影片
幫襯左好多年，估唔到嬲到要寫食評，第一次寫食評，只因太嬲一肚氣。幫襯過早，午，晚，下午茶，熟客都呃，唔怪得愈黎愈少人光顧。事原，今早去買2個外賣早餐，一個沙嗲牛肉公仔麵加炒蛋加腸仔，另一個同佢講要豬扒包拼薯條，野菜沙律，店員話，無薯條改左煎蛋，都奇怪，改煎蛋，門口大大個餐牌寫住薯條，店員話機出係煎蛋，我哋問佢改炒蛋可以嗎？店員話早上太忙炒蛋做唔到，我哋聽後覺得真搞笑，另一個餐又炒到蛋，都唔緊要，照買，出單後，發現收40蚊，另加盒錢，門口大大隻字寫住35，我哋問店員為何收多了，店員說，門口係錯既，我哋睇餐廳入面的餐牌，9月1號改了，我們追問為何門口誤導人，她說不知道，亦不會退錢，也不會取消張單，我們無奈接受。不知道他們欺騙了多少街坊完全違反商品說明條例之後回家打開發現漏了沙律，打給剛剛的店員，店員說要check check，然後直接cut線，真的火都黎。之後過了幾分鐘再打給她，她說詢問後是同事忘了，最嬲之後我哋下午去取回沙律，原本沙律用長方形外賣盒，店員叫廚房用小型的圓形盒，最少少一半的分量，離晒大譜！
繼續閱讀
上菜有少少慢，非繁忙時間約15至20分鐘，味道不如以前但還可以接受，但計返成15至20分鐘就有啲唔值😟😟門口派飛部機係冇用嘅，客人就算有冇拎飛都直接入餐廳同經理講幾位入座，並沒有清晰嘅帶位同派飛。😞😞😠但勝在有個黑衫女經理都幾熱心，會幫手跟客人叫嘅嘢到未，有熟客到，佢都可以對答，相比之下，其他侍應就大多無視客人舉手落單。🤔🤔總結而言，有時間同耐性嘅不妨可以試吓，但不太適合得短時間食lunch 嘅人。🤔🫠
繼續閱讀
叫左個兩餸飯，見個賣相ok，一聞落去少少臭，一食完個肚開始唔舒服，一頭以為食太飽，冇留意，瞓瞓覺突然腸胃不適，又肚瀉，肚瀉左五六七次到，演變左腸痙攣脹氣，持續放臭氣，每一刻勁痛苦，完全瞓唔到，真係唔該做好啲衞生先。😖
繼續閱讀
開開心心食緊個早餐既時候，食到一半發現入邊有蟲，即刻冇晒胃口。我都明白廚房呢啲嘢好難避免，但出現蟲喺兜面入面尼件事已經唔係第一次半次，係第三次。究竟衛生環境係有幾差先三次都喺食物入邊見到。多謝唔會再食
繼續閱讀
先唔好講好唔好食. 但茶餐廳早餐唔包餐飲.落單時候唔同你講淨係問你飲咩. 一杯奶茶最後埋單要另外加21蚊.個麵餐先37蚊.成個餐要58蚊痴線. 我估區內啲居民都應該知.所以冇乜客. 不過提醒好似我呢啲第一次去嘅. 小心啲睇清楚價錢先落單.
繼續閱讀