殿 大喜屋

營業中

休息中

大喜屋、極尚大喜屋、樂天大喜屋、 殿大喜屋!!   登入網站   “他們的理念 – 以人為本  降心以樂、行之正道  互利互榮、眾志成城  同心同德、厚德載物  百川匯海!”   我從來未登入過大喜屋網站，但以上四間全部幫襯過，仲不止一次，所以有信心地邀請一家大少前來團年。登入openrice 打算網上訂座，但人數較多 (7大人、1小童、1兩歲半BB共9個人) 所以便被指示登入網站訂座，對方很快便回電確定人數及BB年歲，並細心提出安排BB椅俾BB。我book晚市自選兩小時 7:30 – 9:30pm.  訂座過程非常愉快，仲收到whatsapp 確認，感覺非常安心，亦即時存入$500訂金。三日後收到殿大喜屋來電告知必須要 9:00pm 交枱，就算自選時間都係9:00pm 還枱，多番討價還價終於皇恩浩蕩地延至 9:15pm.  挨年近晚揾錢要緊，明白既。 用餐一日前再收到 Whatsapp 確定人數及時間，感覺仍然窩心。當日第一位家人 7:05pm 到達，被安排一張 8 人枱枱頭尾一邊貼牆一邊只容得下一個人側身過，枱面有 8 份餐具。但BB椅沒有安排，講真個位置實在放唔落BB椅，所以當場

朋友仔突然好想食放題，我地就提早walk in！5半時間到，好多人入座，等到5點9就到我地喇！一坐得就不停寫食咩，三文魚、北寄貝、甜蝦係必叫！連兩片魚生都咁多冰同有朵小菊花，真係想問係咪重用再重用？！壽司就麻麻，有紫菜包嗰啲就紫菜淋，呢兩款就少見啲特別啲！黄金蟹膏伴松葉蟹散壽司&千層海膽杯真心覺得食放題勁唔抵，唯有食啲貴價啲嘅嘢食，希望唔好蝕太多啦！個人推介鹽燒雞中翼，雞翼串燒單骨上，入味得嚟又方便食！下面嘅純為回本而點，但唔覺整得特別出色！花雕醉鮑魚北海道燒帆立貝殿堂咖哩蟹黑椒蜜汁一口牛海燕窩椰汁燉木瓜食得太多，最後叫個菜清清腸胃！瑤柱竹笙扒小棠菜7點半前離席有85折，食完臨尾都食個哈根達斯先完滿！

同事介紹呢間放題，大話都prefer 食lunch～今次3個人一起食，我始終都係覺得食放題要多人食會更加開心😃哈哈，可以食多啲品種🤔 刺身好高質素，絕對可以回本🤣🤣還有海膽手卷都好正，不過我個人就覺得羊架一般般，我對羊興趣不大，覺得佢會有陣味🤭但朋友本身鍾意食羊就覺得唔錯🤪🤪

今天去吃的，感覺味道不錯，比之前吃的同屬於大喜屋的極尚大喜屋好吃，最重要冰淇淋不限量好讚呀，然後海鮮什麼的也很新鮮，蝦好吃，價格合適，300左右一位，位置也比之前去的寬鬆很多，雖然也不是特別寬鬆

食過好多好多間放題，大喜屋系列都試過晒，但食過殿大喜屋之後就返唔到轉頭，每次遇到返工辛苦都一定會想食餐好，食餐好就一定諗起殿大喜屋，work hard eat hard！😂食物水準一直保持高水平，玻璃豆腐肚嘅朋友食完都無出現肚痾情況，即代表殿大喜屋食物質素高、新鮮、乾淨！因為已經試過多次喺其他放題食完之後，朋友一出門口就肚痛⋯要立即搭的士返屋企😆另外上菜速度快，無出現漏單情況，職員服務好！星期一至四價錢比星期五至日平，但唔會因為平咗而質素下降，可能係不時不食嘅原因，食物款式會不定時更新。

