水門雞飯 (汀角路) (已結業)

今日肥雞同老母入大埔買餸 梗係要試下大埔好出名嘅水門雞飯 入到去都幾爆場 咁肥雞就嗌咗個水門雞拼炸雞飯 一個this入面有曬海南雞同埋炸雞反而炸雞肥雞覺得 有啲普通 而啲海南雞都幾滑 佢個湯係一個好龍嘅胡椒湯 冬天飲驅寒一流 再另外加錢買多杯泰式奶茶已杯奶茶又唔錯喎 小食方面嗌咗豬肉串燒同埋雞肉串燒配埋花生沙嗲汁 熱辣辣食一流 凍左有啲韌 杯奶茶係有啲甜 但係經過啲冰溶咗之後 我覺得個甜度啱啱好 個茶底亦都好滑 肥雞決定下次再試下其他小食

呢間已經幫襯左幾次，水門雞飯（$48）嘅雞比較嫩滑，分量足夠，油飯味道啱啱好唔會太油膩，連雞皮都會食埋。仲可以加$10就食埋雞雜，有雞腎雞血雞腸雞潤雞心，非常抵食。水門雞飯會跟一個雞湯，裏面有冬瓜，都幾好飲，加咗胡椒粉喺裏面嘅，所以有啲啲辣。跟嗰個醬汁係加咗啲青辣椒都幾辣。•叫咗個椰青水（$32），質素就唔係咁穩定，有時會甜啲有時會淡啲睇你好唔好彩，今次好神奇嘅係佢成個椰青都係冰嚟👀之後叫佢換咗個就比較淡味。•泰式檸檬茶（$16）味道有別於一般嘅港式檸檬茶，首先佢個茶比較橙色好似染咗色咁，味道有啲怪好似好重口味咁，我比較鍾意港式嗰隻。•之前亦都食過佢其他嘅菜式都唔錯嘅，例如炒通菜都好救獲戲同埋西蘭花炒蝦都好食，總括來講係一間性價比非常之高嘅餐廳，可以encore。

呢間鋪開咗有一排，平時行開睇到但興趣不大，今日特別想食泰菜，所以專登過嚟一試。午市套餐好抵食，我地揀咗雞飯x2，炒通菜同凍奶茶熱華田。雞飯超出預期，d雞幾滑，唔會太”林”或者太”鞋”，d汁酸酸地好開胃。個通菜都幾好，我地另外加咗份鳳爪沙律(48蚊)，可惜辣度唔係好夠，再辣d會更好食。泰式奶茶同泰國嘅都係有d分別嘅，不過都幾好飲。對於我呢個鐘情於海南雞飯嘅人而言，呢間已經成為我心頭好之一，下次會再幫襯！Ps. 第一次咁認真打食評哈哈

最近係大埔個邊開左間水門雞飯，為左止止泰國癮，決定專登去大埔一試！試前循例openrice 下，見到5個好評，10個差評真係令🍔卻步，但以以往嘅經驗，對openrice 嘅評價已經失去信心嘅關係，🍔照去試食💁🏻‍♀️-叫左個水門雞飯($48)跟湯，加左$10加雞雜。湯好濃胡椒粉味，雞味卻欠奉，味精較重，很一般🙅🏽‍♀️飯嘅份量明顯比泰國多啲，粒粒分明，雞肉都算滑，冇人哋講嘅雪藏味，都算新鮮🙆🏻‍♀️雞雜都濃雞味，亦都唔係人哋講到乾柴又冇味🤷🏽‍♀️叫左杯泰茶，同泰國個啲味一樣，都幾香，但偏甜，因為佢哋set左個甜度，我覺得佢哋可以因應下香港人嘅口味，set得冇咁甜好啲😋-泰國嘢開係香港無可奈何係會貴㗎喇，但依家嘢價錢算合理，止下癮都唔錯😌其他嘢食例如粉麵個啲人哋就話湯底淡，🍔就靠你哋去試喇😏

