水上人八鮮蒸鍋 (已結業)

讚：上菜超有效率！一碟上完即刻有另一碟，啲夥計又好野噃，放低野食入蒸籠，佢又真係記得之後返轉頭幫人拿野；龍蝦相當足料，肉爽膏多；蒸糯米飯好透身，無乜夾生；多寶魚就皮滑。彈：海鮮整體黎講係無味，只係食到質感同醬料味，鮑魚無味，係咬到煙煙韌韌咁，帶子就爽口，但都無乜味，其他菜式都大致係咁；點心係全部都唔得，真係一望就知係工廠出品，味道淡到等如無果晚係大節日前夕，佢地要做多輪生意，絕對正常，自己搞錯又叫顧客幫手早啲埋單讓番張檯出黎，其實真係無乜得比顧客揀，唔通我話唔好咩，同埋隔離檯又唔知詳情，係咁講我呢張遲左還檯！喂！我無囉！總結：一鑊夠皮有突

素來喜歡吃海鮮，於是選擇與友人嚐試這家的蒸海鮮。一行八人見$268套餐四人送一人優惠，便點了這套餐(週五晚上每位加$30)。用餐全程有侍應照顧，負責計時和分菜。套餐共有八款海鮮，每款海鮮配有一款蔬菜及可自選調味。其中鮑魚、多寶魚、帶子、元貝及蒸蝦糯米飯亦非常新鮮美味。友人點了芒果和百香果沙冰($22/杯)，份量出乎意外地大，味道不會過甜。環境熱鬧但不會太嘈吵，用餐沒有限制用餐時間，適合聚舊聊天。最後，大家肚子滿載而歸。

中午時段$98火鍋任食放題, 假日再加20蚊。 初時都覺得唔錯, 食到一半竟然發現其中一碟食物 下面有一隻小強, 話畀店員知, 老闆立即道歉及送上兩支飲品, 我已經冇心機再食. 想不到 之後肚痾十幾次, 醫生話係腸胃炎, 以後一定不再光顧.

之前食過同地址前身嘅「阿爺粥品手工涮涮鍋」，覺得相當不錯， 不過原來餐廳已經轉左手， 不過一山還有一山高， 而家新店「水上人八鮮蒸鍋」更為出色！❤️ 有多款套餐可選擇， 除了有午市任食火鍋，包40款配料任食，限時100分鐘， 還有蒸氣火鍋套餐，蒸鍋+火鍋套餐，單點蒸飯。 我同媽咪揀左蒸氣火鍋套餐， 每位只需$268， 包1盅老火湯， 8款時令生猛海鮮，仲可以揀心水醬汁一起蒸，和八寶蒸飯， 保證食到飽！😏 6小時老火燉湯， 配料十分豐富，有蟲草花、雞腳、粟米等， 清甜滋潤，又補身！👍🏾 8款時令生猛海鮮， 每份海鮮都會配上一份蔬菜，簡單美味。 龍蝦 梗係要清蒸先夠原汁原味， 龍蝦超新鮮，蝦膏鮮甜味美，蝦肉爽彈多汁， 好好食呀！😋 鮑魚 都係揀左清蒸，口感腍滑爽彈，鮮味十足， 旁邊配有釀過嘅蘿蔔，好入味呀！☺️ 元貝仲連埋殼，好新鮮呀！😍 金銀蒜蒸，幾惹味， 肉質鮮味又有嚼勁，正！😋 配菜萵筍清爽鮮甜。 帶子連殼，可見有幾新鮮啦，絕無花假！😍 用豆瓣醬蒸，都幾夾呀！ 帶子鮮甜爽彈，好味

上網睇食評介紹話海鮮夠新鮮，好味，於是去試試，點知原來平平無奇。首先講吓個老火湯，清甜夠火喉，飲完唔會口渴。小龍蝦都算爽口彈牙，但太細隻鮑魚清蒸冇咩味，仲有少少腥帶子、扇貝，蒜蓉蒸最好味豉汁蒸魚雖然夠滑，但仲有魚腥味清蒸花蟹口道都算可以，但份量太少，冇乜口感最後鮮蝦蒸糯米飯係最好食每位收費$268+30(星期五、六日)貴左少少，因為都冇乜太多海鮮食落肚，但叫有專人幫你蒸同埋分配食物，下次再嚟要考慮下先(╯﹏╰）

