水之泉 (已結業)

我不嬲唔寫食評 不過真係要講下12月16早上11點到此餐廳吃早餐 落單，無同人理，最終落到好聲好氣問想要杯水 結果一個好似經理嘅女人 聽完 反白眼(嫌煩表情)唔理跟住隔多15分鐘 我先叫另一個同事 想要杯水(唔該前唔該後)然後超大聲好惡一句: 等陣得唔得呀！我問:想要杯水都咁嘅態度佢:自己出去攞！你忙我都可以體諒但當客人態度良好 但點解要用惡劣態度去對待客人真係超差！超差！搞到客人心情變差啲員工應該要好好培訓！真係倒米

今日大約四點到，去咗水泉澳商場裏面嘅水之泉食嘢。一間喺公屋屋邨嘅餐廳越式餐廳算係有水準。首先我哋叫咗個越式沙律麵包，其實未算太正宗 因為有千島醬係上面同包入面 ，不過味道還不錯 ，如果想食可以叫走醬。之後仲叫左個檬粉呀叫豬頸肉檬粉啲肉唔太油膩 煎得幾香 都好juicy d粉幾彈牙爽口檬粉嗰啲汁唔算太甜係酸酸地 味道幾好 只係48元幾平所以值得一試大家如果有機會上到去可以一試 因為如果去市區的越式餐廳 價錢應該會貴一陪性價比幾高

環境舒服，價錢實惠晚飯時間，和朋友二人被安排到卡位就坐，座位幾闊落，光線充足。餐牌圖文並茂，設計都幾精美，單睇圖片都好吸引。一人火鍋幾抵食見材料都幾多，叫左冬陰公湯底，入面有肥牛，餃子，魚蛋，牛丸等。肥牛顏色好鮮豔，食落幾鮮嫩，肉質都非常嫩滑。魚蛋係潮州魚蛋，咬落好彈牙，同好大粒！而且湯底同醬油都可以係外面自助加！夠方便！焗芝士冬陰公海蝦大蜆麵包盅配金磚，有好多芝士，多到可以拉絲，而且蝦都好大隻，食到好爽好新鮮，蜆肉都大大粒，配合埋麵包點入面既汁食，口感不錯！點了一客牛油雞翼，意想不到雞翼每一隻都好大隻，外面唔係淨係炸粉，入面都好多肉食！外面炸得香之餘裡面也能多鎖住肉汁，而且肉質好嫩滑！香茅豬扒撈檬，$48好大碗，個碗又夠深，好似食極都食唔完咁！豬扒味道都好香！有兩塊大大塊。一路食餐廳就愈來愈多人，接近滿座。整體都幾抵食同坐得幾舒服！

行山日，同朋友黎到水泉澳。見到呢間餐廳係水泉澳商場中最有特色的，門口貼住的餐牌價錢都唔貴。同埋佢既裝修都好靚，比較特別又幾舒服，就選擇係水之泉食午餐。我地叫左個雞飯同埋生牛河，份量非常足夠。朋友說雞飯非常好食，很滑，飯也很香。個碟都幾特別我就食我最喜歡的生牛河，湯味濃，牛肉也非常正。午餐仲配兩杯飲品，我地兩個都叫左熱奶茶。黃色杯幾靚，睇落都覺得好開胃。食完個餐再加杯野飲真係好飽，50~60蚊一個餐好抵！

朋友係沙田圍水泉澳廣場度返工，推介有間水之泉餐廳唔錯，今日決定試下先。侍應服務幾好，叫我地坐卡位，又推薦餐廳熱門餐點。環境寬闊，乾淨企理。呢間餐廳主打越南菜式，我見大部分客人都點左距既越式一人火鍋，咁多人點，一定唔錯啦，我都要個火鍋試下先，我揀左越南火鍋湯底套餐A，有美國肥牛、鯇魚片、魚蛋、牛丸、鮮肉餃、冬菇和生菜等，仲有檬粉揀。湯底清甜，牛肉肥瘦均勻，魚蛋牛丸超彈牙，鮮肉餃子皮薄餡多，鯇魚片熟左好似蝴蝶型狀，我鍾意食蔬菜，所以加左$12一碟娃娃菜，檬粉爽滑吸收晒湯既味道，很好食。餐廳設有一個調味料自助區，仲可以加湯。打邊爐咁熱氣，當然要飲d下火既飲品，我點左一壺洋甘菊，味道甘香，仲可以清熱解毒，改善失眠。而且有6折優惠，超抵啦！越式拼盤有四款唔同既小食：香矛雞翼、春卷、芝士留心蝦餅、香矛豬肉蝦片，有配泰式辣醬。一式兩件，都幾大份，春卷酥脆，芝士留心蝦餅既芝士超正吖！朋友點左杯紫薯沙冰，紫色好靚，朋友飲完後俾左很高評價，讚距既紫薯味好出，沙冰又幼細。哇～咁好飲，下次我要試下距！