之前去新加坡食天天海南雞好正，一直念念不忘，好想再食，依家終於比我搵到間同佢差唔多，甚至我覺得更好味嘅海南雞飯。叫咗個水門雞飯、炸水門雞飯、泰式奶茶 同芒果糯米飯。我鍾意食水門雞飯多啲，因為佢啲雞好滑好嫰，另一碟係炸雞，脆口啲，如果鍾意脆卜卜嘅嘢就可以試吓，各有特色嘅，都幾特別呀。叫咗個泰式奶茶，同平時啲港式奶茶好唔同有啲香料味唔係人人接受到。甜品就叫咗個芒果糯米飯、雖然食完正餐好飽但係甜品又有另一個胃，個芒果好甜有花香味，配上煙煙靱靱嘅糯米飯同上面既脆脆，有幸福嘅感覺。

在7月尾，跟一位住在馬鞍山的可愛女生，一起入大埔食飯，找了一間汀角路的泰式餐廳 <水門雞飯>！ 我問咗兩個朋友，都叫我搭307，由上環到大埔，車程45分鐘，15~20分鐘一班車！其中一位就係精通九巴、新巴路線嘅朋友！這裡裝潢簡約舒適！ 最緊要冷氣夠凍！店子上食物超快，落完單，2分鐘都無就到咗個雞飯及飲品！凍香茅特飲 (少冰 )$16當日大約 30~33度，意想不到！大埔嘅陽光真係好猛烈呀！連阿伯都擔遮！沿途行到餐廳，我已經汗流浹背！點了一杯凍飲降溫最好不過！清淡得來帶有香茅的清香，清涼解渴！令我即時降溫！水門雙併炸雞飯 $50除了水門雞之外，還有炸雞！$50 便可以一次過嚐到兩種煮法及口感的雞！前者嫩滑，後者香脆，食出雙重滿足！另有2款汁醬，增添風味！扎肉雞絲金邊粉 $43至於船麵，我們選擇了扎肉雞絲金邊粉！ 湯底清而夠味，金邊粉雪白滑溜，配上扎肉及雞絲，滿載泰式滋味！雞肉串燒 $36即叫即製，熱辣辣香噴噴！真是不容錯過！尤其是甜辣的咖哩汁，更是靈魂所在！烤麵包 $10外脆內軟的烤麵包亦可以蘸上咖哩汁，別有一番風味呢！芒果糯米飯 $58當我們見到芒果糯米飯表面有些黃色粒

佢哋有句口號：日日食雞，唔會瞓低😂 唔知有咩意思呢？🤔初次食水門雞飯，以午餐嚟講，算係抵食同飽肚！可以再encore！👍餐廳幾大，環境算乾淨，但鐵櫈坐得有小小不舒服🙈午市做緊2人套餐（$110），如果多人一齊食就可以嗌兩個set，試哂兩款小食！🔹水門雞飯 去骨雞肉啖啖肉，滑嫩肥美又幾好啵😋配埋雞油蒸飯，一啖一啖好快食哂。對於我黎講份量啱啱好，但男士黎講可能就未必夠。🔹泰式炒通菜 炒得幾香口，唔會話食到滿口油，整體不錯。🔹香辣鳳爪沙律酸酸甜甜幾開胃，有少少辣。📍水門雞飯大埔汀角路11號地舖．．環境分數：6.5/10食物分數：7.5/10Encore分數：7.5/10

泰國係幾年必會再Encore 既地方泰國🇹🇭既野食實在太好味 所以我見到大埔開左水門雞 第一時間衝過黎試試設計幾靚 又簡單d台台櫈櫈仲同泰國既一模一樣🤣水門雞飯當然是必叫既 賣相簡直一模一樣雞味濃郁 配上特製既醬汁😛😛仲有雞湯 比泰國少左份油膩 但更香甜😀不忘飲一杯泰式奶茶🤭 茶味香濃 個杯仲好靚鴨腿湯河更是驚喜 個湯有點藥材味 鴨味又極香濃 鴨肉一拆就甩出黎 煮得夠熟又入味配上最掛湯既闊身河粉 更加不得了😍串燒即叫即燒 好有誠意 配上泰國醬汁泰式炒通菜 是水準之上 份量亦比想像中多😀 食左咁多野 都係一個100蚊 抵到呢機票都唔使 就食到更勝原汁原味水門雞🙏🏽

