殿 大喜屋

營業中

休息中

同朋友聚會其實食放題都唔錯架，一般人會覺得放題比人感覺座位又迫而且又急又快，不過今次殿大喜屋就唔同喇，座位好闊，枱與枱之間唔會迫到密密麻麻，同朋友傾計都無咁尷尬食放題當然必叫刺身，質素係預料之中咁好，厚切新鮮，當中我最鐘意吞拿魚刺身，好味道小食當中較突出有芝麻雞翼，明太子燒玉子，食落去仲熱辣辣架海膽手卷埋吞拿魚蓉手卷都好好食，海膽鮮甜令我有意外驚喜，我都不停食左好多卷海膽手卷真係非常好食 一定要試甜品都有好多選擇，不過我最鐘意當然係雪糕任拎任食啦

殿。大喜屋號稱係高級版既大喜屋，食物同服務按理應該更好。不過今次特登同女友喺聖誕節過黎食，感覺只係一般般🤔首先，卜位果陣店員話要俾三百蚊deposit，咁ok fine 佢驚人甩底保障自己無問題。當日去到門口，知道就算卜左位都要排隊等都算喇，但排排下竟然出現兩條人龍，原來其中一條係排緊隔離間拉麵店既，搞到後面啲人企到錯哂，有啲就趁亂打尖添，果下真係有啲炆囉之後上到去坐低左，我地就狂叫野食咁啦，但甩單勁犀利囉，除左最早叫果啲魚生同炸物外，其他果啲都要三催四請先有.....食左個零鐘已經叫我地埋單先，然後無耐就截單，啲人出去拎甜品都被一一制止.....邊有放題會咁架不過都有可取之處既，例如坐得舒服啲啦，有清酒飲喇，魚生味道好啲啦，甜品有movenpick 雪糕啦（但只得朱古力味）本來想俾負評，但總體又未去到非常差既地步，所以都係手下留情了

殿大喜屋既質素比起其他店真係差好多 本身選擇已經吾多 仲可以咁難食 就係會令我對放題失去信心！！ 聖誕節附近去食 都要成400蚊一位！佢有手膽手卷 movenpick 雪糕 同哈根大師哈 日本酒任飲！ （甜熱都有）仲有好多小食例如沙律 開胃菜 枝豆等等佢除左魚生比較吸引之外 都無咩吸引到我再去！ 佢既海鮮係極難食！係完全干身同雪左好耐咁！其他野都麻麻地

一家三口5:30去到就有得入座，飲品都是平時個幾款，多左即制薄荷七喜（有好小酒精）都幾好飲，出野食快之餘食物都有水準，刺身同海鮮非常啱我地口味，最後緊是要食埋雪糕喇，是三款貴牌子，食飽飽就去倒數

我記得上兩次黎殿大喜屋 都比佢好好既評價 今次真係令我都幾失望呢個海膽睇落好似好多好慷慨咁 以前佢用果種係大大片既加拿大海膽 好記得果時黎係一點腥味都無架 兩次黎都非常滿意 今次我同男友每人叫左兩個 食第一個果陣我地都覺得太腥啦入唔到好 以為可能係咁岩姐 但第二個仲更加腥 同埋好苦 所以即使呢樣係回本菜 之後都無乜人排 可能大家都覺得今批真係唔得其他野就比較好d gea...自己夾既熱盤都 refill得好快 西蘭花好好食好多芝士又夠熱 其他就算啦 個蟹鉗就真係唔錯 雖然唔係咩好特別既野 但起碼入口清甜 夠凍但又唔會成口冰再黎一盤魚生 只可以講係不過不失 赤海蝦無之前咁新鮮 個蝦頭都有點黑 蝦肉色澤暗淡 食落都ok gea 拖羅就唔錯 有魚油香 其他一般啦叫左少少海鮮試下 蟹腳比較瘦小 但都食到蟹味 可以既 玉子燒其實佢兩種口味都整得好好食 不過可惜好快就凍唔知點解 如果係熱騰騰就好啦一定好好味呀!!!其實以前既殿大喜屋真係好好食 比起其他放題係超曬班 所以係節日咁大陣杖反而失準 有點失望架都！希望盡快改良返啦!!!

