水門雞飯 (汀角路) (已結業)

今個Sunday做咩好，嚟個搞搞新意思😁😁入大埔搵泰藉坤嫂食泰菜🤘🏻🤘🏻坤嫂同我講大埔有間好多人的泰國餐廳“水門雞飯”，大約開了9個多月，是正宗泰式料理，叫我入鄉感受一下泰式風情🏖。坤嫂話晒係多年大埔街坊同周遊泰國，我梗相信佢嘅專業意見。我同坤嫂約1點30分去餐廳，竟然很多食客要跟其他食客搭檯，服務員問介不介意，有得食唔駛等位搭擡又有咩所謂呢～😁😁最緊要有得食。好啦～來一個水門雙拼雞飯🍚🐥，可以食到水門雞同炸雞兩種風味，哈哈～我係炸物王，真心見到炸雞唔會錯過。😉😉服務員先上醬汁同湯，之後再上主角出場水門雙拼雞🐤。試一口水門雞非常嫩滑有雞味，炸雞炸到雞皮脆卜卜，好香口好惹味，仲唔覺得乾。個湯好重胡椒味，我同坤嫂講好似胡椒豬肚湯。😂😂😂飲品方面，我飲咗凍泰式飲茶，我覺得茶味都算濃，奶味都很重，甜度都重手了少少，有馬來西亞拉茶嘅感覺。坐係我對面嘅大埔街坊竟然回應我，是喎～甜了一點，之前佢哋嘅奶茶只有茶及奶，沒有加甜的，唔知係唔係有人反映過所以加了甜。😆😆 .好多謝呢位資深嘅街坊食客幫忙解答我嘅疑問，我哋估計可能想迎合香港人口味所以加了甜，如果甜度可以再減輕一點應該會比較好d。我就食水門雙拼雞

今日落大埔做野，人生路不熟，要上網搵食，找到這間區內人大讚嘅餐廳，叫”水門雞飯”，等我去試下先。地點位於汀角路11號地舖不難找。來到店內都不難看到泰國的特色，用上金屬的枱櫈，干凈企理。看看餐牌有多款前菜沙律、雞飯、串燒、金邊粉、湯河和各款特飲等等。金柚子沙律 $68份量好足，好多柚子肉和花生墊底，有三隻新鮮大蝦，爽口彈牙，菜、西芹、芫荽、洋蔥好新鮮爽脆， ，醬汁酸甜帶點辣，配埋柚子肉好清新，味道豐富好開胃。揀雙拼就最好，試曬两款水門雞和炸雞。水門雙拼雞飯 $50，還附上雞骨冬瓜湯，胡椒味香濃。油飯油香唔膩，雞肉嫩滑雞味香濃，蘸上特配泰式醬汁特別有風味；而炸雞外脆內軟滑，配上醬汁別有一番風味。鮮檸梳打 $16檸檬味濃，清凉冰爽解膩。芒果糯米飯 $58最後還叫了個芒果糯米飯，足足半隻芒果，肉汁豐富好香甜，而糯米飯上蘸上椰汁，還有脆脆喺上面，味道不錯，好滿足。

喱到都幾多野揀！我哋試咗柚子大蝦沙律當前菜，嚟到之後見到個賣相都幾吸引，一開始都唔知佢係咩味道，但係因為朋友想食嘅關係咁都試吓啦，食落口有啲柚子味酸酸地，啲蝦非常爽口，配埋啲芹菜、花生粒、椰子粒，味道特別之餘亦好醒胃。至於水門雞飯方面，佢同海南雞飯個飯係一樣嘅，我平時唔食雞皮，但係見今日啲雞皮都幾靚，所以試咗一啖，都幾滑，啖啖肉，而飯都唔會好硬亦唔黏口，軟硬度適中啦。佢同海南雞嘅分別在於湯同埋醬汁。個湯呢就覺得係胡椒粉加冬瓜煮成嘅湯。都幾特別。而個醬汁酸酸地有啲辣椒起入邊仲加咗啲薑，屬於係一個清淡嘅飯，合我口味呀!第三味餸係冬陰公海鮮河粉，佢有大中小辣我地揀，我嗌左小辣，佢入邊有多款海鮮，河粉比起平日食開嘅粗，入邊有啲芫荽，都幾好味。間舖有好多野飲選擇，我選左泰式奶茶，飲落去覺得幾特別，感覺好似溝左麥精味嘅維他奶，但係當啲冰融左之後個味道會比較淡。至於朋友的香茅特飲，我個人感覺就普通，甘甘地，香茅味唔算特別濃。然後我哋嗌咗芒果糯米飯，其實我只在泰國食過一次芒果糯米飯，但係我覺得唔好食所以我對呢樣甜品一定冇乜好感。但係見朋友想帶我都試吓啦，第一啖就食咗個糯米飯先，個飯微溫，上面淋左啲椰漿

