河內越式料理

營業中

休息中

近排晚市雖然開番，但系午餐太隨便，邊有人俾面！不過，依家天氣熱辣辣，真系食龍肉都無味，所以我哋決定揀啲開胃嘅菜式，一於就食越南菜啦！嚟到位於尖沙咀嘅河內越式料理，價錢經濟實惠，味道都唔錯架！越式豬頸肉其中一款小食就叫咗越式豬頸肉，外脆肉嫩，點埋辣醬就更加惹味！越式炸蝦餅蝦餅一開四，都算幾大塊。我哋相信落咗唔少蝦，因為非常彈牙！順化蕃茄蟹肉扎肉湯檬講到開胃嘅選擇，又點少得酸酸甜甜嘅蕃茄呢？不過，呢度嘅蕃茄湯底唔算太濃郁，唔知係咪唔想蓋過蟹肉嘅鮮甜味呢？配料仲有扎肉，至於檬粉份量都唔少，夠晒飽肚。越式咖喱牛腩飯除咗蕃茄之外，咖喱就係另一個開胃之選！越式咖喱一啲都唔辣，帶有淡淡嘅椰香味，食落好有層次。至於牛腩份量都唔少，同咖喱好match，送飯一流！凍鹹檸七喜、椰果椰汁西米露飲品我哋就叫咗凍鹹檸七喜同椰果椰汁西米露，非常解渴，作為呢一餐嘅完美尾聲。

在尖沙咀食lunch，會找位置方便又吃得快的餐廳，覺得越式的午餐口味蠻對的，我們久不久也來河內吃。生熟牛肉湯河$64兩碗粉都附上鮮青檸汁，覺得越式的湯粉加上青檸汁帶點水果酸香，也蠻夾的呢。生牛肉不會太生，浸內熱湯內一會也差不多熟了，生熟牛肉都細嫩軟滑，湯底牛骨湯，蠻好喝的。順化蕃茄蟹肉扎肉湯檬$66因為不是每間越南粉店都有這個湯粉，所以如果有的話就會選，喜歡蕃茄湯底酸酸甜甜好開胃，蟹肉雖不多，都為它添上鮮味，檬粉是最夾的選擇，湯都幾乎喝光了。越式炸蝦餅$29 越式炸春卷$20新鮮炸起熱辣辣，不會太油，蝦餅滿有蝦香，彈牙，春卷餡料主要粉絲、木耳、甘筍，口味清新。杞子龍眼茶$8因為喝熱飲選了這款，感覺幾滋潤，甜度適中，很適合女生。冰鎮凍奶茶$10想不到越南店都做出港式正宗冰鎮奶茶，沒有冰所以濃度由頭到尾都保持到，奶茶又香又滑又濃郁，真的不錯

這間位於尖沙咀的越南餐廳，主打越南粉及小食，晚市除了散叫外，還有套餐供應。極品牛三寶湯河粉河粉爽滑而且食到最後都不糊口，湯底用了牛骨熬煮，牛肉味濃郁，而且鮮甜，生牛肉較有咬口，牛展則很腍，牛丸爽彈。順化蕃茄蟹肉扎肉湯檬湯底有鮮甜蟹膏味，還有絲絲蟹肉，豆卜吸收了湯汁鮮味，檬粉沾滿了湯汁，帶點番茄微酸，十分開胃，扎肉爽口。越式炸蝦餅蝦餅炸至金黃香脆，十分彈牙。越式豬頸肉薄切豬頸肉爽口，表面帶焦香。最後飲杯梳打，十分清爽。

大半年前食過呢間係尖沙咀嘅河內越式料理半年後再返返去食多次，晚上八點幾去到都差唔多坐滿人，而且都不斷有人入去。質素仍然keep到👍🏻👍🏻👍🏻牛丸湯檬$59，牛丸半粒半粒咁幾入味，牛肉味唔會太重我覺得啱啱好，檬粉份量都足夠都幾大個，食唔晒俾咗啲老公幫手食。多洋蔥超正。雞絲湯河$52，雞絲份量都幾多，河粉夠晒滑，睇相都知到幾多湯，不過個湯都好好飲，一啖湯一啖河粉差唔多都可以飲晒。蝦餅真係超正好好食，必食推薦！外層揸得啱啱好，爽口彈牙蝦味夠。椰汁珍多冰跟嘢食加$12，椰汁類嘅嘢飲真係好好飲超鍾意。

