民華餐廳

營業中

休息中

見到上榜位置咁高，不得不來試一試到達門口已經見到好多人等位，好彩繁忙時間強烈限制兩個人要搭木台，如果唔係真係有排等 是日食物：厚多士：牛油量剛好，唔會多到漏油又唔會唔夠餐肉炒蛋：有蛋白既炒蛋，雖然味道唔夠澳牛濃，但相對都冇澳牛咁膩茄牛通：好濃好濃既蕃茄湯，熱愛蕃茄既朋友必食﹗ 不過佢落左生生地既蕃茄，破壞左少少，西多士：唔會吸晒油，切開中間仲係白色架，用左煉奶唔用糖膠，唔會好漏員工態度：追左兩次話茄牛通未到都淨係用「就到架喇」黎敷衍我地，直到真係等到25分鐘都未到既時候有一個比較nice既姨姨親身幫我地跟下，跟住唔駛5分鐘就到左，原因係亂左d單，我o個份俾左其他人，好彩遇到佢，如果唔係就一世都唔駛食總括黎講，厚多士同炒蛋就澳牛同呢度都好似，各有各好，想食濃雞湯咪去澳牛囉，想食茄濃湯咪去呢度囉﹗

放左學特地走黎試下,因為是早上的關係,自己一個坐於4人枱也可以.叫在利個.小女子偏愛「茶走」-即用煉奶沖的奶茶,一般是用淡奶的貪佢夠滑,加上茶的香味就會覺得很好味.但這家的卻落得太多,過甜了一點點.所以只飲了一半.....另外一提是滑蛋有別澳牛的,這家的蛋看到蛋白絲,吃下去就不知該怎形容.各位還是去試試好了.其他的多士和雪菜通正正常常,沒什麼特別.順帶一提,奶茶迷要節制一點,飲太多會心跳加速跟我一樣....還是身體要緊啊!

呢間茶記可唯集百家之大成，有香港人最愛既常餐，又有由「添x運」帶起熱潮既點心，更有近年開到成行成市既米線!今次係第二之黎食，第一次食左牛肉通粉，牛肉較乾身，但多士做得唔錯..所以我俾多次機會佢, 食第二次，第二次食點心+蒸飯+米線，實行咩都食哂!點心: 叫左燒賣，味道ok, 蝦肉同豬肉既比例控制得幾好，有咬口，但俾我果陣得個白色底碟，如果有咩蒸籠個感覺會好d!蒸飯: 叫左鳳爪排骨飯，一般貨色，份量超細，2-3啖都可以ko佢...米線: 叫左酸辣米線，同譚仔冇得比, 輸足9條街!服務方面, 茶記本色，唔會好好，但做野都算快手。衛生方面, 雖然好新淨，但係張枱抺完都仲係好dirty, 我唯有自己抺 , 另外，d餐具都唔係咁乾淨, 又係肯我自己去換d冇咁dirty既, 再自己clean多次。下次如果有機會再黎, 都係食返常餐穩陣d。(因為好迫，所有冇影相)

環境裝修得非常光鮮,但大小比例十分之差每條通道僅夠一人通過,坐位跟巴士的差不多闊.呢個環境真係好睇唔好用叫左常餐加山竹牛肉山竹牛肉好正常 多士烘得好均勻 牛油夠,炒蛋較碎, 餐肉都煎得足夠個面真係有D古怪,個湯(汁)非常杰,味道都OK,但蕃茄面最好食都係中環勝香園奶茶都好普通, 不好也不差甘逼,食都食得唔舒服食同類食物,我食選擇中國冰室這種懷舊味道的

lunch time 過咗又等咗一陣，期望較高也許，但失望更高....那麼多人中意貌似，但的確難吃！、厚多就ookk啦，炒蛋濕濕爛爛的我比較中意，BF說貌似勁不熟，不中意。通粉作為主打好失敗，再都唔想食了....番茄湯水無味，豬潤碎的來口感怪怪的，食咗一啖就擺低了。奶茶不上不落....overall的確一般般，樓面服務勁，態度一般般..... 好在鋪子都新，比較乾淨看起來。

大年初二中午已經食左壽司,但經過民華門口好似幾好喎,見有人排隊,咪又試下囉,個常餐我選左蕃茄豬潤通,好正呀!!個抄蛋好滑,件多士真係好厚呀,服務員會講"件多要襯熱食呀"我個人覺得係好抵食呀,$30/凍飲+$2,大年初六又再食