之前食的放題，都是二佰尾價錢的放題，但食物質素都有將貨就價的情況，特別是刺身二佰尾都不是款款新鮮，今次訂了三百頭，發現這間放題絕對值這價錢，特別是刺身的水準很好。環境舒適有氣派，卡位也夠寬，先講放題主角刺身，當日的甜蝦，赤蝦和拖羅很新鮮，赤蝦的肉質實而不散，也沒未完全融雪的情況，另外甜蝦好甜，肉質好，拖羅有油香和魚味，池魚和油甘魚也新鮮，不是我去A放題的暗黑無光澤貨色，而且還是越叫越差的，但這間放題刺身無呢方面問題，由我食第一轉到第七轉都無漏單，無暗黑貨色。至於壽司我都有85分評分，花之戀的三文魚，這店是最新鮮，另外黑松露油甘魚也錯，黑松露份量少少好夠，太多味道極怪又搶魚味。火炙壽司選擇少，但水準好，特別係飯身夠實，唔會咁易散，而火灸的功夫沒過火。那晚驚喜還有花雕酒鮑魚，D鮑魚又鮮又彈牙，酒味淡然，幾好。凍點海鮮，松葉蟹腳好鮮，重點我愛它海水味淡，過濃反而搶走蟹味。雪糕甜品來說，以三百頭價錢有牌子雪糕是合理，但多些口味更好，至於其他甜點，其實這個價不可以和四星以上酒店比，但都叫有得食，OK吧。服務也比A放題好。

同事們想食放題，想食間好啲嘅開心下，殿堂級-緊係要黎試下先☺️8點半黎到都要排隊等下先。10個人，4張枱，坐得有啲迫🙈各款刺身都好新鮮，食完好滿足！仲有拖羅食，正🤩🤩海膽手卷要排隊先拎到，見條隊咁長就放棄左，不過有好鐘意食海膽嘅同事去左排隊，望落好細件，但佢地話唔腥，可以一試😂燒鰻魚好厚身好好食😋芝士玉子燒同明太子玉子燒，好食好足料！👍🏻牛柳粒同芝麻雞翼好好食🥰有好多種雪糕，我食左2杯Haagen Dazs 柚子味雪糕😂但甜品唔太吸引，就冇試到😂～刺身～～拖羅～～燒鰻魚～～玉子燒～～木瓜燕窩～同事話幾好食～柚子雪糕～

終於夾到朋友一齊唻食早場，19：30前埋單有85折，一向係大喜屋嘅 Fans, 好期待任飲白酒，任食 Haagen dazs, 結果有點失望。, 嗰隻超厚塑膠白酒杯，杯身花到矇哂，裝住啲啖黃色嘅白酒，見到都唔想飲，甜品普通過普通。帶子好細粒，比起$2xx 嘅放題仲要差,甜蝦頭勁腥，唔新鮮外型吸引，品質普通三文魚腩、左口魚、和牛火灸壽司合格配料多過粒帆立貝好多倍，細到幾乎搵唔到藥膳雞腳湯，飲多啖都驚有腎炎，勁鹹鮑魚味道可以，但腍得滯，冇咬口鵝肝帶子壽司，啲汁勁鹹，完全食唔到鵝肝帶子嘅味道羊架好肉味，剛熟，熱上，最好味的食物花膠合格，汁太杰，好難食多一碗完全沒牛味的一口牛，應該煮了很久，番熱再上枱薄燒牛，第二好味，蒜片香，應該是叫煮即上枱木瓜燕窩，結果係大大件overcook 嘅雪耳扮燕窩

