殿 大喜屋

營業中

休息中

我第一次去殿大喜屋Book左9:15我亦都準時去到話說當時係counter前面堆左一堆人應該係4枱客人左右因為個staff係咁處理緊d野，咁我咪耐心d排隊等入座等到9:20個staff叫有無book左9:15既客人我話有佢跟住用個walkie talkie唔知講咩再等左一陣就同我講無位, 話我遲到個刻我嬲到呢，你無留位比我就無留，點解要屈客人遲到，仲話有問有無人book左位，但係無人答，我成個人企係你面前，睇住你放個兩枱我以為有訂位既客入去，咁既大話都講得出。一晚既好心情就咁無晒，食物幾好食都無用，我地幾個係細個d比較好hub, 但係都有比錢。如果你係選擇性放客入去請講聲，我唔需要受d咁既氣。

年初七，公司仲未開年，就同事仔約埋去食日式放題開心一下先，今次朋友推介咗呢間殿 大喜屋，平時dinner time 行過THE ONE 隔離就會見到呢度好多人排隊上嚟食放題，心知受歡迎👏🏻，今次終於可以試到了！殿大喜屋全層，環境好大，座位舒適，乾乾淨淨，光光猛猛，食得幾舒服😌！另呢度落單超級快，食物上得好快，我地兩個人叫咗第一轉，只叫了1/4 食物，都已經放滿晒枱面，完全無漏過單，呢樣嘢做得唔舒，服務人員又快手又有禮物，要俾個like 佢地吖！👍入正題，先點咗刺身，每樣都新鮮無問題，每片都幾厚，一啖食好滿足！另仲試咗個殿堂級推薦，鯨龍薄切伴海葡萄🍇！幾特別同鮮味，不錯！😽👏🏻還有凍蝦凍蟹都係不錯之選！也試了和牛薄燒，薄薄一片入口即溶，和牛嫩滑，超正！🤩🤩一口牛入口亦相當軟熟，仲好有牛肉味！牛舌都燒得很香and 好惹味，薄薄的又挺彈牙口感，令人感到滿意！😚😚芝麻雞翼同炸生蠔，超熱超脆，滿足！炸蝦天婦羅同炸南瓜天婦羅，一樣都唔錯，炸粉唔厚，無食到一口粉🤣海膽手卷，即叫師父喺你面前整，所以紫菜仲係好脆，海膽份量都幾多，即整即食夠鮮味不錯，必食推薦！🤗明太子香葱玉子，蛋夠香軟嫩滑！燒虎蝦都不錯

Daikiya was perfect at its price when I visited Daikiya a year ago. On the last day of public holiday in Chinese New Year, I gave a try to Tono Daikiya, the priciest one among the 4 branches. Tono Daikiya costs higher because of the buffet area and varieties of sashimi such as urchin. $328 for any 2 hours. The hands roll from the chef at a long queue of around 10 minutes. Sea urchin hand roll, tuna and shallot hand roll. On the left the cheesy meatballs were from buffet area and grilled beef ton

大喜屋間間分店都長期排隊，唔book位想食都難。今日book 6點，可能閒日唔洗排隊等𨋢上餐廳。坐低二話不說打開餐紙點呢樣，點個樣係等待食物既時間，出去自助區攞下沙律，小食食下先有八爪魚🐙，螺肉。都係我去食日本野必食的爽口又大粒刺身選擇唔多，大三文魚，希靈魚，帶子，北奇背，拖羅，象拔蚌，甜蝦，池魚，油金魚同赤海蝦。拖羅唔會太油，好juicy；油金魚好肥美，兩款蝦都好爽口，海蝦大隻多肉d好多人話食放題萬萬不要食壽司飯，會好快飽。但呢到既壽司做到細細件，唔洗泊食左好多飯啦右邊鵝肝帶子壽司，配上帶子，鵝肝味道更濃郁一件已經好滿足乜都重複再重複食，到最後要食甜品！新HD口味，櫻花🌸！點可以唔試餐廳仲有其他牌子既雪糕，一定要試下

