水上人八鮮蒸鍋 (已結業)

午市12:05進入食店，決定好食物後，店員遞上湯，傳統的青紅蘿蔔湯，湯料仲有雞腳，但是超鹹，食了湯渣就罷了。隨後店員送來蒸的點心，還替我們調較好11分鐘。夠鐘揭開😱，點心還未熟、肉紅紅🤔，只好再蓋蒸8分鐘。之後，我們隨後的點心都自行調節蒸15分鐘了。點心種類不算多，正常類別的都有，沒有腸粉類。。。質素一般，略鹹，所以全沒有再點汁。後來再叫的等了幾乎半小時，時間開始趕急了。這裡人手非常緊拙，但其中一位姐姐手腳忙碌，態度都可接受。反而較遲回來的那位一般了，常聽到她給客人「說話」聽。老實說，我估今天到來的食客，特別是四五人那些枱，都不會再來光顧。回想這一餐，除了座位寬敞、有電視外，什麼都一般。我也不會回頭光顧。如果你想試，可以的，$88，冇加一，也不用茶介，但要平靜的心情啊！

同家人去食生日飯。我地人多，又要等齊人，又要等侍應埋嚟幫手，一開始真係好肚餓，仲要start with clams，一人得幾粒⋯⋯感覺真係好少同唔夠喉。慢慢就越上越豐富，有帶子，鮑魚，蟹，龍蝦等等！新唔新鮮我唔識分，但兜調味料原封不動⋯⋯🤤最正係最後嘅海鮮粥！所有精華溶哂落去⋯⋯諗起都好回味！有機會要再食🤩不過，佢地嘅人手真係嚴重不足。全場得三至四個侍應，唔叫都唔過嚟serve。尤其一開始肚餓，同最後趕住走，咁等法真係幾唔耐煩。我覺得佢地應該要行西式servcie，每人專負責兩三枱，service可以更到位，更清楚每枱客食到邊。另外就係飲品。每次都要落order，真係好慘情。如果可以加錢free flow就好了。

男朋友之前網上見到有間食蒸海鮮既餐廳，佢一直都話好想搵機會去試下！餐廳好多客人，所以等食物既時間都相對比較耐！之後，店員拎左幾款唔同醬比我地自己揀！有唔同價錢套餐，本身我想食帶子，後來店員送錯左，話免費升級個套餐！好開心呀！龍蝦好吸引呀！店員會幫我地蒸海鮮，佢地服務都唔錯！記得自己留意時間，蒸太耐就會比較硬！由此每樣食物蒸既時間都唔同，有時每次只會放一樣海鮮去蒸！我地當晚成餐飯都食左一個半小時！蟶子原先配左個醬，不過我比較中意自己調配出黎果個醬汁！蝦好大隻，我覺得幾好味！仲可以揀兩款點心！我地揀左蟲草花餃同埋燒賣！店員話今晚好多人都係揀呢兩款點心！仲有菜同埋冬菇滑雞蒸飯，不過我已經太飽，最後都係男朋友幫手食晒所有飯！

環境k．平日lunch冇乜人．超多位．------------------------------服務k.樓面阿姐有禮．不過收銀阿姐就開到D音樂好大聲．------------------------------⬆只有這張點心紙$88冇加一和茶芥⬆每人送一湯，只係普通既豬骨蘿蔔粟米湯總括:大致上全部都吾好食．完全食吾落係黑糖馬拉糕．好散碎，又難食．只係來玩一次便夠．但好熱，成身汗．

我經常會和女朋友出荃灣搵食，隱約記得上次在某一電視節目到見到介紹左一間任食點心在荃灣，就特意去搵搵，原來在寶石大廈這邊，下午茶時間，見到唔算多人，唔需要等位，好快就點點心，價錢方面$88全包，任食點心，還可以加$20加推任飲，除左汽水外，還有特飲可以選擇，咁我當然每樣叫2粒試試先，咁好快就來到一桌都係食物啦其實食物味道，有幾款係唔錯，但亦有幾款係麻麻，其中山竹牛肉，紅油抄手，排骨，蘿蔔糕唔錯，但炸野就麻麻，仲有一樣野係需要提醒，就是好多野來到時都是生的，需要自己蒸，當然都可以叫伙記幫忙，如果拍拖冇嘢做嘅話都可以不妨嚟玩吓，如果想要好好食嘅嘢就唔建議啦！

去酒樓飲次茶，閒閒地都百幾蚊一位！今晚21:30去咗半自助任食蒸點心，包埋茶芥加一只係$88位，好鬼抵👍🏼除咗蝦餃同燉湯，咩都任你食，由頭食到尾，仲有甜品，真係抱住個肚走，飽到嘔😂😂😂座位唔迫，仲有卡位添...又唔會太大蒸氣，冷氣都好夠！建議大家午餐留肚先去！推介食物：紅棗糕，蜂巢糕，山竹牛肉同春卷🤤🤤