邨內最多元化選擇既餐廳一個越式 北京菜 泰菜 集於一間今晚叫咗扎肉雞絲檬粉味道👌🏻份量都大，可以兩人一齊食（如果細食）另外叫咗一食片皮鴨 皮都夠脆 肉少外皮夠熱 同 薄冬瓜湯夠大 加上鴨肉

落單阿姐A 落o岩單沙律多士另加滑蛋熱啡送單阿姐B 送餐先黎滑蛋同多士隔離枱客問點解我隻多士跟滑蛋送餐阿姐傻下傻下答送錯左走黎問我嗌左咩我話依家落左呢個餐你如果送錯整錯拎番走換俾我ok冇野既唔好全場嗌跟著佢話我冇同你講野喎呢度係茶餐廳唔係高級餐廳係咁架喎 仲拎走左我個多士同包走我話你講乜野呀之後佢俾番個沙律同多士變走左隻炒滑蛋仲大聲賴佢落單阿姐做錯野落單阿姐A走黎問我話你冇錯你同事理解錯個腦有問題我係要加炒滑蛋依家你變走左我隻滑蛋咁就差左我野喇係味唔俾我一個人食咁多野？我話你個送餐阿姐仲要咁樣話我係呢度唔係高級餐廳但你請個理解都有問題個腦有問題點做野佢話佢有時係咁我話係呀自己有問題做錯野賴同事喎跟著佢全場係度同同事講野傾計話我阿嬸阿嬸呢間餐廳第二時執笠絕對因爲佢呢個送餐阿姐

叫一個火鍋套餐先至68蚊，抵食夾大分，今次叫咗芝士鍋，配檬粉大大碟，加埋金菇肥牛 飽到上心口。湯底方面，椰子芝士鍋椰香味比較重，淥嘢食嘅時候先見到芝士， 芝士味唔太強，重點去咗椰子嘅清香到，喜歡淡口味嘅都唔錯。肥牛肉質滑嫩脂肪分佈平均，品質中上，金菇就中規中矩，算係新鮮，反而檬粉就驚喜多啲，有彈性，唔會煮完就淋曬。去到用餐時段餐廳入座率都好高，侍應都忙，不過餐廳比較貼心嘅係，有個自助醬料區，無論係醬料定係湯都可以自助 配置。另外嗌咗個小菜，魚露香煎比目魚，比目魚外皮炸得金黃香脆，淋上魚露蒜蓉醬，蒜味都相當重，酸味都勁，配上比目魚滑嫩嘅口感冇得彈， 美中不足嘅係遮蓋咗比目魚本身嘅鮮甜味。

今日因爲工作關係要響水泉澳收工。夜晚響果邊屋邨仔搵下有乜野食既時候，就比我見到呢間餐廳。佢主打越南野，但都有唔少其他種類既食物。見價錢唔貴，又多選擇，又多人食，咁就把心一橫入去試下。我自己一個人就叫左個焗芝士咖哩牛腩麵包盅晚餐，$88包杯飲品同飯。個麵包盅好出色，有好長既芝士拉絲，岩晒芝士控。仲要味道一流又足料！另外，飲品轉配特飲就有六折，即係圍番加廿蚊唔洗。又係有好多選擇。本身都唔打算叫，但見到有個抹茶乳酪沙冰，又有抹茶，又有乳酪，直程係我至愛！所以都係叫左黎飲，估唔到個配搭做得幾好！就係長氣都要再講，呢間餐廳個價錢真係好抵，岩晒我呢d小市民打工仔！

