河內越式料理 (村南道)

營業中

休息中

中午同屋企人去左依間越南店食，好抵食，點左一份鮮蝦米紙卷試下，有4件，蝦生菜同粉都好夾。另外叫左牛三寶河粉，一大碗河粉，湯底清香甜，肥牛牛丸入味。不過另外一杯奶茶就一般般，好苦。整體cp值高！

而家睇網上食評會好謹慎因為怕睇到鱔稿 跟住去食會中伏見到呢間餐廳咁多一面倒既好評其實有d驚🤣🤣但今日真係好想食越南野見佢又近近地就去一試究竟d食評果然無講錯生牛肉湯河粉好好食 其實主要係因為湯夠濃 好好飲有d胡椒味 微微辣 味道好有層次如果淨講麵質同牛肉佢唔係最top 但加埋d湯 成碗麵就超好食!!!好推薦佢既湯河 食果時一定要飲埋個湯!!!米卷就不過不失個皮有d太厚太煙韌變左食一兩件已經覺得滯個人中意食皮薄既米卷多d唔收加一 湯河$58 米卷$48我覺得價錢合理

🔎 河內越式料理 (村南道) (大圍)*📍 大圍大圍村南道55號地下.極品牛三寶湯粉牛三寶分別有：牛肉、牛展同牛丸😍牛肉都偏向生，如要熟一定一定要提前講🫣麵質一般，但湯底搭救，差唔多飲哂成碗🤣但份量十足，材料又多，性價比高🤙🏻河內牛腩片湯河粉牛腩片好嫩口，份量同樣都好多😍下次想試下要金邊粉🙈湯底真心唔錯，最好趁熱試蝦餅&豬頸肉蝦餅有手心咁大塊！而且加埋佢哋嘅酸辣醬very ok呀！蝦餅唔會太厚粉🤙🏻豬頸肉就切得好薄，都係蘸甜辣醬好食d!!小食方面都唔錯😁

地點超方便，一出地鐵站對面就到了。雞翼撈檬粉 $60好香口既雞翼，好大碗粉，對於大食既我黎講性價比好高$60 食到好飽！ 仲要味道好食😋生牛肉湯河 $59食越南嘢點可以唔食生牛肉呢湯底好濃郁，但係又唔會話太鹹牛肉好有牛味， 食到停吾到口😝😝$29 小食 炸蝦餅炸到外脆內軟，讚👍天氣咁熱當然要消暑 清熱叫左杯龍眼冰入邊除咗龍眼仲有杞子，又養生又好飲 吾會太甜。朋友叫做杯滴漏咖啡，佢話以前喺越南日日都飲味道係同以前飲嘅一樣，我就未試過啦。我本身對咖啡都好抗拒，但呢個同普通咖啡真係完全唔同，加咗煉奶落去嘅味道同朱古力差唔多。又幾好飲喎！整體黎講係一間性價比好高既餐廳2個人食左$200 有找既lunch食到飽，仲要甘好味！☺️☺️☺️

當日天氣唔太穩定少少落雨，工作關係，所以經過大圍找到這間唔錯嘅餐廳。魚露雞扒煎蛋飯首先雞扒大大件好適合男生胃口，超過一個手掌大。而且份量足，配上佢哋特有嘅魚露香味，非常入味，令人垂涎三分。亦係我曾經食過最好食嘅雞扒。上湯油菜特別之處是非常幼嫩，我覺得如果帶父母過嚟食都非常適合，老人家會喜歡。亦適合一家大細。配上佢哋嘅上湯可謂相得益彰。豬頸肉絕對是上等之作。無論色香味都非常之合襯。簡直是我心目中最好食的。配上佢哋嘅凍飲例如凍檸茶真係享受。衛生: *****服務: *****環境: *****

河內越式料理(村南道)——————————ADDRESS 📍大圍大圍村南道55號地下價錢💰：50-100好味程度😋⭐️⭐️⭐️⭐️ 環境⭐️⭐️⭐️⭐️服務⭐️⭐️⭐️ ⭐️ ⭐️回頭率⭐️⭐️⭐️⭐️ ⭐️今日約咗人去大圍火車站交收，天時暑熱諗住想飲杯凍飲，行行吓就比呢間舖頭門口嘅餐單吸引住，好快侍應姐姐就出嚟招呼我由於下午茶時間，見到侍應都忙到踢晒腳，於是我同我朋友就order 左兩個set，相對來講都幾抵食！生牛肉湯河粉 HK$59我朋友叫咗呢碗生牛肉湯，個湯底非常濃郁，每一啖都好有牛味，食得出個湯底廚師放咗唔少心機落去，生牛肉都好滑，熟度剛剛好，再配合埋唔同嘅香料夾埋一齊食，真係感覺自己置身於越南！真係別有一番風味越式春卷撈檬 HK$65我自己就order 左越南春卷撈檬，分量剛剛好唔會太多亦都唔會太少，個春卷切開咗一半但係都好大舊同好足料！再配合埋甜酸醬，熱辣辣真係好好食香茅雞翼 HK$20另外跟餐配咗香茅雞翼，師傅醃製非常之入味！外皮又脆卜卜，真係除咗好食都唔知講咩好啦！跟餐得兩舊，真係唔夠喉呀！越式炸蝦餅 HK$29呢個越南蝦餅真係極出色，佢每一舊蝦餅裏面都有好多蝦肉，每一啖都煙煙韌韌，唔係每一啖都係食緊麵