本人都食過好幾次日式放題，第一次有食嘢似打仗的感覺😒昨晚一行廿幾人聚餐，早幾天已 Book 20:30-23:00。在樓下等人之際職員話要排隊……吓咁 Book 咩枱呀！原來他們是全埸分時段式，即是上一輪食完，全場清理好再入新容。問題即同時爆發。1. 進出餐廳唯一途徑~只有兩部各容納10左右的升降機。2. 一百幾十位飢餓食客同時落單/攞飮品亂到七彩。3. 漏單已是正常，一些即製食品半小時到未到。4. 無人收碟就不在話吓(為有自己執😞)在一偏混亂之中食到22:00都無嘜印象自己食咗D咩！唯有印象成囗榴槤味，同超迷你壽司(正常的1/3大小)整體食物能新鮮，款式多。嗜榴槤的朋友一定滿足(有炸榴槤球，榴槤糯米糍……)，全部都好濃郁榴槤味。於本人來說~好難有下次(只是有食物來就放入口，不是享受美食)。

好耐冇食個放題，午餐時間突然癮起，做相約同事到這裏吃午餐放題。這間被評為最高級的大喜屋，當然有一定的期望。 首先點了一盤刺身，最矚目的是有拖羅刺身。這幾片拖羅刺身絕對沒有令我失望，有看得出的油花，顏色粉嫩，入口軟化。其他刺身大致上和其他大喜屋店相近。整體不錯。海膽手卷，海膽份量都幾多，口感軟綿綿，沒有腥味，也挺鮮甜。值得encore，略嫌飯多了一略。紫菜很脆，有驚喜！火炙三文魚腩壽司，油香充足，細滑，味道絕對不輸元氣。薄燒和牛牛肉味濃，蒜片香口有誠意。芝士年糕，每次到大喜屋必食！芝士流心，年糕外皮煙韌，好食！燒帶子醬油好味，帶子唔腥牛舌有點太乾燒物有進步空間，羊架調味不錯。豆苗都有 呢樣都有驚喜！好新鮮，又唔老。甜品方面十分滿意有Haagen Dazs 限量嘅cherry blossom,好食呀！仲有movenpick 嘅合桃味，勁多合桃粒。另外仲有幾款都正，但太飽無食了！

放完新年假期後第一個開工日，同事們團拜後，約定今日放工後去食返餐，祝賀新一年工作有好成績，同事訂了位於尖沙咀金巴利道的殿 大喜屋日本料理，因為其中一同事食過，話好底食，食品質素又𣎴錯，座位舒適，今晚就讓我們試試吧！刺身都好新鮮，拖羅、三文魚肥美，油脂甘香，大大隻赤海蝦爽甜，重有美味的長腳蟹、凍蝦、青口和凍海螺高級食材任食。火炙壽司：滋味黃金蟹棒、蒲燒海鰻、京蔥燒三文魚腩、金沙燒海蝦。材料經過了火炙，再加上特製醬汁份外惹味！用餐中途有侍應手持搖鈴，噹噹噹的聲音一響，食客們立刻出去排隊拎取特製手捲，我也跟隨大隊拎了海膽手捲，海膽份量不少，一排金黃色的鮮甜海膽，脆口的紫菜，加埋壽司飯，非常美味！北海道燒帆立貝，用特製醬汁加在帆立貝上，焗至金黃色，好惹味。還有炸物和天婦羅都是即叫即做，有一種係好少放题有的，就是即叫即炒蔬菜，我試了炒豆苗，好夠穫氣，味道不錯。燒物即叫即做：燒香草羊鞍，香草味濃，再上黑椒，令味道提升不少。蒲燒鰻魚，燒汁味香甜，不錯。特大海皇蝦，蝦肉彈牙，再加少許鹽更添鮮味。還有不同種類的熟食和一些特色創作的日式食品，多款甜品、雪糕和飲品，清酒任飲任食，真是殿堂級享受！令人回味無窮

今日人日，人人生日🎂，媽咪早一個月就同我講幾時帶佢食高級日式放題😋🍱🍣🍛🍥🍜🍶🍴！因為成日見到啲廣告介紹有幾好食，佢同我講嘅時候，我第一個時間就喺度諗，既然媽咪開到聲，就一定要帶佢食最高級嘅日式放題🤩🤩！即刻上網做下research🧐🧐，呢間殿 大喜屋人氣最高。好！就嚟試吓呢間龍與鳳🤗🤗！一上到去餐廳，果然有帝王式嘅享受，全部都係卡位，座位非常舒適同寬敞，比起普通大喜屋係有啲唔同，🤓果然係高級同貴少少！好！睇吓兩本字典有啲乜嘢正嘢食先！😏一樣都係有刺身、壽司、燒物、鍋物等日式食物外，仲有一樣必食推介，呢度嘅海膽手卷竟然係任食！我呢個海膽控，又點會放過呢個回本好機會！首先我拎咗兩個海膽手卷返嚟試吓先，外觀已經唔錯，份量很多，一啲都唔吝嗇，一咬落去紫菜係脆的，海膽好鮮味，日式放題海膽就唔識真係少見，所以我忍唔住食咗六件！哈哈哈！🤤🤩😎🤓跟住另一推介就係和牛薄燒同一口牛！🐂🐂呢兩樣對我呢個牛魔王來講係必食之選🐮🐮！和牛燒肉大大片上台，一放低就已經聞到牛肉嘅香味，美味。另外一口牛，絕不比和牛遜色！媽咪話呢個一口牛，牛肉味濃厚，反而有入口即溶感覺，🤤🤤仲好食過和牛添！😋😋跟住媽咪係個蝦控🦐，刺身