食了多次任食點心，見水上人又有呢個優惠，見價格差不多，88元就去試吓，係門口見午市時間，入面只得2枱有人食，個心都怕一怕，會吾會重招，心想最多1次，於是就入去試，開始第一轉叫了點心，發覺全部都是生的，要自己蒸，每樣點心需蒸6至十多分鐘不等，第一轉等送點心分開來都十多分鐘，要再蒸熟差不多半小時，再叫第二轉即時有問題，送點心來時間耐左，算數任食係咁但估吾到第二轉以出陰招，最估吾到係第一轉叫點心寫1字會來1碟兩件，到第二轉寫1字就來1件，於是叫員工再取點心紙再寫，點知同個著便服上了年紀的肥女講了兩次都吾比，還黑臉來收食完的碟，吃第二轉先收己差不多十碟，放了在枱入面，個女人就黑臉話當些碟係寶，放咁入，我話放出面又無人收，吾放入去新叫點心無位放，個女人就同其他員工講，放咁入當寶攞晒走呀，比個女人吹賬，食嘢姐駛吾駛，點心紙係都吾比，於是去第2張枱攞再寫，第三次慢慢來，成二十多分鐘，又漏單又比1件，這的服務真的無下一次，做吾到任食就吾好做，都係前身鼎爺，而家轉名再經營，佢老細再用呢個人分鐘好快又要轉名。

今日諗住試下這間蒸海鮮，一直都充滿期望，叫咗個298一位套餐，再加38一位任飲，海鮮尚算新鮮，但份量少，最普通的海沙白蜆每人都只有3，4隻左右，蝦每人兩隻，半隻蟹及龍蝦，一隻鮑魚，貴妃蚌一隻，蝦丸兩粒，時令蔬菜等一開始就已經有人放底一碟蒜蓉勝瓜(強調放底時一聲不響)，跟住一盤海鮮拼盤，食完海鮮後就繼續蒸蔬菜及勝瓜，當時覺得這個勝瓜真不錯及一直以為是時令蔬菜之一埋單時仔細看單，金蒜勝瓜58元(未計加一)，我即時問這個是什麼費用?!那職員說你有冇食它，有食就係這個價錢，我即時跟她理論，你地放底冇講要額外收費，仍冇問我們要吾要，我以為是套餐蔬菜隨後經理才即時取消這個收費，令我覺得這樣做生意都可?!😒如果客戶沒有仔細看清楚，就這樣給他收多58元(未計加一)下次都不會再幫襯，太不老實了😡

是日訂左位唔洗等，但因為平日既關係，基本上都冇咩人，直入就有位。88蚊點心放題供應時間係中午12點至下晝5點，或者晚上9點半至12點半，所以要食要留意一下供應時間啦！88蚊點心放題抵食既地方係佢係包哂加一同茶芥，真係只需要俾88蚊就可以任食100分鐘，如果想無限任飲就要加20蚊，不過我冇加到。一入到去就會見到一個好似越南草帽既蒸爐，側邊啲掣操作蒸幾多分鐘同大中細火甘，都幾簡易操作。一坐低店員就會俾啲點心紙我地。啲食身有甜有鹹，有即食又有要蒸既。店員後尾講左我地知，原來點心紙上面有一個小數字跟住既就係要蒸既食物，冇就係即食既，甘點知蒸幾耐呢？點心紙上面都寫明，好似潮州粉果跟住果5即係蒸5分鐘甘，如此類推。食物都有38款可以揀，另外會送一粒蝦餃同一盅燉湯。同埋問左店員點樣落單，唔計一份份既食物好似飯同排骨甘，其他點心例如要鮮竹牛肉球，寫1就會黎一粒，所以要幾多粒就寫數量。一黎會送盅燉湯，要讚下呢個燉湯，真心好清甜，入邊有雞腳粟米紅蘿蔔南北杏等等既湯料。甘等左陣啲食物送黎，店員會提邊啲要蒸，邊啲即食，唔怕食錯。先講啲唔洗蒸既食物啦！我點左薑蔥牛肉角、紅油抄手、臘腸滑雞飯、椰汁桂花糕、香芒布甸

本來週末一家人想去飲茶，但係有朋友介紹去食點心放題，我真係未去過，即管試一試點心嘅款式非常多，而且各款點心味道亦都有返咁上下，仲有一大特色就係呢度嘅點心冇乜落調味料，口味比較清新（通常對自己材料有信心嘅店舖先至夠膽咁做）而家香港有少地方有得食鵪鶉蛋燒賣鵪鹑蛋幾有蛋味，口感幾好，同出邊酒樓食嘅味道差唔多如果我哋六個人，係週末去茶樓飲茶嘅話，同樣地要食咁多點心，我相信價錢一定要超過$1000港幣，所以呢度真係非常抵食