又係雞喇！今次係泰式雞。朋友鐘意食雞既程度係無論幾遠佢都要食到😂今次山長水遠黎到大埔為咗一試呢度一間新開既泰菜，水門雞飯。我揀咗海南雞飯 ($48)，應該係招牌食物黎既🌝 呢度既雞南雞味道不錯，質感比較實，但點埋餐廳提供既醬汁，係好惹味~雞三寶飯 ($60) 有海南雞，有炸雞扒有雞肉藏。炸雞扒外脆內軟，食落係不錯的叫咗2樣小食，金柚子沙律 ($68)又真係幾大碟，酸酸甜甜都幾開胃既，好fresh~炒通菜 ($48) 好夠火候好惹味，仲要幾抵食！食飽哂都忍唔住嗌埋呢個芒果糯米飯！椰汁好濃稠，味道好重，糯米飯好煙韌加埋椰汁真係超正，芒果唔算好甜，可能未係芒果既季節😢

去開太和附近探朋友，朋友帶我到這間水門雞飯共聚晚餐，曼谷水門雞飯令人一試回味，所以想先試香港的水門雞飯是否一樣咁好食呢！入到鋪頭就有象仔掛畫，讓食客一睇就知這間是食泰國嘢～首先，我們叫了四條豬肉串燒（$48），這裡幾好的是每串計，想食幾多串可以隨心叫，豬肉串燒燒得很香，食落去肉質鬆軟。另外，叫左串燒加烤麵包（+$10），點上沙嗲醬，香脆美味。秘汁泰式生蝦（$88），這個價錢可以食到泰式生蝦真係好抵食，有6隻大生蝦，每隻都脹卜卜，底倒左綠色的海鮮醬，連埋蒜蓉和辣椒一起食，味道更加野味。主角水門雞飯（$48）來了，去咗骨的水門雞肉是很嫰滑的海南雞，啖啖肉，而且份量都很多，有10多塊，油飯帶有香味，而且還有節瓜湯，相當是平食之選。芒果糯米飯（$58），好大隻芒果，芒果果肉好似飲緊果汁，非常甜，而糯米飯是白糯米飯，椰汁好多，仲有d脆米係椰汁面，味道不錯。芒果沙冰（$18）和菠蘿沙冰（$18），在夏天熱辣辣叫真的好透心涼，尤其是菠蘿沙冰真的有菠蘿果肉。這間又是一間不用收加一的餐廳，非常抵食

前排留意到呢度新開咗間水門雞飯，今晚我哋大埔友終於有時間去試，一入到去就覺得空間感大，用鋁枱鋁櫈都幾有泰feel。講下啲嘢食先，我哋叫咗金柚子沙律，泰式生蝦，水門雞飯，肉碎沙律，大頭蝦冬陰功湯金邊粉，象啤，泰式咖啡。金柚子沙律，一口大粒柚子飽滿而且超甜多汁，爽口大蝦加埋泰式雜沙律菜同青檸汁，so fresh!泰式生蝦，肉厚如圖，加埋特式醬料之下啖啖爽肉，開胃又滿足。.至於主角水門雞飯，油飯甘香且粒粒鮮明，雞肉方面脾位連皮爽脆，沾埋個特式汁就更鮮，油飯又易入口，所以好快就食完個飯。另一個冬陰功湯金邊粉，大頭蝦又幾大隻，味道似模似樣，辣度十足，金邊粉比河粉有個好處就係唔易散，就算傾下計，食下其他嘢之後再夾起都唔會碎。生菜包肉碎，唔會太鹹，味道啱啱好兼有辣度，包埋咁翠綠嘅生菜又係一絕，食到chok chok聲。最後講埋杯泰式咖啡，聞落啡味濃，烘焙味唔重，啡嚟講都算唔錯，而且又大杯，抵飲。象啤亦爽口夠凍！今餐個性價比都算唔錯，兩個人食咗五款泰菜，一支啤一杯啡，都係每人百幾蚊。