正宗越南河粉 河內越式料理 Ha Noi Vietnamese Cuisine 行街肚餓, 想食碗越南河粉! 係尖沙咀想食越南河粉, 會諗起呢間堪富利道河內越式料理嘅越式湯河 🍜生牛肉湯河 - $56🍜 Raw beef pho一上枱已經聞到好香嘅牛骨湯底, 牛肉啱啱好唔會好韌, 好香牛味, 都幾嫩。牛肉湯河裏面配咗九層塔, 芽菜, 洋蔥, 香蔥, 青檸🍋, 辣🌶️椒👍🏻越式香茅豬扒湯河 - $60🍜 Lemongrass pork chop pho豬扒🥩都係輕輕炸過, 用香茅醃咗好入味, 一啲都唔油, 河粉份量都非常多, 都係牛骨湯底好鮮甜越式炸蝦🦐餅 - 追加$29 Deep fried shrimp cake (small) 蝦餅都幾彈牙, 個皮炸過, 少少脆, 又唔係好硬嗰隻, 配埋啲甜酸辣醬點嚟食一流! 越式炸春卷 - 追加$20 Deep fried spring rolls (2pcs) 越式炸春卷上枱嘅時候熱辣辣, 春捲卷皮好薄好脆, 中間仲有啲紅蘿蔔絲木耳絲, 豬肉, 仲有啲越南粉絲包住, 非常爽口美味熱情果梳打🍹 - $12 Passion fruit soda

係尖沙咀🚇港鐵站附近呢間河內🇻🇳越式料理幾經濟💰實惠，而且食品🍜款式多完化，又有二人、四人套餐可供選擇，梗有一款啱你🤤心水！🇻🇳越式🐖豬頸肉撈檬🍜大大碗，入面有好多塊🐖豬頸肉，十分之👍足料，🐖豬頸肉甘香肥美，檬粉加咗少少🤏蔥油令層次感更豐富🤤。生牛肉🐂湯河粉🍜湯清味濃🥰，牛肉同河粉都好嫩滑🤤。佢配埋青檸同埋辣椒🌶️，加入後🇻🇳越式風味大增，少少🤏酸甜香辣十分開胃！我哋仲追加咗小食🇻🇳越式炸春卷同埋越式炸蝦🍤餅，同埋揀咗🥥椰汁珍多冰、🥥椰汁紅豆冰做餐飲🍹。🇻🇳越式炸蝦🍤餅脆身鮮味🤤，蝦肉彈牙🦷，沾上甜酸醬更加美味😋。🇻🇳越式🔥炸春卷皮薄鬆脆，入面又夠多料👍而且唔會太油膩。🥥椰汁珍多冰同埋🥥椰汁紅豆冰都幾濃🥥椰汁味，我特別🥰鍾意佢啲紅豆🫘粒粒分明又香甜。

平時收工放lunch都會同同事去食極品牛三寶湯河粉超級大份又多料，好味道又多配料，牛丸大大粒仲有新鮮牛肉，搭配青檸好味道第一次食呢個順化蕃茄蟹肉扎肉湯檬估唔到蟹肉嘅味道咁出同埋都幾好味好濃郁嘅酸甜番茄味道，同埋扎肉份量都唔少要食埋啲小食炸蝦餅熱辣辣好味道，同埋份量都唔少推薦越式豬頸肉，真係熱辣辣即刻食超級好味同埋每一件都唔會太肥，唔會太油膩，惹味到不得了最後飲杯熱蜂蜜柚子茶同埋特色椰汁三色冰，透心涼好味道感覺上更加爽，充滿椰汁味道

