水之泉 (已結業)

幫襯左好多年，估唔到嬲到要寫食評，第一次寫食評，只因太嬲一肚氣。幫襯過早，午，晚，下午茶，熟客都呃，唔怪得愈黎愈少人光顧。事原，今早去買2個外賣早餐，一個沙嗲牛肉公仔麵加炒蛋加腸仔，另一個同佢講要豬扒包拼薯條，野菜沙律，店員話，無薯條改左煎蛋，都奇怪，改煎蛋，門口大大個餐牌寫住薯條，店員話機出係煎蛋，我哋問佢改炒蛋可以嗎？店員話早上太忙炒蛋做唔到，我哋聽後覺得真搞笑，另一個餐又炒到蛋，都唔緊要，照買，出單後，發現收40蚊，另加盒錢，門口大大隻字寫住35，我哋問店員為何收多了，店員說，門口係錯既，我哋睇餐廳入面的餐牌，9月1號改了，我們追問為何門口誤導人，她說不知道，亦不會退錢，也不會取消張單，我們無奈接受。不知道他們欺騙了多少街坊完全違反商品說明條例之後回家打開發現漏了沙律，打給剛剛的店員，店員說要check check，然後直接cut線，真的火都黎。之後過了幾分鐘再打給她，她說詢問後是同事忘了，最嬲之後我哋下午去取回沙律，原本沙律用長方形外賣盒，店員叫廚房用小型的圓形盒，最少少一半的分量，離晒大譜！

上菜有少少慢，非繁忙時間約15至20分鐘，味道不如以前但還可以接受，但計返成15至20分鐘就有啲唔值😟😟門口派飛部機係冇用嘅，客人就算有冇拎飛都直接入餐廳同經理講幾位入座，並沒有清晰嘅帶位同派飛。😞😞😠但勝在有個黑衫女經理都幾熱心，會幫手跟客人叫嘅嘢到未，有熟客到，佢都可以對答，相比之下，其他侍應就大多無視客人舉手落單。🤔🤔總結而言，有時間同耐性嘅不妨可以試吓，但不太適合得短時間食lunch 嘅人。🤔🫠

叫左個兩餸飯，見個賣相ok，一聞落去少少臭，一食完個肚開始唔舒服，一頭以為食太飽，冇留意，瞓瞓覺突然腸胃不適，又肚瀉，肚瀉左五六七次到，演變左腸痙攣脹氣，持續放臭氣，每一刻勁痛苦，完全瞓唔到，真係唔該做好啲衞生先。😖

開開心心食緊個早餐既時候，食到一半發現入邊有蟲，即刻冇晒胃口。我都明白廚房呢啲嘢好難避免，但出現蟲喺兜面入面尼件事已經唔係第一次半次，係第三次。究竟衛生環境係有幾差先三次都喺食物入邊見到。多謝唔會再食

先唔好講好唔好食. 但茶餐廳早餐唔包餐飲.落單時候唔同你講淨係問你飲咩. 一杯奶茶最後埋單要另外加21蚊.個麵餐先37蚊.成個餐要58蚊痴線. 我估區內啲居民都應該知.所以冇乜客. 不過提醒好似我呢啲第一次去嘅. 小心啲睇清楚價錢先落單.

本人今天4點幾去買外買，比左錢又唔比收據人，就咁叫人出外面等取，等左後佢叫左個號碼，我話我冇收據唔知係咪我，個員工話你要唔要都得嫁！問題1：係我唔知自己取貨幾號。問題2：攞錯又點呢！問題3：咩要唔都得嫁！工作態度咁有問題。以後唔洗幫襯。

叫個外賣熱狗薯條結果等左50分鐘，我睇住杯凍檸檬茶冰都融嗮，期間更目睹俾漏外賣等情況，極為混亂。向員工投訴，佢竟然話係咁噶啦！態度極差！味道素質先唔講，服務一定唔合格。以後都唔考慮呢間餐廳。到水之泉叫外賣的朋友真要考慮清楚。

外賣自取，急叫人落，講多咗一個，話唔好意思，取消，但收銀話打咗單，唔改得，之後仲拍桌，態度惡劣，眼啤啤，我話唔要，佢仲話唔做你生意，😎大陸人我見得多，但低質都甘，真係影衰生活喺香港嘅人

第一次踏足呢條喺山上嘅屋村，求其搵間野醫肚，叫左個蕃茄牛筋腩飯，味道OK，但最令人驚嘆嘅係呢個碟頭飯嘅牛腩多到嚇死人有啲餐廳 講就講牛筋腩 結果得腩無筋，今日食嘅呢兜，除左數件牛筋超大舊外，腩亦都超多，非常抵食本身呢間餐廳只係我路過求其坐低嘅餐廳，志在填飽個肚，不過個人最欣賞啲大大方方嘅餐廳，因為實在遇過唔少伏野，例如叫個咖哩牛腩咁，蘿蔔薯仔多過牛腩，仲要係碎曬，所以，特此出post，以示表場及支持 😆😆