貌似經過，見到開了這個水門雞飯，是泰國的特色食品非常雀躍前來一試。我點了一份冬陰公湯河粉，先生點了一份水門雞飯，另外還點了一杯芒果冰。餐廳環境乾淨企理，等待食物的時間亦不算太長，當時應端上我那碗很大的粉面時，頭一下心裏還想這麼大碗，但當我的筷子一放進湯裏面，湯很多但食物的內容很少，吃兩口便經已把這碗麵吃完⋯他收的是香港價錢但份量真的是跟回泰國，因為在泰國吃的粉面份量是很少的。但始終40多元吃一碗這樣的粉面，一點都不飽肚感覺有點差，與其這樣我還是用相同的價錢去吃米線好了，先生點的雞飯，雞也比較滑，不錯。分量的話算是正常但作為一個男人的食量應該也是不太夠滿足。

位於大埔大街嘅泰國餐廳，裏面主打泰國水門街嘅雞飯，大家一再回味水門街嘅海南雞飯。店舖裏面侍應都是泰國人滿有親切感，像置身於泰國旅遊。食辣與唔辣自行選擇，桌子上放有辣粉辣醬供客人揀選。雞肉肉質新鮮口感嫩滑，旁邊嘅醬汁也令人開胃。因為十分掛念泰國的芒果糯米飯，這裏也不失望能令我吃到正宗的芒果糯米飯味道。捧捧！

一直都想試呢間水門雞飯，有朋友話食過唔錯！咁啱今晚媽媽無煮飯，同佢去左呢度撐枱腳！種類都有幾多，但我地得兩個人，只係叫左一個小食、一杯飲品同兩個主食就夠喇！先黎一個泰式鳳爪，配埋有紅蘿蔔絲、紫洋蔥絲同芹菜，食落口感好爽、好彈！同埋醬汁酸辣度適中，即刻覺得開左個胃！我叫左海南雞飯，賣相真係好似去左泰國水門食既無分別！跟一碗冬瓜湯，有濃濃既胡椒味！海南雞係去骨既，食落好嫩滑！但個醬汁都係重要一環，唔太咸同辣，味道適中非常搭！再配上雞油飯簡直絕配！真係有驚喜叫左杯泰式奶茶兩份飲，味道唔太甜，幾滑！但同港式奶茶味道係有分別既！媽媽叫左大頭蝦冬蔭公湯金邊粉，粉麵底可以自由配搭！大頭蝦真係好大隻，口感爽口彈牙又新鮮！湯底亦好正宗而又夠辣既冬陰公，媽媽差啲想飲晒！餐廳入面有幾幅類近既大象畫佈置，感覺好似去左泰國一樣丫！整體黎講我覺得下次可以試埋其他，例如串燒同芒果糯米飯，應該都係唔錯既選擇！

最近聽講大埔開咗間水門雞飯😍，我非常鍾意係泰國食水門雞🐔，次次都要住附近為嘅就係去big c同食雞飯，所以知道大埔開咗點都要去試。大頭蝦冬陰公湯 $68唔算好辣，正常味道，唔會差。但如果麵底會更多當然更好啦。但想讚隻蝦好大隻，我呢d蝦迷🍤覺得好吸引，哈哈！水門雞飯 $48雖然比起泰國食當然唔平，但係我覺得係香港食絕對唔貴🤟🏻。老實講真必100%比到泰國咁，但我覺得都有90%，大家未有時間飛住絕對可以嚟止一止口癮。泰式通菜 $48通菜我覺得泰式嘅煮法係最好味🤤，唔係泰式我覺得會唔想入口，呢個都係我推介係到必點之一。芒果糯米飯 $58去泰國嘅人十居其九都會食芒果糯米飯😛，所以見到呢到可以見，我當然一試啦！凍泰式奶茶 $16泰式奶茶又係去泰國必飲之一😍，試過後真心覺得大家要不妨要一杯，睇嚟以後去泰國嘅錢都可以慳返，哈哈！🍽6／10🔎 水門雞飯大埔汀角路11號地舖