有個朋友未食過殿大喜屋，所以我前幾日就陪佢去試下而我之前已經食過，覺得真係好正朋友唔太鍾意食刺身，我就叫自己既份量保持到水準～夠新鮮～任食池魚王正就連拖羅都係任食嫁通常放題任食都係呑拿魚，但係殿大喜屋任食既係拖羅完全係高出一個層次花之戀除左有蟹籽之外，仲有燕窩秋之精選有四款好有特色既壽司刺身我地就每款都嗌一樣試下賣相好靚，有成朵玫瑰花做裝飾！影相一流！當中既千層海膽杯我覺得係最正既呢個海膽杯係無飯既，有海膽蟹籽三文魚海带同雞蛋絲等等，好好味花雕醉鮑魚放題有任食原隻鮑魚，真係第一次見味道仲要唔差！我地不斷encore有我最愛既秋葵燒秋葵好好味麻辣酸菜魚鍋係我推薦既我見格黎個張枱嗌既蟹粥都好吸引講返個酸菜魚鍋先～麻辣味十足，d魚超級滑，食落一條骨都無芽菜都吸曬d湯汁，好正！餐廳完全保持到水準，朋友話今餐既放題越食越驚喜佢會再推薦比多d人

今日收工同朋友去左殿大喜屋擦餐飽既😬晚市放題1930前離座同2115後入座都有85折 所以我地1800入座食個半鐘都夠哂😆餐廳啲座位都闊坐得舒服 飲品都好多選擇仲有紅酒白酒 日本酒 啱哂無酒不歡既朋友仲有仲有咖啡、茶最最最貼心嘅係有熱櫃 有熱既飲品提供熟食區都有好多選擇分別有咖喱魚蛋、薯角、雞翼、章魚小丸子、炒飯同埋原條蒸魚 未嗌野食都有野醫一醫肚甜品區都係任君選擇 揀到人都癲刺身就嗌左三文魚、象拔蚌、赤貝樣樣都新鮮 還有乾冰效果壽司就叫左蟹子、龍蝦沙律、火焰三文魚、左口魚、鰻魚細細件甘無甘易飽 都叫左幾轉香草燒美鞍兩個人都係羊既愛好者 燒得好出色 食番夠本仲有海膽手卷待應會同每枱既人講 而加可以排隊拎啦 兩卷一客 無得tick order架好鮮甜 又多海膽 大滿足食飽之後就想食甜野架啦燒菠蘿好甜好好食 勁juicy 之後再拎左兩款雪糕haagen dazs同movenpick 簡直係飽到上心口

做飲食接待係辛苦我好明白 所以一直都好少去留難對方 但今日一黎呢位女子好輕易咁破壞哂我心情 一黎到無尾音唔係問題 留咗位8個我亦預佢俾唔到房我 點知呢位小姐問我7定8 我話呢一刻都答唔到因爲未知有無屋企人唔舒服黎唔到 我問一句7定8影響有幾大佢即話有呀7就俾唔到房啦 我即刻著火問佢難度8位就可以俾到房我？吹啤佢話又唔一定我滾住9秒9答佢8位 佢又即話 依家又無房啦咁嘅人點解可以容許佢企前枱？ 我真心覺得咁多間大喜屋呢間bad list中最高呼聲野食再好食啲人嘅質素咁樣 好難維持

好耐都冇食過放題，我真心中意食，因為好中意食日本野，同埋有時出街唔洗諗食咩！出街食飯差唔多價錢，放題就咩都有得食，多選擇呢間殿大喜屋最正就緊係地理位置好啦，係地鐵站附近，食完仲可以行the one!同埋地方大，餐廳又新淨 ！出面仲有勁多野可以拎！有熟食、凍盤、沙律菜等等⋯好中意食佢呢個秋葵，點豉油wasabi超正，食到我停唔到口，仲有個滷水雞翼，d雞翼整得好好食，好入味花之戀！放題必點，細細伴，唔係太飽肚 ，幾好秋之精選～ 千層海膽杯同黃金蟹膏伴松葉蟹散壽司！一杯杯，整得好別緻個和牛薄燒，都唔錯，肉質好嫩，個汁好甜，夠入味芝麻雞翼炸得好香好脆，仲有芝士年糕，咬落口好香濃嘅芝士味，口感幾好鹽燒牛舌同燒翠肉瓜都係必點吧！味道幾好！飲品都好多選擇，有汽水、酒、清酒、果汁，最正仲有野菜生活！飲佢幾包都抵！呢間放題都幾高質，下次可以再黎！