朋友生日，佢話想食放題。我男朋友之前試過呢間話唔錯，不過放題黎講就幾貴下。但男朋友推介點都要試一次，咁就book位啦！食完發覺，唔怪得佢收咁貴！d野食好高質！如果下次有特別日子，我一定再去食！同朋友早左10分鐘就到，出面已經排晒隊，仲以為walk in客，點知全部都係有booking😂😂到夠鐘就齊齊行樓梯上去。一入到門口右手邊，已經見到d甜品，飲品🤤仲有師傅準備緊壽司🤩坐底之後當然喪點野食😂我同我fd一人負責一本order紙，想食咩就喪嗌出黎！落完order就出左去攞少少冷盤食，我一返到去，刺身已經到左🤤三文魚、赤蝦、甜蝦唔多講！重點！拖羅！！真係第一次食拖羅，原來係咁好食！入口即溶就係呢d！另外我地發現好多放題都有芝麻雞翼，呢間都唔例外。好香好脆，入面d肉好juicy!真係必食item!!芝士玉子燒，芝士加蛋既組合冇得輸！有待應同我地講有海膽手卷拎，即刻衝左出去拎！嘩佢d海膽好好味！真係鮮甜味！完全冇腥味！同埋d飯唔會好多，海膽份量係多架！我地一人出去拎多次黎食😙😙我地去過既放題通常都係雪糕都係一人一杯，我哋以為呢一家都係啦，結果出到去先發現原來雪糕係任拎，仲要係好多高質嘅雪糕！😭😭

平生第一次寫食評，就係為左呢間“殿”。食過幾間大喜屋，一向品質唔錯，本來平安夜唔介意加多幾十蚊食間最貴，老老豆豆，378加1後近420一人係聖誕檔期唔算平啦，但無講論食物質素，款式多寡，賣相，服務，這家可算是最差的!!! 刺身盤，牡丹蝦好腥，蝦頭又黑晒，帶子超細粒超薄，擺放亂糟糟，疊住晒，假花求其插而且舊和污糟! 簡直無賣相可言!長腳蟹其實質素不差，但order第二轉已開始只有頭頭尾尾，而且唔知係新鮮定冰鮮，未溶雪就上台，order 數量就無出齊，無論你叫幾多都係出4件，其中只有一件是腳。熱暈，我係食7點45個section, 叫了近1小時還沒有出，追單沒人覆單，但追客賣單又好快，第一轉熱暈order都未到就被催賣單，當時約是8點45分。9點鐘未夠已催last order，還說甜品柜9點15分就鎖柜，但我食個section係8點45分才完，試問有那間放題不許客人食到最尾架? 海膽手卷跟樂天大喜屋一樣都係要排隊去拎， 總結下來，比其他大喜屋，這家只是多了movenpick 和milktop雪糕，tuna toru （但質素唔見得好，好肥但不甘香）但熱暈款式更少。真心覺得這呢次係很差的

一直都覺得大喜屋有種離地既感覺，一餐放題要成三百幾四百，所以佢開左咁耐，我都未食過。但，因為朋友中左某大獎，開口話請我食大喜屋，仲要係殿大喜屋。難得今日咁開心，就索性打篇食評黎好好紀念下。點餐簿幾多元，有兩本唔同既簿比客點，而且啲相都算影得幾好睇。除左寫紙，仲有自助吧。呢個區域令我最吃驚既，係佢竟然有章魚丸。平時食放題，雖然就話係食日本野，但日式小食章魚丸真係唔多見，竟然係度有得自助夾，真係令我幾吃驚！除左章魚丸，日港前菜小食，都可以係度搵到，枝豆呢啲算係大路，但佢仲有瑞士雞翼、蒸魚，真係算幾多元化。「良心企業」壽司算係中規中矩，飯唔係大大件，想食到你飽果隻，飯上面既刺身係明顯地可以覆蓋度件飯既。而且多厚，唔會感覺想慳成本。海膽甜蝦壽司個海膽唔腥，估唔到同個甜蝦都算夾。係某啲特定時間，係可以出去自取海膽手卷。但因為實在太多人排，所以最後就冇出到去。但見格離位個個個手卷，啲海膽好似山咁高，就有啲後悔。單點既刺身就冇咩大問題，大部分既刺身都係預期之內既味道。不過要讚既係，刺身係咁多款食物中，上菜速度最快既，無論第幾次落單都係。「面面俱圓」燒物係我比較期待既野食，因為一食燒物就知呢間餐廳既質

最好吃是燒和牛 牛舌 炸物，甜品則是牛乳布丁。其他質素不過不失。好嘅地方系食物質素ok, 服務態度不錯，即使有漏單也會跟進。有待改善嘅地方系 甜品總類太少。總的來說，可以值得再來，但不必太高期待。