呢排成日都想食生牛肉河，今日放工就過咗大圍嘅河內越式料理食越南菜。除咗食主食，我哋仲試咗兩款小食同飲品，好滿足！河內生牛肉湯河粉 $59生牛肉湯河好大份，食到好飽！何粉好滑，偏幼身。湯底味道濃郁，有濃濃嘅牛肉味，仲可以加少許青檸汁。牛肉唔嚡，都幾大塊。牛肉河有唔少蔥花、洋蔥同芽菜，食落除咗好香，仲增加咗唔少風味。越式豬頸肉撈檬 $64撈檬有蘿蔔絲、青瓜同花生。檬粉撈咗酸甜汁後酸酸甜甜，食落好開胃，好有越式風味。豬頸肉大大塊，油香豐富，外皮仲脆脆地！香茅雞翼（2件）+$20雞翼juicy，外表煎到香脆，香芧味重。越式炸蝦餅（細）+$29炸蝦餅出色！上到枱熱辣辣，而且超級香脆。入邊蝦肉彈牙，再可以點上酸甜醬，特別開胃。椰汁珍多冰 $28珍多冰椰漿味濃郁，綠色粉條味道清甜，外皮煙韌。龍眼冰 $28龍眼冰好解渴，味道清甜，仲有好多龍眼乾。

【河内越式料理】一間地道嘅越式菜館係大圍做完嘢 見到間好多人排隊嘅越式菜館 就黎嘗試下🐂牛肉撈檬超足份量 牛肉搭配上蘿蔔絲 青瓜絲 生菜 花生粒 青桔嘅酸 指天椒嘅辣再淋上秘制醬汁 酸甜開胃 值得一試🐂牛展湯河粉超大塊牛展煮得十分軟爛 入口爽滑 越嚼越香 店裡的河粉是火車頭河粉🐖越式豬頸肉炭燒完的豬頸肉 鹹甜適中 焦而不幹 肥而不膩 蘸啲越式甜辣醬更加好食🦐🦐越式蝦餅炸完嘅蝦餅色澤金黃 外皮小小脆脆地 外酥里嫩 一啖咬落去滿嘴香嗌左杯鮮芒果西米露同青檸蘇打 哩個天氣最適合飲啲凍嘢

香港越南餐廳確實好多選擇，大圍區有間「河內越南料理」經濟實惠，一打開個餐牌款式多，越式湯粉，檬粉，小食，咖喱海南雞及套餐…。順化蕃茄蟹肉🦀扎肉湯檬 $67湯底主打蕃茄, 有濃郁的海鮮味，加上蟹同蝦羔，非常鮮味。再加上豆腐卜吸收湯底的精華 ，蟹肉新鮮又多，抵食😋。河內招牌豬扒飯 $62豬扒香脆, 外脆內軟, 好juicy, 味道又好，加上煎蛋，飯又多，而且仲有配菜追加小食。越式蝦餅 $29呢個一定要叫，蝦餅彈牙， 外皮趣卜卜。越式豬頸肉 $29軟滑豬頸肉，香口入味。杞子龍眼茶 $22好多龍眼肉， 真材實料。檸檬蜜糖薑茶 $22不是沖劑, 有三四片厚厚的薑，真係好夠薑，喜歡薑味道嘅人一定要叫呢度啲店員姐姐有禮又親切，呢一點都要加分😁街坊價錢， 用心製作，這就是食店給顧客最好的心意。

剛於酒店房間內食完tea set不久, 等雨停下來才出外覓食, 天氣太熱都冇乜胃口，於是決定搭三個站去大圍呢間人氣嘅越南粉試試，去到見竟然冇人等位，於是問服務員因由，佢話係剛落完雨所以人唔多，平時呢個時間就一定要等位。坐低後望下餐牌有乜嘢食先，三個人叫了三碗粉，再追加兩個小食及一杯特飲呢碗係極品牛三寶湯河，首先試下個湯底先，味道夠哂濃郁，配料有洋蔥、芽菜，牛三寶有生牛肉、牛丸同牛展，牛展最好味！呢碗係生熟牛肉湯河，牛肉份量都幾多，夠哂大碗！呢碗係越式香茅豬扒湯河，豬扒已經幫你切成小件，方便食用，豬扒醃得都好入味，夠淋，好味！追加小食之一嘅越式炸蝦餅，外觀已經好吸引，佢熱辣辣之餘，仲食得出蝦肉嘅鮮味，整得非常出色。越式豬頸肉，唔肥，味道都唔錯特飲叫咗椰子冰，純椰汁味道夠濃，好飲！整體都有水準，價錢親民，值得再來！