約咗個friend聚舊，傾下近況拜下年， 佢話想喺減肥前食餐好嘅。 咁就梗係要食好啲， 佢仲book埋位地點就在尖沙咀金巴利道。 此放題在雜誌中都有介紹，係同系列放題店中稍為高檔貴價。 我們book 了八點半場次， 去到先往大堂取"入咗票"等一會便可以準時入座。 喺門口等嘅時候看見大量精美甜品， 眼睛可以先吃。店內裝修 果然是比較grand， 單座位唔算太闊落。各種大路放題飲品也有供應， 另一邊有幾款cocktail和梅酒。場外座位唔算寬闊。 但見裝修有點心思盡顯grand的氣派。 飲品選擇多有韓式啤酒cocktail酒精飲品，各式各樣放題常見的罐裝飲品。鯨龍薄切 配海葡萄海雲。 這款刺身在某高級食肆吃過， 每片鯨龍切得薄薄晶瑩通透， 蘸海云醋係最fit不過千祈唔好點豉油 因為魚的味道很清新並有淡淡魚香。鵝肝醬蘋果醋汁果然是一人份量相當迷你， 但說好了的果醋汁在哪裏呢? 鵝肝醬放在已生锈薄片青蘋果更加夾硬來， 因完全沒有油份， 感覺單調和有点dry。明太子香蔥玉子難得煎香的玊子仍然嫩滑有蛋汁， 明太子帶微微的辣， 甜蛋配鹹鹹的明太子 鹹甜交錯相當惹味。 明太子迷不要錯過。芝士玉子鹹牛肉

殿大喜屋@尖沙咀一開頭寫完紙仔諗住啲嘢冇咁快上就喺出面夾咗啲涼菜食吓，選擇都幾多但係原來啲嘢食都上得幾快同齊所以記得留肚 😂喺出面攞嘅，隔一陣再出去都有 refill 同換款 👍🏻壽司刺身好新鮮，壽司擺得好靚！右下角係燕窩魚籽花之戀白色嗰啲就係燕窩喇～仲有爆滿嘅海膽手卷！好正！蛋類食物都幾好蒸蛋滑得嚟好多料 ☺️玉子卷都唔錯㗎串燒類同燒物都好食唔會燒到好乾甜品有自家製嘅，細細件味道同賣相幾好食多幾件都 OKhaagen dazs 等等有牌子嘅雪糕雪條都有～ 我飲咗有果味嘅 hoegaarden，好好味！清酒梅酒都有 😋

二月系我生日既月份，朋友們提早約我去食生日飯；大家知道我系一個放題控，所以約左我去食放題  - "殿．大喜屋日本放題"。聽朋友講依間放題款式多，而且食物質素優質；絕對吾會系伏喎！聽到朋友們甘讚就一於試下先。餐廳果然好多食客，放題中有吾少既自助區；當中有熟食、飲品、甜品、前菜小食區 等等；令成個環境個感覺好熱鬧。話雖如此，餐廳既座位位置一啲刀吾覺得逼；可以慢慢享受食物呢！提提各位食客要留意住職員手上鐘既鈴聲，即代表有正野食；記住去排隊啊！今次既限定食品有藍鯨同海膽手卷；食客一次只可以揀兩個手卷。海膽對於我黎講十分重要，所以今次我揀左海膽手卷！海膽手卷：真材實料既海膽，餐廳的確大方地比左一梳梳海膽於手卷上；入口即溶而甘香，無腥臭味，十分新鮮啊！好正！刺身：我最愛既三文魚好厚身，所以好有口感，食落充滿魚油既味道；赤蝦同甜蝦 二者同樣鮮味爽口；象拔蚌好爽口啊！另外既刺身同樣地新鮮而不腥！芥末八爪魚壽司：八爪魚大大粒食落煙煙un un，芥末味好足，食落好新鮮。 鹽燒左口魚壽司：燒到岩岩好，左口魚入口即溶於口中，一口一舊吾會太飽肚！北海道燒帆立貝：味道比較重，當中既帆立貝鮮味而不乾身。炸天婦羅海蝦