碗蕃茄湯河一d味都無仲要d河粉朔晒水食左兩啖吾食，d牛助條又難食炒金邊粉，又係無味道好心就做好d，留住d食客唯一好食就係個雞肉沙律，份量多，算新鮮兩個人食194

weekend朝早起身屋企懶得喺屋企煮，反正都要出門口就落街食埋個早餐先出街算數其實小弟自己對非連鎖餐廳係有一種偏好，所以揀餐廳嘅時候盡量都會揀小店黎食先望一望個menu，種類都唔算太少，不過食過水之泉D湯粉麵類嘅早餐，覺得個湯底唔多夠味，反而個奶油脆豬仔包幾好食最後揀返自己正常會食嘅選擇(肉食動物之選) : 香茅豬扒，黑椒雞扒(+$3)，奶油脆豬，炒滑蛋必食之選係黑椒雞扒同埋奶油脆豬香茅豬扒醃得夠味，不過感覺上係用梳打粉令到豬扒嘅肉質變腍，所以食起上黎口感同味道相對地係爭DD黑椒雞扒煎得香脆嫰滑，個黑椒汁又夠惹味，+3蚊都抵俾奶油脆豬唔係用好硬身嘅豬仔包，唔係食開澳門豬扒包嗰種，相對地軟熟D易入口D，再加上有埋奶油喺入面，甜甜地，自我試過一次之後都揀佢而捨棄左蒜蓉多士，因為蒜蓉多士烘得比較乾身炒滑蛋正常都夠滑身，唔係M記嗰種蛋粉開出黎，都有少少蛋味，但又未去到大排檔嗰種地步其實仲有杯熱奶茶，不過冇影到，因為都只係正常普通貨色，同大排檔級數有一段距離，茶唔夠香，奶唔夠滑，相對黎講係似快餐店質素

行完山落到水泉澳村，見到有越南餐廳，下午茶餐三十幾至四十幾，種類頗多，就決定入去試下。每張枱有膠板隔住，都尚算寛闊。叫左35元香茅炸雞肶餐，本來配薯條，我問下可否轉沙津，又可以喎。雞肶調味唔錯，好有香茅味，炸得香脆，食到係生炸，頗juicy。驚喜係沙律，俾左越式沙律，份量好足，酸酸甜甜好醒胃。除左越南菜，其實都有做一般茶餐廳的炒粉麵。屋村餐廳的水準來說，可說相當不錯。待應亦幾好招呼，起碼肯爽快地轉沙律。

行山前, 一定要有充足的體力！早上十點多,在水泉澳商場, 可以選擇的食肆並不多呢. 特意來這餐廳醫肚才出發. 未坐下已非常肚餓了, 我點了個煎雙蛋午餐肉雞肉腸飯, 另送了杯熱飲, 才$29（ 未加一的）. 服務員反應都幾快的, 下单、上餐速度都很快, 食物味道是可以的. 我最深刻的反而是杯咖啡, 有別於美心/大家樂/大快活的即磨咖啡, 是帶點酸的, 味道較為特別, 可以一試. 這裡的裝修有點像傳統茶餐廳, 以卡坐(軟坐)為主, 但佈置比較舒適.

新請既新移民呀姐，話轉頭翻黎幫我地落單，隔佐10分鐘都無翻過黎！同黑衫經理落單既時候輕輕反映，發覺原來佢唔識落單，唔知係咪話完佢唔份氣，擺低碟就要睥住人。做錯事就算，仲要無認錯態度，全程食飯不停目光仇視，離開店前仲要專燈拖住地出黎睥多下，想點？之後再同經理講 佢個態度完全唔想理，平時都算係熟客，諗野食第一時間都會揀水之泉去食，自從水吧同廚房都換左人，啲野飲唔好飲，沙冰真係比冰你，野食又難食佐，岩岩叫佐碟咕嚕肉，未送到埋口已經聞到陣餿味，依加仲要咁既服務態度。 難得同屋企人食飯，完全影響哂心情，真係一世難忘。以後唔會再黎。

相約朋友到新公屋村吃飯，其實只有這間比較特別，所以進去進餐，幸好不用等位🤪點了生菜包套餐，香茅豬扒炒公仔面，無骨鳳爪同埋咸檸七。上菜很多，值得讚賞，生菜包飯既豬肉碎算不錯，但有啲濕，有微辣； 香茅豬扒本身係最期待，可惜佢唔係香茅而係普通煎豬扒，而炒公仔面算乾身，不過冇咩味道；鳳爪有辣味，顏色有別其他店鋪，佢偏橙色、味道可接受；咸檸七成隻檸檬上，勁好笑😂😂