本人有時都會睇下各位openrice既食客有咩好介紹.發覺呢間野近排都幾多人寫...又係旺角...就去試試啦上得openrice都知一定係多人...較早前"添好運"就係個活生生既例子, 排左成個鐘好啦...今次去呢間...早D去...點知都係要拎飛仔等位, 約 8-10分鐘入到去見到好多卡位...原來要坐四個人...本人感覺真係窄左D.兩個人點左...最多其他食客講既"常餐"..好似係$32鮮茄牛肉通粉 : 感覺唔錯...不過鮮茄湯較酸, 又缺小左蓄茄既味道...有D矛盾厚切多士 + 火腿炒蛋(本人黎呢間餐廳既重點) : ‧厚切多士 - 餐廳係有提你"趁熱品嚐"...只可惜我掛著影相 再放埋個炒蛋上去既時候...個多士已經"淋左".... 好彩一食個炒蛋...個焦點就放左係炒蛋度...係好食既!!餐茶 : 涷奶茶...冇咩特別...中規中矩啦呢個真係抵讚...一上枱發覺.....係唔洗自己切ar!! 太好啦因為自己切往往都會壓扁左個西多味道ok....不過希望再香口(可口)D...有D淋我已經影相影得好快...應該唔關我事燒賣 : 大大粒燒賣...本人食燒賣最鍾意加辣椒油,

常餐裡的厚多士是好好食﹔番茄牛通可以但個湯好明顯唔係淆的﹔蛋唔夠澳洲牛奶的滑﹐叉好多級﹐完全比唔上﹔奶茶不出眾﹐唔夠茶味﹐超細杯的。非常唔滿意既係餐茶唔可以後叫﹐本人最怕D茶一早黎左然後凍晒﹗尤其係而家甘鬼凍既天氣﹗好明顯係D阿姐覺得張單之後要入多次怕煩唔肯做﹗今時今日甘既服務態度真係唔得~

近期在 openrice 中大熱，無論在最多好評和好評升幅榜中都高踞第一位的「民華餐廳」，自己一直都想前往一試，看看這間猶如平地一聲雷般火速冒起的茶餐廳的食物水準是否真的甚高。只可惜最初的時候這餐廳仍在試業階段，只做午市和晚市，對自已來說不大方便，所以始終無緣一會。直到最近它終於提早在早餐時段開始營業，自己才終於能夠一試。相比起附近另外兩間較為出名的茶餐廳----以「鮮油菠蘿包」馳名的「金華冰廳」和以「奶黃墨西哥包」見勝的「康年餐廳」，這間開張還不太久的茶餐廳的環境是明顯地較為現代和光鮮的，有點似「翠華」的感覺。這天特地來這兒吃早餐，幸運地餐廳內不是太多顧客，可以即時有位。坐下後發覺這間餐廳的陳設十分乾淨利落，所有餐具和調味用品全部躲藏在桌子的暗格內，餐牌就收在桌子玻璃裡面，使人一目了然。看著收藏在桌子玻璃下的餐牌，發覺真的十分簡單，除了全日供應的「常餐」外，這裡的食品基本上只得各款米線、蒸飯、中式點心、多士、三文治和少量小食，貫徹這間餐廳簡約的風格。這裡最有名的食品絕對是「常餐」。A + B + C 再加飲品的配搭，雖然萬變不離其宗，還不是「多士 + 蛋 + 通粉 / 麵」再加飲品的

有一天在openrice 發現此餐廳, 在旺角金魚街, 地點已取勝, 夠哂方便!!在各食評看到有我愛吃的, 更有厚多士, 已立即記在腦海中, 下次出旺角一定要去食一次!!已預料要等位, 幸好2人枱很快, 3分鐘就入得, 還可以有卡位, 坐得很舒服!!立即叫了常餐+凍檸茶. 熱呼呼的厚多士一定要立即食, 真的很好味!! 麵選了薑絲牛肉通粉, 薑味應該可以再濃一點, 味道還不錯. 另外叫了西多士, 要煉奶呢, 而且已經切好9件, 好好味呀 這裡還有點心, 盅頭飯. 下次也要試一下. 此茶餐廳新開的, 環境光猛, 還很新, 格局不錯. 下次也會再幫襯!!!

今日是我農曆年假期的最後一天，為未來的工作作好心理準備，一定要放鬆自己，四處吃喝玩樂一番。在旺角金魚街看完我喜愛的猫猫及狗狗，便到Openrice近期很多好評的茶餐廳一試。雖已是太約下午二時及一個人，但仍要等位 (約3-5分鐘)，果然是人氣食店。不用考慮，坐下便本能地柯打常餐，餐肉炒蛋厚多士、鮮茄豬膶通及熱鴛鴦。正想開始看看店內的裝修，食物已到齊。熱鴛鴦 – 入口好厚身，不會有酸味，不用膠杯改用厚身瓷杯盛載會更有味道。餐肉炒蛋厚多士 –多士外脆內軟，牛油香，非常好味; 炒蛋滑，份量多少少就最好; 煎過的餐肉，不會太乾。鮮茄豬膶通 – 平常的我很少吃內臟，鮮茄湯夠濃，但豬膶太熟不夠滑。總結，三十元可享用一個有水準的常餐，抵!我希望下次可以試一試點心。另外要提一提店內的裝修，在收銀處上是一行行的”M”字及”W”字的裝飾，連店內的磨沙玻璃也有”M”字及”W”字，好有心思!