常餐中的越南滋味呢間餐廳喺水泉澳邨都開咗一段時間，今次都係第一次去試，餐牌上面嘅選擇都幾多，泰越兩種菜式都幾齊全。而家好流行嘅一人一鍋都有 我就揀咗冬陰功湯底配a餐，牛肉搭蔬果同丸，感覺種類比較多。呢個冬陰功湯底，絕對係非常越式冬陰功，同泰式嘅冬陰功用料差之毫，釐謬以千里。比起泰式嘅酸味重，呢個冬陰功就冇乜酸味，最特別嘅就係重香茅同埋落咗九層塔，整個火鍋嘅過程，九層塔嘅香氣係越嚟越強，係好正宗嘅越式冬陰功。配菜方面除咗有牛肉，金菇，牛丸仲有餃子同粟米，最推介嘅係其中嘅魚蛋，十分彈牙。除咗火鍋之外，仲嗌咗一個酸辣無骨鳳爪小食，鳳爪去骨去得好乾淨，入口第一個感覺係爽脆，醋味比較濃，少少辣，配青瓜食特別襯。食左咁多又酸又辣嘅嘢，配返一杯暖笠笠嘅好立克就潤返曬。

抵食越式餐廳！一入到去打開餐牌，食物種類繁多，而且圖片十分吸引，價錢也十分平民！茶杯同餐具都極具特色。我地點左都幾多款食物。焗芝士冬陰公海蝦大蜆麵包盅配金磚$98，單睇賣相相當吸引，而且入面料很足，起碼有五隻大蝦！冬陰公湯底火鍋$78，有豬肉及牛肉供選擇，我們選了肥牛餐，來到的時間我和朋友都嚇了一跳，因為非常大碟，同連鎖快餐店的size完全無得比！好夠份量，肥牛顏色同紋理都好靚，肥牛食落肥瘦適中，而且好新鮮，呢個價錢來講十分之抵食！會安牛油雞翼$48/4隻，上碟都一樣無得輸，隻隻都大大隻，而且炸得好脆口，好香牛油味，而且入面既肉好滑！食完兩隻都有小小飽，因為真係好大隻好多肉。香茅豬扒撈檬$48，一來到望到隻碗好大，入面既檬粉絕對唔小！朋友夾左兩碗俾我，但最後都係食唔哂！超級大碗，豬扒都係大大塊，好香既香茅味，味道唔錯！餐飲加左個玫瑰花茶，跟餐有六折，店員好細心提我倒到最後小心個蓋會跌！有個杯俾你到落去飲，玫瑰花味濃同幾清香，飲落好解渴而且有健康！餐廳份量好足！叫左咁多樣埋單都只係三百左右，已經可以好飽好滿足咁走！

同事話沙田圍嗰邊有間叫「水之泉」既餐廳幾好，一於收工去試吓先。坐馬鐵去到沙田圍站，行十幾分鐘就可以見到「水之泉」所在的水泉澳廣場，一入廣場就見到「水之泉」，尚算易搵咁啦～餐廳係懷舊風格，細細地但十分有風味。如果係情侶撐枱腳或者人少少幾個知心好友坐埋一齊吹下水食下野個feel應該都幾唔錯。我呢就叫左一個「泰妃雞飯」，第一個感覺有少少似海南雞飯，但係這個「泰妃雞飯」雞既部分十分結實，卻又不失滑口，更正的是幸運的拿到了雞腿，啖啖都係肉十分過癮！另外飯既部分拌有雞油，令飯的口感變得多元化，更添上了雞獨有的香味。小食方面我地叫左一個「越式拼盤」，有香茅豬肉蝦片、芝士流心蝦餅、酥炸春捲以及香茅雞翼。值得一提的是，蝦片係用超市有售某牌子的包裝蝦片，豬肉同蝦片配塔幾新奇夠創新～最後飲料方面，我要咗一杯跟餐有六折優惠的「紫薯沙冰」，新鮮的紫蕃薯十分特出，沙冰亦可以為炸物拼盤減低熱氣，算是一個很好的調和。整體來說用餐體驗很愉快，食物質數不俗，同時員工態度有禮，環境亦非常舒適。下次有機會一定多帶同事黎小聚會。

