茅豬扒湯粉（$66）湯底味道濃郁落埋指天椒同青檸滿滿越南風味呢！而豬扒香脆惹味整體唔錯呀💯🍛越式咖喱牛腩飯($65)牛腩同飯嘅份量都好充足👍🏻越式咖喱汁冇乜辣味同一般印度或者日本咖喱汁好唔同味道反而似牛腩汁咁🧈法式牛油雞翼（$54）新鮮熱辣整起咬落香脆肉嫩多汁唔會太鹹不過牛油味可以再濃d🥢安南鮮蝦米紙卷（$54）米紙卷晶瑩剔透口感煙韌卷住蘿蔔絲、粉絲、鮮蝦口感豐富有層次！🧋冰鎮奶茶（$22）茶底香滑唔太甜估唔到都幾高水準呀❤️🍹龍眼冰（$30）清甜冰爽杯底有粒粒龍眼肉有得食又有得飲👍🏻
繼續閱讀