民華餐廳

營業中

休息中

前幾日同友人經開旺角買狗糧後見到民華餐廳.....之前都有睇過d食評,不過唔知原來咁近!咁就試下啦,見到門口都幾多人,拎左枱號要等差唔多10張枱,但係都好快,記憶中唔使10分鐘就入左去,或者我個日係閒日啦,又唔見好似大家所講咁好迫啵!2個人叫左個常餐,西多士仲有燒賣d野食未到之前咩都影下,,hehe,發現原來有個餐具架,都算幾企理!!等左一陣d野食終於黎喇整體黎講我覺得都幾好食呀,,,其實仲有好多野想食...都幾搞笑間野有常餐有點心有米線~~下次試埋米線先!!不過今唔係叫左好多野食但原來都幾夠飽都係留返下一次啦~~

下午茶時間無啦啦想食中式燒賣，酒樓都唔受你啦，醒起附近的民華有點心賣，就去試下。一共有四粒，唔係唔好食，但真係鹹到死!!!鹹到我食完兩粒就要放棄，真係好鹹好濃，好多味精的感覺。豬肉同蝦的份量都OK，質地唔太淋，唔好咁重手就好了。

本人是open rice 的長期讀者，不過今次就第一次寫食評，話說昨日和老公行完聯合之後就去咗民華食飯，當然我去之前都係睇個open rice啦，一入到去就有位嗱，其實我唔係太過肚餓既，所以就叫咗一盅排骨飯，雞翼，奄春蛋燒賣。 本來我就唔係好肚餓既，但我老公食完個排骨飯之後話好味叫我試下，我試過真係好好味喎，仲成盅排骨飯食晒添，老公要叫過添。奄春燒賣都好味，雞翼我覺得太辣喇，我老公就覺得好正喎，不過當我食完排骨飯就飽飽lu

我一個禮拜差唔多會去足五日食早餐...明明同自己講咗今日想轉一轉食其他嘢...但係個腦一諗起佢件多士就忍唔住要去番呢度食...所以一個禮拜番五日工就食足五日...敢仲唔止...我連下午茶都係食番朝早一樣嘅嘢但一d都唔厭...全歸工於師傅做到個餐樣樣嘢都恰到好處...多士外脆內軟...再將午餐肉加炒蛋夾住嚟食...死未?!好幾次隔離枱見我敢樣食都要跟一跟...不過佢嘅豬膶我就覺得真係唔夠深水埗唯記咁好食...所以都係主打食牛...唯獨要比較有耐性...因為佢人手唔多夠..客人又多...所以無論價錢...環境同份量我覺得係非常合理同好食!!!早餐/常餐A 烘多士 / 牛油方包B 火腿炒蛋 / 餐肉炒蛋C 茄牛/膶通 / 薑絲牛/膶通$26(凍飲加$2)

朋友帶我去這間新開的茶記，佢話好好食，有d似澳牛及維記feel。不過，佢已經唔記得我係唔鐘意食澳牛的早餐形式的晚飯，仲話係朋友算啦，只係顧自己。好在，我都找到menu裡有我喜歡的麻辣米線，我叫咗個麻辣牛肉腩肉炸醬米線，我叫咗個大辣，我最喜歡d刺激嘢。冇叫飲品，等麻味留在口中，就最過隱，等了10分鐘。炸醬酸味中帶點甘甜，碎碎的辣椒很有微微的香辣味，而那些碎肉很有口感，腩很爽口彈牙，很好吃，而牛肉有牛味，不太醃過龐，附送的腐皮和韭菜都有水準，腐皮有豆味、咬口。韭菜亦冇煮到黃哂，幾鮮味，米線入味有口感，我只用了十分鐘便吃完，的確令我覺得係意外收獲。

最近很多openrice的專業食家拿民華跟佐敦澳牛炒蛋多士、勝香園的茄通及維記的豬潤麵作比較，真是有咁好？今日來旺角終於有機會試啦。 我和朋友中午到達，有二十多人在門口等位，成條街是得呢間鋪要等位(咁好生意，巴閉)，等了十分鐘就有位(快手)，鋪內環境裝修幾靚（特別是門口的波波池），我叫了常餐有多士餐肉炒蛋、鮮茄牛通、凍檸茶，朋友叫了章魚肉餅蒸飯、熱奶茶。 上菜時兩塊近吋厚多士，內有溶了的牛油，多士外層脆口中間軟綿綿，炒蛋幾滑幾香(個人覺得咸多少少會更好)。茄牛湯感覺有好多蕃茄煮成，帶微微酸唔太咸，都幾開胃合我的口味，牛肉好冧好有牛肉味（食完茄牛通好似食了好多營養咁，精力充沛，正），凍檸茶ｏｋ。 總括多士及茄湯牛通好好食，好值得推介推介，看得出店主再食物方面下了功夫，而且不賴。本人覺得好難跟澳牛、勝香園及維記作比較，因它們有燉蛋燉奶、檸蜜脆脆及咖央多呢度都冇，但就類似的食物作比較，民華不遜色值得一試，今日飽飽，滿意離開。