小子今日突然想食海鮮鍋， 由於今日去荃灣工作，順理成章就係荃灣搵食上open rice,順手book埋位，揀左依個餐， 當然仲有其他餐㨂。 $268/位 （七款海鮮+鮮蝦蒸糯米飯）每款海鮮都要揀調味料海鮮新鮮的話點煮都好味海鮮不過不失， 正常野。而小子都幾欣賞食到最尾的「鮮蝦蒸飯」，份量都幾好，除左蝦之外， 仲有芋頭、炸菜、萵筍、花生等等，加上少許醬油， 估唔到係好鮮味，好似成個餐既精髓都在依個蒸飯內， 小子都䦋唔住口食了2碗飯。

昨晚收工後跟左朋友去荃灣shopping，佢向我介紹附近有蒸鍋食海鮮，名為水上人八鮮蒸鍋；作為海鮮愛好者就二話不說就去左。餐廳入面環境也很大，有好多car位；令食客好舒適一邊等蒸野食！Menu上已經列明海鮮，食客只需要選擇醬汁即可。燉湯（蟲草雞燉湯）：燉湯是送的，燉湯蟲草味道極為濃郁，咸味剛好；當中不少得雞件也不會鞋口；另外仲有豬肉和雞腳。整個湯真的令我好回味，湯剛好飲完的時候，蒸鍋已準備好了！龍蝦：龍蝦是剁椒方式，剁椒有少少辣，但沒有搶走龍蝦本身的鮮味；龍蝦肉質實肉，帶有鮮味。鮑魚：鮑魚用了翡翠汁方式，鮑魚size刀幾大隻，口感好彈牙，鮮味突出。帶子：帶子是金銀蒜方式，更加令本身帶子鮮味突出，帶子口感好爽口，鮮味很出。元貝：元貝採用士多啤梨蟹籽醬，味道酸甜之外，仲有蟹籽卜卜口感；另外元貝一樣好鮮，同士多啤梨蟹籽醬味道好夾！魚：魚選擇豉汁方式，魚好嫩滑，但比較多幼細既魚骨，食用需要小心；豉汁味惹味。蜆：蜆只有清蒸的方式煮食，蜆沒有沙粒，味道一致鮮味。花蟹：花蟹選擇了豆醬方式，豆醬酸酸甜甜很開胃；花蟹蟹肉好鮮，絕不是死蟹的口感，豆醬不會蓋過鮮味，不錯啊！蒸蝦飯：和朋友大讚依個蒸飯，由於咸

我好中意食海鮮, 買返屋企自己整又怕煩, 係出面食又怕海鮮價比人呃秤。 住荃灣區既朋友今晚就帶左我黎呢間水上人食蒸海鮮, 一個明碼實價既價錢, 可以食到唔同款海鮮, 而且每款海鮮都可以自選醬汁, 真令人期待!在ORDER紙上自選醬汁先送上蟲草花燉湯, 非常足料好飲, 飲得出係老火湯, 夠哂滋潤很快以層層蒸籠分好已配好醬汁既海鮮整棟上檯職員會協助將每層放上蒸爐上, 教好Timer, 唔擔心會蒸過時發現其中鮑魚相當生猛, 仲郁郁下ga!!龍蝦 (剁椒): 兩個人食, 開邊龍蝦一人一半, 未試過用辣辣地既醬汁配搭龍蝦, 味道如此新奇, 但不擔心會覆蓋海鮮既原汁原味, 店方只用醬汁淋上面, 不經醃製, 龍蝦超爽口, 陣陣鮮味鮑魚 (翡翠汁): 其實唔太食得出個汁咩味, 可能因為鮑魚已經夠鮮甜, 很爽, 下次選擇清蒸比較好魚 (豉汁): 魚好嫩滑, 但鮮味唔太突出, 還好豉汁味道較濃, 調一調味都唔錯! 稍嫌條魚比較多細骨, 食既時候要小心蜆 (清蒸): 唔知點解兩個人會比5隻蜆, 可以平均分嗎? 不過蜆肉算大隻, 唔會有沙元貝 (士多啤梨汁): 非常特別既醬汁, 呢個汁配元貝都幾創新, 但食落

