民華餐廳

營業中

休息中

４點幾，２個人唔洗等位。叫左常餐....+鵪鶉蛋燒賣茄牛通＋多士＋炒蛋＋餐肉茄底酸左d....其他都OK....鵪鶉蛋燒賣Ｇd!!環境都唔錯，夠光猛！Ｄ呀姐好細心，見我同朋友掛住吹水，提我地趁熱食左多士先

Lunch Hour 多數都要等,但係不用等好耐.食左2次, 一次食茄肝, 一次食茄牛. 個人覺得茄牛好食d. 豬肝比較薄,食唔到多汁ge感覺.亦唔軟少少硬身.同一個餐, 早餐時間HK$26 , 午餐時間HK$30 ,都算抵食, 話曬都係旺角ma個餐有齊茄牛+厚多士+火腿+炒蛋 (都ok 滑)

唔知係咪佐敦o既牛奶公司真係做得太出色，陸陸續續都有類似o既餐廳出現，繼灣仔o既華星冰室之後，又有呢間民華餐廳。共通點係“常餐”多士定方包 ？煎蛋定炒蛋 ？火腿通定牛肉通 ？好。講番呢間民華，全店都係卡位，環境光猛，地方乾淨。叫o左2份常餐： 熱奶茶 幾香幾滑 多士 熱辣辣，牛油好香， 烘得o岩o岩好，外脆內軟 餐肉炒蛋 炒得好滑，餐肉亦煎得好香 蕃茄牛肉通粉：份量小，湯底偏酸 蕃茄豬潤通粉：豬潤好“鞋”，好老 唔知係咪先入為主，都係覺得佐敦牛奶公司好食D ！不過呢度都唔差o架，下次會試下佢D點心，盅頭飯同米線。

據聞這裡的常餐不錯而來,晚上食,真的很多人幫襯,等了半個小時後入去,坐的是卡位,很迫...不太舒服,點了一個常餐,熱奶茶普通,蕃茄牛肉通粉...通粉份量很少...牛肉亦是...不是合格的份量味道偏酸,不好吃,厚多士尚算可以,蛋亦不夠滑只係普通質素...都只係得個出名而已,相比某兩間之下真的沒相比...點心沒有食,太飽,不知點心會不會比較好食...

睇見民華有很多食家寫食評, 使我也來凑熱鬧, 我一人閒日四時到, 直入之餘也見有些吉位, 由於没有下午茶餐供應, 我便選個最基本的:常餐 ($30)牛油方包+炒蛋+火腿不選多士, 除熱氣外, 是想試清楚麵包的味道, 厚厚的及軟綿綿的方包被塗上均衡的牛油, 值得一讚, 偏瘦的火腿亦少油膩. 炒蛋熱度夠, 也很香滑, 我更喜歡如果加多點油, 蛋炒至七成熟, 我又嗜咸一點, 吃了一口炒蛋後加少許食鹽, 效果更佳.我仍未拜訪澳牛, 當然不能將炒蛋作比較, 返正我記性差, 怎能記着A店的味道數天才試B店的呢.义燒通我選較淡味的义燒通而不選味濃的蕃茄或彊絲豬潤通, 因最普遍的便最難做得好.瘦义燒份量不算多, 被切成細细片, 毫不油膩, 否則湯面已成一層油, 不會感覺健康, 有點驚喜的是個偏奶白色的湯底, 引起我的興趣, 令我喝了兩口, 感到小小滑囗而不感囗渴.熱奶茶我不太懂評奶茶, 只覺ok.民華没有大平面電視, 也許生意太好不愁客路.結脤有八達通機, 真方便啊.我欣賞賣三十元料靚好味的常餐.

係朋友的 fb到睇到相 & comment, 呢間野好似好得咁, 撞啱今日老細唔係公司, 可以早d開飯, 就走左去試一試~因朋友建議, 所以無叫常餐, 淨叫左個鮮茄豬潤通 ($23)份量 : 都真係幾大架, 唔建議食量細既女士order湯底 : 都幾濃, 唔錯 (我飲到幾乎見底...)豬潤 : 唔ok, 好鞋 (同深水埗出名個間差好遠)員工服務 : 一般 (可能係午市啩)環境 : 卡位有d迫, 而且射燈好多, 一路食住d有湯既通粉, 所以好熱, 有d唔係好夠冷氣.....