星期日晚去左荃灣呢間蒸海鮮食晚飯🍚，叫咗個$338一位嘅餐，啲所謂海鮮🦞🦀少得可憐，食完好似陣風咁，好在有個點心放題跟，叫做塞得飽個肚，但啲點心質素好麻麻，唐記都好食過佢一百陪，係因為海鮮真係唔夠飽先食下。最衰係，明明我係open rice book 都無話計時，我入坐果時又無話有限時，無啦啦我叫野就話我已經過時間，之後，我都無叫埋單，就已經遞單俾我地，呢樣都算，每蒸一次海鮮係要計時，但個鐘響左都無人黎，叫到個女待應黎，佢仲話叫我地自己開都得，話唔熱😓😓😓真心唔會再幫襯囉，野食又唔得，服務又差😢

無言..............................琴日見去邊度食飯都要等位，路經依間店一問就有位，諗住蒸海鮮都應該穩陣唔衰得去邊反正都唔使靠個廚去煮，結果中曬伏！一係啲食物清理唔乾淨，一係未徹底蒸熟，我地兩個由今朝到依家係甘痾！想投訴！野食方面，個聖子加左唔好食既辣醬一齊去蒸，蓋過曬原先個鮮味。個飽魚又加左香草汁去蒸，情況一樣 其實一係唔好加調味一係加蒜蓉已經帶到鮮味出嚟，而家甘係畫蛇添足左 肯定唔會再幫襯第二次！

我朋友話有間好平，性價比好高嘅蒸氣海鮮，放工咪入去食吓囉。咁佢又真係冇介紹錯，但係我當時唔知佢講呢啲已經係呢間鋪頭嘅全部優點囉⋯⋯服務一般般啦，都唔算差嘅。食物質素方面，又唔會話好新鮮，去街市買一定比佢新鮮。味道方便，最正都係啲豉油無論食乜嘢落豉油都OK嘅其實如果有心做落去，寧願收得貴啲，提升你哋食物素質，咁樣先有回頭客㗎嘛，就算你哋平過出面一兩舊，食完之後都冇人想返轉頭，冇回頭客點做啊？一係你哋就用同樣嘅食物素質但係再平啲加油

平時好鐘意食海鮮，突然醒起荃灣呢間開左一排嘅蒸氣火鍋質素不錯啊！一次過可以食晒8款海鮮同8寶蒸飯，仲有燉湯甜品！好豐富～當日同朋友訂左枱所以放工去到就可以入座，一嚟先飲左個燉湯先，入面啲料都好多！而味道都幾似屋企煲個啲～跟住就上左海鮮，一籠籠疊到好高，震撼嘅畫面啊！入面有龍蝦、元貝、鮑魚、花甲、帶子、多寶魚同埋蟹～仲可以自己揀自己鐘意嘅整法，好似蒜蓉蒸、刴椒蒸等等！海鮮都好新鮮彈牙，我特別鐘意龍蝦，超爽彈！好貼心將蝦剖開兩邊，好方便食呢！最特別就係蒸多寶魚，平時比較少嗌但原來刴椒蒸完辣辣地又幾夾！食完8寶蒸飯可以係24款配料中任揀8款，食埋就超飽肚啦！我地揀左芋頭臘腸蟲草花等等嘅配料，啲料鋪滿左成個飯，加埋蔥花同豉油好香呢！最後仲有甜品，滿足而歸～

小弟第一篇食評真係抵唔住道氣先留言五個人食左一千七百幾蚊人均3百幾蚊好老實講完全唔值我返到屋企都仲要再食麥當勞講返間餐廳先，晚餐7款海鮮選一種食法心諗成3百蚊個人又唔係放題任食咁應該一籠個量都應該要多啦點知呢一人兩舊，沙白都係得兩粒鮑魚，龍蝦就一人一隻咁如果量唔夠咁可能好好食啦又估錯啦又唔係新鮮又唔係好入味食完真係食左浸風落肚咁圍返姐係7個海鮮加個蒸飯每籠價值2百蚊得個幾粒海鮮真係去街市買5百蚊都多個佢新鮮過佢或者我太耐無出過黎食飯當我唔識野讚都有既最後個蒸飯係真心好食不過你主打海鮮但最好食係個蒸飯就陰功囉還有就係服務員都好用心介紹同服務相信係個老闆無良或者荃灣租金太貴喜歡量少唔新鮮又唔係太好食既可以試下如果個抵食同味道可以零分就好啦我就唔會再去，多謝