因為之前老婆同朋友去食過蒸海鮮鍋，我一次都沒有食過，今次老婆帶我去第一次食既海鮮蒸鍋。今次近近地係荃灣食先。蒸汽火鍋海鮮套餐$268-包括八款不同時令海鮮，海鮮全部用魚缸養著，保證新鮮生猛。口味隨自己喜好作剔選，非常貼心。先送上自己製燉雞湯補一補，材料豐盛，有蟲草花，雞腳，豬骨等等，清甜潤喉，香濃美味。最期待嘅海鮮終於上場，高高嘅蒸籠，每盤盛裝著各種時令海鮮。【龍蝦】先品嚐龍蝦，揀咗清蒸煮法，可以保持龍蝦嘅原汁原味，入口爽彈厚肉，龍蝦膏仲好甘香鮮甜。【金銀蒜蒸元貝、豉汁帶子】再黎有金銀蒜蒸元貝，肉質鮮嫩軟滑，蒜味香濃，而帶子加了豉汁去蒸，味道非常之夾，可以提升鮮甜味。【清蒸花蟹】清蒸花蟹，勁多蟹膏，蟹膏甘香，蟹肉清甜鮮味，非常新鮮。【蒸蝦糯米飯】蒸蝦飯，鲜蝦開半再上加蒜蓉同糯米飯一齊蒸熟，最後加上蔥花豉油拌勻，味道香濃鮮甜，蝦肉爽口，糯米軟硬度剛剛好，比想像中好。

好耐無入西貢食海鮮，始終地點不太方便，今晚心血來潮想食海鮮蒸鍋，上網見到荃灣新開了蒸鍋餐廳，於是立即打電話訂枱。餐廳環境乾淨企理，空間感十足，而且非常光猛。一心來店要食蒸鍋，所以二話不說先order 2人份蒸鍋，店員先提供一張紙仔給食客自己挑選各款海鮮的調味，有些調味比較特別，例如剁椒，梅子，翡翠汁等等，第一次可以配搭海鮮。轉眼間各款海鮮籠已經一拼上桌，先有清蒸龍蝦，龍蝦肉質爽口彈牙，鮮味十足。之後到剁椒鮑魚，剁椒香辣味突出配上鮑魚，味道香辣又不失鮮甜味，非常正！蜆肉飽滿多汁，肉質鮮美。豉汁蒸多寶魚，一絲絲嘅魚肉，鮮甜又嫩滑。而配菜都顯得特別清甜，新鮮，最緊要可以食到食材的原味。鮮蝦蒸飯一打開蒸籠已經香氣四溢，加上豉油，蔥花等等拌勻，飯粒充滿了鮮蝦嘅鮮甜味，入口軟綿，油香豐富，好好食。價錢$268 包8款時令海鮮，扺食又好食，而且地點方便，下次一定帶屋企人試試！

年初6 今日爸爸生日，帶佢試蒸氣火鍋冇諗到海鮮咁新鮮一坐低立即飲返個老火湯 暖暖胃好耐冇起出面飲過咁足料老火湯估唔到咁夠火喉 飲完真係精神哂服務員真係好細心 ， 雖然 繁忙時間都等我哋飲完湯先幫我哋蒸龍蝦蒸嘅時間做啱啱好一定唔會過時呢個鮑魚我就揀咗個翡翠醬落去一齊蒸不過個味道就怪怪哋個翡翠醬不過側邊嗰個蘿蔔真係好甜好新鮮原來海鮮始終 配搭返蒜蓉醬係最美味雖然價錢貴了點 不過總括嚟講海鮮都好新鮮嘅不過大家都不妨一試 最緊要爸爸開心大家就心滿意足啦