工作關係來到水泉澳村，依山而建，風涼水冷。商場入多數是連鎖餐廳，唯獨是呢間食越南野既水之泉，而且都約多人幫襯，所以入去試試。八點正值晚飯時間都幾多人。一人火鍋似乎係每台必叫，而且今晚天氣太凍，打邊爐就最岩！另外還有似係二人份量既火鍋及追加配料。可以自助加湯底及調味料。水牛芝士火鍋湯底來到既時候聞到陣陣既椰香，仲有一粒粒未溶既水牛芝士。 水滾未落料前飲左一啖，估唔到水牛芝士又會同椰汁甘夾，非常清甜。火鍋配料黎到既時候都嚇左一跳，因為份量都幾多！應該都夠食唔使追加。豬爽肉厚切，大大塊，超正。咬落去爽脆，肉汁噴晒出黎。溫馨提示唔好滾太耐，如果唔係就會變到好鞋。魚旦係潮州魚旦，好彈牙鯇魚片新鮮，厚切大塊，不過如果係脆肉鯇會更好！溫馨提示又係唔好滾太耐，如果唔係就會散晒變魚湯仲有烏冬，檬粉，公仔面可揀，真係超滿足！咖哩軟殼蟹咖哩汁好香，微辣，易入口。朋友同我都覺得如果乾身啲上會更惹味，不過呢個咖哩汁真係送飯一流！而我就用呢個咖哩汁食晒啲烏冬！軟殼蟹炸到好脆，應該大概有兩隻蟹既份量，都幾抵食。戈馬拉盞炒時蔬估咖到可以揀椰菜苗而唔使另外加錢！馬拉盞少少辣好惹味，加埋椰菜苗既爽脆，真係多多都唔夠，而且

星期日與家人去吃下午茶餐，點選了芝士腸蕃茄通粉加炒蛋多士。多士只是輕微烘過，不夠香脆，炒蛋略為過老，不夠嫩滑，整體味道一般。之前光顧了數次，雖味道一般，但因屋邨商場選擇不多，比起其他餐廳，算是不錯之選。但最後結賬時，問女銀收員可否分開收錢，她即時黑面，態度惡劣說「下次要分開收錢便分開下單」，本身我跟家人聽後也沒有出聲，只想完成結賬便走，唯女收銀員不知是否計數不佳，不懂分開收錢之餘更找錯數，之後向我們發脾氣說「分開收錢就會如此麻煩」。其實她數學不佳，世上有儀器叫計數機可以協助她，減低找錯錢之餘，亦可以少些怨氣，而且不想分開收錢，最直接是可以婉拒我們要求，我們亦不用收她氣，看來自此又少了一間餐廳選擇，無下次！

天寒地凍想打個簡單邊爐，商場入邊得幾個選擇，活仔成日食，一記又唔好味，最後望到原來嗰間越南野晚市都有一人一鍋，價錢都好貼地，$68 包餐飲，唔使考慮啦。全場都full曬，幾乎八成嘅人都係一人一鍋，氣氛好熱鬧，等左一陣有枱埋單。揀啱晒差唔多落單之際，隔離嗰個無端端發現新大陸，話要試吓咩帽子海鮮火鍋喎！但全場好似冇人食架喎，又貴咁多，會唔會俾人笑我哋傻豬？但係睇返啲配料又真係正好多既，有大蜆啦、有蝦啦仲有鯇魚片。是但啦，爭幾十蚊啫，食豪少少囉⋯⋯落單之後都要等成十幾分鐘先有嘢上枱，似乎真係好生意到踢晒腳，冇計啦個個都凍到爭住要打邊爐。千呼萬喚個鍋終於來了，果然好有氣勢喎！每款火鍋配料都唔錯，肥牛級數好過大記，唔會鞋颯颯，都幾有牛肉味。蜆好大隻，都算鮮甜。蝦更掂，新鮮的。鯇魚片不是脆肉，同埋有骨，要小心食。牛丸魚蛋都彈牙，但冇乜味。湯底初初 ok, 但越食越咸，後期我地冇再加湯，只加清水算了。飲品我地order 左芒果沙冰同埋青檸梳打，好大杯又真材實料。芒果沙冰真係有芒果肉架，又甜唔似溝糖水。跟餐六折，都係加 $18咋，有驚喜。青檸梳打都好足料，好多片青檸又夠大杯，幾好！食到七七八八，剩返啲