之前成日見到殿大喜屋勁多人排隊,所以就同朋友BOOK枱試下一夠鐘就放啲人上去地方好大同闊落 坐得好舒服自助bar有好多野揀刺身既款式都豪華,例如三文魚,油甘魚,蝦,拖羅等等蝦好大隻好多肉,希靈魚好新鮮冇腥味拖羅好厚身仲有限時出去拎既海膽手卷同拖羅蓉手卷佢會有鐘聲提示你要出去排隊拎,勁多人衝哂出去不過排左一陣就有,效率幾高海膽都幾多,唔腥,幾Creamy拖羅蓉幾重魚油味熟食都有好多選擇連木瓜湯都有,仲要係原個燉木瓜味好重,幾潤雪糕仲要任食,好多款揀,乜牌子都有炸榴槤波最好食,入面勁多榴槤,好重味

大喜屋 应该好多人都食過！ 每一款有魚生既壽司都好新鮮。而且，各種食材配搭得好好，加上賣相擺得好靚好整齊，值得加分。不過記得趁熱食啦，如果唔係啲炸衣好快就會淋曬啦！

試過先知原來日式放題嘅質素都可以咁高嘅，殿大喜屋嘅放題種類多到嚇親人啊單單飲品已經幾十款，而我最愛嘅雪糕都有勁多種口味，真係試勻所有口味都可以食好耐啦食放題又點少得刺身呢三文魚件件都係厚切，入口就知超新鮮啦，扇貝更加係大大粒添但係我就唔中意甜蝦了，感覺麻麻地啦，最愛長腳蟹，新鮮得來仲要啖啖肉，根本停唔到口啊，青口都唔錯，食落完全無腥味、無沙，好正！仲有雞翼啊，超級好味，食完仲有好多款新鮮生果可供選擇，唸唔到食咩，來殿大喜屋就乜都有得食，下次一定要再來

難得紀念日，梗係食返啲高級少少嘅晚餐賀一賀佢啦。咁我地就簡左呢間係放題界都出色嘅舖頭。咁一坐底就梗係瘋狂點野食啦，任飲任食架嘛！點完之後，就出左去睇有咩野食同飲品拎啦，發覺出面已經有啲小丸子呀，炸物同其他熟食啦。係飲品方面，竟然有apple cider 飲！咁最重要嘅刺身就已經黎左，大大塊嘅三文魚刺身，仲有好多好多唔同嘅刺身，加上好新鮮，所以都食得好滿足，大啖大啖咁食！之後仲黎左個好特別嘅食物，就係鐵板燒和牛！啲牛好貴大塊，真係一啲都唔慳皮，而且都非常好食，好淋下！跟住仲有去排左個限定嘅海膽手卷，係排之前仲懷疑究竟係咪值得排架，但係食完之後，係完全冇左呢個懷疑。因為海膽食得出非常新鮮，而且海膽嘅份量都好多，唔會話俾得少少你。仲有，叫左個冇乜地方有嘅蛋卷，口感好豐富，用料亦都好足，蛋中間仲有啲半熟嘅蛋汁，好好味！總括而言，今晚食左好多好多野食，亦都好豐富，好好味，大滿足的一晚！

食物選擇超多，分類清楚， 服務態度超好，一入到去門口需要超多人，旦等佐一陣都有位，餐牌項目超清楚，刺身好新鲜， 有三文魚， 甜蝦， 帶子，帆立貝幾好食，醬汁超正，壽司卷物尤其花之戀，味道好鮮， 一品料理配搭超有創意， 口感唔錯，炸天婦羅鬆脆，值得一睇既係，呢間感覺比較高級，樓底高，各種飲品有清酒，水果，甜點和雪糕都係自取，仲有小食熱食bar和手卷bar，呢間真係一間幾有質素既放題，口感又好，下次一定再黎！

遲左去食放題！但班fd子已經食左一輪！野食又未到!最彩有個勁大既小食區！沙律！炸物！雞翼！咩都有！個蟹鉗超好食！勁清甜！蝦丸都估唔到係彈牙!勁香口!小丸子熱辣辣！好食!由於班fd子已經食左魚生！我就叫自己想食個d！當然係瘋狂order拖羅啦！而度既拖羅正到飛起！又夠哂肥美！入口就溶啦！勁好正！又夠厚切！帶子又係可以瘋狂encore!又大粒又清甜！仲有海膽手卷可以拎！差唔多半板海膽係上面！好豪好正！壽司到!開心到呢！個賣相1000分!有好多好新款既壽司!燕窩魚籽花之戀個魚子勁香！龍蝦沙律吞拿魚又係高質！個沙律勁香濃！同吞拿魚好夾！拖羅卷又係高質！勁有芝麻香同拖羅肥！正！再加埋沙律醬味同蔥香！嘩！仲有玉子燒！D閒太子多到流出黎！好香口！冬天補一補仲有燉木瓜！唔會太甜！剛剛好！木瓜好好食！重點係雪糕任食！有movenpick 同哈根大師！正！