選了268蚊的套餐有龍蝦，扇貝，鮑魚，蟹，魚和鮮蝦糯米飯，性價比還不錯的，環境通風也不錯，最怕是火鍋通風唔好食到成身味同透唔到氣！這裡可能是因為用蒸汽的關係，也不會太焗。食物方面，比較可惜龍蝦扇貝和鮑魚看來新鮮，但鮮味不足，蟹算是比較鮮甜，蟹蓋也有少少膏，最好吃反而是糯米飯和甜品的椰汁糕，另外如果有飲品就更好呢服務方面有時蒸完時間夠響鐘也未有人來，在非繁忙時間來說是要扣分了，整體來說也是不錯的，尤其喜歡海鮮的朋友可以一試

燉湯，材料充足，飲唔到有味精嘅味道所有材料都好新鮮，上枱嘅時候都仲郁緊嘅，有好多唔同配料嘅煮法俾你揀，但個人來講覺得最好嘅都係清蒸絕對唔係水蟹 一梳梳嘅蟹肉鮮甜無比 啖啖肉㗎蜆充滿海水味 肥美飽滿 而且冇沙鮑魚清洗得夠曬乾淨 肉厚彈牙爽脆 大大隻啖啖肉嘅龍蝦口感十足 一食就知夠新鮮 冇得彈 清蒸已經非常完美海鮮配啤酒 人生一大樂事同一大班朋友 三五知己食住海鮮飲下酒 實在太幸福服務態度一流，基本上所有菜上台都會有人服侍你，幫你set啱時間去煮熟，服務員有充分時間照顧每一台特別推薦佢個正糯米飯，佢油份非常充足，食落口唔黏口嘅感覺，落豉油嘅份量又啱啱好，唔會太鹹或者太淡總括可以用四個字形容:價廉物美！

聽說荃灣沙咀道開左一間水上人八鮮蒸鍋，喜歡食海鮮的我又怎能錯過，今晚就約埋同事齊齊去食返餐。選完套餐再選食法，等待期間上了一個老火燉湯，雞湯濃郁夠晒火喉，啖啖精華，味道鮮甜！套餐有八款海鮮，用蒸籠配合適當的時間蒸煮，自選食法有清蒸、豆醬、金銀蒜、剁椒、豉汁等等。龍蝦用金銀蒜蒸，肉質彈牙又鮮甜。清蒸鮑魚熟度剛剛好，鮮味十足吾會韌，元貝、貴妃蚌(當天帶子沽清)、蒜香味四溢，蜆清甜冇沙。魚肉嫩滑，鮮蝦蒸飯，蝦開邊，放在糯米飯上蒸，糯米飯吸收了蝦的鮮味，加點豉油食，美味又惹味！甜品桂花椰汁糕做得精緻，夠香甜！

有同事提起之前在荃灣食過一間極鮮味的蒸海鮮套餐，名叫水上人八鮮蒸鍋，店家的海鮮鮮甜美味，今晚我和老公剛好去荃灣辦點事，順度前往試試這店的海鮮！店內有幾款套餐選擇，我們選了每位268的蒸海鮮套餐，用蒸籠蒸海鮮，並在枱上放有計時器，計算蒸海鮮的時間！首先來一盅老火燉湯，蟲草花燉雞，湯濃郁芳香，味道香甜。海鮮有八樣，每種海鮮都可以自選調味料去蒸，有清蒸、豆醬、金銀蒜、剁椒、白汁、豉汁等。龍蝦、蟹、貴妃蚌、元貝，我選了用金銀蒜蒸，鮮味又惹味。特別是龍蝦和蟹，有濃濃的鮮甜味，魚是多寶魚，用豉汁蒸，鮮嫩美味。鮑魚、蜆和蒸蝦飯就清蒸，原汁原味，鮮味十足。海鮮新鮮才有鮮甜味，口感才會彈牙，其次是控製蒸的時間，多一分少一秒也會影響到口感和味道，值得一讚就是這店的蒸煮時間，計得好準，令我們享受了一餐美味的蒸海鮮套餐，最後食埋桂花椰汁糕，為這完美的晚餐劃上句號！