早前去到曼谷旅行，水門雞飯是必食之一，意想不到大埔也有此類泰國小店，餐廳裝潢的鐵檯、鐵椅子也是好泰國風格。除了傳統雞飯、更有炸雞、雞雜、烤麵包等。就連船麵也有，相當多元化。平日的2人餐都幾經濟。點了菠蘿冰 $18、泰式咖啡 $16菠蘿冰賣相好吸引，看得出是用上新鮮水果打成，味道也是鮮甜中帶點酸，幾開胃，超正！至於咖啡味道似朱古力咖啡，好有趣。豬肉串燒 $12/串，最少3串豬肉仍是juicy美味，再點沙嗲醬更為惹味。水門雞飯 $48，另加雞雜 $10，更配有雞湯，清甜有胡椒味，好有泰國地道風味。雞雜除了雞腎吸引外，雞心、雞膶就一般。雞肉算是滑，跟泰國的差不多。大頭蝦冬陰功湯河 $68有原隻新鮮彈牙的大頭蝦，冬陰功湯底算會中辣，夠香。而湯河都幾滑芒果糯米飯 $58成半個芒果，不過不算太甜而糯米飯都ok

之前係泰國食過水門雞飯覺得好正！聽到香港都有 所以特登入太和試下！結果真係好好食 要大力推介下先得！我地嗌左：招牌水門雞飯 唔知點解雞皮好似無海南雞咁肥膩 食多幾塊都唔怕！雞肉好滑 仲要無骨岩晒我呢啲懶人🤣蘸個隻汁都好好味！油飯唔會過油 有香味 飯夠一粒粒 唔會爛唔會杰！超正！仲要一提 碗胡椒湯好好飲！！烤麵包 烤得好香脆 蘸埋沙爹汁真係一流👍🏻建議一上就食喇！熱食係最好味！飲品方面嗌左檸檬梳打同椰青 椰青勁大個好抵飲🤣仲可以食埋椰青肉生津解渴！檸檬梳打飲完超gur🤤消暑一流甜品係my fav 芒果糯米飯 同樣好好味🤤👍🏻一解泰國既相思總括黎講 特登走入太和食都覺得值得🤤👍🏻期待係市區都會有分店！！

星期六， 百無聊賴嘅一日， 同老公繼續周圍搵嘢食， 而今日食呢間就係之前報紙介紹過既水門雞飯老公叫咗個水門雙拼雞飯，送埋個雞湯雞湯胡椒味重，入落幾香，入面有冬瓜一碟飯，兩個選擇，岩晒第一次黎食既我地水門雞: 雞肉嫩滑，成隻雞雪凍左，肉同皮中間有層啫喱，再配上特製既辣椒醬，令口感更有層次炸雞: 外皮酥脆，雞肉炸到少少乾身，再配上特製醬汁，岩岩好牛腩湯肥牛魚蛋粉絲:牛腩湯帶有少少甜味，飲落有淡淡香料味，配上粉絲吸湯，正豬肉串燒: 串燒即燒，面頭帶有少少炭火味道，豬肉仍保留原本的肉汁呢個醬，清清地，幾fresh而另一個沙嗲醬，相對味道較濃，花生味重凍鴛鴦: 老公話咖啡奶茶比例啱啱好洛神花茶: 凍凍地又酸酸地，夏天飲岩晒呢間店價錢經濟實惠，下次再黎

自從喺曼谷食過水門雞飯之後 一直都念念不忘嫩滑嘅雞肉同埋香味十足嘅油飯大埔最近竟然開咗一間好多人推薦嘅水門雞飯 今日就嚟食下 睇下係唔係咁正宗 解一解思鄉之愁 哈哈閒日嘅午市黎到 人數唔太多 枱凳都係依照水門嗰間水門雞飯去做 枱櫈用上不銹鋼面 感覺有點回到泰國一樣 未食已經加分朋友叫咗水門雞飯 雞肉嫩滑係基本要求 而且做到多肉汁而一啲都唔油 難度好高 雞皮同雞肉之間仲有一陣薄薄嘅啫喱肉凍 令口感更加豐富 雞皮爽脆 一啲都唔肥膩 油飯夠香 而且乾身 粒粒飽滿正 而我就叫咗招牌三寶飯 除咗海南雞之外 仲有炸雞同埋雞雜 分量超多 一個女仔絕對有機會食唔曬 炸雞扒外皮夠香脆 不過略嫌炸得太乾身 欠缺肉汁 個人比較喜歡嫩滑嘅海南雞 雞雜 包括雞肝 雞心同雞腎 雞肝好香雞油味 而且好粉 心同腎都夠爽脆 在座每枱都有叫一碟泰式炒通菜 為食嘅我哋梗係唔執輸 通菜好香 夠曬鑊氣 而且加上泰式香料更加惹味 不過略嫌太多油香辣肉碎沙律 香料味夠香 而且唔太嗆喉 送飯或者配生菜一齊食都唔錯 夠開胃芒果糯米飯 芒果份量唔少 有成半隻 而且好甜 糯米飯夠曬軟糯有咬口 鹹香味十足 加上椰香味勁重嘅椰漿 同埋香脆嘅綠