餐廳寬敞，座位很多，好快就坐滿人門口都好多人等緊位食物飲品甜品款式都好多 放題第一時間就叫刺身三文魚、赤貝、象拔蚌全都係我既最愛 樣樣都好新鮮最鍾意三文魚 厚切肥美，既鮮甜又爽口第二樣就叫壽司 忍唔住叫左好幾round d飲細細件 無甘易飽有我最愛既🥰海鹽燒左口魚左右魚火炙之後 入口即溶 魚油好香🥰三文魚壽司肥美 擺設又有心機🥰燒香草羊鞍香草味濃而且一啲都唔so 兩個人食左五、六件炸物方面都好多選擇🥰一口紫薯、炸年糕上台仲係熱辣辣、即叫即整食飽之後就想食甜野架啦🥰蜜瓜同哈蜜瓜好甜好好食 瘋狂夾左兩轉 都係我自己食哂飲品都好多選擇除左普通飲品仲有清酒、梅酒、日本酒 多到揀唔到 好正雪糕唔再得雀巢雪糕 haagen dazs🥳興奮興奮 食左cream cheese mochi仲有movenpick hehe

我個朋友係尖沙咀放工，所以我就去搵佢食飯，佢話想食放題，最後我地簡左殿大喜屋，佢呢間好食同多野食，簡直係放題中之冠！好開心，因為我地早去到，所以仲可以入坐，唔洗等，入到去門口已經好多人等位！開始劃野食啦～大喜屋刺身不嬲有保證，多曬新鮮，厚切，肥美花雕醉鮑魚～呢款係新野黎～鮑魚入味彈牙，我想食多幾隻一定要食我最愛的壽司🍣蟹籽軍艦，勁多蟹籽，好好食，超爽！仲有我最愛的芥末八爪魚出去排隊拎海膽手卷，真係好好食，海膽好甜好新鮮，手卷仲好大件，勁多海膽，我起碼食左四件，好抵蒲燒鰻魚又係一定要食，因為平時出去淨食鰻魚又貴，同多數都要配埋飯食，呢加真係任食唔嬲，好抵蒜麵豉炒虎蝦，好夠味，蝦都好大隻，又好入味，好爽口，配埋啤酒啫喱，好精緻蟹肉日式蒸蛋，呢個整得唔錯，d蛋整得好滑，下層仲有好多蟹肉海燕窩椰汁燉木瓜，成個木瓜刮黎食好正，個糖水好潤好足料呢間甜品都幾多，仲有勁多款牌子雪糕任簡，食多幾杯都抵返曬呢間放題都幾多不同種類嘅食物，果然有保證！

終於捱到放假的一天.可能上天憐憫🐰小妹辛勞工作左成個星期，今日竟然有個內地豪親戚黎請食🍣午市放題.係傳說中既殿-大喜屋！！ 估唔到午市放題都多人食（感覺除左自己，其他都係富人🤣）,食物都算多選擇 ✨但成餐放題最有印象都係呢set秋之精選😍.😋賣相好，味道都唔錯，尤其係有我的最愛-海膽杯，海膽都鮮甜，唔會有苦澀味.🐟仲有個白松露拖羅球，松露既味道香得黎亦唔會掩蓋拖羅既鮮味，亦係值得一試！👍.至於其他放題食物，都係正常發揮，不過壽司飯就驚嚇少少😖，雖然細舊，但飯水太多，醋味亦太重，食落漿口過酸，絕對不合格👎，可能為食客胃納著想，唔想大家食太多飯掛😂