放題嚟講，大喜屋系列係信心保證 😂刺身壽司同熟食都各有一本點單紙咁多 choices而且食過幾次都冇漏單呢啲情況除咗啤酒又有 sake、梅酒同 tequila 任飲，啱哂我老公！酒精飲品係自己斟～ 想飲幾多都得呢隻梅酒幾好飲 👍🏻另一個中意呢度嘅原因係啲嘢整得精緻個海葡萄好新鮮鵝肝又係擺得靚靚切得厚厚一大片 😋海膽手卷係老公出去攞嘅 ☺️ 做到嘢～海膽好大板同 creamy！！！好啱酒鬼嘅啤酒啫喱，哈哈都幾特別玉子燒有芝士同明太子兩種兩種口味都好食！一口牛幾惹味和牛鐵板燒就可以逐片逐片 order牛肉質素幾好，兩種牛都唔錯壽司刺身呢啲 keep 住水準都好好，夠新鮮 😆炸嘢啲炸衣夠薄脆花甲隻隻都係癡殻㗎！完全無甩皮甩骨竟然有櫻花味 haagen dazs 雪糕！

放題就食得多啦, 但系裝修甘靚 甘豪華既放題都系第一次見, 樓下排完隊，拎住張飛上去已經有職員輪住帶位，好好服務，座位好闊落, 4人台黎既 但系2人坐, 所以坐得好舒服, 唔會好迫, 2張台可以放到好多野食。平時日式放題都好少見到有蟹食, 但系呢到有長腳蟹, 仲有cocktail, 清酒, 梅酒供應。生日訂位仲送呢個DreamBall 願望球，差唔多時間佢就自動送上黎，唔需要提佢，安排得好好😍好驚喜。💫放題黎講，食物真系好豐富，價錢應該貴平時放題少少，值得一試。但我唔記得幾錢🤣💫店員好有禮貌💫成日幫忙清理台面同埋換碟💫上菜速度快，仲要無漏單，真系好滿足。

第一次寫食評，唔寫唔得!侍應可能太忙，唔得閒執枱，大部分時間要自己執叫侍應執又話等等，等等下又唔見左人…落單侍應&兩個女部長態度都語氣差，但送野食既侍應就ok, 有禮貌。嚴重漏單，落一半漏一半，有d 野食等左一個鐘都未黎，再催&落單，侍應就悔氣話落左唔洗再落……我話等左成個鐘都未黎，佢先肯幫我落單…火都黎埋截單，埋左單先唔再漏單e 個價又唔係平放題，野食又唔係好食同特別，又唔算好多野食，雪糕又唔算多味，食過咁多間大喜屋旗下既放題，e 間算差…真係食一次就夠…連隔離枱既客都係咁講…

好耐冇食過自助餐，朋友吹雞話出來吹水食飯，未試過一於去尋食吓先去到未夠鐘入場但已經在門囗排長龍，到夠鐘就見到一窩蜂入場個個爭分奪秒入單和出動瘋狂取食物，呢間店人手好足，好多待應手腳好快見有好多食物選單俾我哋選擇，外面有好多熟食、甜品、雪糕和飲品俾食客自取，入左單唔使十幾分鐘就有食物送上刺身，好大件好新鮮好正汁煮和牛粒和醬汁燒牛肉，味道味美，牛味唔差炸蝦天婦羅和蝦串燒，蝦肉彈牙爽囗，唔油膩海膽手卷，好多海膽，好creamy燒羊鞍，燒得比較熟，唔夠嫩滑鹽燒雞翼，味道幾好，不過乾身左d壽司，唔夠飽可以試吓，其實唔太差，但未算最好飲品就正，好多選擇，還有啤酒、曰本清酒和梅酒甜品，就唔係我既至愛，冇乜點試，但見都有好多款，至於日本3.6牛乳布甸就一早俾人攞晒雪糕，都有貴價貨，有Haagen-Dazs 、MOVENPICK……每人三佰幾，可以有噤多嘢食，算唔錯