河內越式料理 (尖沙咀)尖沙咀堪富利士道10號地舖又到星期日，約咗friend去K11行街🥳🥳🥳瞓醒先出嚟行街咁就梗係要食飽先有力行啦上OpenRice睇到呢一間越菜都好多舔舔脷一於入嚟試吓啦份量好多喎，實夠飽啦👍🏻👍🏻👍🏻如果係當地人處理個味道一定夠地道極品牛三寶湯河粉 $69份糧超大，河粉細滑，有牛丸、牛展同生牛肉，牛肉湯底濃甜，生牛肉上枱時半生就熟，浸下湯食一流，牛丸彈牙，牛展夠淋。順化蕃茄蟹肉扎肉湯檬 $66份糧大大份，一定飽，湯底蟹味濃，食到咸香，札肉結實有趙口，豆腐卜吸收湯底後勁好味，蟹肉🦀️有海鮮咸味🧂越式炸蝦餅 $29炸得夠脆，彈牙好食越式炸豬頸肉 $29乾身，邊炸得脆，點醬會好食啲。青檸梳打 $12青檸夠香，唔酸，甜👍🏻配上梳打，夠晒氣，冰涼夠爽青檸冰 $12好味嘅嘢大家就一齊飯，證明係青檸必飲順帶一提，佢嘅越南茶，都好好飲，有啲黑豆茶嘅感覺。

由正宗越南河內人主理，食完簡直好似去左一轉越南咁，令人回味無窮，店內裝修十分養眼，以綠色柔和燈光做主題，一坐下門口已經要排隊，店內已經坐滿人，好彩早咗一步，店員雖然忙碌但面帶笑容😊非常親切。❥順化蕃茄蟹肉扎肉湯河已經不是第一次吃，之前已經幫襯過兩次，食過兩次都繼續食就知有幾好吃！先講材料，蕃茄 蟹肉 扎肉 芽菜 足料！！😍蟹肉好多，扎肉都有5片，湯底非常濃郁，無論賣相同口感都好正！大力推薦👍🏻麵底可以任君選擇。❥河內生牛肉扎肉湯河牛肉新鮮無雪味，浸落湯剛好，香葉 生洋蔥 芽菜 牛肉 扎肉 配上特製濃湯 ，足料夠鮮味👍🏻份量上係大大碗，河粉爽滑夠多，男士一碗都夠飽！❥炸蝦餅(小食）即叫即炸，蝦餅彈牙❥豬頸肉香矛味，肉質新鮮，不會過熟❥飲品鮮芒果西米露+鹹檸七

因為晚市禁堂食，所以好珍惜午飯時間，一定周圍去搵好嘢食。今次出開尖沙咀行街，即是諗起堪富利士道嘅「河內越式料理」。今次就叫咗兩個主食再追加兩個小食。軟殼蟹撈檬 檬粉嘅份量不少，再加上大大隻嘅軟殼蟹，蟹嘅外層夠鬆脆，而且充滿蟹膏。撈檬嘅酸辣汁味道調校得好好，所以落咗半樽，搞到變咗湯檬。順化牛肉煎蛋飯肉質食落夠霖，而且牛肉味濃郁，配埋隻煎蛋，真係冇得輸，話咁快就K.O.咗成碗飯。越式豬頸肉豬頸肉夠嫩滑，肥瘦適中，沒有炸得太乾身，有肉汁，抵讚。越式炸蝦餅蝦餅肉質夠彈牙，有蝦味，配埋酸辣醬汁一齊食，味道一流。

🥢順化蕃茄蟹肉扎肉湯檬 $66蕃茄啲酸味好開胃。蟹肉吸收咗蕃茄湯，仲加添鮮味。估唔到湯底仲有唔少豬肉碎，味道好夾。.🥢越式河內三寶飯 $70豬扒香脆醃得入味香腍。雞翼一啲雪味都冇。第三款係越南菜必食嘅扎肉。一次過可以試晒三款招牌特色小食，都幾抵食。.🥢凍鹹檸七喜 $12 x 2.整體來講呢間餐廳質素穩定，次次食都好味😋🤪。外賣嘅份量都唔會少，好夠食。📍河內越式料理 (尖沙咀)尖沙咀堪富利士道10號地舖

疫情關係冇得去旅行突然諗起越南嘅食物價錢又平 味道又夠濃經過尖沙咀 見到呢一間河內越式料理 (尖沙咀)當然要入去試一試整個環境都好有越南氣息配上音樂 仲有熟悉嘅食物照片堂食時間有限 所以我就買外賣返去食軟殼蟹撈檬：配料同埋檬粉汁包好晒 加入軟殼蟹 食到酸酸甜甜嘅味道令口感更佳極品牛三寶湯河粉：牛丸爽口彈牙 肥牛唔會太熟湯底夠晒濃郁 唔錯嘅選擇小食豬頸肉 炸蝦餅 脆卜卜拎返屋企都仲夠熱 好好味配上夏日精選 三色冰 龍眼冰整個套餐都好滿足！