來了旺角見客，做完嘢成3點，還未食晏，聽隨行同事說這裡新開了一間餐廳，有蒸飯及點心食，重講到幾好食咁，因我對這些食物特別喜好，就來探個虛實。 看裝修重以為拒食西餐，原來中西混合，什麼都有，我點了個排骨飯及灼生菜，隨行同事就點了一個常餐，有通粉，餐肉炒蛋及多士，先來排骨飯，賣相不錯，有個好特別的托盤，似用心思設計過的，豉油是分開上的，我加了點，先將排骨放入口，烹煮過的豉油混入半肥瘦排骨中，有不錯的化學作用，好味！再來一口飯，飯身挺挺的，（我喜歡有咬口的蒸飯，最怕蒸得爛容容像吃粥）再加上排骨肉汁及豉油混到飯中，很好味，好快就將整個飯吃清光，而灼生菜看似沒特別，但細心點便發現上菜時是保留生菜原本型態，而且味道很清甜，沒有overcook，而同事都很快就吃完拒個常餐，仲想偷拒件多士來食添，好啦，到此為止，下次再寫過！

此店已有很多人認識，每次來到門口都比上一次多人，今次等了十五分鐘。希望唔會有一日要等一個鐘就好。每次來到我差不多一定會叫餐肉炒蛋厚多士，多士仍然好厚好香，焦香味的多士依然好好食，多士好鬆脆好軟熟，炒蛋好滑好香，餐肉是本人的起好(此店的餐肉好好食，應該是靚貨)。薑絲牛通感覺好似上水石湖墟新成路10號的廣成冰室，通粉軟硬適中，牛肉鮮味香冧，湯底好有肉味。

一月二十三日 (星期日)近期人氣茶餐廳民華,我們又怎可以錯過位於金魚街附近,我們也順理成章看完金魚和倉鼠後便到此醫肚餐廳中西合壁,有西式最常見的晚餐,亦有中式如點心之類供選擇可謂無論誰來也總有一款合你心意我們也來個中西合壁我選了常餐,有蕃茄牛肉通,多士和火腿炒蛋老公仔則選了特大糯米雞,再加原胡黑椒雞翼作小吃這裡的蕃茄湯底確實不錯,香濃之餘又富酸酸甜甜的蕃茄味牛肉煙韌,值得一讚我那碟是跟餐的,都覺得很大碟看到其他食客散點的那碟蕃茄通,真的嚇了一跳我想應足以填飽一位壯男的肚子老公仔亦盛讚這裡的糯米雞用料豐富,有鵪鶉蛋,义燒,雞肉,咸蛋等等糯米雞亦蒸得恰到好處,糯米沒有過稔,頗有口感最後上的黑椒雞翼亦煎得很香口皮脆肉嫩,功夫可見一班加上了香口惹味的原胡黑椒,令到整體感覺很吸引

一直覺得旺角區做得好少少的食店，熱潮會較久，始終有地利大坑D茶記就算好好食，唔就腳就係唔就腳今日一於試下呢間民華有冇名過其實啦！一入店，六點幾唔洗等，但都有八成滿座，位與位之間幾逼，麻麻地舒服勝在門面光猛，幾young的設計，加回少少分首先，點先要招牌茶記set：滑蛋、厚多、午餐肉、茄牛通，檸茶講真除左多士烘得ok，又夠厚(我認為呢兩點係美味多士的要訣)，唔算特別茄牛通有少少中環勝香園feel，賣點係冇味精，好homemade然後，肉餅飯登場，肉餅唔錯，冇死死實實，再熱D仲好最欣賞，係個「妹仔」甜豉油，味道做得好好總括呢間茶記於旺角跑出原因：比別人用心~經濟價錢再加D心思，食客都好，所以各位店家請繼續俾心機

