永發廚房 (已結業)

本身唔知食咩好，等過馬路個時見到對面呢間永發廚房所以決定食佢。入到去我地一人叫左一碗泡飯。老公叫左碗方魚肉碎泡飯，而我叫左碗豬骨濃湯牛腩泡飯。個職員同我地落單個時有正確地複述返我地叫嘅嘢，不過上菜個時我啲牛腩變晒牛什不過見佢同價，我又好肚餓，所以就費事同佢地講。碗泡飯無咩特別，係個幾舊蘿蔔出事。因為啲蘿蔔係室溫嘅，當放係啲非常熱嘅湯上面會令到我覺得啲蘿蔔係凍嘅。野食都唔係重點，重點係我哋喺貼牆坐，個牆污糟到想死，一舊舊唔知咩。唔只係靠枱嘅牆，我同老公座位個邊嘅牆都有我仲要係著白色衫!!搞到我未食完都已經想走。第時應該唔會再黎。