從朋友口中得知，大埔開了間水門雞飯，之前係泰國食過，一直懷念這個味道，終於比我係大埔食到，仲要同我住既地方好近，唔駛出到咁遠食啦！水門雞飯（$48）雞飯有雞油香，吃起來很香，而且粒粒分明，不會黏成一團，雞肉已去骨，肉質好嫩滑，雞皮爽彈，非常美味。水門炸雞飯（$48）竟然有炸雞？當然要食下啦，炸雞都香口，雞亦好嫩滑，不會太乾。雞湯雞湯好香，入面有冬瓜，好重胡椒味。泰式炒通菜（$48）好夠穫氣，入面有蒜粒，辣椒，好惹味，通菜唔會炒得過老。秘汁泰式生蝦（$88）對於我唔太食得辣既人黎講，我覺得好辣，但秘汁好好味，生蝦鮮甜，肉質彈牙。香茅特飲（$16）&凍柯華田（$16）

2018.06.30 【泰國過江龍 雞飯主題餐廳】食在太和泰國 小妹就未曾去過但水門雞飯的大名就有所聞美食臨立的美食地圖 大埔太和區最近行過就發現了一間主打雞飯的食店不單雞飯主題新鮮 價格親民就連裝潢都大膽用上港人較少用的鋅鐵桌椅豬肉串燒 (3串起) $12/串 加烤麵包$10先來點串燒熱身串燒雖然選擇的款式不多 只有一款但豬肉串亦烤到外表有如炭火燒烤加$10就會有烤麵包 厚切麵包切成小口方便進食兩者沾上微甜的沙爹汁更吸引另外會跟一碟沙律小菜青瓜脆口 加入辣椒絲及紅蔥頭酸辣酸辣挺開胃水門雙併雞飯 $50小店的飯類雖然都是圍撓雞的主題但配搭的自由度都挺高: 單併、雙併、三併當中更有雞內臟選擇而小妹就選擇了雙併: 炸雞及海南雞炸雞雖然談不上脆卜卜 但顏色亦金黃帶點微酥海南雞則口感頗滑 沾上酸甜醬汁更開胃當中特別之處是飯都是以上湯煮成 誠意加分椰青 $32清甜可口 椰肉爽口嫩滑好比頭大 滋潤止渴龍眼水 $16真材實料 不會太甜 性價比高喜歡台式飲料的不仿一試 更健康水門雞飯 WaterGateChickenRice 💌大埔汀角路11號地下🍚 openrice: yee6192004

呢個暑假將會去泰國旅行，做咗好多資料蒐集，知道泰國曼谷有出名嘅水門雞飯，最近就比我發現原來香港都有，地點位於大埔，就立刻約朋友去試！東南亞餐館最喜歡用嘅鐵枱，連店面裝潢都有幾分泰國特式🇹🇭水門雞飯 $48招牌雞飯果然係招牌雞飯，飯粒加咗雞油，真係好香，又唔會太油。雞肉肉質好嫩滑，雞皮爽彈，連胸位都唔嚡口，非常好食！大頭蝦冬陰公湯金邊粉 $68冬陰公湯都冇令人失望，香茅味頗重，又酸又辣，配料有一隻大蝦，肉質鮮甜爽口，金邊粉唔會煮得過林，整體都好滿意！秘汁泰式生蝦 $88生蝦一碟六隻，蝦肉厚身，醬汁好辣好惹味，都幾抵食。芒果冰 $18菠蘿冰 $18芒果糯米飯 $58製作需時10分鐘，but totally worth the wait，煙煙韌韌、温温的糯米飯配上香甜芒果，令今餐份外完美。

先講鋪面，用既枱櫈都係同曼谷一樣，係不銹鋼，呢個位已經加分，因為夠哂地道👍🏽食物方邊冬陰功湯河湯底好濃郁又夠酸，而且好大碗，一定夠飽先！水門雞飯同曼谷食既一模一樣，份量都唔會少，好正宗！

内裡裝修係鐵枱鐵櫈，據曾親身到泰國水門食雞飯嘅友人表示，内裡裝修係因果邊如出一轍友人叫咗雞飯加雞什雞飯都有油香，味道適中，雞都夠香滑，唔會太肥膩反而雞雜就有d令人失望，太乾身而冇雞味咬落口啖啖乾到難以吞嚥，可惜跟飯嘅醬汁冇咩特別，同上次我去泰國食嘅有出入我叫嘅札肉牛腩金邊粉只可以用一個差字嚟形容牛腩煮得太老，啖啖痴牙札肉味道只有胡椒味我叫嘅係清湯，但其實佢係清水湯呢間舖其實都好多雞殼，點解唔試下用佢哋嚟整湯底呢？真係冇味如清水Thai milk tea略嫌太甜，友人嘅香茅梳打反而較理想可惜