係大圍食越式料理就一定要試下呢間餐廳，一出大圍站行過斜對面就到。呢間餐廳嘅裝修很光鮮，座位全部都係Sofa，坐得很舒服。河內生熟牛肉湯河粉：牛肉嫩滑，河粉爽口，湯底濃郁惹味，值得推介。河內招牌豬扒飯：份量十足，太陽蛋白很滑，豬扒煎得很香，食落口鬆軟而有肉汁。越式炸蝦餅：香脆入味，蝦膠彈牙蜂蜜柚子蜜梳打：柚子蜜清香，加了梳打甜度均勻。椰汁珍多冰：椰香味重，珍多質感爽滑味道清甜。另外呢間餐廳服務態度很好，值得一讚！

夏日熱辣辣，想食啲清新嘅野食，黎到呢間係大圍火車站對面嘅越式餐廳。今次叫左二人餐，$185可以自選2款河粉/撈檬，另包括一碟田園灼時蔬，小食和飲品，不過等咗好耐先有得食，野食催左2次先到，服務質素有待改善。••扎肉撈檬扎肉份量有5片，不過扎肉比較淡味。檬粉爽彈，撈檬汁酸辣比例唔錯，另外配有大量蘿蔔絲同青瓜絲，夠清新••生牛肉湯粉湯粉同牛肉份量好多，牛肉質感正常，不過稍欠牛味。河粉有少少碎同難夾，但湯底算濃，整體合格👍🏻••安南鮮蝦紙米卷紙米卷皮厚度算薄，入面有好多菜同蘿蔔絲，但蝦就一般，其中一條紙米卷入面隻蝦好似蝦米咁細…

本來同同事在網上平台點選午餐 顯示時間為25 分鐘送達 但 當時間過了30 鐘後 本人再致電餐廳查詢 餐廳職員居然支吾以對 然後cut 線 ， 重複幾次如是者 最後再致電找經理 經理聲稱已知道事件 同事係有回答 並沒有cut 線 ， 態度惡劣到極點。 就算係繁忙時間 相信亦不至於用這樣的態度⋯⋯ 吾會有下次

耐唔耐就會同屋企人出大圍食野 附近有好多好好味嘅cafe 同甜品鋪 住大圍嘅朋友介紹過呢間嘅越南粉唔錯心血來潮就黎試下😋😋😋黎到 店鋪都幾full下 外邊都有幾張外賣單好彩唔洗等好耐 好快有位😎餐牌上好多款野食都好吸引我地就點左個檬粉同湯粉試💕上菜速度拍得住澳牛 大概等左五分鐘左右已經黎❤️唔洗等好耐 非常好！✨豬茅豬扒撈檬估唔到咁大份 豬扒煎得剛好 香茅味好出 加上酸辣汁撈檬好開胃🌟👍🏻👍🏻👍🏻生熟牛肉湯河都好味喎！重點係佢啲牛剛好半生熟 好嫩口 湯底都幾濃郁 似係好香既牛肉湯底 讚👍🏻✨小食我地分別點左炸春卷同炸蝦餅試 炸春卷即炸 上枱仲熱辣辣 入面有木耳 豬肉 蘿蔔 同 粉絲 幾好食😋飲品都幾好 跟餐加錢就可以飲到特飲杞子龍眼茶 鋪頭落左好多粒龍眼比我🤣鮮芒西米露 唔太甜 正 整體都幾好味 重點係唔貴粉麵價錢都係$40-50幾 仲要勁大份 勝價比高 ❤️❤️❤️🫰🏻推介

老公系大圍附近做完野成8:00 pm 就係附近食埋野先反屋企😎😎😎😎經過見到間越南野，個餐牌D食物太約60-80就有交易，價錢比較大眾化👍👍👍就入去試吓啦Order 左河內生牛肉湯河粉越式海南雞飯可以追加小食越式炸春卷 $21越式豬頸肉23青檸梳打🍹🍹🍹紅豆冰海南雞好滑👍👍👍👍👍佢比一般嘅黃油飯冇咁油，健康D.生牛肉湯河必食推介，老公連D湯都飲晒下次可以再黎😋😋😋😋😋人均消費$120