如果有機會要在旺角用膳，對我來說可謂一大挑戰，綜合而言，除個別商戶之外，個人意見是旺角一帶食店價錢貴、物非所值、質素參差、服務態度欠奉可以概括言之，HK$30一個麵，既不飽肚又非質素上乘，為的是甚麼？不過最近發現了一家值得我留意的誠意店，那就是位於通菜街的民華餐廳了，絕對可以價廉物美形容。憑甚麼取勝？其實光顧民華餐廳的機緣是友人認為我既然喜歡吃蛋、奄列類製品，澳洲、華星都試過，為何不試民華作一比較？既然位處旺角筆者常出沒的地方，的確值得一試。民華的裝潢夠新淨，摒棄了一般老派茶餐廳的格調，格局偏似華星，不過座椅、餐檯的擺佈與澳洲相似，再看一看Menu，如常有常餐選擇，A、B、 C任選一款，火腿炒蛋／午餐肉炒蛋、多士／普通麵包、牛肉通諸如此類的，價錢是HK$30，那麼民華出奇制勝的地方在於甚麼？蕃茄湯底有人性見鄰座的蕃茄意／通飄來陣陣香噴噴的蕃茄味，想必是民華的殺手鐧吧？蕃茄牛肉通的蕃茄湯味濃郁，而且湯底的確是由蕃茄肉餚製而成，相比Euro Go Go或者荃灣正品這類標榜蕃茄麵線的湯底來得有「人性」，飄香撲鼻而至。(我不是蕃茄迷，最怕生蕃茄，唯一可以屈服我食蕃茄的，除了星座冰室就只有民華餐

返學後和朋友來到人氣爆燈的民華餐廳作膳,好彩唔洗等位姐~呵呵來個鮮茄豬膶通粉配餐肉炒蛋多士加杯凍檸茶豬膶通粉湯底有濃濃既蕃茄味,豬膶就麻麻地~炒蛋唔夠滑 還是喜歡澳牛的炒蛋牛油厚多士烘得香口鬆化 不過整體都唔錯!不能說有什麼很特別, 但會繼續支持

我是港式食物的瘋狂fans,最愛是蒲茶餐廳,個人頭幾項comfort food是勝香園的脆脆或者茄牛通,或西環的祥香園奶茶,或澳牛的無敵炒蛋. 這些對我來說,比世界上任何一種食物更加可以安撫我的心靈,更加令人滿足; 依然難忘最灰心最失意的一刻,腦裡第一樣想吃的,居然是一份厚多士和一杯熱奶茶.自問可以為一片好吃,有heart的多士而不惜走到遠一遠的地方,所以一聽到在旺角新開了一間眾網友都贊好的'老番'勝香園加澳牛, 就一路心思思想嘗試. 但始終是港島人,比較少到九龍.今天,終於都可以謄出時間去會一會那裡的厚多士和炒蛋. 四點時份,沿金魚街走,很容易就能見到裝修新淨的民華,在門口和枱面已貼出了全份餐單.這裡果然又有茶餐廳的常餐,又有點心和雲南米線,可謂聯合國得很. 常餐由abc加飲品組成, 可以選擇:a-多士/牛油麵包, b-火腿炒蛋/餐肉炒蛋/煎雙蛋, c-蕃茄/牛肉/豬膶/叉燒/通粉/公仔麫 的配搭,加一杯熱飲. 這早餐時間收26元,其他為30元,以食物的分量來說,可為相當抵食!我們選擇了: 油多/火腿炒蛋/蕃茄牛肉通粉, 本來其實是想要叉燒通粉的,但店員告之早已沽清><

看完戲老公竟然還未收工，豈有此理，害得我在新世紀又shopping又跌$$$.. 一來是先前的茶餐太單薄，二來血併花掉的體力也不少，前往油麻地飯局前，二人先到近期人氣榜首民華餐廳打個底。關於此店，其實前一天才講過沒興趣去試，然而是日順路經過又不用等位，也貪一次新鮮，湊一趟熱鬧吧。新開張關係，店內環境幾企理的，裝修也較一般茶記有現代感，店內的玻璃窗還刻著食店英文名的簡縮花紋呢!一坐下打算向店員要求餐單，卻原來全部選擇已張貼在店外廣告箱，以及店內的檯面上，另外不設餐牌的。內容方面，除了最基本，也是最熱門的多士、三文治、各式湯意/通粉等，店內也供應一些茶樓點心，賣的都是平民價。還要留肚給之後晚宴，是日只要了一份常餐($30)。奇怪是餐廳不按章出牌，最先來到是豬膶鮮茄通粉，而這通粉的茄湯未見出色，但總算不太差，但去到豬膶環節，就真的嚡得太過份了，誇張點講我覺得自己在吃浸湯的砂紙! 只可說一句，這一味真的完全不行，千萬不要點!飲品選了熱奶茶，在通粉後3分鐘來到。這裡的奶茶茶奶味都算濃，可惜茶味不醇，水準只一般。然後再催了兩次單，再等10分鐘，火腿炒蛋多士才施施然上檯。要讚炒蛋質素不錯，保持香

同dfriend 行金魚街，路過，進去試試。D多士ok，厚多，Hon的幾好味，hon到牛油香香。通粉就一般，有D lum， 煲乃咗小小估計。D炒蛋開始看ookk，但不知道點該會有點出水....太濕了，不是很熟應該，eerrr.... 沒麽味覺得。好在環境幾好，幾新凈，D阿姐行路好快，D奶茶差D倒撒.....Overall Ok吧，下午茶時間，中意康年多啲，感覺多啲choose；金華菠蘿油好食，就是人太多......有邊好食的地方人不多？！等還是值得的有時~26文唔平，午餐要30.... 這次只吃了一半，希望出品進步進步，雖然小小錢，但還是希望物有所值.