尖沙咀河內越式料理，係正宗河內人主理，今日黎買外賣返屋企做晚餐。雖然我未去過河內，但我去過峴港，都幾鐘意食越南野。呢度啲野價錢都OK, 叫左一個飯一個撈，兩個小食、兩杯野食都係202蚊。我就好鐘意撈檬，酸酸甜甜，好開胃，又唔會好似炒麵嗰啲咁油膩，徤康啲。雞絲撈檬，入面又多菜，呢度個汁唔錯呀，甜酸度適中。順化牛肉煎蛋飯，牛肉份量唔少，加埋煎得靚靚既蛋，賣相吸引，味道都唔錯。越式炸蝦餅，蝦餅彈牙香口。越式豬頸肉，豬頸肉正好腍，推介。青檸可樂同咸檸七喜，青檸同咸檸同汽水分開上，返到屋企雖然啲冰溶左，但都無問題，一樣夠Fresh 。

河內越式料理 (尖沙咀) 📍尖沙咀堪富利士道10號地舖繼上次食過高質「河內越式料理」旺角西洋菜南街分店，得知尖沙咀都有新分店，選址十分好，鄰近地鐵站🚉尖沙咀A2出口步行一分鐘即到。正值晚餐時間，絡繹不絕的買外賣人龍，即使係疫情下都咁好生意，證明呢間越南🇻🇳餐廳質素有保證。望望餐牌，越式湯粉、撈檬、飯、小食、特色飲品等應有盡有，選擇困難症發作。😂順化蕃茄蟹肉扎肉湯檬（HKD 66): 食湯檬必定要品賞湯頭，其蟹味突出帶蕃茄清甜，適量青檸汁提鮮同辣椒🌶️粒，回味無窮，爆炒豬肉粒令到湯底更香濃，豆卜吸曬湯精華，令人一啖接一啖，扎肉食落彈牙，檬粉偏焾身，配蕃茄蟹肉湯頭食一流。越式香茅雞翼撈檬（HKD 60):雞翼達到舔手指級好滋味，新鮮香茅釋放獨特清爽之香氣，溢齒留香，肉嫩皮滑帶燒烤效果，調味比較甜，熱辣辣肉汁隨著一呷漏出，小心燙口。撈檬加入魚露清爽開胃，伴青瓜，蘿蔔絲仲有重點提香既炸蒜蓉片，增加口感得黎又提升層次。追加小食：越式炸蝦餅：炸到金黃香脆，毫不吝嗇大大塊，蝦🦐肉扎實彈牙，蘸上泰式辣醬，酸酸甜甜辣辣，不錯的小食。越式炸春卷：熱辣辣用米紙炸的特別很香脆又好吃😋，胡蘿蔔、木耳切成絲，蒜頭切

今日收工經過聞到陣陣嘅香茅味，突然間想起去越南旅行嘅記憶，每年都去幾次，疫情無得去，唯有食個外賣解鄉愁。於是就走咗入去買外賣。見到有老公嘅最愛河內🍅番茄牛腩飯，又有我嘅最愛嘅越式豬扒飯🐽，仲有個炸蝦餅🍤可以追加，仲有一定要飲嘅珍多冰同埋咸檸七🥤。毫不猶豫地同職員落單，職員有禮又快手，等左一陣就已經攞得。我仲見到好多OL嚟買外賣，可能佢地同我一樣，用美食嚟喚醒旅行嘅美好。番茄牛腩飯啲番茄酸甜汁夾埋又香又淋嘅牛腩，又軟又易入口，送飯一流👍🏻。越式豬扒飯啲豬扒keep到水準，又淋又有肉汁配埋啲炸蒜同蔥油，將附加嘅豉油淋喺飯上面香口又惹味😋。小食炸蝦餅好彈牙，熱辣辣又有蝦嘅鮮味，加埋個甜酸醬，又係一個送飯佳品😻。特飲珍多冰椰汁夠椰香，啫喱夠滑👍🏻。最驚喜係咸檸🍋七竟然原罐七喜上，加埋個咸檸，兩者溝埋夠晒下火。兩個人份量非常足。🥰一個美好嘅夜晚就由一餐美好嘅外賣做完結，完美。🥰