當天因工作關係經過了呢間水門雞飯，想起了旅行時食的水門雞飯令我一試難忘，於是便去試一試這間店的虛與實我外賣了一盒正常的水門雞飯與雙併的水門雞及炸雞飯試，當天的人不多，所以等了５分鐘左右便可以拿走了。回公司後與同事一齊食，普通的水門雞飯感覺還可以,飯是油飯，雞味是足夠的，反而是主角的水門雞味道淡了點，再濃一點會較好。另外同事表示炸雞飯比普通的水門雞更好，火侯控制得很好，他認為五十多元的價錢是合適的，會再試。

點估都估唔到，食咗幾日類近泰國既菜式，今日呢位朋友都仲係想食泰國類既野食！早知唔問佢自己發板吧！！嘅然要食泰國菜，去到大埔就唔想再轉其他地方啦，一於搵間近呢頭既泰國餐廳，上網睇睇，見到有間【水門雞飯】開了近半年，新新地又不防一試。入到去嘅感覺令我覺得同我去泰國旅行中食既小店或者餐廳咁好似好唔同因為環境好光猛，闊落。搵左個位置坐但睇一睇，餐牌有中英泰文，照顧各類人士，呢度除左有唔同配搭既雞類型既飯之外，仲有些金邊粉、泰式船麵、小食、飲品、甜品等等...選擇都不少呢！先點了幾款食物，再慢慢傾下計龍眼水 $16－Longan，好快就黎到，岩晒而家行到好想飲野既我！ 龍眼水不太甜，但可以做到龍眼味好濃旭如果鍾意食龍眼既人呢杯飲品非常適合，仲好清甜解渴添其實呢度真係比一般餐廳光淨，仲有個開房式廚房可以見到師傅如何制作，多一入親切感，可能係區內吧！感覺上跟九龍城既泰國餐廳好唔同。別有一番屬於【水門雞飯】既風味係到！不過最有泰國既能覺就係呢度既枱同椅子吧，因為泰國既就係咁，冇咩太過特式同特別，簡簡單單就最好不過！野食方面都逐樣黎到了...金柚子沙律  $68－Pomelo Salad 這道菜味道有點

係大埔探完個朋友 諗住返屋就食飯之際就收到個電話今晚屋企冇飯食正當有點無奈之際 望一望隔離就有一間泰國野就二話不說入左去坐低眼見好多枱客都係一家大細黎食我就同朋友一人叫左碟雙併飯水門雙併雞飯 一半係招牌水門雞 另一半係炸雞招牌水門雞已經去哂骨 啖啖肉 再點埋佢個醬汁有雞味得黎又有泰式口味而炸雞 唔油膩 仲有少少脆口非常野味 份量足夠一個男人食到飽泰式炒通菜真係有個年我去泰國食個感覺味道唔太咸 岩岩好 二人份量我地好快就清哂碟菜喇泰式生蝦非常整齊既一碟生蝦 一見到記有呢個感覺唔係c但擺幾隻生蝦上碟就算食落去爽口得黎 又食得出d肉好鮮 好紮實泰式奶茶食飯真係要叫返杯好有茶香味 唔係一尾得個甜字HIGHLY RECOMMEND呀！朋友表示自動波留左肚表示要食甜品原來佢係我行開左既時候叫左個芒果糯米飯芒果果肉好甜 口感唔會太熟 岩岩好糯米飯熱騰騰 配合少少椰汁 又真係幾高質wor!