見到民華餐廳係openrice的榜首都一段時間了，很好奇想去試下，不過見食評又話窄狹又話排隊，自問係肥仔一名，雖然我喜歡試食新嘢，但叫我排隊迫位，就真係唔好預我(如果唔係我早已去了豚王食至愛的拉麵，d friend話排足一句鐘:0)。呢兩樣肥人大忌真係不容我觸碰。一心想著與這店暫時冇緣。碰巧今天去旺角出差，二點經過仍有十人左右等侯。到了下午三點我完成任務經過，人龍已消失，我即箭步入店，有侍應安排入座，竟然係四人位，立即坐下，叫個茶餐。頭盤多士炒蛋、餐肉。正如其他食家話佢個多士係無懈可擊，外脆內軟，但內裡濕度不會過高，絕對跟澳牛有過之而無不及。另，炒蛋有蛋香，有d牛奶味，又似落了忌廉，有咸味，油不多，算係健康之選。我個人較喜歡澳牛的超重味牛油炒蛋。主菜我要個叉燒意粉，忌廉湯底很濃，我鐘意；可借叉燒卻不夠肥，半肥瘦先係我杯茶，不過仍算香口，意粉爽身不林。奶茶頗滑亦有茶味，算中上貨色，不錯。In sum,這裡食物的確不過不失，不能說什麼特別食物，但值得翻食！

見到咁多好評, 咪走去試下囉, 因為我好鍾意食炒蛋, 所以一心都係食炒蛋.約七時到, 要等幾張枱, 因為我地唔介意搭枱, 所以等3分鐘就入得. 見到個餐牌, 常餐要成$30, 唔平, 但都要試. 叫左蕃茄牛肉通粉, 多士餐肉炒蛋, 同凍啡.多士係厚既, 都幾好, 餐肉得半片, 都唔太薄, 炒蛋就冇咩特別, 唔夠澳牛滑同好食, 仲要貴過佢, 至於個蕃茄牛肉通粉, 個湯底ok, 係鮮茄煲出黎, 唔係用茄汁加水, 但d牛肉就不敢恭維喇, un到死, 舊舊趙完都要吐返出黎, 死未所以都係會去番澳牛食炒滑蛋, 要排隊等都冇辦法

見食完午餐未飽，咪在此食個下午茶囉，估唔到星期一嘅三點三時段都坐滿哂人．今日叫咗常餐嚟食．講回味道方面，火腿勁鹹，配以味淡嘅炒蛋啱啱好．至於蛋嘅質感唔算滑同好多油，味道一般．牛油厚多士烘得香口鬆化，好味．蕃茄湯豬肝通粉，湯底有濃濃嘅蕃茄味，酸酸哋又唔鹹，幾好．豬肝質感煮得爽脆唔老．通粉就過腍．凍奶茶有茶香，但唔夠滑．一句講哂，此店味道中規中矩，不過不失啦！！

民華餐廳氣勢如洪~短短開業數月已穩座openrice之冠~知道澳牛型常餐抵達地理極方便o既旺角之後真係好振奮~因為一向都非常鍾情於厚多士~今晚終於有機會一嘗呢間人氣一時無兩o既民聲餐廳~!!!7點幾左右去到...人唔多~好快就已經有位~行入去o個陣已經見到好多檯面上面都係放住常餐o既厚多士~見到已經覺得非常吸引~被安排坐一張2人向牆檯~由於感覺真係好迫~於是我同朋友就換左張4人檯~要注意o既係每張檯附近總會貼住個牌大約寫住話落左單之後無得轉檯~而且我同朋友坐左一陣~係真係見證到d satff係唔會比d人換檯after落單...所以引起好多顧客o既不滿~~呢樣各位食家真係要留意~講返野食~~呢度o既選擇真係比較多~唔似澳牛只得火腿通/意粉~而係可以有以下o既配搭~~A+B+C+D~成為一個常餐~只售30蚊~真係令我愛不釋手~!!!!個粉重可以改做公仔面~米線....多好多CHOICE~!A:即烘牛油多士/牛油方包~B:火腿炒蛋/餐肉炒蛋/煎雙蛋糕C:鮮茄牛肉通粉/鮮茄豬潤通粉/火腿通粉/叉燒通粉/薑絲豬潤通粉D:飲品(咖啡或茶~凍飲加2蚊)而我同朋友就分別叫左多士+火腿炒蛋+鮮茄豬潤公仔