港式茶餐廳的特式在於拼湊，餐牌上總不乏世界各地的名字，日式、泰式、越式、韓式、葡式等等，只要你想得到的地方都有機會在港式茶餐廳內見到其名字。後來各種茶餐廳漸漸自成一家，各自都有其招牌茶式，如蕃茄湯粉、炒滑蛋、盅頭飯等等，名揚八方，使不少食客紛紛朝聖。而這間民華餐廳就是集百家之大成，拼湊上的拼湊，把現時最多人稱道的茶餐應食品共收一爐，集中供應，還得到各方好評。數天前見中午有空，決定前往一試，探過究竟。甫到達，只見門口人潮湧湧，心想不知要等多久，幸而我只是一個人，阿姐很快就安排到座位給我了。內裡店面頗大，但座位排得很密，桌子也不大，故此坐得不算舒適，不過環境算是清楚，而且光明，予人感覺還不錯。由於今次我只是單刀赴會，可試食物不多，便隨意的選了最多人談論的常餐，再配上熱奶茶為飲品。先送上來的是熱奶茶。熱奶茶一向是我最愛的飲品之一，但能夠稱得上上品的不多，我最欣賞的始終是在民華不遠處的金華冰廳，小弟認為比蘭芳園的還要好，至於民華的熱奶茶比一般茶餐廳好，有茶味，可惜奶味稍重，而且茶香欠奉，只算中品。之後送上的是火腿炒滑蛋配厚多士。火腿只是煎過的普通火腿，沒有特別。炒滑蛋其實也不錯，但有澳洲牛奶公

見佢長時間都十大好評, 有日放工就黎試下la六點去到, 只有一對情侶響門口排隊, 好快我地就入到去la坐卡位, 雖然佢話係四人座位, 但我覺得兩個人坐先啱啱好叫左一個常餐, 一個章魚肉餅飯, 一個鵪鶉蛋燒賣多士真係好好味, 好多牛油, 我同男朋友都好鍾意! 炒蛋都ok滑呀, 不過男朋友就覺得一般~ 火腿同個通粉就無咩特別, 正常章魚肉餅飯反而出乎意料好食wor! 特別係d汁, 撈飯食好正! 但我覺得個飯份量對男仔黎講未必夠到我最期待既鵪鶉蛋燒賣la! 原來好一般, 可以唔嗌… 唔知係我夾得樣衰定點, 蛋同燒賣係分開的… 其實佢唔係唔好食, 但同其他食物比真係比下去但原來令我地最驚喜既唔係食物, 係熱好立克!!! 好濃好有奶味, 係一杯誠意之作, 唔似其他餐廳甘會溝好多水搞到淡茂茂~ 我同男朋友係搶住甘飲 呢間茶餐廳真係有d實力, 值得一試! 當然我就鍾意翠華多d, 雖然貴d, 但d野食好食d同多元化d!

我一直都係openrice留意新野, 但就未寫過食評, 今次就為左一直都係第一位既餐廳"民華餐廳"寫食評啦!!!!首先, 講下門面, 可能仲係新開,所以十分光鮮, 整潔. 之後就係食物款式, 雖然唔算多, 但勝在有一般餐廳比較少有既盅頭飯同點心. 我order 左個常餐, 主要係因為好多人都讚多士好好味. 再要講就係服務, 比起一般既餐廳, 好過d黑口黑面, 做多一樣都唔想既好好多. 味道, 多士真係唔錯, 好脆夠熱, 炒蛋半生熟, 我鐘意. 上食物既速度唔慢, 食完個多士就上埋個茄通, 個茄通都ok, 唔係好重味. 總括黎講都ok, 不過再加多d 款式, 可以有多d選擇會好d.

約了朋友在旺角食飯，見民華在這裡人氣高企就提議去試吓入到去見有點心食，餐廳賣埋點心咁得意...好...等我就試點心先章魚肉餅飯 - 肉餅OK，有章魚味，飯有點硬奄春蛋燒賣 - 味道普遍，冇咩特別雞扎- 雞扎一向是我的賣飛佛...可惜...呢度唔得...竟然用豬皮！ 味道有點鹹...失望！鳳爪排骨飯 - 新鮮蒸出來飯夠軟，排骨同鳳爪都好食品油菜- 焯生菜冇咩特別, OK啦！點心都係一般...下試再去試吓通粉同滑蛋先...

叫左2個常餐, $30一個, 但用十足, 個抄蛋火腿+多士, 嚇死左我多士厚到要分開食, 個口唔夠大, 外脆內鬆軟, 好食到呢, 忘了影相鮮茄豬潤通, 好濃用攪碎蕃茄,好好飲, 見個個客都清晒湯, 不過 D豬潤少D...多D就好鮮茄牛肉通, 再忍唔住叫左西多士, 居然用煉奶, 好好味~今餐非常滿意.不過坐位非常迫夾, 為左食我都會再去