叫了一個常餐炒蛋餐肉 + 厚多士 + 茄潤通 + 凍檸T炒蛋ok 都算幾滑 好味!餐肉一般 不過不失厚多士好正 2面都有牛油 鬆軟香口茄潤通 個湯底幾清新 濃濃的解茄味 豬潤一般 時日食唔似得其他食家所講 唔算煮得好老凍檸T 係我鐘意ge醉冰 ok 不算特別的好飲 個人覺得行過幾步的康年更好飲service 一般 可能我去果陣比較忙 都要嗌幾次先有人寫野但見有個trouble呀伯 嗌牛肉之後未夠1分鐘就係咁吹人 黎到摸一摸又話唔夠熱 之後話唔要但個waiter都好好禮貌 沒有黑面 只係快手快腳咁cancel左佢張單 無再同佢講落去總括來說, 可以再去食的 不錯!

人總是喜歡拿一些成功例子,來去形容一件同樣的後來者,當年Oasis初出道平地驚一聲雷,旋即被傳媒稱之為"新披頭四",Coldplay尚哼著"Yellow"時,夠比人說是新"Travis".就算英超一樣有什麼"拉脫維亞奧雲","新傑斯"這些夾硬來的稱號.好像如果有新點心店開張,什麼"港島版添好運",上年在灣仔開張的"華星冰室",大家說成"灣仔澳牛".在旺角金魚街新開不久的"民華餐廳",已比外間稱之為"旺角澳牛",可想而知,澳州牛奶有幾成功.為何這樣說?因為沿用回澳牛成功方程式,厚油多+炒蛋+火腿+奶茶+通粉.看似平平無奇的常餐,竟然惹來貴網過千評語,當然他們的服務,又是另一個討論要點.以上只是與澳牛之共同點,其實兩者是大有分別,包括餐廳環境比較好一點,食物選擇多,不是單一吃常餐,更可以吃米線,點心等等.服務則遠比前者低效率,等了大約五分鐘,才上奶茶.其他的還要等得久一點.奶茶只屬普通貨色,奶與茶味很淡,喝罷也未上多士.為何不連埋一起上?只要沒有出錯的錯,厚油多絕對不會差得去那裏.除非你用過期牛油,或多士過焦.炒蛋則很香滑,火腿片又如何?你想我點去說?金妹牌抑或雜牌之類?火腿片還是火腿片,

上來ｏｐｅｎｒｉｃｅ　閒逛的時候見到竟然係一間茶餐廳得到１月最多好評？所以決定要黎會一會佢．．今晚同朋友仔去睇戲．．睇戲之前就諗住食個快飯．．決定左黎ｌｅｅ　度試下先～係出面都等左都應該有２０分鐘位掛～其實少人．．２－４個應該係易等位的．．因為ｄ人都快走．．但想講既係．．個叫咪小姐個咪神神地．．．一時時冇聲囉！攪到我地ｍｉｓｓ左．．．我只係０係佢出面睇緊食咩．．都聽唔到佢叫咪原來係個咪冇聲呀！！！不過佢地都好快補返位俾我地既！！要同人搭枱，一人一邊．．硬係覺得奇奇怪怪咁～對面０個２個人好似成日睇住我地食咩咁．．我地又真係叫左好多野食既．．ｂｕｔ唔洗咁望住晒囉又唔係冇錢俾我地叫左：１．鵪鶉蛋燒賣因為朋友仔好鐘意食．．所以後加左ｌｅｅ個鵪鶉蛋燒賣其實味道冇咩特別的．．我諗特別在茶餐廳有點心賣．．而點心竟然有鵪鶉蛋燒賣吧！！２．麻辣雞翼諗住會好似譚仔０個ｄ咁好食掛～點知．．失望而回．．唔算好熱辣辣好似譚仔０個ｄ咁．．ｄ味粉又唔均勻．．有ｄ有芝麻咁．．有ｄ就一堆味粉咁．．好奇怪３．燒賣一開始就叫左ｌｅｅ個．．因為好多人講．．咁事實上以＄１２蚊食左４粒燒賣又真係幾抵既！！有２粒大ｄ２粒細ｄ．．味

7:00要等位, 很快便有位了, 坐在兩人枱, 很逼, order了餐肉炒蛋多士, 牛肉蕃茄通粉, 熱華田, 開旁邊的櫃桶拿餐具也要快, 因很多人行來行去 餐肉炒蛋多士 - 餐肉普通, 炒蛋太小了, 多士不錯 牛肉蕃茄通粉 - 牛肉一般, 湯底不夠蕃茄, 通粉爽口 熱華田 - 普通總括都係澳牛好食d